ᐃᓕᓴᕆᐊᓪᓚᒍᒪᕖᑦ, ᖃᐅᔨᒪᕕᒍᓪᓘᓃᑦ ᑕᒪᑦᓱᒥᖓ ᑐᓴᕋᑦᓴᒥ ᑐᓴᕈᒪᑐᐃᓐᓇᕆᐊᓕᒻᒥᒃ? ᐅᑯᐊᑕᒐ ᐃᓱᓕᕝᕕᓴᕐᓂᒃ ᐃᕐᖃᐅᒪᑦᓯᒐᓱᐊᕈᑎᒃᓭᑦ.

16ᓂᒃ ᐅᖓᑖᓄᓪᓘᓃᑦ ᐅᑭᐅᖃᕐᐱᑦ ᐳᕐᑐᓂᕐᓴᒥ ᐃᓕᓴᕇᒍᑎᑖᕈᒪᑦᓱᑎᑦ ᓄᓇᕕᒻᒦᖏᓐᓈᓗᑎᑦ? ᐃᓕᓴᕈᒪᒋᐊᕐᑐᕈᓐᓇᐳᑎᑦ ᖃᖓᑐᐃᓐᓇᖅ. ᐅᖓᓯᑦᑐᑎᒍᓘᓐᓃᑦ ᐃᓕᓴᕐᓗᑎᑦ ᐃᓄᒻᒪᕇᓪᓘᓃᑦ ᐃᓕᓴᑉᕕᖏᓐᓂ.

ᐳᕐᑐᓂᕐᓴᒋᐊᓪᓚᒥ ᐃᓕᓴᕈᒪᕕᑦ ᐃᓕᓐᓂᐊᕕᕐᔪᐊᒥᓪᓘᓃᑦ ᐃᓕᓴᐅᑎᖏᓐᓂᒃ ᐃᓕᓴᕈᒪᕕᑦ: ᐃᓕᒐᓱᐊᕈᒪᑐᐊᕈᕕᑦ ᐃᓱᓕᕝᕕᖃᕐᐳᑦ ᓅᕕᒻᐱᕆ 1ᒥ ᐊᒻᒪᓗ ᒫᔨ 1ᒥ, ᐃᓕᒃᑰᑎᕐᑑᓂᒃ. ᓄᐃᓗᒋᑦ ᖃᕆᑕᐅᔭᕐᑎᒍᑦ ᐃᓕᓴᕋᑦᓭᑦ ᐅᕗᖕᖓᓗᑎᑦ ᐳᐃᒍᕐᑌᓕᓗᑎᓗ ᑲᑎᕕᒃ ᐃᓕᓴᕐᓂᓕᕆᔨᒃᑯᓄᑦ ᐃᓕᓴᕈᒪᐅᑎᒥᒃ ᑐᓂᔨᒋᐊᒥᒃ!

ᐃᓕᓭᔨᐅᕕᑦ ᐅᕝᕙᓘᓐᓃᑦ ᓄᓇᕕᒻᒥ ᐅᕕᒃᑲᓂᑦ ᐃᓄᒻᒪᕆᓐᓂᓘᓐᓃᑦ ᐱᓇᓱᐊᕈᑦᔨᔨᐅᕕᑦ? ᐅᑯᐊᑕᒐ ᐃᑦᔭᕋᑦᓴᓯᐊᑦ! ᑕᑯᒐᓱᐊᓚᐅᕆᑦ ᐃᓕᓴᕇᕐᓯᒪᔪᐃᑦ ᖃᓄᐃᓕᓯᒪᒻᒪᖔᑕ ᖃᕆᑕᐅᔭᕐᑎᒍᑦ ᐅᕘᓇ You Tube ᑐᑯᓐᓇᕋᑦᓴᖏᑦᑎᒍᑦ.

ᐱᓇᓱᒐᑦᓴᒧᐊᖓᓪᓗᑯᑦᑐᐊᐱᓐᓂᒃ ᐱᒋᐅᕐᓴᕈᒪᕕᑦ? ᐃᓕᓵᖁᑎᖃᕐᖀᑦ ᑕᒪᑦᓱᒥᖓ ᐱᓇᓱᐊᕈᓐᓇᓯᐊᕋᔭᕐᑐᒥᒃ? ᖃᐅᓴᕆᐊᓚᐅᕆᑦ ᐱᒋᐅᕐᓴᕕᒻᒥ ᐱᒋᐅᕐᓴᕋᑦᓴᓂᒃ ᓄᓇᕕᒻᓂ ᒪᓂᔭᐅᒪᔪᓂᒃ. ᐱᓇᓱᐊᕈᓯᑕᒫᑦ ᑮᓇᐅᑦᔭᓲᑦ, ᐯᕆᑦᓯᕕᒻᒦᔨᐊᖃᕈᓐᓇᑐᑦ ᐃᓪᓗᖃᕐᓂᒥᑦ ᐃᑲᔪᕐᑕᐅᒍᓐᓇᑐᑦ ᑐᔪᕐᒥᐅᒍᓐᓇᓱᑎᓘᓐᓃᑦ ᐃᓕᓴᕐᕕᐅᑉ ᑐᔪᕐᒥᐅᕕᖏᓐᓂ ᐃᓕᓵᓄᑦ ᐊᑐᐃᓐᓇᓂᒃ.

ᐃᕐᖃᐅᒪᑦᓯᓯᐊᕆᐊᖃᕐᒥᔪᑎᑦ ᐳᕐᑐᓂᕐᓴᕆᐊᓪᓚᒥ ᐃᓕᓴᕈᒪᑐᐊᕈᕕᑦ ᑲᑎᕕᒃ ᐃᓕᓴᕐᓂᓕᕆᔨᒃᑯᑦ ᐃᑲᔪᕐᓯᐅᑎᑦᓴᖃᕐᒥᒪᑕ ᐱᒋᐅᕐᓴᕕᒻᒥ ᐃᓕᓴᕈᒪᑐᐊᕈᕕᑦ ᒪᓂᔭᐅᒪᔪᓂ ᓄᓇᕕᐅᑉ ᓯᓚᑖᓂ ᑭᓯᐊᓂ. ᐅᑯᐊ ᖃᕆᑕᐅᔭᕐᑎᒍᑦ ᑕᑯᒍᓐᓇᑕᑎᑦ ᒫᓂ.

ᕿᓄᒍᓐᓇᐳᑎᑦ!

ᑐᑭᓯᒋᐊᕈᒪᑐᐊᕈᕕᑦ ᐳᕐᑐᓂᕐᓴᒥ ᐃᓕᓴᕇᒍᑎᑖᕋᓱᐊᕈᒪᑐᐊᕈᕕᑦ ᐃᓕᓴᕈᒪᑐᐊᕈᕕᓪᓘᓃᑦ ᓄᓇᕕᒻᒥ, ᓯᒪᑕ ᒫᓂᖕ ᕿᓄᕕᑦᓴᖅ: 1-800-361-2244, ext. 355 | Messenger: KIadulted

ᑐᑭᓯᒋᐊᕈᒪᑐᐊᕈᕕᑦ ᓄᓇᕕᐅᑉ ᓯᓚᑖᓂ ᐃᓕᓴᕐᓂᒥᒃ ᐳᕐᑐᓂᕐᓴᒋᐊᓪᓚᒥᓪᓗ ᐃᓕᓴᕋᑦᓴᓂᒃ ᐃᑲᔪᕐᓯᒪᔭᐅᒍᑎᖃᕈᒪᑐᐊᕈᕕᑦ ᑲᑎᕕᒃ ᐃᓕᓴᕐᓂᓕᕆᔨᒃᑯᓄᑦ ᐳᕐᑐᓂᕐᓴᕆᐊᓪᓚᒥ ᐃᓕᓴᕐᑎᓗᑎᑦ, ᕿᓄᕕᒋᒍᓐᓇᑌᑦ ᕖᐱ ᐱᐊᓐᑦᓕ: 514-457-1178, ext. 231| Messenger: KIpostsec