ᐱᕙᓪᓕᐊᓂᖃᓚᖓᔪᑎᑦ ᐃᓕᓐᓂᐊᑎᑦᓯᔨᐅᓂᐅᑉ ᐱᒍᓐᓇᓂᖏᓐᓂᒃ ᐊᒻᒪᓗ ᐅᐱᒍᓱᑦᑎᓯᓗᑎᑦ ᑭᖑᕚᑦᑎᓂᒃ ᓄᓇᕕᒻᒥᐅᑦ ᐃᓕᓐᓂᐊᑎᖁᑎᖏᓐᓂᒃ. ᐃᓕᓐᓂᐊᑎᑦᓯᔨᐅᓗᑎᑦ, ᐃᑲᔪᕐᓯᓚᖓᔪᑎᑦ ᐅᐱᒪᓇᕐᑐᒥᒃ ᐃᓗᒻᒥᓯᒪᓕᕐᑎᓯᓂᕐᒥᒃ ᐊᒻᒪᓗ ᐊᓕᐊᒋᒻᒪᕆᓪᓗᒋᑦ ᐃᓕᑦᓯᕕᒋᒍᓐᓇᕆᐊᖏᑦ.

• ᑖᓐᓇ ᐃᓕᓐᓂᐊᕕᕐᔪᐊᒥ ᐃᓕᓐᓂᐊᑎᑦᓯᒍᑎ ᑐᓂᓯᓲᖅ ᓲᖑᔪᒥᒃ ᑐᖕᖓᕕᑖᕐᑎᓯᓂᕐᒥᒃ ᑭᖕᖒᒪᓇᕋᔭᕐᑐᒥᒃ ᐃᓕᓐᓂᐊᑎᑦᓯᓕᕈᕕᑦ ᐃᓄᒃᑎᑐᑦ ᐊᒻᒪᓗ ᐊᐅᓚᑦᓯᓂᕐᒥᒃ ᐃᓕᓐᓂᐊᑎᑦᓯᕕᒻᒥ.
• ᐃᓕᓐᓂᐊᑎᑦᓯᒍᑎ ᐃᓚᖃᕐᑐᖅ ᐱᓇᓱᒋᐅᕐᓴᓂᕐᓂᒃ ᐃᓕᓐᓂᐊᕕᐅ ᐃᓗᐊᓂ, ᐱᕕᑦᓴᖃᒐᔭᕐᓱᑎᑦ ᐊᑑᕈᓐᓇᓯᓂᕐᒥᒃ ᐃᓕᓐᓂᐊᑕᕕᓂᑎᓐᓂᒃ. ᖃᐅᔨᑦᓯᐊᕋᔭᕐᑐᑎᑦ ᐃᓕᓐᓂᐊᑎᑦᓯᔨᐅᓪᓚᕆᓐᓂᒥᒃ ᐱᒋᐊᕐᖃᒥᐅᖏᓐᓇᓗᑎᑦ ᐃᓕᓐᓂᐊᑎᑦᓯᒍᑎᒥᒃ.

ᐱᔭᕇᕐᓯᒪᓕᕈᕕᐅᒃ ᑖᓐᓇ ᐃᓕᓐᓂᐊᑎᑦᓯᒍᑎ, ᐱᓇᓱᒍᑦᔨᓴᓕᕐᓂᕈᕕᑦ ᑲᑎᕕᒃ ᐃᓕᓴᕐᓂᓕᕆᓂᕐᒥᒃ, ᐱᕕᑦᓴᖃᕋᔭᓕᕐᑐᑎᑦ ᑲᔪᓯᒍᓐᓇᓂᕐᓂᒃ ᐃᓕᓐᓂᐊᒐᑎᓐᓂᒃ ᐅᓪᓘᑉ-ᐃᓓᓐᓇᖏᓐᓂ ᐃᓕᓐᓂᐊᑎᑦᔨᓂᒃ ᐱᒋᐅᕐᓭᓂᕐᒥᒃ ᐃᓕᓭᒍᑎ. ᑕᒐ ᓄᐊᑦᓯᒍᓐᓇᓯᓕᕋᔭᕐᑐᑎᑦ ᐃᓕᑕᕆᔭᐅᒍᑎᑖᕐᓂᒧᑦ ᖁᕝᕙᒋᐊᕈᑎᓂᒃ ᑐᕌᕐᓂᓕᒻᒧᑦ ᐱᔭᕇᒍᑎᒃ ᐃᓕᓐᓂᐊᓂᓕᕆᓂᕐᒥᒃ (B. Ed.) – ᐃᓕᓐᓂᐊᕆᐊᖕᖓᑐᑦ ᐳᒃᑭᓂᕐᓴᒥᓪᓗ ᐃᓕᓐᓂᐊᓂᓕᕆᓂᖅ – ᓄᓇᖃᕐᖄᓯᒪᔪᓂᒃ ᐃᓄᓐᓂᓗ ᐃᓕᓐᓂᐊᓃᑦ (120 ᖁᕝᕙᒋᐊᕈᑏᑦ) ᒥᑭᐅᓪ ᐃᓕᓐᓂᐊᕕᕐᔪᖓᓂᒃ.

ᐃᓘᓐᓈᒍᑦ, ᐱᕙᓪᓕᐊᓂᖃᓚᖓᔪᑎᑦ ᐃᓕᓐᓂᐊᕕᒻᒥ ᐊᐅᓚᑦᓯᓂᕐᒥᒃ ᐱᒍᓐᓇᓂᕐᓂᒃ ᐊᒻᒪᓗ ᓲᖑᓯᒋᐊᕐᓗᒋᑦ ᑐᑭᓯᒪᔭᑎᑦ ᐃᓄᒃᑎᑐᑦ ᐅᖃᕈᓰᑦ ᐋᕐᕿᓱᕐᓯᒪᒍᓯᖏᓪᓗ. ᐃᓕᑕᕐᓯᒪᓕᓚᖓᔪᑎᑦ ᐃᓕᓐᓂᐊᑎᑦᓯᒍᑎᓂᒃ ᐊᒻᒪᓗ ᐃᓕᓐᓂᐊᑎᑦᓯᒍᑎᓂᒃ ᐃᓕᓐᓂᐊᑎᑦᓯᒍᑎᐅᓲᓂᒃ ᓄᓇᕕᒻᒥ.

ᐱᓗᐊᕐᑐᒥ, ᐅᑯᓂᖓ ᐃᓕᓐᓂᐊᕋᔭᕐᑐᑎᑦ:

• ᐃᓂᓪᓚᑎᕆᓂᖅ ᐃᓕᓐᓂᐊᑎᑦᓯᕕᓐᓂᑦ.
• ᑐᑭᓯᒪᓗᒋᑦ ᐊᑐᕐᓗᒋᓗ ᐃᓕᓐᓂᐊᑎᑦᓯᒍᑎᓕᐅᕐᓂᒧᑦ ᖃᓄᐃᓘᕐᑕᐅᒍᓯᖏᑦ.
• ᐅᖃᓕᒪᖃᑎᒌᓐᓂᖅ ᐃᓕᓐᓂᐊᑎᑦᓯᕕᐅᑉ ᐃᓗᐊᓂ.
• ᓇᐅᑦᓯᑐᕐᓗᒋᑦ ᐱᐊᕃᑦ ᑭᖕᖒᒪᒋᔭᖏᑦ ᐃᓕᓐᓂᐊᓂᕐᒥᓄᑦ ᐊᒻᒪᓗ ᐋᕐᕿᒋᐊᖃᑦᑕᓗᒋᑦ ᐃᓕᓐᓂᐊᑎᑦᓯᒍᑎᑎᑦ.
• ᐃᓕᓐᓂᐊᑎᑦᓯᓂᖅ ᐊᑐᕐᓗᓂ ᐃᓄᒃᑎᑑᒥ.
• ᐃᓕᓐᓂᐊᑎᑦᓯᒍᑎᒋᓗᒋᑦ ᐳᒃᑭᓂᕐᓴᓄᐊᖓᔪᑦ ᖃᐅᔨᓴᕐᑐᓕᕆᓂᒧᑦ, ᑭᓯᑦᓯᒍᑎᓐᓂᐊᓂᕐᒧᑦ, ᐃᓄᒃᑎᑐᑦ ᐊᑐᐊᕐᓯᓂᕐᓄᑦ ᐊᓪᓚᓂᕐᓄᓗ, ᓄᓇᖕᖑᐊᓕᕆᓂᖅ, ᐊᒻᒪᓗ ᐱᐅᓯᕆᔭᐅᕙᑦᑐᓕᕆᓂᖅ.
• ᐊᑐᓕᕐᓗᒋᑦ ᐃᓕᓐᓂᐊᕈᑎᕕᓂᑎᑦ ᐃᓕᓐᓂᐊᑎᑦᓯᕕᓪᓚᕆᒻᒥᒃ.

››ᑖᓐᓇ ᐃᓕᓐᓂᐊᑎᑦᓯᒍᑎ ᓄᐃᑕᐅᔪᕕᓂᖅ ᐱᑦᔪᑎᖃᕐᓱᓂ ᐃᓕᓐᓂᐊᑎᑦᓯᔨᑦᓴᖃᖕᖏᓗᐊᕐᓂᖅ, ᓱᕐᕃᓯᒪᓂᖃᕐᑐᖅ ᓄᓇᕕᐅᑉ ᐃᓕᓐᓂᐊᕕᖏᓐᓂᒃ. ᑭᖕᖒᒪᒋᔭᐅᔪᑦ ᐃᓕᓐᓂᐊᑎᑦᓯᔩᑦ, ᐊᒻᒪᓗ ᓄᓇᕕᒻᒥᐅᑦ ᓯᕗᒧᐊᕆᐊᕐᓯᒪᔪᑦ ᐃᓕᓐᓂᐊᑎᑦᓯᔨᐅᓂᕐᒧᑦ ᐃᑲᔪᕐᑕᐅᒋᐊᓖᑦ ᐃᓕᓐᓂᐊᕕᕐᔪᐊᑦ ᐃᓕᓐᓂᐊᑎᑦᓯᒍᑎᖏᑦ ᐋᕐᕿᓱᕐᓯᒪᐅᔪᑦ ᑭᖕᖒᒪᒋᔭᐅᔪᓄᑦ ᑐᓂᓯᒍᑎᒋᓲᖏᓐᓄᑦ.

ᐱᔭᕇᕐᓯᒪᓗᑎᑦ ᑖᑦᓱᒥᖓ ᐃᓕᓐᓂᐊᑎᑦᓯᒍᑎᒥᒃ, ᐅᑯᓂᖓ ᐱᒍᓐᓇᕋᔭᕐᑐᑎᑦ:

• ᐱᓇᓱᓐᓄᖅ ᐃᓕᓐᓂᐊᓂᓕᕆᓂᕐᒥᒃ.
• ᐃᓕᓐᓂᐊᑎᑦᓯᓂᖅ ᐃᓄᒃᑎᑑᕐᑐᓂᒃ ᐃᓕᓐᓂᐊᑎᑦᓯᒍᑎᓂᒃ ᓄᓇᕕᐅᑉ ᐃᓕᓐᓂᐊᕕᖏᓐᓂᒃ.
• ᑲᔪᓯᐅᑦᔨᓗᒋᑦ ᐃᓕᓐᓂᐊᑕᑎᑦ ᐱᓇᓱᖏᓐᓇᓗᑎᑦ ᑲᑎᕕᒃ ᐃᓕᓴᕐᓂᓕᕆᓂᕐᒥᒃ ᐊᒻᒪᓗ ᓄᐊᒐᐅᒐᕐᓗᒋᑦ ᐃᓕᑕᕆᔭᐅᒍᑎᑖᕐᓂᒧᑦ ᖁᕝᕙᒋᐊᕐᑎᓯᒍᑏᑦ ᑐᕌᕐᓂᓕᒻᒧᑦ ᐱᔭᕇᒍᑎᒃ ᐃᓕᓐᓂᐊᓂᓕᕆᓂᕐᒥᒃ (B. Ed.) – ᐃᓕᓐᓂᐊᕆᐊᖕᖓᑐᑦ ᐳᒃᑭᓂᕐᓴᒥᓪᓗ ᐃᓕᓐᓂᐊᓂᓕᕆᓂᖅ – ᓄᓇᖃᕐᖄᓯᒪᔪᓂᒃ ᐃᓄᓐᓂᓗ ᐃᓕᓐᓂᐊᓃᑦ (120 ᖁᕝᕙᒋᐊᕈᑏᑦ) ᒥᑭᐅᓪ ᐃᓕᓐᓂᐊᕕᕐᔪᖓᓂᒃ.

ᐅᑯᐊ ᑕᒐ ᐊᓪᓚᓯᒪᔪᐃᑦ ᐃᓕᓐᓂᐊᑎᑦᓯᒍᑏᑦ ᑐᓂᔭᐅᔪᑦ ᐊᕐᕌᒍᕐᒥ ᐊᑕᐅᓯᕐᒥ, ᒪᕐᕉᑎᓪᓗᒋᒃ ᐃᓕᓐᓂᐊᓈᒃ:

• EDEC 289 – ᐃᓄᒃᑎᑐᑦ ᐅᓕᕐᓀᓯᒍᑎᒃ ᐅᖃᐅᓯᓕᕆᓂᕐᓗ (3 ᖁᕝᕙᒋᐊᕈᑏᑦ)
  ᐋᕐᕿᓱᕐᓯᒪᐅᑎᖏᑦ ᐊᒻᒪᓗ ᑐᑭᓕᐅᕐᑕᐅᒍᓯᖏᓪᓗ ᐃᓄᒃᑎᑐᑦ ᐃᓕᓐᓂᐊᑎᑦᓯᔨᓄᑦ ᐱᓇᓱᒍᑎᖃᕐᑐᓄᑦ ᑖᑦᓱᒥᖓ ᐅᖃᐅᓯᕐᒥᒃ. ᐊᑐᕐᓂᖅ ᐅᓕᕐᓀᓯᒍᑎᒥᒃ, ᑕᒪᒋᓐᓂᒃ ᖃᓕᐅᔮᕐᐯᑦ (ᕉᒪᓐ ᐊᓪᓚᓯᒪᔪᑦ) ᐊᒻᒪᓗ ᖃᓂᐅᔮᕐᐯᑦ (ᖃᓂᐅᔮᕐᐯᑦ) ᐋᕐᕿᓱᕐᑕᐅᓯᒪᔪᑎᒍᑦ ᐃᓄᐃᑦ ᐃᓕᕐᖁᓯᓕᕆᓂᕐᒥᒃ ᑲᑐᑦᔨᖃᑎᒌᖓᓄᑦ.

*ᐱᔭᐅᕇᕐᓯᒪᒋᐊᓕᒃ: ᐅᖃᕈᓐᓇᓯᐊᕐᓂᖅ ᐃᓄᒃᑎᑐᑦ

• EDEE 245 – ᓱᖏᐅᓯᓴᕐᓂᖅ ᐃᓕᓐᓂᐊᓂᓕᕆᓂᕐᒧᑦ (3 ᖁᕝᕙᒋᐊᕈᑏᑦ))

ᖃᐅᔨᑎᑦᓯᒋᐊᖕᖓᐅᑎᒃ ᐸᕐᓇᓂᕐᒧᑦ ᐊᒻᒪᓗ ᐃᓕᓐᓂᐊᓂᖃᕐᑎᓯᖏᓐᓇᓂᕐᓗ ᓄᓇᖃᕐᖄᓯᒪᔪᐃᑦ ᐃᓕᓐᓂᐊᕕᖓᓂᒃ ᐊᑦᔨᐅᖏᑦᑑᑎᓗᒍ ᐃᓕᓐᓂᐊᑎᑦᓯᒍᑎᓕᐅᕐᓂᒥᒃ ᐋᕐᕿᓱᕐᓯᒪᐅᑎᓕᒻᒥᒃ. ᖃᐅᔨᓴᕐᓂᖅ ᐊᒻᒪᓗ ᐊᑐᕐᓂᖅ ᐊᑦᔨᒌᖕᖏᑐᓂᒃ ᐃᓕᓐᓂᐊᕈᓯᐅᔪᓂᒃ.

• EDEE 270 – ᐳᒃᑭᓂᕐᓴᒥ ᐃᓕᓐᓂᐊᓂᕐᒥᒃ ᖃᐅᔨᓴᕐᑐᓕᕆᓂᖅ (3 ᖁᕝᕙᒋᐊᕈᑏᑦ)

ᖃᐅᔨᓴᕐᑐᓕᕆᓂᖅ ᖃᐅᔨᓴᕈᑎᒋᑦᓱᒍ ᐊᒻᒪᓗ ᑐᑭᓕᐅᕐᓂᖃᕐᓱᓂ ᐊᕙᑎᑦᑎᓂᒃ. ᖃᐅᔨᓴᕐᓂᐅᓱᓂ ᑐᖕᖓᕕᐅᓗᐊᖕᖑᐊᑐᓂᒃ ᐃᓱᒪᒍᓯᕐᓂᒃ ᐊᒻᒪᓗ ᐱᕙᓪᓕᐊᓂᑎᑦᓯᓂᕐᒥᒃ ᐱᒍᓐᓇᓂᐅᔪᓂᒃ ᐊᑐᕐᑕᐅᕙᓪᓗᓗᐊᖕᖑᐊᓲᓂᒃ ᐳᒃᑭᓂᕐᓭᑦ ᐃᓕᓐᓂᐊᑎᑦᓯᒍᑎᖏᓐᓄᑦ.

• EDEC 201 – ᓯᕗᓪᓕᐹᒥ ᐊᕐᕌᒍᕐᒥ ᐱᔪᓐᓇᐅᑎᖃᕐᓂᒧᑦ ᐃᓕᓐᓂᐊᑎᑦᓯᓂᖃᕐᓂᖅ (1 ᖁᕝᕙᒋᐊᕈᑏᑦ)

ᓱᖏᐅᓯᓴᕐᓂᖅ ᐃᓕᓐᓂᐊᕕᐅᑉ ᐃᓕᕐᖁᓯᖓᓄᑦ ᐊᒻᒪᓗ ᓄᓇᓕᒻᒧᑦ ᐊᒻᒪᓗ ᐃᓕᓐᓂᐊᑎᑦᓯᔨᐅᓂᕐᒥᒃ ᐱᔪᓐᓇᐅᑎᖃᕐᓂᑯᑦ ᐱᓇᓱᒐᒋᓗᒍ. ᐃᑉᐱᒋᓗᐊᖕᖑᐊᓗᒋᑦ ᐃᓘᓐᓈᒍᑦ ᐊᐅᓚᒍᓯᖏᑦ ᐃᓕᓐᓂᐊᕖᑦ ᐊᒻᒪᓗ ᓇᓗᓇᕐᑑᓂᖏᑦ ᐃᓕᓐᓂᐊᑎᑦᓯᔨᐅᓂᐅᑉ. ᐱᒍᓐᓇᓂᕆᔭᐅᔪᑦ ᐊᒻᒪᓗ ᐱᓇᓱᐊᕐᓂᑯᑦ ᐱᔪᓐᓇᐅᑎᖃᕐᓂᑯᑦ ᐱᓇᓱᒐᑦᓴᐅᔪᑦ ᐅᖃᓕᒪᒍᑎᐅᖕᖑᓱᒻᒥᔪᑦ.

• EDFE 200 – ᓯᕗᓪᓕᐹᒥ ᐱᓇᓱᕝᕕᒥᓂ ᐱᓇᓱᒋᐅᕐᓂᖅ (ᐃᓕᓐᓂᐊᕆᐊᖕᖓᑐᑦ/ᐳᒃᑭᓂᕐᓭᑦ ᐊᒻᒪᓗ ᐳᕐᑐᓂᕐᓭᑦ) (2 ᖁᕝᕙᒋᐊᕈᑏᑦ)

ᐃᓕᓐᓂᐊᑏᑦ ᑎᓕᔭᐅᒪᓲᑦ ᐃᓕᓐᓂᐊᕕᒻᒧᑦ ‘’ᐃᓚᐅᔪᖅ ᑕᑯᓐᓇᑎ’’ ᐱᓇᓱᒋᐅᕐᓴᑎᑕᐅᓂᕐᒥᒃ.

 *ᐱᔭᐅᕇᕐᓯᒪᖁᔭᐅᒻᒥᔪᖅ: EDEC 201

• EDEM 502 – ᓄᓇᖃᕐᖄᓯᒪᔪᑦ ᐃᓚᒌᑦ ᖃᓄᐃᓕᖓᐅᓯᖏᑦ ᐊᒻᒪᓗ ᐃᑲᔪᕐᑕᐅᓂᕐᒧᑦ ᐱᓇᓱᕝᕕᒪᕇᑦ (3 ᖁᕝᕙᒋᐊᕈᑏᑦ)

ᓇᐅᑦᓯᑐᐃᓂᖅ ᓄᓇᖃᕐᖄᓯᒪᔪᑦ ᐃᓚᒌᑦ ᖃᓄᐃᓕᖓᐅᓯᖏᓐᓂᒃ ᐊᒻᒪᓗ ᐃᓕᓐᓂᐊᓂᓕᕆᓂᕐᒧᑦ, ᐃᓅᖃᑎᒌᓐᓂᒧᑦ ᐊᒻᒪᓗ ᐊᐅᓚᑦᓯᓂᓕᕆᓂᕐᒥᒃ ᐱᓇᓱᕝᕕᒪᕇᑦ ᐃᑲᔪᕐᓯᓂᖃᓲᑦ ᐃᓚᒌᓂᒃ ᐃᓕᑦᓯᐸᓪᓕᐊᑎᓪᓗᒋᑦ. ᖃᐅᔨᓴᕐᓂᖅ ᑕᑎᖃᑎᒌᓐᓂᖏᓐᓂᒃ ᐊᑦᔨᒌᖕᖏᑐᑦ ᐱᓇᓱᕝᕕᒪᕇᑦ ᓱᕐᕃᓯᒪᓂᖃᕐᑐᑦ ᐃᓕᓐᓂᐊᓂᖏᓐᓂᒃ ᓄᓇᖃᕐᖄᓯᒪᔪᑦ ᐱᐊᕋᖏᓐᓂᒃ. ᐃᓚᒌᓐᓂᖏᓐᓂᒃ ᐃᓕᓐᓂᐊᓂᓕᕆᓂᐅᖕᖏᑐᑦ ᐃᓕᓐᓂᐊᓂᓕᕆᓂᐅᑉ ᐱᒍᑦᔨᕕᖏᓐᓄᑦ.

• EDEC 342 – ᐊᑯᓐᓂᓱᑦᑐᖅ ᓄᓇᖃᕐᖄᓯᒪᔪᑦ ᐅᖃᐅᓯᖓ (3 ᖁᕝᕙᒋᐊᕈᑏᑦ)

ᖃᐅᔨᓴᕐᓂᖅ ᐃᓄᒃᑎᑐᑦ ᐅᖃᕈᓯᖏᓐᓂᒃ ᐊᒻᒪᓗ ᐋᕐᕿᓱᕐᓯᒪᐅᓯᖏᓐᓂᒃ, ᑫᓪᓗᑐᐃᓂᓕᒃ ᐱᑐᑦᓯᒪᓂᖏᓐᓂᒃ ᑖᒃᑯᐊ ᒪᕐᕉᒃ, ᓄᐃᑕᑎᑦᓯᔪᖅ ᐃᓂᓪᓚᓯᒪᓂᖏᓐᓂᒃ ᐊᒥᓱᓂᒃ ᐅᖃᐅᓯᖃᑎᒌᖕᖏᑐᑦ ᐊᑦᔨᒌᖕᖏᓂᖏᓐᓂᒃ.

 *ᐱᔭᐅᕇᕐᓯᒪᒋᐊᓕᒃ: EDEC 289

• EDEE 230 – ᐳᒃᑭᓂᕐᓴᒥᒃ ᐃᓕᓐᓂᐊᓂᖅ ᑭᓯᑦᓯᒍᑎᓐᓂᐊᓂᕐᒥᒃ (3 ᖁᕝᕙᒋᐊᕈᑏᑦ)

ᓯᕗᓪᓕᖓ ᒪᕐᕉᓱᑎᒃ ᐃᓕᓐᓂᐊᑎᑦᓯᒍᑏᒃ ᐋᕐᕿᓱᕐᑕᐅᓯᒪᓗᐊᖕᖑᐊᑑᒃ ᐳᒃᑭᓂᕐᓴᒥ ᐃᓕᓐᓂᐊᓂᕐᒥᒃ ᐱᒍᑦᔭᐅᖏᓗᐊᕐᓂᒥᒃ ᐃᓕᓐᓂᐊᑎᑦᓯᔩᑦ. ᐃᑉᐱᒋᔭᖃᓗᐊᖕᖑᐊᓂᖅ ᑲᒪᒋᔭᐅᒋᐊᖃᓗᐊᖕᖑᐊᑐᓂᒃ ᐃᓕᓐᓂᐊᑎᑦᓯᔩᑦ ᖃᐅᔨᒪᒋᐊᓕᖏᓐᓂᒃ ᐊᒻᒪᓗ ᐱᒍᓐᓇᕆᐊᓕᖏᓐᓂᒃ ᐃᑲᔪᕐᓯᓗᑎᑦ ᐃᓕᓐᓂᐊᑏᑦ ᐱᕙᓪᓕᐊᓂᖏᓐᓂᒃ ᑭᓯᑦᓯᒍᑎᓐᓂᐊᓂᕐᒥᒃ ᑐᑭᓯᒍᓐᓇᓂᖏᓐᓂᒃ (ᐃᑉᐱᒋᔭᖃᕐᓂᖅ ᑭᓯᑦᓯᒍᑎᓐᓂᐊᓂᕐᒥᒃ ᐃᓗᓕᓕᓐᓂᒃ, ᐃᓕᓐᓂᐊᑏᑦ ᑐᑭᓯᒋᐅᕐᓴᓂᖏᓐᓂᒃ, ᐊᒻᒪᓗ ᐃᓕᓐᓂᐊᑎᑕᐅᒍᓯᖓᓂᒃ). ᐊᑐᐃᓐᓇᕈᐃᓲᖅ ᑐᑭᓯᒪᒍᓐᓇᓯᓂᕐᒥᒃ ᐊᒻᒪᓗ ᑐᑭᓯᒍᓐᓇᓂᕐᒥᒃ ᑯᐯᒃᑯᑦ ᐳᒃᑭᓂᕐᓴᒥᒃ ᑭᓯᑦᓯᒍᑎᓐᓂᐊᓂᕐᒥᒃ ᐃᓕᓐᓂᐊᑎᑦᓯᒍᑎᖓᓂᒃ.

• EDEE 355 – ᐃᓕᓐᓂᐊᑎᑦᓯᕕᓐᓂᒃ-ᑐᖕᖓᕕᓖᑦ ᓇᐅᑦᓯᑐᕐᑕᐅᓂᖏᑦ (3 ᖁᕝᕙᒋᐊᕈᑏᑦ)

ᖃᓄᐃᓘᕈᑎᐅᓲᖑᓂᖏᑦ ᓇᐅᑦᓯᑐᕐᑕᐅᒍᓯᖏᑦ ᐃᓕᓐᓂᐊᕆᐊᖕᖓᑐᑦ/ᐳᒃᑭᓂᕐᓴᒥᒃ ᐃᓕᓐᓂᐊᕕᐅᑉ ᐃᓕᓐᓂᐊᑎᑦᓯᒍᑎᖏᑦ. ᐅᖃᕋᑦᓭᑦ ᐃᓚᖃᕐᑐᑦ ᐊᑦᔨᒌᖕᖑᑐᓂᒃ ᑐᓴᒐᑦᓴᖃᕆᐊᖃᕐᓂᖅ, ᐊᑦᔨᒌᖕᖏᑐᑦ ᖃᓄᐃᓘᕈᓰᑦ ᓄᐊᑦᓯᓂᕐᓄᑦ ᑐᓴᒐᑦᓴᓂᒃ, ᐊᒻᒪᓗ ᑐᑭᓕᐅᕈᑎᖃᕐᓂᖅ ᐃᓕᓐᓂᐊᓂᓕᕆᓂᒃᑯᑦ ᑐᑭᑖᕆᒍᓐᓇᓯᓂᕐᒧᑦ. ᑐᖕᖓᕖᑦ ᐊᒻᒪᓗ ᐊᑦᔨᒌᖕᖏᑐᑦ ᖃᓄᐃᓘᕈᓰᑦ ᓇᐅᑦᓯᑐᐃᓂᕐᒧᑦ ᐅᖃᓕᒪᒍᑕᐅᔪᑦ ᐱᓇᓱᐊᕈᑕᐅᑦᓱᑎᓪᓗ.

 *ᐱᔭᐅᓯᒪᒋᐊᖃᕐᒥᔪᑦ: EDEE 353, EDFE 306

• EDEC 253 – ᑐᖓᓕᐊ ᐱᔪᓐᓇᐅᑎᖃᕐᓂᒧᑦ ᐃᓕᓐᓂᐊᑎᑦᓯᓂᖃᕐᓂᖅ (1 ᖁᕝᕙᒋᐊᕈᑏᑦ)

ᐊᑐᐃᓐᓇᕈᕐᑎᓂᖅ ᑐᖓᓕᐊᓄᑦ ᐱᓇᓱᕝᕕᒥ ᐱᓇᓱᓐᓂᒧᑦ ᐊᕐᖁᑎᒋᑦᓱᒋᑦ ᐱᕙᓪᓕᐊᑎᑦᓯᓃᑦ ᐱᓇᓱᐊᕈᑕᐅᕙᓪᓗᓲᓂᒃ ᐸᕐᓀᓂᕐᓂᒃ ᐃᓕᓐᓂᐊᑎᑦᓯᓂᕐᓂᓗ ᐳᒃᑭᓂᕐᓴᒥᒃ ᐃᓕᓐᓂᐊᕖᑦ ᐃᓕᓐᓂᐊᕕᖏᓐᓂᒃ. ᐱᒍᓐᓇᓂᕆᔭᐅᔪᑦ ᐊᒻᒪᓗ ᐱᓇᓱᐊᕐᓂᑯᑦ ᐱᔪᓐᓇᐅᑎᖃᕐᓂᑯᑦ ᐱᓇᓱᒐᑦᓴᐅᔪᑦ ᐅᖃᓕᒪᒍᑎᐅᖕᖑᓱᒻᒥᔪᑦ.

*ᐱᔭᐅᕇᕐᓯᒪᒋᐊᓖᑦ: EDEE 223, EDEE 253, EDEE 273, EDEE 283; ᐱᔭᐅᓯᒪᒋᐊᖃᕐᒥᔪᖅ: EDFE 256

• EDFE 256 – ᑐᖓᓕᐊ ᐱᓇᓱᕝᕕᒥ ᐱᓇᓱᐊᕐᓂᖅ

(ᐃᓕᓐᓂᐊᕆᐊᖕᖓᑐᑦ/ᐳᒃᑭᓂᕐᓭᑦ) (3 ᖁᕝᕙᒋᐊᕈᑏᑦ)

ᑲᒪᒋᔭᐅᔪᒥᒃ ᐃᓕᓐᓂᐊᑎᒥᒃ ᐃᓕᓐᓂᐊᑎᑦᓯᓂᖅ ᐃᓕᓐᓂᐊᕕᒻᒥ. ᐃᓕᓐᓂᐊᑏᑦ ᓂᕆᐅᒋᔭᐅᔪᑦ ᖃᐅᔨᑎᓯᒐᔭᕆᐊᕐᒥᓂᒃ ᐃᒻᒥᓂᒃ ᐱᓇᓱᕝᕕᒥ ᐱᓇᓱᓐᓂᒥᒃ, ᐅᓪᓗᓂᒃ, ᓯᕕᑐᓂᖏᓐᓂᒃ ᐊᒻᒪᓗ ᑲᒪᒋᔭᑦᓴᓂᒃ.

 *ᐱᔭᐅᕇᕐᓯᒪᒋᐊᓖᑦ: EDFE 200; ᐱᔭᐅᓯᒪᒋᐊᖃᕐᒥᔪᖅ: EDEC 253

• EDEC 262 – ᑐᓴᐅᒪᖃᑎᒌᒍᑎᓕᕆᓂᖅ, ᖃᕆᑕᐅᔭᓕᕆᓂᕐᓄᐊᒐᔪᑦ ᐊᒻᒪᓗ ᐃᓕᓐᓂᐊᓂᖅ (3 ᖁᕝᕙᒋᐊᕈᑏᑦ)

ᓱᖏᐅᓯᓭᓂᖅ ᐱᖁᑎᓄᑦ ᐊᒻᒪᓗ ᐋᕐᕿᓱᕐᓯᒪᐅᑎᓄᑦ ᐃᓕᓐᓂᐊᑎᑦᓯᒍᑎᓂᒃ ᖃᕆᑕᐅᔭᓕᕆᓂᕐᓄᐊᖓᔪᓂᒃ. ᓇᐅᑦᓯᑐᐃᓂᖅ ᐃᓱᒪᒋᔭᐅᒍᓯᖏᓐᓂᒃ ᐃᓕᓐᓂᐊᑎᑦᓯᒍᑎᓂᒃ ᖃᕆᑕᐅᔭᓕᕆᓂᕐᓄᐊᖓᔪᓂᒃ, ᑐᓴᐅᒪᖃᑎᒌᓐᓂᓕᕆᓂᕐᒥᒃ ᐃᓕᓐᓂᐊᓂᖅ ᐊᒻᒪᓗ ᖃᕆᑕᐅᔭᓕᕆᓂᕐᓄᐊᖓᔪᓂᒃ ᐃᓕᓐᓂᐊᓂᖅ ᐊᒻᒪᓗ ᖃᐅᔨᓴᕈᑎᖃᕐᓂᖅ ᐊᒻᒪᓗ ᐱᕙᓪᓕᐊᑎᑦᓯᓂᖅ ᐊᑐᓕᕐᑎᑕᐅᑐᐃᓐᓇᕆᐊᓕᓐᓂᒃ ᐃᓕᓐᓂᐊᕕᐅᑉ ᐃᓗᐊᓂ.

ᐅᑯᐊ ᐊᓪᓚᓯᒪᔪᐃᑦ ᐃᓕᓐᓂᐊᑎᑦᓯᒍᑎᑦᓯᓭᑦ ᐊᕐᕌᒎᑉ ᒪᕐᕈᖓᓂᒃ, ᒪᕐᕉᑎᓪᓗᒋᒃ ᐃᓕᓐᓂᐊᓈᒃ:

• EDEC 344 – ᐱᒍᓐᓇᓂᖃᑦᓯᐊᑐᓄᑦ ᓄᓇᖃᕐᖄᓯᒪᔪᑦ ᐅᖃᐅᓯᓕᕆᓂᖅ (3 ᖁᕝᕙᒋᐊᕈᑏᑦ)

ᑭᖑᓪᓕᐹᒥ ᐃᓕᓐᓂᐊᑎᑦᓯᒍᑎᒃ ᑐᖓᓕᕇᑦᑕᑐᓂᒃ ᑲᒪᒋᔭᓕᓐᓂᒃ ᐃᓄᒃᑎᑐᑦ ᐅᖃᕐᑕᐅᒍᓯᖏᓐᓂᒃ ᐋᕐᕿᓱᕐᓯᒪᐅᑎᖏᓐᓂᓗ. ᑐᑭᓯᒪᓂᖅ ᐊᓪᓚᒍᓐᓇᓂᐅᔪᓂᒃ ᐱᓗᐊᕐᑐᒥᒃ, ᐱᖁᔦᑦ ᐊᐅᓚᑦᓯᔪᑦ ᓱᒋᐊᒍᑎᓂᒃ ᐊᒻᒪᓗ ᐱᖃᕐᓂᕋᐅᑏᑦ ᐃᓱᖏᓐᓂᒃ.

*ᐱᔭᐅᕇᕐᓯᒪᒋᐊᓕᒃ: EDEE 342

• EDEE 280 – ᓄᓇᖕᖑᐊᓕᕆᓂᖅ, ᐱᐅᓯᕆᔭᐅᕙᑦᑐᓕᕆᓂᖅ ᐊᒻᒪᓗ ᓄᓇᖃᑎᒋᔭᐅᓂᕐᒥᒃ ᐃᓕᓐᓂᐊᓂᖅ (3 ᖁᕝᕙᒋᐊᕈᑏᑦ)

ᐋᕐᕿᓱᕐᑕᐅᓯᒪᔪᖅ ᐳᒃᑭᓂᕐᓴᒥᒃ ᐃᓕᓐᓂᐊᕕᒻᒥ ᐃᓕᓐᓂᐊᑎᑦᓯᔨᓄᑦ. ᐊᒥᓱᐃᓕᖓᔪᖅ-ᐱᓇᓱᒐᖅ ᐊᒻᒪᓗ ᐃᓕᓐᓂᐊᑕᐅᖃᑦᑕᑐᓕᒫᓂᑦ ᖃᐅᔨᓴᕐᓂᖅ ᐊᑦᔨᒌᖕᖏᑐᓂᒃ ᓄᓇᖃᑎᒋᔭᐅᓂᕐᒥᒃ ᐃᓕᓐᓂᐊᓂᐅᑉ ᐅᖃᐅᓯᕐᑕᖃᕐᓂᖏᒍᑦ, ᓇᓃᓐᓂᖏᑦ ᓄᓇᓕᖏᒍᑦ ᐊᒻᒪᓗ ᐱᐅᓯᕆᔭᐅᕙᑦᑐᕕᓃᑦ ᓇᓗᓀᕐᑕᐅᓯᒪᔪᑦ ᑯᐯᒃᑯᑦ ᐃᓕᓐᓂᐊᓂᓕᕆᓂᕐᒥᒃ ᐃᓕᓐᓂᐊᑎᑦᓯᒍᑎᖏᓐᓂᒃ.

• EDEE 353 – ᐱᖓᔪᐊ ᐊᕐᕌᒍᖅ ᐱᔪᓐᓇᐅᑎᖃᕐᓂᒧᑦ ᐃᓕᓐᓂᐊᑎᑦᓯᓂᖃᕐᓂᖅ (ᐃᓕᓐᓂᐊᕆᐊᖕᖓᑐᑦ/ᐳᒃᑭᓂᕐᓭᑦ) (3 ᖁᕝᕙᒋᐊᕈᑏᑦ)

ᐃᓱᒪᒋᔭᐅᔪᓂᒃ-ᑐᖏᖓᕕᓕᓐᓂᒃ ᖃᓄᕐᑑᕈᑎᖃᕐᓂᖅ ᐋᕐᕿᓱᕐᓯᒪᐅᑎᖃᕐᓂᑯᑦ, ᐊᐅᓚᑦᓯᓂᕐᒧᑦ ᐊᒻᒪᓗ ᐃᓕᓐᓂᐊᑎᑦᓯᓂᕐᓄᑦ ᐳᒃᑭᓂᕐᓴᒥᒃ ᐃᓕᓐᓂᐊᕖᑦ ᐃᓕᓐᓂᐊᕕᖏᓐᓂᒃ. ᖃᓄᐃᓘᕈᓰᑦ ᐊᑐᓕᕐᑎᓯᓂᕐᒧᑦ ᐃᓅᑉ ᐃᓕᓐᓂᐊᑕᖏᓐᓂᒃ ᐳᒃᑭᓂᕐᓴᒥᒃ ᐃᓕᓐᓂᐊᕕᐅᑉ ᐃᓕᓐᓂᐊᑎᑦᓯᒍᑎᖏᓐᓂᒃ, ᐊᑐᕐᓂᑯᑦ ᑯᐯᒃ ᐃᓕᓐᓂᐊᑎᑦᓯᒍᑎᖏᓐᓂᒃ ᐆᑦᑐᕋᐅᑎᒋᓗᐊᖕᖑᐊᓱᒍ. ᐱᔪᓐᓇᐅᑎᖃᕐᓂᑯᑦ ᐱᔭᑦᓴᐅᔪᑦ ᐊᒻᒪᓗ ᐱᔪᓐᓇᐅᑎᖃᕐᓂᑯᑦ ᐱᒍᓐᓇᓂᕆᔭᐅᒋᐊᓖᑦ ᐅᖃᓕᒪᒍᑕᐅᖕᖑᓱᒻᒥᔪᑦ.

*ᐱᔭᐅᕇᕐᓯᒪᒋᐊᓕᒃ: EDEC 253; ᐱᔭᐅᓯᒪᒋᐊᖃᕐᒥᔪᑦ: EDEE 355 and EDFE 306

• EDPE 300 – ᐃᓕᓐᓂᐊᓂᓕᕆᓂᕐᒧᑦ ᐃᓱᒪᓕᕆᓂᖅ (3 ᖁᕝᕙᒋᐊᕈᑏᑦ)

ᑎᒃᑯᐊᑕᐅᓯᒪᔪᑦ ᐃᓱᒪᒍᓯᒋᔭᐅᔪᑦ, ᐆᑦᑐᕋᐅᑏᑦ, ᐊᒻᒪᓗ ᐃᓱᒪᒋᔭᐅᔪᑦ ᐊᑑᑎᓖᑦ ᐸᕐᓇᓂᕐᒧᑦ ᐊᒻᒪᓗ ᐃᓱᒪᒍᑎᖃᕐᓂᑯᑦ ᐃᓕᓐᓂᐊᓂᓕᕆᓂᕐᒥᒃ ᐱᓇᓱᐊᕐᓂᒥᒃ ᐱᐅᓯᒋᐊᕆᓂᕐᒥᓗ. ᕿᒥᕐᕈᒋᐊᓪᓛᓂᖅ ᐱᕙᓪᓕᐊᓂᕐᒥᒃ, ᐃᓕᓐᓂᐊᓂᕐᒥᒃ, ᐃᓱᒪᓂᕐᒥᒃ, ᑲᑦᓱᙰᑦᑑᓂᕐᒥᒃ, ᐃᒻᒥᒍᑦ ᐊᑦᔨᒋᔭᐅᖕᖏᑑᓂᖅ, ᐊᓯᖏᓪᓗ. ᐊᑦᑐᐊᑎᓪᓗᒋᑦ ᐊᑐᓕᕐᑎᑕᐅᓂᖏᓐᓄᑦ ᐃᓕᓐᓂᐊᕕᓐᓂᒃ ᐃᓕᓐᓂᐊᑎᑦᓯᓂᕐᒧᑦ ᐃᓕᓐᓂᐊᓂᕐᒧᓗ, ᖃᓄᐃᓘᕐᑎᐅᒋᐊᓪᓛᓂᖏᑦ ᐃᓱᐊᕐᓭᔩᑦ ᐃᓱᒪᓕᕆᔩᓪᓗ, ᐃᓕᓐᓂᐊᓂᕐᒥᒃ ᖃᕆᑕᐅᔭᓕᕆᐅᑎᖃᕐᓂᖅ ᖃᕆᑕᐅᔭᓕᕆᐅᑎᓕᕆᓂᖃᕐᓂᓗ. ᐅᕕᒃᑫᑦ ᓴᐳᑎᔭᐅᓂᖓᑕ ᒪᓕᒐᖓ.

• EDEC 203 – ᑐᓴᐅᒪᖃᑎᒌᓐᓂᖅ ᐃᓕᓐᓂᐊᓂᓕᕆᓂᕐᒥᒃ (3 ᖁᕝᕙᒋᐊᕈᑏᑦ)

ᐊᓪᓚᓯᒪᔪᒃᑯᑦ ᐅᖃᐅᓯᒃᑯᓗ ᑐᓴᐅᒪᖃᑎᒌᓐᓂᓕᕆᓂᑦ ᐃᓕᓐᓂᐊᓂᓕᕆᓂᕐᒥᒃ: ᑫᓪᓗᑐᐃᓂᖅ ᖃᓄᕐᑑᕈᑎᖏᓐᓂᒃ ᓇᓗᓀᕐᓯᓂᕐᓄᑦ, ᕿᒥᕐᕈᓂᕐᓄᑦ ᐊᒻᒪᓗ ᐋᕐᕿᒍᑎᑦᓴᑖᕐᑎᓯᓂᕐᒧᑦ ᐊᓪᓚᒍᓐᓇᓃᑦ ᐅᖃᕈᓐᓇᓃᓪᓗ ᐱᓀᓗᑕᖃᕈᑎᖏᓐᓂᒃ. ᐃᓕᓐᓂᐊᑎᑦᓯᒍᑎᓕᕆᓂᕐᒥᒃ ᐱᓇᓱᓐᓂᖅ ᑐᖕᖓᕕᓕᒃ ᐃᓕᓐᓂᐊᑎᑦᓯᒍᑎᓕᕆᓂᕐᒥᒃ ᐱᔪᓐᓇᐅᑎᖃᕐᓂᑯᓪᓗ ᑐᓴᐅᒪᖃᑎᒌᓐᓂᓕᕆᓂᖅ ᐃᓕᓐᓂᐊᓂᓕᕆᓂᕐᒥᒃ, ᐃᑉᐱᒋᔭᐅᓗᐊᖕᖑᐊᑎᓪᓗᒍ ᐃᓕᓐᓂᐊᕕᐅᑉ ᐃᓗᐊᓂ ᑐᓴᐅᒪᖃᑎᒌᓐᓂᖅ

• EDFE 306 – ᐱᖓᔪᐊ ᐱᓇᓱᕝᕕᒥ ᐱᓇᓱᐊᕐᓂᖅ
• (ᐃᓕᓐᓂᐊᕆᐊᖕᖓᑐᑦ/ᐳᒃᑭᓂᕐᓴᖅ) (8 ᖁᕝᕙᒋᐊᕈᑏᑦ)

ᑲᒪᒋᔭᐅᓂᒃᑯᑦ ᐃᓕᓐᓂᐊᑎᒥᒃ ᐃᓕᓐᓂᐊᑎᑦᓯᓂᖅ ᐃᓕᓐᓂᐊᕕᒻᒥ. ᐃᓕᓐᓂᐊᑏᑦ ᓂᕆᐅᒋᔭᔪᑦ ᖃᐅᔨᒪᑎᑦᓯᓛᕆᐊᕐᒥᓂᒃ ᐱᓇᓱᕝᕕᒥ ᐱᓇᓱᐊᕐᓂᕕᓂᕐᒥᑕ ᐅᓪᓗᖏᓐᓂᒃ, ᓯᕕᑐᓂᖏᓐᓂᒃ ᐊᒻᒪᓗ ᑲᒪᒋᔭᑦᓴᒥᓂᒃ ᓇᓗᓀᕐᑕᐅᓯᒪᑎᓪᓗᒋᑦ ᐱᓇᓱᑫᓐᓇᓚᖓᓂᕐᒥᒃ ᐊᒻᒪᓗ ᐃᓕᓐᓂᐊᑏᑦ ᑲᒪᒋᔭᐅᒍᑎᖏᓐᓂᒃ ᐅᐸᑦᑕᐅᕕᖓᓂᒃ ᐅᕙᓂ www.mcgill.ca/isa.

*ᐱᔭᐅᕇᕐᓯᒪᒋᐊᓕᒃ: EDEE 275, EDEE 223, EDEE 283, EDFE 256, EDEC 253; EDFE 200, EDFE 256, EDEC 201, EDFE 253, and EDEE 353; ᐱᔭᐅᕇᕐᓯᒪᒋᐊᖃᕐᒥᔪᖅ: EDEE 253 and EDEE 355

• EDEE 248 – ᐊᑐᐊᕐᓯᓂᖅ ᐊᓪᓚᓂᕐᓗ ᐃᓄᒃᑎᑐᑦ (3 ᖁᕝᕙᒋᐊᕈᑏᑦ)

ᖃᓄᐃᓘᕈᓰᑦ ᐃᓕᓐᓂᐊᑎᑦᓯᓂᕐᒧᑦ ᖃᓂᐅᔮᕐᐯᑎᑐᑦ ᐊᑐᐊᕐᓯᓂᕐᒥᒃ ᐊᓪᓚᓂᕐᒥᓗ. ᑐᑭᓯᒪᓂᖅ ᑐᖕᖓᕕᖏᓐᓂᒃ ᑕᑯᓐᓇᓂᒃᑯᑦ ᐊᑐᐊᕐᓯᓂᕐᒥᒃ ᐃᓕᓐᓂᐊᑎᑦᓯᒥᓂᕐᒥᒃ, ᐱᐊᕋᕐᒥᒃ ᕿᒥᕐᕈᓂᖅ, ᐃᓕᓐᓂᐅᑎᑦᓯᒍᑎᓂᒃ ᐋᕐᕿᓱᐃᓂᖅ ᐊᒻᒪᓗ ᑕᓯᐅᕐᑕᐅᓂᒃᑯᑦ ᐃᓕᓐᓂᐊᑎᑦᓯᓂᖅ.

*ᐱᔭᐅᕇᕐᓯᒪᒋᐊᓕᒃ: ᐅᖃᕈᓐᓇᓯᐊᕐᓂᑎ ᖃᓂᐅᔮᕐᐯᑎᑑᕐᑐᓂᒃ

• EDPI 341 – ᐃᓕᓐᓂᐊᑎᑦᓯᓂᖅ ᐃᓚᐅᔪᓂᒃ ᐃᓕᓐᓂᐊᕕᓐᓂᒃ (3 ᖁᕝᕙᒋᐊᕈᑏᑦ)

ᐋᕐᕿᓱᐃᓂᖅ, ᐸᕐᓇᓂᖅ, ᐊᑐᓕᕐᑎᓯᓂᖅ, ᐊᒻᒪᓗ ᓇᐅᑦᓯᑐᐃᓂᖅ ᐊᑐᑦᓯᐊᕈᓐᓇᓯᐊᕐᑐᓂᒃ ᐃᓕᓐᓂᐊᑎᑦᓯᓂᕐᒧᑦ ᐃᓕᓐᓂᐊᑎᑦᓯᒍᑎᓂᒃ ᐊᑦᔨᒌᖕᖏᑐᓂᒃ ᐃᓕᓐᓂᐊᑎᓄᑦ, ᐊᒻᒪᓗ ᐃᓱᒪᒋᑦᓱᒋᑦ ᐃᓘᓐᓈᒍᑦ ᐊᑐᕐᑎᑕᐅᒍᓐᓇᓂᖏᑦ. ᐋᕐᕿᓱᐃᒋᐊᕐᓂᖅ ᐃᓕᓐᓂᐊᑎᑦᓯᒍᑎᓂᒃ ᐃᓕᓐᓂᐊᑎᑦᓯᒍᓯᕐᓂᓗ ᐃᓕᓐᓂᐊᑎᓄᑦ ᐊᑦᔨᒌᖕᖏᑐᓂᒃ ᐱᒍᓐᓇᓂᓕᓐᓄᑦ, ᐃᓕᓐᓂᐊᕈᓯᖃᕐᓱᑎᓪᓗ, ᑭᖕᖒᒪᒋᔭᖃᕐᓱᑎᓪᓗ. ᐃᑲᔪᖃᑎᒌᓐᓂᖅ ᐃᓕᓐᓂᐊᑏᓪᓗ, ᐃᓚᒌᓪᓗ, ᐊᒻᒪᓗ ᐊᓯᖏᓐᓂᒃ ᐃᓕᓐᓂᐊᑎᑦᓯᔨᓂᒃ (ᐅᕝᕙᓘᓐᓃᑦ ᐃᓚᐅᔫᔪᐃᑦ) ᐃᓕᓐᓂᐊᑎᑦᓯᓂᐅᑉ ᐊᑐᕐᑕᐅᓂᖓᓂᒃ. ᐊᑐᕐᑎᓯᓂᖅ ᐋᕐᕿᒋᐊᕐᑕᐅᓯᒪᔪᓂᒃ ᐃᓕᓐᓂᐊᕕᓐᓂᒃ ᐊᒻᒪᓗ ᐃᓕᓐᓂᐊᕖᑦ ᐳᕐᑐᓕᕇᖏᓐᓂᒃ ᐃᓘᓐᓇᖏᓐᓄᑦ ᐃᓕᓐᓂᐊᑎᓄᑦ ᐃᓚᐅᔪᓄᑦ ᐃᓕᓐᓂᐊᕕᓐᓄᑦ.

*ᐱᔭᐅᕇᕐᓯᒪᒋᐊᓕᒃ: EDPE 300

ᐅᑯᐊ ᐊᓪᓚᓯᒪᔪᐃᑦ ᐃᓕᓐᓂᐊᑎᑦᓯᒍᑎᑦᓯᓭᑦ ᐊᕐᕌᒎᑉ ᒪᕐᕈᖓᓂᒃ, ᒪᕐᕉᑎᓪᓗᒋᒃ ᐃᓕᓐᓂᐊᓈᒃ:

• EDEC 344 – ᐱᒍᓐᓇᓂᖃᑦᓯᐊᑐᓄᑦ ᓄᓇᖃᕐᖄᓯᒪᔪᑦ ᐅᖃᐅᓯᓕᕆᓂᖅ (3 ᖁᕝᕙᒋᐊᕈᑏᑦ)

ᑭᖑᓪᓕᐹᒥ ᐃᓕᓐᓂᐊᑎᑦᓯᒍᑎᒃ ᑐᖓᓕᕇᑦᑕᑐᓂᒃ ᑲᒪᒋᔭᓕᓐᓂᒃ ᐃᓄᒃᑎᑐᑦ ᐅᖃᕐᑕᐅᒍᓯᖏᓐᓂᒃ ᐋᕐᕿᓱᕐᓯᒪᐅᑎᖏᓐᓂᓗ. ᑐᑭᓯᒪᓂᖅ ᐊᓪᓚᒍᓐᓇᓂᐅᔪᓂᒃ ᐱᓗᐊᕐᑐᒥᒃ, ᐱᖁᔦᑦ ᐊᐅᓚᑦᓯᔪᑦ ᓱᒋᐊᒍᑎᓂᒃ ᐊᒻᒪᓗ ᐱᖃᕐᓂᕋᐅᑏᑦ ᐃᓱᖏᓐᓂᒃ.

*ᐱᔭᐅᕇᕐᓯᒪᒋᐊᓕᒃ: EDEE 342

______

• EDEE 280 – ᓄᓇᖕᖑᐊᓕᕆᓂᖅ, ᐱᐅᓯᕆᔭᐅᕙᑦᑐᓕᕆᓂᖅ ᐊᒻᒪᓗ ᓄᓇᖃᑎᒋᔭᐅᓂᕐᒥᒃ ᐃᓕᓐᓂᐊᓂᖅ (3 ᖁᕝᕙᒋᐊᕈᑏᑦ)

ᐋᕐᕿᓱᕐᑕᐅᓯᒪᔪᖅ ᐳᒃᑭᓂᕐᓴᒥᒃ ᐃᓕᓐᓂᐊᕕᒻᒥ ᐃᓕᓐᓂᐊᑎᑦᓯᔨᓄᑦ. ᐊᒥᓱᐃᓕᖓᔪᖅ-ᐱᓇᓱᒐᖅ ᐊᒻᒪᓗ ᐃᓕᓐᓂᐊᑕᐅᖃᑦᑕᑐᓕᒫᓂᑦ ᖃᐅᔨᓴᕐᓂᖅ ᐊᑦᔨᒌᖕᖏᑐᓂᒃ ᓄᓇᖃᑎᒋᔭᐅᓂᕐᒥᒃ ᐃᓕᓐᓂᐊᓂᐅᑉ ᐅᖃᐅᓯᕐᑕᖃᕐᓂᖏᒍᑦ, ᓇᓃᓐᓂᖏᑦ ᓄᓇᓕᖏᒍᑦ ᐊᒻᒪᓗ ᐱᐅᓯᕆᔭᐅᕙᑦᑐᕕᓃᑦ ᓇᓗᓀᕐᑕᐅᓯᒪᔪᑦ ᑯᐯᒃᑯᑦ ᐃᓕᓐᓂᐊᓂᓕᕆᓂᕐᒥᒃ ᐃᓕᓐᓂᐊᑎᑦᓯᒍᑎᖏᓐᓂᒃ.

______

• EDEE 353 – ᐱᖓᔪᐊ ᐊᕐᕌᒍᖅ ᐱᔪᓐᓇᐅᑎᖃᕐᓂᒧᑦ ᐃᓕᓐᓂᐊᑎᑦᓯᓂᖃᕐᓂᖅ (ᐃᓕᓐᓂᐊᕆᐊᖕᖓᑐᑦ/ᐳᒃᑭᓂᕐᓭᑦ) (3 ᖁᕝᕙᒋᐊᕈᑏᑦ)

ᐃᓱᒪᒋᔭᐅᔪᓂᒃ-ᑐᖏᖓᕕᓕᓐᓂᒃ ᖃᓄᕐᑑᕈᑎᖃᕐᓂᖅ ᐋᕐᕿᓱᕐᓯᒪᐅᑎᖃᕐᓂᑯᑦ, ᐊᐅᓚᑦᓯᓂᕐᒧᑦ ᐊᒻᒪᓗ ᐃᓕᓐᓂᐊᑎᑦᓯᓂᕐᓄᑦ ᐳᒃᑭᓂᕐᓴᒥᒃ ᐃᓕᓐᓂᐊᕖᑦ ᐃᓕᓐᓂᐊᕕᖏᓐᓂᒃ. ᖃᓄᐃᓘᕈᓰᑦ ᐊᑐᓕᕐᑎᓯᓂᕐᒧᑦ ᐃᓅᑉ ᐃᓕᓐᓂᐊᑕᖏᓐᓂᒃ ᐳᒃᑭᓂᕐᓴᒥᒃ ᐃᓕᓐᓂᐊᕕᐅᑉ ᐃᓕᓐᓂᐊᑎᑦᓯᒍᑎᖏᓐᓂᒃ, ᐊᑐᕐᓂᑯᑦ ᑯᐯᒃ ᐃᓕᓐᓂᐊᑎᑦᓯᒍᑎᖏᓐᓂᒃ ᐆᑦᑐᕋᐅᑎᒋᓗᐊᖕᖑᐊᓱᒍ. ᐱᔪᓐᓇᐅᑎᖃᕐᓂᑯᑦ ᐱᔭᑦᓴᐅᔪᑦ ᐊᒻᒪᓗ ᐱᔪᓐᓇᐅᑎᖃᕐᓂᑯᑦ ᐱᒍᓐᓇᓂᕆᔭᐅᒋᐊᓖᑦ ᐅᖃᓕᒪᒍᑕᐅᖕᖑᓱᒻᒥᔪᑦ.

*ᐱᔭᐅᕇᕐᓯᒪᒋᐊᓕᒃ: EDEC 253; ᐱᔭᐅᓯᒪᒋᐊᖃᕐᒥᔪᑦ: EDEE 355 and EDFE 306

______

• EDPE 300 – ᐃᓕᓐᓂᐊᓂᓕᕆᓂᕐᒧᑦ ᐃᓱᒪᓕᕆᓂᖅ (3 ᖁᕝᕙᒋᐊᕈᑏᑦ)

ᑎᒃᑯᐊᑕᐅᓯᒪᔪᑦ ᐃᓱᒪᒍᓯᒋᔭᐅᔪᑦ, ᐆᑦᑐᕋᐅᑏᑦ, ᐊᒻᒪᓗ ᐃᓱᒪᒋᔭᐅᔪᑦ ᐊᑑᑎᓖᑦ ᐸᕐᓇᓂᕐᒧᑦ ᐊᒻᒪᓗ ᐃᓱᒪᒍᑎᖃᕐᓂᑯᑦ ᐃᓕᓐᓂᐊᓂᓕᕆᓂᕐᒥᒃ ᐱᓇᓱᐊᕐᓂᒥᒃ ᐱᐅᓯᒋᐊᕆᓂᕐᒥᓗ. ᕿᒥᕐᕈᒋᐊᓪᓛᓂᖅ ᐱᕙᓪᓕᐊᓂᕐᒥᒃ, ᐃᓕᓐᓂᐊᓂᕐᒥᒃ, ᐃᓱᒪᓂᕐᒥᒃ, ᑲᑦᓱᙰᑦᑑᓂᕐᒥᒃ, ᐃᒻᒥᒍᑦ ᐊᑦᔨᒋᔭᐅᖕᖏᑑᓂᖅ, ᐊᓯᖏᓪᓗ. ᐊᑦᑐᐊᑎᓪᓗᒋᑦ ᐊᑐᓕᕐᑎᑕᐅᓂᖏᓐᓄᑦ ᐃᓕᓐᓂᐊᕕᓐᓂᒃ ᐃᓕᓐᓂᐊᑎᑦᓯᓂᕐᒧᑦ ᐃᓕᓐᓂᐊᓂᕐᒧᓗ, ᖃᓄᐃᓘᕐᑎᐅᒋᐊᓪᓛᓂᖏᑦ ᐃᓱᐊᕐᓭᔩᑦ ᐃᓱᒪᓕᕆᔩᓪᓗ, ᐃᓕᓐᓂᐊᓂᕐᒥᒃ ᖃᕆᑕᐅᔭᓕᕆᐅᑎᖃᕐᓂᖅ ᖃᕆᑕᐅᔭᓕᕆᐅᑎᓕᕆᓂᖃᕐᓂᓗ. ᐅᕕᒃᑫᑦ ᓴᐳᑎᔭᐅᓂᖓᑕ ᒪᓕᒐᖓ.

______

• EDEC 203 – ᑐᓴᐅᒪᖃᑎᒌᓐᓂᖅ ᐃᓕᓐᓂᐊᓂᓕᕆᓂᕐᒥᒃ (3 ᖁᕝᕙᒋᐊᕈᑏᑦ)

ᐊᓪᓚᓯᒪᔪᒃᑯᑦ ᐅᖃᐅᓯᒃᑯᓗ ᑐᓴᐅᒪᖃᑎᒌᓐᓂᓕᕆᓂᑦ ᐃᓕᓐᓂᐊᓂᓕᕆᓂᕐᒥᒃ: ᑫᓪᓗᑐᐃᓂᖅ ᖃᓄᕐᑑᕈᑎᖏᓐᓂᒃ ᓇᓗᓀᕐᓯᓂᕐᓄᑦ, ᕿᒥᕐᕈᓂᕐᓄᑦ ᐊᒻᒪᓗ ᐋᕐᕿᒍᑎᑦᓴᑖᕐᑎᓯᓂᕐᒧᑦ ᐊᓪᓚᒍᓐᓇᓃᑦ ᐅᖃᕈᓐᓇᓃᓪᓗ ᐱᓀᓗᑕᖃᕈᑎᖏᓐᓂᒃ. ᐃᓕᓐᓂᐊᑎᑦᓯᒍᑎᓕᕆᓂᕐᒥᒃ ᐱᓇᓱᓐᓂᖅ ᑐᖕᖓᕕᓕᒃ ᐃᓕᓐᓂᐊᑎᑦᓯᒍᑎᓕᕆᓂᕐᒥᒃ ᐱᔪᓐᓇᐅᑎᖃᕐᓂᑯᓪᓗ ᑐᓴᐅᒪᖃᑎᒌᓐᓂᓕᕆᓂᖅ ᐃᓕᓐᓂᐊᓂᓕᕆᓂᕐᒥᒃ, ᐃᑉᐱᒋᔭᐅᓗᐊᖕᖑᐊᑎᓪᓗᒍ ᐃᓕᓐᓂᐊᕕᐅᑉ ᐃᓗᐊᓂ ᑐᓴᐅᒪᖃᑎᒌᓐᓂᖅ

______

• EDFE 306 – ᐱᖓᔪᐊ ᐱᓇᓱᕝᕕᒥ ᐱᓇᓱᐊᕐᓂᖅ (ᐃᓕᓐᓂᐊᕆᐊᖕᖓᑐᑦ/ᐳᒃᑭᓂᕐᓴᖅ) (8 ᖁᕝᕙᒋᐊᕈᑏᑦ)

ᑲᒪᒋᔭᐅᓂᒃᑯᑦ ᐃᓕᓐᓂᐊᑎᒥᒃ ᐃᓕᓐᓂᐊᑎᑦᓯᓂᖅ ᐃᓕᓐᓂᐊᕕᒻᒥ. ᐃᓕᓐᓂᐊᑏᑦ ᓂᕆᐅᒋᔭᔪᑦ ᖃᐅᔨᒪᑎᑦᓯᓛᕆᐊᕐᒥᓂᒃ ᐱᓇᓱᕝᕕᒥ ᐱᓇᓱᐊᕐᓂᕕᓂᕐᒥᑕ ᐅᓪᓗᖏᓐᓂᒃ, ᓯᕕᑐᓂᖏᓐᓂᒃ ᐊᒻᒪᓗ ᑲᒪᒋᔭᑦᓴᒥᓂᒃ ᓇᓗᓀᕐᑕᐅᓯᒪᑎᓪᓗᒋᑦ ᐱᓇᓱᑫᓐᓇᓚᖓᓂᕐᒥᒃ ᐊᒻᒪᓗ ᐃᓕᓐᓂᐊᑏᑦ ᑲᒪᒋᔭᐅᒍᑎᖏᓐᓂᒃ ᐅᐸᑦᑕᐅᕕᖓᓂᒃ ᐅᕙᓂ www.mcgill.ca/isa.

*ᐱᔭᐅᕇᕐᓯᒪᒋᐊᓕᒃ: EDEE 275, EDEE 223, EDEE 283, EDFE 256, EDEC 253; EDFE 200, EDFE 256, EDEC 201, EDFE 253, and EDEE 353; ᐱᔭᐅᕇᕐᓯᒪᒋᐊᖃᕐᒥᔪᖅ: EDEE 253 and EDEE 355

______

• EDEE 248 – ᐊᑐᐊᕐᓯᓂᖅ ᐊᓪᓚᓂᕐᓗ ᐃᓄᒃᑎᑐᑦ (3 ᖁᕝᕙᒋᐊᕈᑏᑦ)

ᖃᓄᐃᓘᕈᓰᑦ ᐃᓕᓐᓂᐊᑎᑦᓯᓂᕐᒧᑦ ᖃᓂᐅᔮᕐᐯᑎᑐᑦ ᐊᑐᐊᕐᓯᓂᕐᒥᒃ ᐊᓪᓚᓂᕐᒥᓗ. ᑐᑭᓯᒪᓂᖅ ᑐᖕᖓᕕᖏᓐᓂᒃ ᑕᑯᓐᓇᓂᒃᑯᑦ ᐊᑐᐊᕐᓯᓂᕐᒥᒃ ᐃᓕᓐᓂᐊᑎᑦᓯᒥᓂᕐᒥᒃ, ᐱᐊᕋᕐᒥᒃ ᕿᒥᕐᕈᓂᖅ, ᐃᓕᓐᓂᐅᑎᑦᓯᒍᑎᓂᒃ ᐋᕐᕿᓱᐃᓂᖅ ᐊᒻᒪᓗ ᑕᓯᐅᕐᑕᐅᓂᒃᑯᑦ ᐃᓕᓐᓂᐊᑎᑦᓯᓂᖅ.

*ᐱᔭᐅᕇᕐᓯᒪᒋᐊᓕᒃ: ᐅᖃᕈᓐᓇᓯᐊᕐᓂᑎ ᖃᓂᐅᔮᕐᐯᑎᑑᕐᑐᓂᒃ

______

• EDPI 341 – ᐃᓕᓐᓂᐊᑎᑦᓯᓂᖅ ᐃᓚᐅᔪᓂᒃ ᐃᓕᓐᓂᐊᕕᓐᓂᒃ (3 ᖁᕝᕙᒋᐊᕈᑏᑦ)

ᐋᕐᕿᓱᐃᓂᖅ, ᐸᕐᓇᓂᖅ, ᐊᑐᓕᕐᑎᓯᓂᖅ, ᐊᒻᒪᓗ ᓇᐅᑦᓯᑐᐃᓂᖅ ᐊᑐᑦᓯᐊᕈᓐᓇᓯᐊᕐᑐᓂᒃ ᐃᓕᓐᓂᐊᑎᑦᓯᓂᕐᒧᑦ ᐃᓕᓐᓂᐊᑎᑦᓯᒍᑎᓂᒃ ᐊᑦᔨᒌᖕᖏᑐᓂᒃ ᐃᓕᓐᓂᐊᑎᓄᑦ, ᐊᒻᒪᓗ ᐃᓱᒪᒋᑦᓱᒋᑦ ᐃᓘᓐᓈᒍᑦ ᐊᑐᕐᑎᑕᐅᒍᓐᓇᓂᖏᑦ. ᐋᕐᕿᓱᐃᒋᐊᕐᓂᖅ ᐃᓕᓐᓂᐊᑎᑦᓯᒍᑎᓂᒃ ᐃᓕᓐᓂᐊᑎᑦᓯᒍᓯᕐᓂᓗ ᐃᓕᓐᓂᐊᑎᓄᑦ ᐊᑦᔨᒌᖕᖏᑐᓂᒃ ᐱᒍᓐᓇᓂᓕᓐᓄᑦ, ᐃᓕᓐᓂᐊᕈᓯᖃᕐᓱᑎᓪᓗ, ᑭᖕᖒᒪᒋᔭᖃᕐᓱᑎᓪᓗ. ᐃᑲᔪᖃᑎᒌᓐᓂᖅ ᐃᓕᓐᓂᐊᑏᓪᓗ, ᐃᓚᒌᓪᓗ, ᐊᒻᒪᓗ ᐊᓯᖏᓐᓂᒃ ᐃᓕᓐᓂᐊᑎᑦᓯᔨᓂᒃ (ᐅᕝᕙᓘᓐᓃᑦ ᐃᓚᐅᔫᔪᐃᑦ) ᐃᓕᓐᓂᐊᑎᑦᓯᓂᐅᑉ ᐊᑐᕐᑕᐅᓂᖓᓂᒃ. ᐊᑐᕐᑎᓯᓂᖅ ᐋᕐᕿᒋᐊᕐᑕᐅᓯᒪᔪᓂᒃ ᐃᓕᓐᓂᐊᕕᓐᓂᒃ ᐊᒻᒪᓗ ᐃᓕᓐᓂᐊᕖᑦ ᐳᕐᑐᓕᕇᖏᓐᓂᒃ ᐃᓘᓐᓇᖏᓐᓄᑦ ᐃᓕᓐᓂᐊᑎᓄᑦ ᐃᓚᐅᔪᓄᑦ ᐃᓕᓐᓂᐊᕕᓐᓄᑦ.

*ᐱᔭᐅᕇᕐᓯᒪᒋᐊᓕᒃ: EDPE 300

ᐅᖁᓂᖓ ᒪᓕᒋᐊᖃᕐᑐᑎᑦ ᖃᓄᐃᓕᖓᐅᓯᐅᖁᔭᐅᔪᓂᒃ:

• ᐳᕐᑐᓂᕐᓴᒥᒃ ᐃᓕᓐᓂᐊᓂᕐᒥᒃ ᐱᔭᕇᒍᑎᖃᕐᓗᑎᑦ.
• 18-ᓂᒃ ᐅᑭᐅᖃᕐᓗᑎᑦ ᐅᖓᑖᓄᓪᓘᓃᑦ.
• ᐊᖏᖃᑎᒌᓐᓂᒧᑦ (JBNQA) ᐃᓚᐅᔫᓗᑎᑦ.

ᑖᒃᑯᓂᖓ ᒪᓕᖕᖏᑯᕕᑦ ᖃᓄᐃᓕᖓᐅᓯᐅᖁᔭᐅᔪᓂᒃ, ᐅᕙᑦᑎᓂᒃ ᖃᐅᔨᒋᐊᑦᓴᕋᓯ. ᕿᒥᕐᕈᒍᓐᓇᑕᕗᑦ ᐃᓕᓐᓂᐊᑏᑦ ᐊᓪᓚᓯᒪᔪᖏᓐᓂᒃ ᐊᒻᒪᓗ ᕿᒥᕐᕈᓗᑕ ᖃᓄᐃᓘᖃᑎᖃᕈᓐᓇᒪᖔᑦᑕ ᐃᓕᓐᓂᒃ.
ᐊᓪᓚᓗᓯ ᐅᕙᑦᑎᓄᑦ.

ᐃᓕᓐᓂᐊᑏᑦ ᐃᓚᐅᖃᑕᐅᔪᑦ ᐃᓕᓐᓂᐊᑎᑦᓯᒍᑎᒥᒃ ᑐᔪᕐᒥᐅᑎᑕᐅᓚᖓᔪᑦ ᓄᑖᒥᒃ ᓴᓇᔭᐅᕐᖃᒥᕐᒥᒃ ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖏᓐᓄᑦ ᑐᔪᕐᒥᐅᕕᖓᓂᒃ. ᑐᔪᕐᒥᐅᕕᒃ ᑐᔪᕐᒥᐅᒍᓐᓇᑐᖅ ᐃᒻᒥᒎᓈᕐᑎᑐᓂᒃ ᐃᓄᒻᒪᕆᓐᓂᒃ ᐊᒻᒪᓗ ᐃᓚᒌᓂᒃ ᐅᕝᕙᓘᓐᓃᑦ ᐃᓄᑑᑦᔨᔪᓂᒃ ᐊᖓᔪᕐᖄᓂᒃ ᐱᐊᕋᓕᓐᓂᒃ.

• ᑐᔪᕐᒥᐅᕕᒃ ᐃᓗᓕᖃᕐᑐᖅ ᒫᓐᓇᓂᑕᕐᓂᒃ ᐱᓇᓱᕝᕕᒪᕇᑦ ᐃᒐᓕᑦᓴᔭᖏᓐᓂᒃ ᐱᓇᓱᑦᑎᖃᓛᕐᑐᒥᒃ ᐊᑌᓐᓇᑐᓂᒃ ᐃᒐᔨᓂᒃ, ᑕᒐ ᐃᓕᓐᓂᐊᑏᑦ ᐊᒻᒪᓗ ᐃᓚᖏᑦ ᐃᓱᒫᓗᒋᐊᑐᖕᖏᑐᑦ ᐊᑐᐃᓐᓇᕈᕐᑎᕆᒋᐊᖃᕆᐊᒥᒃ ᓂᕆᔭᑦᓴᒥᓂᒃ ᐃᓕᓐᓂᐊᕆᐊᕐᓯᒪᕉᑕᕆᓂᕐᒥᓂᒃ
• ᑐᔪᕐᒥᐅᕕᒃ ᐃᓗᓕᑕᖃᕐᒥᔪᖅ ᐊᒥᓱᒐᓛᓂᒃ ᓱᖃᑦᓯᕕᓐᓂᒃ ᓱᒐᓚᕝᕕᐅᒐᔭᕐᑐᓂᒃ ᐃᓕᕐᖁᓯᓕᕆᓂᐅᑉ ᓱᖃᑦᓯᐅᑎᖏᓐᓂᒃ, ᐆᑦᑎᒋᓗᒋᑦ ᒥᕐᓱᓃᑦ ᐅᕝᕙᓘᓐᓃᑦ ᓴᓇᖕᖑᐊᓃᑦ, ᐊᒻᒪᓗ ᐃᙯᓕᓴᕐᕕᖃᕐᓱᓂ, ᓱᒐᓚᖕᖑᐊᕕᖃᕐᓱᓂ ᐊᒻᒪᓗ ᐯᕆᑦᓯᕕᖃᕐᓱᓂ.

ᐱᐊᕋᑎᑦ ᐃᓕᓐᓂᐊᑎᐅᑉᐸᑕ, ᐃᓕᓐᓂᐊᑎᒍᓐᓇᑕᑎᑦ ᔮᓂᒻᒪᕆᐅᑉ ᐃᓕᓐᓂᐊᕕᖓᓂᒃ ᐅᕝᕙᓘᓐᓃᑦ ᐱᑕᑲᓪᓚᐅᑉ ᐃᓕᓐᓂᐊᕕᖓᓂᒃ.