ᐊᕐᕌᒍᑕᒫᑦ ᖃᓂᖕᖏᑐᒦᓐᓂᒧᑦ ᐊᑭᓕᕐᑕᐅᒍᑏᑦ ᒪᓂᒪᔭᐅᓲᖅ ᐃᓕᓴᕐᓂᓕᕆᓂᒃᑯᓂ ᐱᓇᓱᑦᑎᓕᒫᓄᑦ ᓄᓇᕕᒻᒦᑐᓄᑦ. ᐊᑭᓕᕐᑕᐅᒍᑏᑦ ᐅᓄᕐᓂᖃᓲᑦ $10,627-ᒥ $22,100-ᒧᑦ. ᑖᓐᓇ ᐅᓄᕐᓂᒋᔭᖓ ᑐᓂᕐᕈᑎᐅᓲᖅ ᒪᓕᑦᓱᒋᑦ ᐱᓇᓱᒐᖓᑕ ᐊᑯᓃᕐᓂᖓ ᐊᒻᒪᓗ ᓄᓇᓕᖓ ᐊᒻᒪᓗ ᐱᓇᓱᑦᑎ ᐆᒪᑕᖃᕐᐸᑦ ᐱᑕᖃᖕᖏᐸᓪᓘᓃᑦ.

ᑐᑭᑖᕐᓯᒪᔪᓄᑦ ᐃᓚᐅᓂᕐᒥᒃ ᐱᓇᓱᖃᑎᒌᓐᓂᑎᓐᓄᑦ, ᓅᑦᑎᑎᕐᓂᒧᓪᓗ ᓄᓇᕕᒻᒧᑦ ᐱᓇᓱᒋᐊᕐᑐᓗᑎᒃ, ᐊᑭᖏᑦ ᐊᐅᓚᒍᑎᖏᑦᑕ ᐱᐅᓕᓂᐊᒐᕐᐱᑦ ᐊᑭᓕᕐᑕᐅᓲᖅ ᐃᓕᓴᕐᓂᓕᕆᓂᕐᒧᑦ. ᐱᐅᓕᓂᐊᒐᓕᒻᒥ ᐊᖏᕐᕋᖃᕋᔭᕐᑐᑎᑦ ᐊᑭᑭᓐᓂᓴᐅᓗᓂ $228 ᑕᕐᕿᑕᒫᑦ, ᐲᔭᕐᑕᐅᓲᖅ ᑮᓇᐅᑦᔭᓵᑎᓐᓂᑦ.

ᐱᐅᓕᓂᐊᒐᑎᓐᓂᒃ ᕿᒪᑦᑕᑎᓐᓂᒃ ᐃᓂᖃᕐᑎᑕᐅᒍᑎᖏᓐᓂᒃ ᐊᑭᖏᓐᓂᒃ ᐅᑎᕐᑎᓯᒍᓐᓇᑐᒍᑦ (ᐊᑦᔨᐅᖏᑦᑐᖅ ᖃᓄᐃᓕᖓᓂᖓ ᐱᓇᓱᐊᑐᐊᕈᕕᑦ ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖏᓐᓄᑦ ᐅᕝᕙᓘᓐᓃᑦ ᐱᓇᓱᒐᕐᒧᑦ ᐱᒋᐅᕐᓴᑎᑦᓯᓂᕐᒧᑦ.

ᑲᒪᔩᑦ ᐃᓚᐅᔪᐃᑦ ᔦᒥᔅ ᐯ ᑯᐯ ᑕᕐᕋᖓᑕᓗ ᐊᖏᖃᑎᒌᓐᓂᖓᓄᑦ, ᐱᓇᓱᒐᓖᑦ ᓄᓇᓕᓕᒫᓂ ᐱᓇᓱᒐᕐᒥᒃ ᐃᓕᓴᕐᓂᓕᕆᓂᕐᒥ, ᐊᒻᒪᓗ ᐊᖏᕐᕋᖃᕐᓱᑎᒃ ᓄᓇᓕᓐᓂ ᐃᓪᓗᖁᑎᖏᓐᓂᒃ, ᐊᑭᓕᕐᑕᐅᒍᓐᓇᑐᑦ $400-ᒥᑦ $750-ᒧᑦ ᑎᑭᑦᑐᓂᒃ ᑕᕐᕿᑕᒫᑦ.

ᐱᐅᓯᐅᓯᒪᔪᓄᑦ ᐅᑎᕐᓂᖅ!

ᐱᓇᓱᑦᑎᓄᑦ ᑐᑭᑖᕐᑐᕕᓂᕐᓄᑦ ᓄᓇᓕᖁᑎᑦᑎᓄᑦ ᐱᓇᓱᒋᐊᕐᑐᓂᕐᒧᑦ, ᐱᖓᓱᓂᑦ ᐃᓕᓐᓂᐊᓇᐅᑉ ᐊᕐᕌᒍᖓᓂ ᖃᖓᑦᑕᐅᑎᑦᓴᖃᕐᖁᑎᑦ ᐃᓕᓐᓅᓕᖓᔪᓂᑦ ᐊᒻᒪᓗ, ᑌᒣᑉᐸᑦ, ᐆᒪᑕᑎᓐᓄᓗ. ᐱᓇᓱᑦᑎ ᑐᓂᕐᕈᑎᖃᕈᓐᓇᒥᔪᖅ ᐊᑕᐅᓯᕐᒥᒃ ᖃᖓᑦᑕᐅᑎᒥᒃ ᐃᓚᒥᓄᑦ ᐱᖃᓐᓈᒥᓄᓪᓘᓃᑦ ᐊᑐᕐᑕᐅᖁᓪᓗᒍ ᐳᓛᕆᐊᕐᑕᐅᓗᓂ ᓄᓇᓕᒻᒧᑦ ᐱᓇᓱᕝᕕᒋᔭᕐᒥᓄᑦ.

ᓂᕆᑦᓯᐊᕆᐊᖃᕐᖁᑎᑦ!

ᐅᑎᕐᕕᐅᖁᓪᓗᑎᑦ ᓄᓇᕕᒻᒥ ᓂᕿᖏᑦ ᐊᑭᑐᓗᐊᕐᓂᖏᓐᓄᑦ, ᓂᕈᐊᕈᓐᓇᖁᑎᑦ ᒪᕐᕈᐃᓕᖓᔪᒥᒃ ᐃᓕᓴᕐᓂᓕᕆᓂᒃᑯᑦ ᒪᓂᒪᔭᒋᓐᓂᒃ ᓄᓇᕕᒻᒦᑐᓕᒫᓄᑦ ᐱᓇᓱᑦᑎᓄᑦ:

• ᐱᕕᑦᓴᖅ 1: ᒪᓂᒪᔪᒍᑦ ᐱᕕᑦᓴᖃᕐᑎᓯᓂᕐᒧᑦ ᓂᕿᓂᒃ ᓂᐅᕕᕐᓂᐊᓂᕐᒧᑦ ᓄᓇᕕᐅᑉ ᓯᓚᑖᓂ ᐱᓯᒪᔪᓂᒃ ᐊᒻᒪᓗ ᐊᐅᓪᓚᑎᓗᒋᑦ ᓄᓇᓕᓐᓄᑦ. ᐅᓯᔭᐅᒍᑎᖏᑦ ᐊᑭᓕᕐᑕᐅᓲᑦ ᐃᓕᓴᕐᓂᓕᕆᓂᒃᑯᓄᑦ.
• ᐱᕕᑦᓴᖅ 2: ᐊᑭᓕᕐᑕᐅᓇᕐᓯᓂᑕᒫᑦ, ᐊᑭᓖᓲᖑᔪᒍᑦ ᓂᐅᕕᕐᓂᐊᑕᕐᐱᑦ ᐅᖁᒣᓐᓂᕆᔭᖏᑦ ᒪᓕᑦᓱᒋᑦ ᑭᓚᑯᕌᒻᑎᒍᑦ ᐊᑭᓕᕐᑕᐅᒍᑎᒋᓂᐊᕐᓱᒋᑦ ᐊᑭᕆᔭᖏᑦ ᑭᓚᑯᕌᒻᑎᒍᑦ ᓄᓇᓕᒻᒥ ᐱᓇᓱᕝᕕᒋᔭᓐᓂ ᒪᓕᑦᓱᒋᑦ.

ᐃᑲᔪᕐᓯᔭᐅᓂᖃᓲᖑᒻᒥᔪᖅ ᑲᓇᑕᒃᑯᑦ ᑲᕙᒪᖓᓄᑦ ᐊᐅᓚᑕᐅᔪᒥ, ᓂᕿᑦᓯᐊᓂᒃ ᓱᒃᑯᕈᐊᕐᑐᓂ ᐱᕕᑦᓴᖃᕐᑎᑕᐅᖁᓪᓗᒋᑦ ᑕᕐᕋᒥᐅᑦ ᓄᓇᓕᖏᑦ, ᓂᕿᓯᒍᑎᑎᓐᓂᒃ ᐊᑭᑭᑦᑐᕈᓪᓗᐊᑎᑦᓯᖏᑦᑑᓚᕿᒍᓐᓇᓱᓂ.

ᐃᓘᓐᓇᑕ ᑭᖕᖒᒪᒋᔭᕗᑦ!

• ᐃᓘᓐᓇᑎᒃ ᐊᑌᓐᓇᑐᒥᒃ ᐱᓇᓱᒐᓖᑦ ᑕᙯᕐᓯᓇᖃᕐᑎᑕᐅᔪᑦ, ᐅᓪᓗᓂᒃ 20-ᓂᒃ ᐱᒋᐊᕐᓱᒍ, 30-ᓄᑦ ᐅᓪᓗᓄᑦ ᑎᑭᒍᓐᓇᑐᖅ ᐃᓚᖏᓐᓄᑦ (ᒪᓕᑦᓱᒋᑦ ᐱᓇᓱᐊᕐᓯᒪᓂᖏᑦ.
• ᐃᓕᓐᓂᐊᑎᑦᓯᔩᑦ ᐱᓇᓱᐊᕈᓯᕐᓂᒃ 8-ᓂᒃ ᐱᓇᓱᖕᖏᑑᓲᑦ ᐊᑯᓐᓂᖏᓐᓂ ᔫᓂ ᐊᒻᒪᓗ ᕿᑎᖓᓄᑦ ᐊᐅᒡᒍᓯᐅᑉ. ᐊᒻᒪᓗ ᐃᓕᓐᓂᐊᑎᑦᓯᔩᑦ ᐱᓇᓱᐊᕈᓯᓕᒫᒥ ᕿᑲᕐᓇᖃᓲᑦ ᐅᑭᐅᒥ ᐃᓕᓐᓂᐊᓇᕐᒥ.

ᐃᓕᓴᕐᓂᓕᕆᓂᖅ ᐅᒃᑯᐊᓯᒪᓲᖅ ᕿᑎᖕᖑᒥ. ᑐᑭᑖᕈᓐᓇᑐᑎᑦ ᓄᓇᕕᒻᒦᒍᒪᒍᕕᑦ ᐊᒻᒪᓗ ᐊᓕᐊᓱᖃᑕᐅᓗᑎᑦ ᓄᓇᓕᓐᓂ ᐱᖕᖑᐊᑎᑦᓯᓂᖏᓐᓄᑦ ᐅᕝᕙᓘᓐᓃᑦ ᐊᖏᕐᕋᓗᑎᑦ ᐳᓛᕆᐊᕐᓗᑎᑦ ᐃᓚᑎᓐᓄᑦ ᐱᖃᑎᑎᓐᓄᓗ.

Our activities don’t stop during the summer!

However, we have a summer schedule with reduced working hours without loss of pay.

ᐃᓗᓯᕐᓱᓯᐊᖏᓐᓇᕆᑦ!

• ᐃᓘᓐᓇᑎᒃ ᐱᓇᓱᑦᑏᑦ ᐱᒍᓐᓇᕕᓖᑦ 6-ᓂᒃ ᐅᓪᓗᓂᒃ ᓄᑕᐅᓯᓕᕈᓐᓇᑐᓂᒃ ᖃᓂᒪᓂᕐᒧᑦ ᐱᓇᓱᖕᖏᑑᓂᕐᒥᒃ ᐊᕐᕌᒍ ᑕᒫᑦ. ᐃᓚᒋᐊᕈᑎᐅᑎᓪᓗᒍ, ᑭᓇᓕᒫᒃᑯᑦ ᐱᒍᓐᓇᕕᓖᑦ ᐅᓪᓗᓂᒃ 10-ᓂᒃ ᐊᕐᕌᒍᑕᒫᑦ ᐃᓚᒥᓄᑦ ᐱᑦᔪᑎᖃᕐᓱᑎᒃ. ᐱᒍᓐᓇᕕᖃᕐᒥᔪᑎᑦ ᐅᓪᓗᓂᒃ ᐋᓐᓂᐊᓯᐅᕐᑎᒪᕆᒻᒧᑦ ᑕᑯᔭᐅᒋᐊᖃᕐᓂᒧᑦ.
• ᐊᑐᓂ ᐱᓇᓱᑦᑏᑦ ᐱᕙᓪᓕᖁᑎᑖᓲᖑᒻᒥᔪᑦ ᑮᓇᐅᑦᔭᓵᓄᑦ ᐃᒻᒪᖃᐅᑎᓂᒃ ᐊᑯᓃᕐᑐᒥᒃ ᖃᓂᒪᓂᕐᒨᓕᖓᔪᓂᒃ.

ᐃᓕᓴᕐᓂᓕᕆᓂᖅ ᐊᑐᐃᓐᓇᐅᑎᑦᓯᓲᖑᒻᒥᔪᖅ ᐊᕕᑦᑐᓯᒪᔪᓄᑦ ᐃᒻᒪᖃᐅᑎᓂᒃ (ᐋᓐᓂᐊᓯᐅᑎᓄᑦ ᐊᒻᒪᓗ ᐊᓯᖏᓐᓄᑦ ᐃᓗᓯᓕᕆᓂᕐᒨᓕᖓᔪᓂᒃ ᐃᒻᒪᖃᐅᑎᓂᒃ) ᐊᑭᑭᑦᑑᑎᓪᓗᒋᑦ.

ᐅᖄᖃᑎᖃᕈᒪᕖᑦ ᑭᓇᑐᐃᓐᓇᒥᒃ?

ᐃᓕᓴᕐᓂᓕᕆᓂᖅ ᐱᕕᖃᕐᑎᓯᓲᖅ ᐱᓇᓱᑦᑎᒥᒃ ᐊᒻᒪᓗ ᐃᓚᒌᓂᒃ ᐃᑲᔪᕐᑕᐅᒍᑎᓂᒃ, ᐊᑐᐃᓐᓇᐅᔪᓂᒃ 24-ᓂᒃ ᑫᕙᓪᓚᒍᓯᕐᓂᒃ, ᐅᓪᓗᓂ 7-ᓂᒃ ᐱᓇᓱᐊᕈᓯᕐᒥ (ᐱᓇᓱᒐᕐᒧᑦ ᐃᓱᐊᓭᓂᕐᒧᑦ, ᑮᓇᐅᔭᑎᒍᑦ ᖃᓄᐃᓕᒋᐊᕈᑎᓂᒃ, ᐃᓱᒪᓕᕆᔭᐅᓂᕐᒧᑦ ᐱᒍᑦᔨᒍᑏᑦ, ᐊᓯᖏᓪᓗ

ᓯᕗᓂᑦᓴᒧᑦ!

ᐃᓕᓴᕐᓂᓕᕆᓂᖅ ᐱᑕᖃᕐᑎᓯᓲᖅ ᐱᕙᓪᓕᖁᑎᓂᒃ ᐅᑭᐅᖏᑦ ᓈᒻᒪᓯᒻᒪᑕ ᑮᓇᐅᑦᔭᓴᕐᓂᒨᓕᖓᔪᓂᒃ. ᐊᐅᓚᑕᐅᑦᓱᑎᒃ ᑯᐯᒻᒥ ᐅᑭᐅᖏᑦ ᓈᒻᒪᓯᒻᒪᑕ ᐱᒍᑦᔨᒍᑎᓄᑦ, ᐊᐅᓚᑦᓯᓂᓕᕆᓂᐅᖕᖏᑐᒥᒃ ᐱᓇᓱᑦᑏᑦ ᑲᕙᒪᒃᑯᓅᓕᖓᔪᑦ ᐊᒻᒪᓗ ᑭᓇᓕᒫᒃᑯᓄᑦ ᐱᓇᓱᑦᑎᐅᓂᕐᒧᑦ ᐅᑭᐅᖏᑦ ᓈᒻᒪᓯᒻᒪᑕ ᐸᕐᓇᓯᒪᐅᑎᓄᑦ (RREGOP) ᐊᒻᒪᓗ ᑲᒪᔩᑦ ᐃᓚᐅᓲᖑᒻᒥᔪᑦ ᐊᐅᓚᑦᓯᓂᓕᕆᓂᕐᒧᑦ ᐅᑭᐅᖏᑦ ᓈᒻᒪᓯᒻᒪᑕ ᐸᕐᓇᓯᒪᐅᑎᓄᑦ (RRPE).