2013-ᒥ, ᑳᒧᕋᓐ ᔪᓕᑰ ᐃᓕᓐᓂᐊᕇᕋᑖᖑᓚᐅᕐᓯᒪᔪᖅ ᓯᓚᑦᑐᓴᕐᕕᒥ Lakehead University. ᐸᕐᓇᓚᐅᕐᓯᒪᔪᖅ ᐊᒥᓲᖕᖏᑐᓂᒃ ᓇᑦᓴᕆᐊᖃᓪᓚᕆᑦᑕᒥᓂᒃ, ᑯᑭᑕᐸᐅᑎᖓ ᐃᓚᐅᑎᓪᓗᒍ, ᐊᐅᓪᓚᓱᓂᓗ ᖁᐊᕐᑕᒧᑦ, ᓄᓇᕕᒻᒥ. ᓯᕗᒧᐊᑲᓪᓚᓗᑕ ᐊᕐᕌᒍᓂᒃ ᖁᓕᓂᒃ…. ᑖᓐᓇ ᓄᓇᓕᒃ ᒥᑭᔪᐊᐱᒃ 460-ᓂᒃ ᐃᓄᓕᒃ ᐃᑉᐱᒍᓱᐊᓂᖓᑎᒍᑦᑦ ᐊᓂᕐᕋᔫᔮᓕᕐᑐᖅ ᑖᑦᓱᒧᖓ.
“ᑕᒪᐅᖓ ᑎᑭᒃᑲᒪ, ᐃᓄᐃᑦ ᐃᒣᓚᖃᑦᑕᓚᐅᕐᓯᒪᔪᑦ: “ᐃᓄᐃᓕᕿᖃᑦᑕᓚᖓᓂᕐᒧᑦ ᐅᐸᓗᙰᕐᓯᒪᓕᕆᑦ!” ᐅᖃᐅᑎᑐᐃᓇᖃᑦᑕᑕᒃᑲᓂ ᐃᒫᒃ, “ᐃᓕᓐᓂᐊᕕᐅᑉ ᐃᓕᓐᓂᐊᑎᓂᒃ ᐅᓯᒍᑎᖓᓂᒃ ᐊᑐᕆᐊᖃᖃᑦᑕᓯᒪᒐᒪ ᑫᕙᓪᓚᒍᓯᓕᒫᖅ ᓈᖃᑦᑕᓱᒍ ᖃᐅᑕᒫᑦᓯᐊᖅ ᐱᕈᕐᐸᓕᐊᑦᓱᖓ, ᑕᒐᓗ, ᑕᒪᓐᓇ ᐱᐅᔪᕋᑕᐅᕗᖅ, ᐱᓱᖃᑦᑕᓕᕋᒪ ᑕᕐᓵᐱᓐᓂᒃ ᑕᓪᓕᒣᓐᓈᐱᓐᓂᒃ ᐃᓕᓐᓂᐊᕕᓕᐊᕐᓱᖓ,” ᑳᒧᕋᓐᒧᑦ ᑌᒣᓕᔪᖅ, ᐃᔪᕐᓱᓂ.
ᐱᒋᐊᖕᖓᓂᖓᓂ, ᐃᓱᒪᒥᕝᕕᓴᖅ ᐱᓇᓱᓐᓇᐅᑉ ᓯᓚᑖᒍᑦ ᐊᔪᕐᓇᖃᑦᑕᓚᐅᔪᔪᖅ. ᐃᓕᑦᓯᒋᐊᓖᑦ ᑕᐸᓇᓚᐅᔪᖕᖏᑐᑦ, ᑭᓯᐊᓂ ᓯᐊᕈᒋᐊᖑᓕᕐᒪᑦ ᓱᓇᓕᒫᑦ ᐃᓱᕐᕆᓕᐅᒥᓚᐅᔪᔪᒃ.
ᓱᓇᒐᓓᑦ ᐃᖏᕐᕋᓂᖓᓂᒃ ᒪᓕᒍᓐᓇᓯᔪᖃᕋᒥ, ᖃᐅᔨᓐᓇᑐᖅ ᖃᓄᖅ ᐱᕕᑦᓴᖃᕐᓂᕆᔭᒥᒃ ᐊᐅᓚᑦᓯᓯᐊᓂᕐᓴᐅᒐᔭᕆᐊᒥᒃ, ᐱᔪᓐᓇᓯᕕᑦᓴᐅᓱᓂᓗ ᐊᑐᕐᓂᒥᒃ ᓱᓇᒐᓚᓐᓂᒃ ᐊᓕᐊᒋᔭᕆᔭᓂᒃ, ᓲᕐᓗ ᑯᑭᑕᐸᓐᓂᒥᒃ, ᐊᓪᓚᓂᐊᕐᓂᒥᒃ, ᖃᓄᒐᓚᓪᓘᓃᑦ ᐊᓯᐊᒍᑦ ᐊᓕᐊᒋᔭᕆᔭᒥᒃ.
ᐅᖄᓕᕋᒥ ᐃᓅᓯᕐᒥᓂᒃ ᖁᐊᕐᑕᒥ, ᑳᒧᕋᓐ ᐱᐅᑦᓴᓗᑐᕐᓂᕋᕐᑐᖅ ᓱᓇᓕᒫᑦ (ᐊᒻᒪᓗ ᐃᓄᓕᒫᑦ) ᐅᐃᒻᒪᖓᖕᖏᓐᓂᖓᓂᒃ ᐊᒻᒪᓗ ᓄᓪᓚᖓᐅᒐᕐᓂᖓᓂᒃ: “ᐱᕕᖃᕐᓇᓯᐊᕐᑐᖅ ᐃᓱᒪᒍᓐᓇᓯᓂᕐᒥᒃ, ᐱᔪᓐᓇᓯᕕᑦᓴᖅ ᐊᑎᓂᕐᒥᒃ ᓄᑖᒥᒃ ᓱᖃᑦᓯᒍᑎᑦᓴᒥᒃ, ᐅᕝᕙᓗᓘᓐᓃᑦ ᓱᓇᑐᐃᓐᓇᒥᒃ ᐊᓯᐊᓂᒃ. ᐱᔪᓐᓇᓯᕕᑦᓴᖅ ᖃᓄᓕᒫᖅ ᑕᒫᓂ”. ᑕᒪᓐᓇᓗ ᐊᓐᓂᓇᕐᑐᒪᕆᐅᕗᖅ ᓂᑦᔭᐅᑎᕐᑎᒧᑦ ᓲᕐᓗ ᑳᒧᕋᓐᑎᑐᑦ.
ᓇᒻᒪᓈᑦᓯᐊᓱᓂ, ᐱᓇᓱᕝᕕᖓ ᐱᔪᓐᓇᑎᑦᓯᒥᔪᖅ ᐃᓱᒪᒥᓐᓂᒥᒃ ᐱᒋᐊᓕᖓᓂᒃ ᐃᓚᐅᑎᑦᓯᒍᒪᒍᓂ ᐊᓕᐊᓐᓂᒥᓂᒃ ᑐᓴᕐᓂᔮᕈᑎᓂᒃ ᐃᓕᓐᓂᐊᑎᑦᓯᕕᐅᑉ ᐃᓗᐊᓂ. ᑳᒧᕋᓐ ᐃᕐᖃᐅᒪᔪᖅ ᑕᑯᑦᓴᓚᕆᒻᒥᒃ ᐱᔪᑦᓴᐅᔮᕐᓂᐅᑉ ᐊᒻᒪᓗ ᐊᓕᐊᓐᓂᐅᑉ ᐃᑭᓐᓂᖓᓂᒃ ᐃᓕᓐᓂᐊᑎᖏᑕ ᐃᔨᖏᓐᓂ ᑯᑭᑕᐸᐅᑎᒥᒃ ᐃᓕᓐᓂᐊᑎᑦᓯᓱᓂ ᐊᕐᕌᒍᐃᑦ ᐊᒥᓲᖕᖏᑐᑦ ᓯᕗᓂᖓᓂ. ᐊᐅᓚᔨᔪᖅ ᐱᖓᓱᓂᒃ ᐳᕐᑐᓂᕐᓴᓂᒃ ᐃᓕᓐᓂᐊᑎᓂᒃ ᐱᓇᓱᐊᖃᑎᕕᓂᕐᒥᓂᒃ ᑌᒃᑯᐊᓗ ᐱᖓᓲᑦᓱᑎᒃ ᑯᑭᑕᐸᓐᓂᕕᓂᖓᓂᒃ ᕿᑎᖕᖑᒥ ᐱᖕᖑᐊᓂᖃᕐᑎᓗᒍ. “ᑕᑯᓐᓇᑐᖃᓕᕋᒥ ᐃᓕᓐᓂᐊᑎᓂᒃ ᐊᓕᐊᓱᓕᕐᑐᒪᕆᐅᑎᓪᓗᒋᑦ ᐊᑐᕈᒪᓪᓗᑐᕐᑎᓗᒋᓪᓗ ᓱᓇᒐᓚᒻᒥᒃ, ᐱᐅᔪᒻᒪᕆᐊᓘᓲᖅ”. ᑌᒣᓕᔪᖅ.
ᑌᒣᑦᑐᐃᑦ ᑳᒧᕋᓐᒥᒃ ᐃᑉᐱᓂᐊᑎᑦᓯᔪᑦ ᓇᔪᕆᐊᓕᒻᒥᓃᓐᓂᒥᒃ, ᐊᑐᕆᐊᓕᒻᒥᓂᓗ ᐊᑐᕐᓂᒥᒃ. ᑕᒪᓐᓇᐅᔪᖅ ᐊᒻᒪᓗ ᐊᑦᑐᑕᐅᓐᓇᑐᑦ ᐃᓕᓐᓂᐊᕇᕐᑐᑦ ᓇᓪᓕᐅᓂᕐᓲᑎᖏᑦ ᐱᒻᒥᓱᑎᒃ:
“ᐃᒣᑦᑐᖅ, ᐳᕐᑐᓂᕐᓴᓂᒃ ᐃᓕᓐᓂᐊᕈᑎᓂᒃ ᐊᑐᕐᑐᒥᒃ ᐃᓕᓐᓂᐊᑎᖃᕈᕕᑦ ᓴᐱᕐᕆᐊᓚᕆᓕᕐᑐᒥᒃ ᓄᕐᙯᓇᕆᐊᒥᒃ ᐅᖃᖃᑦᑕᓕᕐᓱᓂ ᐅᖃᐅᑎᒍᕕᐅᓪᓗ ᐃᒫᒃ “ᐊᐅᑲ! ᓄᕐᙯᓇᓚᖓᖕᖏᓇᕕᑦ!” ᑌᒪ ᐊᔭᐅᓪᓚᕆᓯᒍᕕᐅᒃ ᐊᓂᒎᑎᖕᖏᓂᓕᒫᖓᓂ. ᑭᖑᓂᐊᒍᑦ, ᑕᑯᓐᓇᓱᒋᑦ ᐃᓕᓐᓂᐊᕇᕐᓂᖓᓂ, ᐅᖄᓕᕐᒪᑕ ᐊᒻᒪᓗ ᐊᑦᑐᑕᐅᒪᓕᕐᒪᑕ ᕿᐊᓱᖕᖑᓱᑎᒃ, ᑕᒪᓐᓇ ᐊᑦᑐᑕᐅᓐᓇᓯᐊᕐᑐᖅ ᓱᕐᖁᐃᑐᒥᒃ. ᐊᑕᐅᓯᐊᕐᓱᖓ ᐅᐸᑦᑕᐅᓯᒪᔪᖓ [ᐱᓇᓱᖃᑎᕕᓂᖓᓄᑦ] ᐅᖃᐅᑎᔭᐅᑦᓱᖓ ᐃᒫᒃ, ᐸᓂᖓᑦ ᐃᓕᓐᓂᐊᕇᕐᑎᓗᒍ, “ᓇᑯᕐᒦᙰ`, ᓱᒐᔭᓚᐅᔪᖕᖏᒪᑦ ᐱᑕᖃᖕᖏᑐᐊᕈᕕᑦ”. ᑕᒪᓐᓇ ᐊᑦᑐᑕᐅᓐᓇᓱᓂ ᐱᐅᔪᒻᒪᕆᐅᓚᐅᔪᔪᖅ”.
ᑳᒧᕋᓐ ᐅᓪᓗᒥ ᐱᓇᓱᑦᑐᖅ ᐃᓱᒻᒪᓴᕐᕕᒃ ᐃᓕᓐᓂᐊᕕᒻᒥ ᐊᑦᔨᐅᖏᑦᑐᓂᒃ ᐃᓕᓐᓂᐊᑎᑦᓯᓂᒃᑯᑦ ᐃᓱᒻᒪᓭᔨᐅᑦᓱᓂ, ᑕᒪᑐᒥᖓᓗ ᐊᑑᑎᒥᓂᒃ ᐊᓕᐊᓪᓗᑐᕐᓱᓂ.
ᐱᓇᓱᑦᑐᓴᕐᓯᐅᐳᒍᑦ! ᐱᓇᓱᐊᖃᒌᑦᑐᓄᑦ ᐃᓚᐅᒋᑦ ᐅᕙᑦᑎᓄᑦ ᐱᓇᓱᒐᕐᒧᑦ ᐃᓕᒐᓱᐊᕈᑎᓕᐅᕐᓗᑎᓗ ᐅᓪᓗᒥ.
ᐃᓕᒐᓱᐊᕆᑦ ᒫᓐᓇ ➔