ᑐᓴᕐᑕᐅᓴᐅᑎᒋᒋᐊᓕᒃ

ᒪᓐᑐᕆᐊᓪᒥ (ᐋᒡᔪᓕᐅᑦ 7, 2017) – ᖃᐅᔨᒪᔭᐅᖁᔭᕗᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ ᓂᕈᐊᕐᑕᐅᔪᕕᓃᑦ ᓅᕕᒻᐱᕆ 15-ᒥ ᑲᑎᖕᖓᒋᐊᖕᖓᑐᑦ ᑕᒡᒐᓂ ᐱᓇᓱᐊᕈᓯᕐᒥ ᒪᓐᑐᕆᐊᓪᒥ, 4-ᒥᑦ 7-ᒧᑦ. ᑲᑎᕕᒃ ᐃᓕᓴᕐᓂᓕᕆᓂᐅᑉ ᐳᕐᑐᓂᕐᓴᒥ ᑲᑎᒪᔨᖏᑦ:

ᓯᕗᓪᓕᐹᒥ ᑲᑎᖕᖓᓂᖓᓂ ᐃᓕᓐᓂᐊᓕᕆᓂᕐᒥ ᑭᒡᒐᑐᕐᑏᑦ ᐅᓪᓗᒥ, ᓂᕈᐊᕐᓂᖃᑫᓐᓇᑐᑦ ᑖᒃᑯᑑᑦᓱᑎᒃ ᑭᒡᒐᑐᕐᑏᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ ᐊᖓᔪᕐᖄᓴᕐᒥᒃ, ᐊᖓᔪᕐᖄᑉ ᑐᖓᓕᖓᓂᒃ ᐊᒻᒪᓗ ᒪᕐᕉᓂᒃ ᐃᓚᐅᔫᓐᓂᒃ ᐳᕐᑐᓂᕐᓴᓄᑦ ᑲᑎᒪᔨᓄᑦ.

ᖁᕕᐊᒋᔭᖃᕐᐳᒍᑦ ᑐᓴᕐᑎᓯᒋᐊᒥᒃ ᑲᑎᒪᔨᐅᕕᓐᓄᑦ ᐃᓕᔪᓂᒃ:

• ᑲᑎᕕᒃ ᐃᓕᓴᕐᓂᓕᕆᓂᐅᑉ ᐊᖓᔪᕐᖄᖓ ᐳᕐᑐᓂᕐᓴᓂᓪᓗ ᑲᑎᒪᔨ:  ᕌᐳᑦ ᒍᐊᑦ (ᑰᑦᔪᐊᖅ)
• ᑲᑎᕕᒃ ᐃᓕᓴᕐᓂᓕᕆᓂᐅᑉ ᐊᖓᔪᕐᖄᖓᑕ ᑐᖓᓕᖓ ᐳᕐᑐᓂᕐᓴᓂᓪᓗ ᑲᑎᒪᔨ:  ᐋᓚᓯ ᓈᓚᒃᑑᔭᒃ (ᐃᓄᑦᔪᐊᖅ)
• ᐳᕐᑐᓂᕐᓴᓂ ᑲᑎᒪᔨ:   ᓯᐊᔭ ᐋᓗᐸ (ᖁᐊᕐᑕᖅ)
• ᐳᕐᑐᓂᕐᓴᓂ ᑲᑎᒪᔨ:   ᐋᓐᑕᓂ ᐃᑦᑐᓵᑦ (ᑰᑦᔪᐊᕌᐱᒃ)
• ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑭᒡᒐᑐᕐᑎᖓ ᐳᕐᑐᓂᕐᓴᓂᓪᓗ ᑲᑎᒪᔨᐅᖃᑕᐅᔪᖅ:   ᐃᓖᓇ ᐴᑎ

* ᓴᐅᒥᐊᓂᑦ ᑕᓕᕐᐱᐊᓄᑦ: ᕌᐳᑦ ᒍᐊᑦ, ᐋᓚᓯ ᓈᓚᒃᑑᔭᒃ, ᓯᐊᔭ ᐋᓗᐸ, ᐋᓐᑕᓂ ᐃᑦᑐᓵᑦ, ᐃᓖᓇ ᐴᑎ.

ᑭᓇᒃᑰᓂᕗᑦ:

ᑲᑎᕕᒃ ᐃᓕᓐᓂᐊᓂᓕᕆᓂᖅ (ᑲᑎᕕᒃ) ᑎᒥᖕᖑᑎᑕᐅᔪᕕᓂᖅ 1975-ᖑᑎᓪᓗᒍ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ (ᐊᖏᖃᑎᒌᓐᓂᖅ).  1978-ᒥᓂᑦ ᐱᑕᖃᕐᑎᓯᔪᑐᐊᖑᓯᒪᕗᖅ ᐃᓕᓐᓂᐊᓂᕐᒨᓕᖓᔪᓂᒃ ᐱᒍᑦᔨᐅᑎᓂᒃ ᓄᓇᕕᒻᒥᐅᓄᑦ.  ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ, ᐃᓕᓐᓂᐊᓂᓕᕆᓂᖅ ᐱᔪᓐᓇᓂᖃᕐᑎᑕᐅᔪᖅ ᐊᐅᓚᑦᓯᔨᐅᕕᖃᕐᑎᑕᐅᑦᓱᓂᓗ ᐃᓄᐃᑦ ᐃᓗᕐᕈᓯᖓᓂᒃ ᒪᓕᑦᓯᐊᑐᓂᒃ ᐃᓕᓐᓂᐊᕈᑎᑦᓴᓕᐅᕐᓂᒥ ᐃᓕᓐᓂᐊᑎᑦᓯᓂᕐᒥᓗ.  ᑐᕌᒐᖓ ᑎᓕᔭᐅᒪᒍᑎᒋᑦᓱᒍ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᑌᒣᒻᒪᑦ ᒪᕐᕈᐃᓕᕿᖓᕗᖅ.  ᓯᕗᓪᓕᖅ, ᓄᓇᓕᓕᒫᓂ ᐃᓕᓐᓂᐊᓂᓕᕆᔨᐅᑦᓱᓂ ᓄᓇᕕᒻᒥᐅᓕᒫᓄᑦ.  ᐁᑉᐹᒍᓪᓗ, ᑎᒥᖁᑎᒋᔭᐅᕗᖅ ᐊᑦᔨᒋᔭᐅᖕᖏᑐᓂᒃ ᐱᔪᓐᓇᐅᑎᖃᕐᓱᓂ ᐊᐅᓚᑦᓯᔨᐅᕕᖃᕐᓱᓂᓗ ᓴᐳᑦᔨᒍᑎᐅᒋᐊᕐᑐᓂᒃ, ᐱᑕᖃᕐᑎᓯᖏᓐᓇᕈᑎᐅᒋᐊᕐᑐᓂᒃ, ᐊᒻᒪᓗ ᐱᕙᓪᓕᐊᑎᑦᓯᒍᑎᓂᒃ ᐃᓄᐃᑦ ᐅᖃᐅᓯᖓᓂᒃ, ᐃᓗᕐᕈᓯᖓᓂᒃ, ᐃᓅᑦᔪᓯᖓᓂᓪᓗ.  ᐃᓕᓐᓂᐊᕈᑎᑦᓭᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᐃᓕᓐᓂᐊᕈᑎᓕᐊᑦ ᐃᓕᓐᓂᐊᑎᑦᓯᒍᑎᐅᕗᑦ ᐃᓘᓐᓇᖏᓐᓂᑦ ᑖᒃᑯᐊ 14-ᐃᑦ ᓄᓇᓖᑦ ᐃᓕᓐᓂᐊᕕᖏᓐᓂᑦ, ᐃᓄᒃᑎᑐᑦ ᐅᖃᐅᓯᕐᖄᖓᓂᒃ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᖓᓂᒃ.  ᐃᓕᓐᓂᐊᓂᓕᕆᓂᖅ ᐊᐅᓚᑦᓯᔪᖅ 17-ᓂᒃ ᐳᒃᑭᓂᕐᓴᓂ ᐳᕐᑐᓂᕐᓴᓂᓪᓗ ᐃᓕᓐᓂᐊᕕᓐᓂᒃ ᐊᒻᒪᓗᑦᑕᐅᖅ 5-ᓂᒃ ᐃᓄᒻᒪᕇᑦ ᐃᓕᓐᓂᐊᕕᖏᓐᓂᒃ.  ᑐᑭᓯᒋᐊᓪᓚᕈᑎᑦᓭᑦ ᑕᑯᔭᐅᒍᓐᓇᑐᑦ ᐅᕙᓂ:  www.kativik.qc.ca

— 30 —