ᐅᖄᔭᐅᔪᕕᓃᑦ ᐃᓕᓐᓂᐊᕕᒻᒥ ᑭᒡᒐᑐᕐᑏᑦ ᑲᑎᖕᖓᓂᖓᓐᓂᑦ ᑏᓯᒻᐱᕆ 2017-ᖑᑎᓪᓗᒍ

2017 | 12 | 17
ᐅᓂᒃᑳᑦ

ᓄᑖᑦ ᐃᓕᓐᓂᐊᓂᕐᒥ ᑭᒡᒐᑐᕐᑏᑦ ᓂᕈᐊᕐᑕᐅᓚᐅᔪᕗᑦ  ᓅᕕᒻᐱᕆ 15, 2017-ᒥ ᓂᕈᐊᕐᓂᖃᓚᐅᕐᑎᓗᒋᑦ ᓄᓇᕕᒻᒥ ᓄᓇᓕᓕᒫᓂ. ᓯᕗᓪᓕᐹᒥ ᑲᑎᖕᖓᓂᖏᓐᓂ, ᐃᓕᓐᓂᐊᓂᕐᒥ ᑭᒡᒐᑐᕐᑏᑦ ᐊᖏᕐᑎᑕᐅᓂᖃᓚᐅᔪᕗᑦ ᐊᒻᒪᓗ ᓂᕈᐊᕐᓂᖃᕐᓱᑎᒃ ᓄᑖᓂᒃ ᐳᕐᑐᓂᕐᓴᓂᒃ ᐅᑯᐊ ᐃᓕᔭᐅᓚᐅᔪᑦ:

  • ᐅᔮᐱ ᒍᐊᑦ, ᐊᖓᔪᕐᖄᖅ ᐊᒻᒪᓗ ᑭᒡᒐᑐᕐᑎ ᑰᑦᔪᐊᒧᑦ
  • ᐋᓚᓯ ᓈᓚᑦᑑᔭᖅ, ᐊᖓᔪᕐᖄᑉ ᑐᖓᓕᖓ ᐊᒻᒪᓗ ᑭᒡᒐᑐᕐᑎ ᐃᓄᑦᔪᐊᒧᑦ
  • ᐋᓐᑕᓂ ᐃᑦᑐᓵᑦ, ᑭᒡᒐᑐᕐᑎ ᑰᑦᔪᐊᕌᐱᒻᒧᑦ
  • ᓯᐊᔭ ᐋᓗᐸ, ᑭᒡᒐᑐᕐᑎ ᖁᐊᕐᑕᒧᑦ
  • ᐃᓖᓇ ᐴᑎ ᐃᓂᒥᓃᖏᓐᓇᑐᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᑭᒡᒐᑐᕐᑎᐅᓱᓂ

ᐊᖓᔪᕐᖄᕈᕆᐊᖕᖓᓱᓂ ᐅᖄᓂᕐᒥᓂ, ᐅᔮᐱ ᒍᐊᑦ ᐅᖄᓚᐅᔪᖅ ᐅᑯᓂᖓ ᐱᒻᒪᕆᐅᔪᓂᒃ ᓂᕈᐊᕐᑕᐅᓂᕐᒥᓄᑦ ᐊᖓᔪᕐᖄᖑᓂᕐᒧᑦ ᐃᓕᓴᕐᓂᓕᕆᓂᕐᒧᑦ:

  • ᐊᑐᓕᕐᑎᑕᐅᓂᖓᓂ ᐃᓕᓴᕐᓂᓕᕆᓂᕐᒥ ᐋᕐᕿᓯᒪᐅᑎᑦᓴᓄᑦ ᐸᕐᓀᒍᑎᓄᑦ;
  • ᓲᖑᓯᑎᑦᓯᒋᐊᕐᓂᒥᒃ ᐱᓇᓱᐊᖃᑎᒌᓐᓂᒥᒃ ᓄᓇᓕᓕᒫᓂ ᐃᓕᓴᕐᓂᓕᕆᓂᕐᒥᒃ ᐃᓚᐅᑎᑦᓯᓯᐊᕐᓂᒥᒃ ᐱᐅᔪᒧᑦ ᐃᓂᒧᑦ ᐱᕙᓐᓂᐊᑎᑦᓯᓂᕐᒧᑦ ᐊᒻᒪᓗ ᐃᓚᐅᓂᕐᒧᑦ ᐊᑑᑎᓕᓐᓂᒃ ᓄᓇᕕᒻᒥ ᐱᓇᓱᖃᑎᒌᓐᓂᒧᑦ ᐱᓇᓱᐊᕐᓂᒥᒃ ᐱᓇᓱᐊᕐᑕᐅᒋᐊᓕᓐᓂᒃ ᐊᑦᑐᐃᓂᖃᕐᑐᓂᒃ ᐃᓕᓐᓂᐊᑎᐅᑉ ᐃᓕᓐᓂᐊᓂᖓᓂᒃ ᐱᔭᕇᑦᓯᐊᓂᖓᓄᑦ ᐊᒻᒪᓗ ᖃᓄᐃᖕᖏᓯᐊᕐᓂᖓᓄᑦ.
  • ᐃᓚᐅᓂᕐᒧᑦ ᐋᕐᕿᓱᐃᓂᕐᒧᑦ ᐅᖄᖃᑎᒌᓐᓂᒥᒃ ᐃᓚᐅᔪᓄᑦ ᐱᓇᓱᐊᖃᑎᑦᑎᓄᑦ ᐳᕐᑐᓕᕇᓂ ᑐᕐᖃᑕᕐᕕᖓᓂ ᐃᓕᓐᓂᐊᓂᓕᕆᓂᐅᑉ ᐃᑉᐱᒋᔭᖃᕐᓂᒧᑦ ᐃᓕᓐᓂᐊᑏᑦ ᑭᖕᖒᒪᒋᔭᖏᓐᓂᒃ ᓈᒻᒪᓯᐊᕐᑐᓂᒃ ᐊᑐᕆᐊᓕᖏᓐᓂᒃ, ᖃᐅᔨᒪᓂᖏᓐᓂᒃ ᐊᒻᒪᓗ ᐱᒍᑦᔨᒍᑎᖏᓐᓂᒃ.

ᑕᒡᒐᓂ ᐊᕐᕌᒍᒥ, ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᓂᖅ ᐊᑐᐃᓐᓇᐅᓂᕐᓴᐅᓛᓕᕐᑐᖅ ᓄᓇᕕᒻᒥᐅᓄᑦ ᐳᕐᑐᓂᕐᓴᒥ ᐱᔭᕇᕈᑎᑖᕐᓯᒪᔪᓄᑦ (SSD).

ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᓂᕐᒥ ᐱᒍᑦᔭᐅᕕᖓ ᐊᓯᑦᔩᓯᒪᔪᖅ ᐊᑐᕈᓐᓇᕆᐊᓕᖓᓂᒃ ᐃᓚᐅᔪᑦ ᐃᓕᒐᓱᐊᓕᑐᐊᕈᑎᒃ ᐊᑭᓕᕐᑐᑕᐅᓂᕐᒧᑦ ᐃᓕᓐᓂᐊᓂᕐᒧᑦ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ.

ᑕᒃᑲᓂ ᐊᕐᕌᒍᒥ ᐱᒋᐊᕐᓗᑎᒃ, ᖃᐅᔨᓴᐅᑏᑦ ᐅᖃᐅᓯᕆᖕᖏᑕᒥᓂᒃ ᐱᒍᓐᓇᒪᖔᑕ ᐃᓕᓐᓂᐊᓂᕐᒥᒃ ᐳᕐᑐᓂᕐᓴᒋᐊᓪᓚᒥ TOEFL ᐊᒻᒪᓗ TESTCAN ᐊᑐᕐᑕᐅᓚᖓᒍᓐᓀᑐᑦ ᐳᕐᑐᓂᕐᓴᒥ 5-ᒥ ᐃᓕᓐᓂᐊᑎᓄᑦ, ᐊᑐᕐᑕᐅᒋᐊᖃᓲᑦ ᐊᑭᓕᕐᑐᑕᐅᓂᕐᒧᑦ. ᐃᓕᓐᓂᐊᑏᑦ ᐊᖏᕐᑕᐅᒍᓐᓇᖃᑦᑕᓚᖓᔪᑦ ᐊᑭᓕᕐᑐᑕᐅᓂᕐᒧᑦ ᐃᓕᓂᕐᒧᑦ ᐱᒍᓐᓇᕆᐊᓕᖏᓐᓂᒃ ᐳᕐᑐᓂᕐᓴᒋᐊᓪᓚᒧᑦ ᐃᓕᓐᓂᐊᕕᓐᓄᑦ ᐃᓕᒐᓱᐊᕐᕕᒥᓄᑦ ᐱᒍᓐᓇᑐᐊᕐᐸᑕ, ᐊᒻᒪᓗ ᐱᒍᓐᓇᕆᐊᓕᖏᓐᓄᑦ ᐃᓕᓴᕐᓂᓕᕆᓂᐅᑉ ᐃᓕᓐᓂᐊᑏᑦ  ᐊᑭᓕᕐᑐᑕᐅᓂᕐᒧᑦ ᒪᓕᒐᖏᓐᓄᑦ.

ᑐᓴᕐᑎᓯᒍᑎ ᑐᓂᔭᐅᓂᖏᓐᓂᒃ ᐱᕚᓪᓗᓂᕐᒧᑦ ᐳᕐᑐᓂᕐᓴᒥ ᐃᓕᓐᓂᐊᑎᓄᑦ ᐱᔭᕇᕈᑎᑖᓯᒪᔪᓄᑦ ᓄᓇᕕᒻᒥ ᐃᓕᓐᓂᐊᑎᓄᑦ ᐃᓕᑕᕆᔭᐅᒍᑎᑖᕐᓯᒪᔪᓄᑦ ᐊᑦᔨᖓᓂᒃ ᐳᕐᑐᓂᕐᓴᒥ ᐃᓕᓐᓂᐊᓂᕐᒧᑦ

ᑐᕐᖃᑕᕐᕕᖓ ᐃᓕᓐᓂᐊᓂᓕᕆᓂᐅᑉ ᐱᕙᓪᓕᐊᓕᕐᑐᖅ ᐊᑐᐃᓐᓇᕈᕐᑎᓂᕐᒧᑦ ᐱᔭᕇᕐᓂᕃᒍᑎᓂᒃ. ᐃᓕᓴᕐᓂᓕᕆᓂᖅ ᐱᑎᑦᓯᓯᒪᔪᖅ ᑭᖕᖒᒪᒋᔭᐅᔪᓂᒃ ᑐᑭᓯᑎᑦᓯᐅᑎᓂᒃ ᑯᐯᒃ ᑐᕐᖃᑕᕐᕕᖓᓂ ᐃᓕᓐᓂᐊᓂᓕᕆᓂᕐᒧᑦ.

ᑲᑎᑦᓱᑎᒃ, ᐃᓕᓴᕐᓂᓕᕆᓂᖅ ᓇᓗᓀᕐᓯᓯᒪᔪᖅ ᐊᑎᕐᓂᒃ, ᓇᓗᓀᒃᑯᑕᕐᓂᒃ ᐊᒻᒪᓗ ᐊᖏᕐᕋᖓᑕ ᑐᕌᕈᑎᖓᓂᒃ 145-ᓂᒃ ᐃᓕᓐᓂᐊᑎᓂᒃ (146-ᖑᖕᖏᑐᓂᒃ ᐅᖃᕐᑕᐅᒋᐊᖕᖓᖄᕐᑐᕕᓂᕐᓂᒃ). ᖃᕆᑕᐅᔭᑎᒍᑦ ᐊᑐᕐᑕᐅᓲᓂᒃ ᐊᕕᑦᑐᓯᒪᔪᐃᑦ ᐃᓂᖏᓐᓂ, ᐃᓕᓐᓂᐊᓂᐅᑉ ᐊᓪᓚᓯᒪᐅᑎᖏᑦ ᐃᓕᓐᓂᐊᑎᓄᑦ ᐊᑐᓂ ᐃᓕᖓᔪᓄᑦ ᓇᓗᓀᒃᑯᑕᖓ ᐊᓯᑦᔨᑕᐅᓯᒪᔪᖅ ᐊᓪᓚᓯᒪᑦᓱᓂ ᑖᒃᑯᐊ 145 ᐳᕐᑐᓂᕐᓴᒥ ᐃᓕᓐᓂᐊᕇᕐᓯᒪᔪᑦ ᐱᔭᕇᕈᑎᑖᕐᓯᒪᓂᖏᓐᓂᒃ ᐳᕐᑐᓂᕐᓴᒥᒃ ᐃᓕᓐᓂᐊᓂᕐᒥᒃ.

ᐱᔭᕇᕐᓂᕃᒍᑏᑦ ᐊᐅᓪᓚᑎᑕᐅᓛᕐᑐᑦ ᐊᑐᓂᒃ ᐃᓕᓐᓂᐊᑎᓄᑦ ᐊᓪᓚᓯᒪᔪᕐᓂᐊᕕᒃᑯᑦ, ᐊᖏᕐᕋᖏᑦᑕ ᓯᓚᑎᖏᓐᓄᑦ ᓄᓇᕕᒻᒥ, ᑯᐯᒃᑯᑦ ᑐᕐᖃᑕᕐᕕᖏᓐᓄᑦ ᐃᓕᓐᓂᐊᓂᓕᕆᓂᕐᒥ. ᐃᓕᓴᕐᓂᓕᕆᓂᖅ ᓄᐃᑦᓯᓛᕐᑐᖅ ᑐᓴᕐᑎᓯᓂᕐᒥᒃ ᐃᓕᓐᓂᐊᓂᓕᕆᓂᐅᑉ ᑐᕐᖃᑕᕐᕕᖓ ᐅᖃᑐᐊᕐᐸᑦ ᐱᔭᕇᕐᓂᕃᒍᑎᓂᒃ ᐊᐅᓪᓚᑎᑦᓯᓂᑦᓴᖓᑕ ᐅᓪᓗᖓᓂᒃ.

ᐊᑐᓕᕐᑎᑕᐅᓂᖓ ᐋᕐᕿᓯᒪᑎᑦᓯᓂᕐᓄᑦ ᐸᕐᓀᒍᑏᑦ ᐱᕙᓪᓕᐊᔪᖅ.

The newly elected Council of Commissioners was briefed on the school board’s strategic plan. ᐃᓕᓐᓂᐊᕕᓐᓄᑦ ᐊᒻᒪᓗ ᐱᓇᓱᕝᕕᖏᓐᓄᑦ ᐃᓕᓴᕐᓂᓕᕆᓂᐅᑉ, ᐋᕐᕿᓯᒪᐅᑎᑦᓴᓄᑦ ᐸᕐᓀᒍᑎᖏᑦ ᐱᒻᒪᕆᐅᓂᕐᐸᐅᕗᖅ ᑕᑯᓐᓇᓂᕐᒥᒃ ᐃᓘᓐᓇᖏᑦᑕ ᐱᒐᓱᐊᕐᑕᖏᑦᑕ ᐱᐅᓯᐅᒥᑎᑦᓯᒐᓱᐊᕐᓂᒧᑦ ᐃᑲᔪᓯᐅᑎᓂᒃ ᐃᓕᓐᓂᐊᑏᑦ ᐱᒍᓐᓇᓯᓂᖏᓐᓄᑦ.

ᑖᓐᓇ ᓯᕗᓪᓕᐹᖅ ᒪᕐᕉᒃ ᐊᕐᕌᒍᖓᓂ ᐃᓕᓐᓂᐊᓂᐅᓚᐅᔪᕗᖅ ᐃᓘᓐᓇᑎᓐᓄᑦ, ᐱᓇᓱᕝᕖᑦ ᒪᓕᑦᑎᓯᑦᓯᐊᑐᐊᕐᒪᑕ ᐱᓇᓱᐊᕐᑕᒥᓂᒃ ᑐᕌᒐᐅᔪᓄᑦ ᐅᖃᕐᑕᐅᔪᓄᑦ ᐋᕐᕿᓯᒪᐅᑎᑦᓴᓄᑦ ᐸᕐᓀᒍᑎᓄᑦ.

ᔫᓂ 2018-ᖑᓕᕐᐸᑦ, ᑎᑭᐅᑎᓛᕐᖁᒍᑦ ᓯᕗᓪᓕᐹᖅ ᒪᕐᕉᓄ ᐊᕐᕌᒎᓐᓂ ᐃᓱᓕᓂᖓᓄᑦ ᑖᒃᑯᓇᓂ ᐱᓪᓗᑯᕐᑐᓂᒃ ᑐᕌᒐᖃᓚᐅᔪᔪᖅ ᑎᑭᐅᑎᒐᓱᐊᕐᓱᓂᓗ. ᔫᓂ 2018-ᒥᑦ ᐱᒋᐊᕐᓗᓂ ᔫᓂ 2023-ᒧᑦ ᑎᑭᓪᓗᓂ, ᐃᓕᓴᕐᓂᓕᕆᓂᖅ ᐱᓇᓱᐊᓚᖓᔪᖅ ᐊᑐᓕᕐᑎᓯᓂᕐᒧᑦ 5-ᓂ ᐊᕐᕌᒍᓄᑦ.

ᐋᕐᕿᓯᒪᐅᑎᑦᓴᓄᑦ ᐸᕐᓀᒍᑏᑦ ᐊᑐᐃᓐᓇᐅᔪᖅ ᐃᓕᓴᕐᓂᓕᕆᓂᕐᒥ ᖃᕆᑕᐅᔭᒃᑯᑦ ᓄᐃᑕᑎᑦᓯᐅᑎᖓᓂ. ᐋᕐᕿᓯᒪᐅᑎᑦᓴᓄᑦ ᐸᕐᓀᒍᑏᑦ ᐋᕐᕿᓱᕐᓯᒪᔪᖅ ᓯᑕᓂᒃ ᐋᕐᕿᓯᒪᐅᑎᑦᓭᑦ ᑐᕌᕐᑕᖏᓐᓂᒃ ᑕᑯᓐᓇᓱᑎᒃ:

  1. ᓲᖑᓯᑎᑦᓯᒋᐊᕐᓂᒧᑦ ᐃᓄᐃᑦ ᐃᓗᕐᖁᓯᖓᓂᒃ, ᐅᖃᐅᓯᖓᓂᒃ ᐊᒻᒪᓗ ᐃᓪᓕᕆᔭᖏᓐᓂᒃ
  2. ᐃᑉᐱᒋᔭᖃᕐᓱᑎᒃ ᐱᕙᓪᓕᐊᓂᖓᓂᒃ ᐃᓕᓴᕐᓂᓕᕆᓂᖅ ᑎᒥᐅᔫᑦᓱᓂ ᐃᓄᓐᓄᑦ ᐱᓇᓱᐊᕐᑐᓄᑦ ᐱᓇᓱᐊᕈᑦᔨᔪᓄᓪᓗ
  3. ᐃᑉᐱᒋᔭᖃᕐᓱᑎᒃ ᐱᒍᓐᓇᓯᓂᖏᓐᓂᒃ ᐊᒻᒪᓗ ᖃᓄᐃᖕᖏᓯᐊᕐᓂᖏᓐᓂᒃ ᐃᓕᓐᓂᐊᑏᑦ
  4. ᐱᓇᓱᐊᖃᑎᖃᕐᓗᓂ ᐃᓄᐃᑦ ᓄᓇᓕᖏᓐᓂᒃ ᐊᒻᒪᓗ ᐊᓯᖏᓐᓂᒃ ᐱᓇᓱᒍᑦᔨᔪᓂᒃ ᓲᖑᓰᒋᐊᕐᓂᒧᑦ ᐃᓄᐃᑦ ᐱᒍᓐᓇᐅᑎᖏᓐᓂᒃ ᐊᒻᒪᓗ ᓄᓇᓕᖏᓐᓂᒃ

ᐃᓕᓴᕐᓂᓕᕆᓂᖅ ᐊᓪᓚᓯᒪᐅᑎᖏᓐᓄᑦ ᐃᓕᓐᓂᐊᕕᐅᑉ ᐅᒃᑯᐊᓯᒪᓂᖓᓄᑦ. ᐊᓪᓚᑕᐅᓯᒪᔪᑦ ᐊᑐᕐᑕᐅᓛᕐᑐᑦ ᖃᐅᔨᓴᐅᑎᐅᓗᑎᒃ ᐋᕐᕿᒋᐊᕈᑎᑦᓴᓄᑦ ᑖᑦᓱᒧᖓ ᐱᓀᓗᑕᒻᒪᕆᐅᔪᒧᑦ.

ᐃᓕᓐᓂᐊᕖᑦ ᐅᒃᑯᐊᓯᒪᓂᖏᑦ ᐃᓕᓐᓂᐊᑎᑦᓯᔨᒥᒃ ᐃᓇᖐᕐᑎᓭᓪᓕᐅᓂᕐᒧᑦ ᓄᐃᖏᓐᓇᖃᑦᑕᑐᖅ ᑲᑎᖕᖓᐅᑎᓂᒃ ᐃᓕᓐᓂᐊᓂᕐᒥ ᑭᒡᒐᑐᕐᑎᓄᑦ ᐊᒻᒪᓗ ᐱᒻᒪᕆᐅᑦᓱᓂ ᐃᓱᒫᓗᑎᒋᔭᐅᔪᖅ ᓄᓇᕕᒻᒥ ᐊᖓᔪᕐᖄᕆᔭᐅᔪᓄᑦ. ᓯᑦᑎᒻᐱᕆ 1-ᖑᓚᐅᔪᑎᓪᓗᒍ, ᐃᓕᓴᕐᓂᓕᕆᓂᖅ ᓄᐊᑦᓯᔪᖅ ᖃᐅᔨᓴᐅᑎᓂᒃ ᐃᓕᓐᓂᐊᕕᐅᑉ ᐅᒃᑯᐊᓯᒪᓂᖓᓄᑦ. ᑖᓐᓇ ᐱᕕᖃᕐᑎᓯᔪᖅ ᓄᐃᑦᓯᓂᕐᒥᒃ ᒥᑦᓴᐅᓵᕐᓂᒥᒃ ᖃᓄᓪᓗᐊᖅ ᐊᖏᔫᑎᒋᒻᒪᖔᑦ ᑕᒪᓐᓇ ᐱᓀᓗᑕᖅ.

ᐊᓪᓚᓯᒪᔪᖕᖑᐃᒍᑎᐅᓯᒪᔪᑦ ᑭᒡᒐᑐᕐᑎᓂᒃ ᐊᒥᕐᖄᖃᖃᑎᖃᕈᑎᐅᓚᐅᔪᑦ  ᑕᑯᑦᓴᐅᑎᑦᓯᓚᐅᔪᕗᑦ ᐃᒫᒃ ᐱᐅᔪᓪᓗᑑᖕᖏᑲᓗᐊᕈᓂ, ᖃᐅᔨᓴᐅᑎ ᓄᐃᑦᓯᔪᖅ ᐃᓕᓐᓂᐊᕕᑦᑕ ᐅᒃᑯᐊᓯᒪᓂᕆᖃᑦᑕᑕᖏᑦ ᖃᓄᐃᑦᑑᓂᖏᓐᓂᒃ ᐊᖏᓂᕐᓴᒥᒃ ᐃᓕᓐᓂᐊᕕᕗᑦ ᑐᓴᕐᑎᓯᖃᑦᑕᓂᖏᓐᓄᑦ ᑕᐃᒪᖕᖓᒐᓛᒃ. ᓯᕗᓪᓕᖓᓂ ᕿᑎᕐᖃᖓᑕ ᐊᕐᕌᒎᑉ, ᐊᑐᓂᑦ ᐃᓕᓐᓂᐊᑏᑦ ᐃᓕᓐᓂᐊᖏᑦᑑᖃᑦᑕᓯᒪᔪᑦ ᑭᓪᓕᖓᓂ 10 ᐅᓪᓗᐃᑦ ᐃᓕᓐᓂᐊᑎᑦᓯᔨᖃᖕᖏᒧᑦ ᐊᒻᒪᓗ ᐃᓇᖏᕐᑌᔨᓪᓕᐅᓂᕐᒧᑦ. ᑕᒃᑲᓂᑦᓭᓇᖅ ᐊᕐᕌᒍᕐᒥ, ᐊᑐᓂᑦ ᐃᓕᓐᓂᐊᕕᕗᑦ ᐅᒃᑯᐊᓯᒪᓂᖃᖃᑦᑕᓯᒪᔪᑦ 8-ᓂᒃ ᐃᓕᓐᓂᐊᔨᓐᓂᒃ ᖃᕆᐊᓂᒃ 45-ᓂᒃ ᑕᕐᓵᕈᓯᕐᓂᒃ ᐅᓪᓗ ᑕᒫᑦ.

ᐃᓕᓐᓂᐊᓂᕐᒥ ᑭᒡᒐᑐᕐᑏᑦ ᐅᖄᓚᐅᔪᑦ ᑖᓐᓇ ᐱᓀᓗᑕᖅ ᐋᕐᕿᓕᐅᒥᒐᔭᕐᑐᕆᑦᓱᒍ ᓄᓇᓕᓕᒫᒥ ᐅᖄᒍᑎᐅᓗᓂ ᐃᓕᓐᓂᐊᑎᑦᓯᔩᑦ ᓄᐃᖕᖏᑑᓂᕆᖃᑦᑕᑕᖏᑦ ᓄᓇᓕᓕᒫᒥ ᐊᑦᑐᐃᓂᖃᖃᑦᑕᒪᑕ. ᐆᑦᑑᑎᒋᓗᒍ, ᓄᐃᖕᖏᓂᖓ ᐱᐊᕋᓕᕕᒻᒥ ᐱᓇᓱᑦᑎᐅᑉ ᐃᓕᓐᓂᐊᑎᑦᓯᔨᒥᒃ ᐱᓇᓱᒋᐊᖕᖏᑑᑎᑦᓯᒍᓐᓇᓂᖓ ᐱᐊᕋᕐᒥᓂᒃ ᑲᒪᒋᐊᖃᒧᑦ. ᐊᑦᔨᐸᓱᖓᓂᒃ, ᐃᓕᓐᓂᐊᑏᑦ ᐊᖏᕐᕋᑎᑕᐅᓂᖏᓐᓄᑦ ᐃᓕᓐᓂᐊᑎᑦᓯᔨᖃᖕᖏᒧᑦ, ᐊᖓᔪᕐᖄᕆᔭᐅᔪᑦ ᐱᓇᓱᓐᓂᖏᓐᓂᒃ ᐊᑦᑐᐃᓂᖃᖃᑦᑕᒪᑦ. ᑖᓐᓇ ᐊᑦᑐᐃᓂᖃᕈᓐᓇᒥᔪᖅ ᐱᒍᑦᔨᒍᑎᓂᒃ ᐊᓯᖏᓐᓂᒃ ᓄᓇᕕᒻᒥ ᐱᓇᓱᕝᕕᐅᔪᓄᑦ.

ᑭᒡᒐᑐᕐᑏᑦ ᐅᖄᖃᑦᑕᓚᐅᕐᑐᑦ ᐆᑦᑑᑎᓂᒃ ᐋᕐᕿᓱᐃᒍᑎᓂᒃ ᐋᕐᕿᓱᕐᑕᐅᔪᕕᓂᕐᓂᒃ ᐃᓕᓐᓂᐊᕕᒻᒥᓄᑦ ᓄᓇᓕᒥᓐᓂ ᐃᓕᓐᓂᐊᑎᓂᒃ ᐊᖏᕐᕋᑎᑕᐅᑐᐃᓐᓇᑎᑦᓯᒌᒃᑯᑎᓂᒃ ᐃᓕᓐᓂᐊᑎᑦᓯᔨ ᓄᐃᑕᖕᖏᑐᐊᕐᒪᑦ.

ᐅᖄᓂᖅ ᐊᒻᒪᓗ ᑲᑎᖃᑎᒌᓐᓂᖅ ᐋᕐᕿᓱᐃᖃᑎᒌᓗᓂ ᐊᑯᓃᕐᑐᒥᒃ ᐋᕐᕿᕈᑎᑦᓴᒥᒃ ᐱᓀᓗᑕᕐᒧᑦ ᐃᓕᓐᓂᐊᕖᑦ ᐅᒃᑯᐊᓯᒪᓂᖓᓄᑦ ᑲᔪᓯᓚᖓᔪᖅ. ᐃᓕᓐᓂᐊᕖᑦ ᐊᐅᓚᑕᐅᓂᖓ, ᐱᓇᓱᑦᑐᓕᕆᕕᒃ ᐊᒻᒪᓗ ᐃᓘᓐᓈᒍᑦ ᐊᐅᓚᑦᓯᓂᓕᕆᕕᒃ ᑐᓴᕐᑎᓯᓂᖃᓛᕐᑐᑦ ᑭᒡᒐᑐᕐᑎᓂᒃ ᒫᑦᔨᒥ. ᓈᒻᒪᓈᕐᑐᑦ ᐊᑐᕋᑦᓭᑦ ᑭᖕᖒᒪᓇᕋᔭᕐᑐᑦ ᐃᑲᔪᕐᓯᓂᕐᒧᑦ ᐊᑐᓕᕐᑎᑕᐅᓂᖓᓄᑦ ᐋᕐᕿᒋᐊᕈᑎᐅᒐᔭᕐᑐᓄᑦ.

ᑲᑎᕕᒃ ᐃᓕᓴᕐᓂᓕᕆᓂᖅ ᑎᒃᑯᐊᓯᕗᖅ ᑭᒡᒐᑐᕐᑎᖃᓚᖓᕗᖅ ᐃᓚᐅᔪᒥᒃ ᓄᓇᕕᒻᒥ ᐃᓄᓐᓅᓕᖓᓕᕐᑎᑕᐅᓯᒪᔪᑦ ᐅᕕᒃᑲᓄᑦ ᐃᓚᒌᓄᓪᓗ ᐱᓇᓱᒍᑕᐅᓂᖏᓐᓂ.

2007-ᖑᑎᓪᓗᒍ, ᑐᓴᕐᑎᓯᐅᑎ ᑲᑎᒪᔨᖏᓂᑦ ᐃᓄᐃᑦ ᐱᒍᓐᓇᐅᑎᖏᑦ ᐊᒻᒪᓗ ᐱᒍᓐᓇᐅᑎᖏᑦ ᐅᕕᑫᑦ (CDPDJ) ᑐᑭᑖᕐᓯᒪᕗᑦ ᐊᑐᕐᑕᐅᓂᖓ ᐅᕕᒐᕐᑐᓂᒃ ᓴᐳᒻᒥᓂᕐᒧᑦ ᒪᓕᒐᖅ ᓄᓇᕕᒻᒥ ᐃᓄᐃᑦ ᐃᓅᓯᖏᓐᓅᓕᖓᖕᖏᑐᖅ. ᑐᓴᕐᑎᓯᐅᑎ ᐱᒻᒪᕆᐅᓂᖓᓂᒃ ᐅᓐᓂᑐᐃᒍᑎ ᓄᓇᕕᒻᒥ ᓄᓇᓕᖏᑦ ᐱᓂᐊᕐᓂᖃᕆᐊᖃᕆᐊᖏᑦ ᐃᑉᐱᒋᔭᖃᕐᓂᒧᑦ ᓴᐳᒻᒥᔭᐅᓂᖏᓐᓂᒃ ᐊᒻᒪᓗ ᖃᓄᐃᖕᖏᓯᐊᕐᓂᖏᓐᓄᑦ ᐱᐊᕃᑦ.

2009-ᖑᑎᓪᓗᒍ, ᐅᕕᒐᕐᑐᓄᑦ ᐊᔪᖀᒋᐊᕐᑏᑦ ᑲᑎᒪᔨᖏᑦ ᓄᐃᑎᑕᐅᓚᐅᔪᕗᑦ ᐃᓚᐅᖁᔭᐅᑦᓱᑎᒃ ᖃᐅᔨᓴᕐᓂᒥᒃ ᐃᓗᓯᓕᕆᓂᕐᒧᑦ ᐊᒻᒪᓗ ᐃᓄᓕᕆᓂᕐᒧᑦ ᐱᒍᑦᔨᕖᑦ ᐊᑐᐃᓐᓇᐅᑎᑕᐅᔪᑦ ᓄᓇᕕᒻᒥ. ᐅᓐᓂᑑᑎᐅᓯᒪᔪᖅ ᓄᐃᑎᑕᐅᓂᖓ ᐊᑦᔨᐅᖏᑦᑐᖅ ᐅᕕᒃᑫᑦ ᓴᐳᒻᒥᔭᐅᓂᖓᓄᑦ ᐱᓇᓱᐊᕐᑕᐅᔪᖅ ᓄᓇᕕᒻᒧᑦ, ᐊᑐᕐᓗᒋᑦ ᐱᕕᖃᕐᑎᓯᐅᑎᖏᑦ ᐅᕕᒃᑫᑦ ᓴᐳᒻᒥᔭᐅᓂᖓᓄᑦ ᒪᓕᒉᑦ ᐱᕕᖃᕐᑎᓯᔪᐃᑦ ᓄᓇᖃᕐᖄᓯᒪᔪᐃᑦ ᓄᓇᓕᖏᓐᓂᒃ ᐱᔭᕇᕐᑎᓯᓂᕐᒥᒃ ᐊᖏᖃᑎᒌᓐᓂᒥᒃ ᑯᐯᒃ ᑲᕙᒪᒃᑯᓂᒃ ᐋᕐᕿᒋᐊᕆᓂᕐᒥᒃ ᐱᒍᑦᔨᒍᑎᒥᓂᒃ ᐃᓗᕐᖁᓯᖓᓄᑦ, ᐱᐅᓯᑐᖃᖓᓄᑦ ᐊᒻᒪᓗ

ᐱᓇᓱᐊᖃᑎᒌᑦ ᓄᐃᑎᑕᐅᓯᒪᔪᑦ ᖃᐅᔨᓴᕐᓂᒧᑦ ᖃᓄᐃᓕᖓᓂᕐᓂᖓᓂᒃ ᒫᓐᓇᐅᔪᖅ ᐅᕕᒃᑫᑦ ᐊᒻᒪᓗ ᐃᓚᒌᑦ ᐱᒍᑦᔨᒍᑎᖏᓐᓂᒃ ᓄᓇᕕᒻᒥ, ᐊᒻᒪᓗ ᕿᒥᕐᕈᓗᑎᒃ ᐊᓯᐊᖏᓐᓂᒃ ᐊᑐᕐᑕᐅᓯᒪᔪᓂᒃ ᐊᓯᖏᓐᓄᑦ ᓄᓇᓕᑐᙯᑦ ᓄᓇᓕᖏᓐᓂ ᑯᐯᒻᒥ. ᔫᓂ 2018-ᖑᓕᕐᐸᑦ, ᐱᓇᓱᐊᖃᑎᒌᑦ ᐅᓂᑑᑎᓕᐅᓛᕐᑐᑦ ᐋᕐᕿᓱᕐᑕᐅᓂᖓᓄᑦ ᐅᕕᒃᑫᑦ ᓴᐳᒻᒥᔭᐅᓂᖓᓄᑦ ᐱᒍᑦᔨᒍᑎᓂᒃ ᐋᕐᕿᓱᕐᑕᐅᓯᒪᔪᓂᒃ ᑭᖕᖒᒪᒋᔭᖏᓐᓄᑦ ᐃᓄᐃᑦ. ᑭᒡᒐᑐᕐᑎ ᓯᐊᔭ ᐋᓗᐸ ᑎᓕᔭᐅᓚᐅᔪᖅ ᐃᓚᒋᔭᐅᓂᐊᕐᑎᓗᒍ ᑲᑎᒪᔨᖏᓐᓄᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ ᐱᓯᒪᑎᓪᓗᒍ.

ᐃᓕᓴᕐᓂᓕᕆᓂᖅ ᐊᑐᐃᓐᓇᕈᕐᑎᑐᖅ ᐱᓇᓱᑦᑎᑖᕐᓂᓴᒥᓄᑦ ᓄᑖᒥ ᑲᔪᓯᒃᑫᔨᒥᒃ

ᓄᕐᖃᓚᐅᕐᑎᓗᒍ ᐅᑭᐅᖏᑦ ᓈᒻᒪᓯᒻᒪᑕ ᑲᔪᓯᒃᑫᔨᐅᑉ ᐋᓂ ᐴᐳᑦ, ᐃᓕᓐᓂᐊᓂᕐᒥ ᑭᒡᒐᑐᕐᑏᑦ ᐅᖄᓚᐅᕐᑐᑦ ᐊᑐᕐᑕᐅᒍᓐᓇᑐᓂᒃ ᐱᓇᓱᑦᑎᑖᕋᓱᐊᕐᓂᒧᑦ ᐊᒻᒪᓗ ᐱᓇᓱᑦᑎᑖᕐᓂᒧᑦ ᓄᑖᒥ ᑲᔪᓯᒃᑫᔨᑦᓴᒥᒃ.

ᐱᒍᑦᔨᔩᑦ ᐊᑎᓕᒃ ᕿᑭᓐᔅ ᐳᕐᑐᓂᕐᓴᓂ ᕿᓂᕈᑦᔨᓂᕐᒧᑦ ᐱᒍᑦᔨᔩᑦ Higgings Executive Search Services. ᑖᓐᓇ ᐱᒍᑦᔨᔨ ᐱᓇᓱᐊᕈᑦᔨᓯᒪᔪᒻᒪᕆᒃ ᐱᓇᓱᑦᑎᑖᕋᓱᐊᕐᓂᒧᑦ ᐳᕐᑐᓂᕐᓴᒥ ᐊᐅᓚᑦᓯᓂᓕᕆᔨᓂᕐᒥᒃ ᐃᓂᓕᓐᓂᒃ ᐅᑭᐅᕐᑕᑐᒥ ᑲᓇᑕᒥ. ᑖᒃᑯᐊ ᐱᒍᑦᔨᔩᑦ ᓇᕝᕙᓲᖑᕗᑦ ᐱᒍᓐᓇᓯᐊᕐᑐᒥᒃ ᐱᒍᓇᐅᔪᒥᒃ ᐃᓂᒧᑦ ᓄᓇᓕᓕᒫᓂ.  ᐃᓕᒐᓱᐊᕐᑐᖅ ᓇᓪᓕᑳᕐᑕᐅᓂᖃᕋᔭᕐᖁᖅ ᑲᑎᖕᖓᔨᓄᑦ ᐋᕐᕿᑕᐅᓯᒪᔪᑦ ᑕᓪᓕᒪᑦ ᑭᒡᒐᑐᕐᑏᑦ: ᔮᐳᑦ ᕗᐊᑦ (ᑰᑦᔪᐊᖅ), ᐋᓚᓯ ᓈᓚᑦᑑᔭᖅ (ᐃᓄᑦᔪᐊᖅ), ᐋᓐᑐᓂ ᐃᑦᑐᓵᑦ (ᑰᑦᔪᐊᕌᐱᒃ), ᓯᐊᔭ ᐋᓗᐸ (ᖁᐊᕐᑕᖅ), ᐊᒻᒪᓗ ᔨᐊᓯᑲ ᐋᕐᖓᖅ (ᑲᖏᕐᓱᔪᐊᖅ).

ᓴᓇᑦᑐᓴᐅᑎᓕᕆᓂᕐᒧᑦ ᐃᑲᔪᕐᑏᑦ ᒫᓐᓇ ᐱᓇᓱᑦᑎᑖᕆᔭᐅᓯᒪᓕᕐᑐᑦ 8-ᓂ ᐃᓕᓐᓂᐊᕕᑦᑎᓂ ᐃᑲᔪᕐᑎᐅᓱᑎᒃ ᓄᓇᕕᒻᒥ ᐃᓕᓐᓂᐊᑎᓂᒃ ᐊᖏᕐᑕᐅᓱᑎᒃ ᑭᒡᒐᑐᕐᑏᑦ ᑲᑎᒪᔨᖏᓐᓄᑦ ᐊᖏᕐᑕᐅᓚᐅᔪᑦ ᐆᒃᑐᐱᕆ 2017-ᒥ .

ᑖᒃᑯᐊ ᐊᕐᕌᒍᓂ 3-ᓂ ᐃᑲᔪᕐᓯᓂᕐᒥᒃ ᐱᓇᓱᒍᑎᑦᓴᓕᐊᖑᒪᔪᑦ ᑮᓇᐅᔭᖃᕐᑎᑕᐅᕗᑦ ᑲᔪᓯᑎᑕᐅᒪᑦᓱᑎᒃᓗ  ᕗᔭᓐᑎᐅ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᐊᕕᖁᑎᖓᓄᑦ. ᐃᑲᔪᕐᑏᑦ ᐱᓇᓱᑦᑎᑖᕆᔭᐅᓲᑦ, ᐱᒋᐅᕐᓴᑎᑕᐅᑦᓱᑎᒃ ᐊᒻᒪᓗ ᐃᑲᔪᕐᑕᐅᓱᑎᒃ ᑲᔪᓯᔪᒥᒃ ᑖᑦᓱᒧᖓ ᐱᒍᑦᔨᕕᐅᔪᒧᑦ.

ᕗᔭᓐᑎᐊ ᐃᓕᓐᓂᐊᕕᕐᔪᐊᖓ ᖃᐅᔨᒪᔭᐅᓂᓕᒃ ᑲᓇᑕᒥ ᐱᒍᑦᔨᓂᕐᒥᒃ ᐊᕐᕌᒍᓂ 100-ᓂ ᐅᖓᑖᓄᑦ ᐊᑑᑎᓯᒪᑎᓪᓗᒍ ᐊᑐᐃᓐᓇᐅᑎᑦᓯᓱᓂ ᐊᓪᓚᓯᒪᔪᓕᕆᓂᕐᒧᑦ ᐊᒻᒪᓗ ᑭᓯᑦᓯᒍᑎᓐᓂᐊᓂᕐᒧᑦ ᖃᐅᔨᒪᓂᕐᒥᒃ ᓄᓇᓕᓐᓄᑦ, ᐃᓚᐅᑎᓪᓗᒋᑦ ᖃᓂᖕᖏᑐᒦᑦᑐᓄᑦ ᐊᒻᒪᓗ ᓄᓇᖃᕐᖄᓯᒪᔪᑦ ᓄᓇᓕᖏᓐᓄᑦ. ᐊᕐᕌᒍᓂ 5-ᓂ ᓈᓕᕐᑐᓂ, ᕗᔭᓐᑎᐊ ᐃᓕᓐᓂᐊᕕᕐᔪᐊᖓ ᐊᑐᐃᓐᓇᐅᑎᑦᓯᓯᒪᓕᕐᑐᖅ ᐊᓪᓚᓯᒪᔪᓕᕆᓂᕐᒥᒃ ᐊᒻᒪᓗ ᑭᓯᑦᓯᒍᑎᓐᓂᐊᓂᕐᒥᒃ ᐅᐱᕐᖔᒥ ᐊᐅᓪᓛᓯᒪᑦᓱᑎᒃ ᑲᑎᑦᓱᑎᒃ 10 ᓄᓇᕕᒻᒥ ᓄᓇᓕᓐᓂ.

ᐃᑲᔪᕐᑏᑦ ᐱᒐᓱᐊᕐᓂᖃᕐᓂᓴᐅᓲᑦ ᐃᒻᒥᒍᑦ ᐱᓇᓱᐊᕐᓂᓂᒃ ᑭᓯᑦᓯᒍᑎᓐᓂᐊᓂᕐᒥ ᐳᕐᑐᓂᕐᓴᓂ 3, 4 ᐊᒻᒪᓗ 5-ᒥ ᐃᓕᓐᓂᐊᑎᓂᒃ. ᐱᓇᓱᐊᖃᑎᖃᓲᑦ ᐃᓕᓐᓂᐊᑎᑦᓯᔨᓂᒃ, ᐃᑲᔪᕐᓂᖃᕐᓱᑎᒃ ᖃᕆᐊᒥ ᐃᓕᓐᓂᐊᕕᒻᒥ. ᐃᑲᔪᕐᓂᖃᓲᖑᒻᒥᔪᑦ ᐃᓕᓐᓂᐊᑎᓂᒃ ᐃᓕᓐᓂᐊᕕᐅᑉ ᓯᓚᑖᓂ ᐃᓕᓐᓂᐊᓂᕐᒥᒃ. ᐋᕐᕿᓱᐃᓲᑦ ᐃᑲᔪᕐᓯᓂᕐᒥᒃ ᐃᓕᓐᓂᐊᑏᑦ ᑭᖕᖒᒪᒋᔭᖏᓐᓂᒃ ᐊᒻᒪᓗ ᐱᒻᒪᕆᐅᑎᑕᖏᓐᓂᒃ ᖃᓄᐃᓕᖓᓂᖏᓐᓂᓗ ᐃᓕᓐᓂᐊᕖᑦ ᐊᑐᓂᑦ.

ᐱᓇᓱᐊᕐᑎᑕᐅᒋᐊᓪᓚᓂᖓ ᑐᖓᓕᖓᓂ ᐃᑲᔪᕐᑏᑦ ᐋᕐᕿᓱᐃᓂᕐᒥᒃ ᐊᒻᒪᓗ ᐊᑐᐃᓐᓇᐅᑎᑦᓯᓂᕐᒥᒃ ᐊᓪᓚᓯᒪᔪᓕᕆᓂᕐᒧᑦ ᓄᓇᓕᓐᓂ, ᐱᓇᓱᐊᖃᑎᖃᕐᓗᑎᒃ ᓄᓇᓕᓐᓂ ᐊᓪᓚᓯᒪᔪᓕᕆᔨᓂᒃ ᐱᑕᖃᑉᐸᑦ. ᐊᕐᕌᒍᒥ ᓯᕗᓪᓕᐹᖓᓂ ᑖᑦᓱᒪ ᐱᓇᓱᐊᕐᑕᐅᔫᑉ ᐊᑐᐃᓐᓇᐅᑎᑦᓯᓂᕐᒥᒃ ᐃᑲᔪᕐᑎᓂᒃ ᖁᓕᓂ ᓄᓇᕕᒻᒥ ᓄᓇᓕᓐᓂᒃ. ᓯᑦᑎᒻᐱᕆ 2018-ᖑᓚᐅᕐᑎᓗᒍ ᑖᓐᓇ ᐱᓇᓱᐊᕐᑕᐅᔪᖅ ᐊᖏᓕᒋᐊᓛᕐᑐᖅ ᐃᓚᐅᑎᑦᓯᓗᓂ ᐃᓘᓐᓇᖏᓐᓂᒃ ᓄᓇᕕᒻᒥ ᓄᓇᓕᓐᓂᒃ (ᐊᕐᕌᒍ2 ᐊᒻᒪᓗ 3).

ᐃᑲᔪᕐᑏᑦ ᓄᓇᕕᒻᒨᓕᖓᔪᓂᒃ ᐱᒋᐅᕐᓴᑎᑕᐅᓯᒪᔪᑦ ᐱᒋᐊᓚᐅᕋᑎᒃ ᐱᓇᓱᐊᕐᑕᒥᓂᒃ ᐃᓕᓐᓂᐊᕕᑦᑎᓂ. ᓯᕗᓪᓕᐹᖅ ᖃᐅᔨᓴᕐᓂᖅ ᐱᓇᓱᐊᕐᑕᐅᔪᒥᒃ ᑲᔪᓯᑎᑦᓯᓂᕐᒧᑦ ᐅᖄᔭᐅᓛᕐᑐᖅ ᑭᒡᒐᑐᕐᑎᓄᑦ ᔫᓂᒥ. ᐃᑲᔪᕐᑏᑦ ᒫᓐᓇ ᐱᓇᓱᐊᕐᑐᑦ ᐅᑯᓇᓂ 8-ᓂ ᓄᓇᓕᓐᓂ: ᑰᑦᔪᐊᖅ, ᖁᐊᕐᑕᖅ, ᑲᖏᕐᓱᔪᐊᖅ, ᑰᑦᔪᐊᕌᐱᒃ, ᐃᓄᑦᔪᐊᖅ, ᑲᖏᕐᓱᐊᓗᑦᔪᐊᖅ, ᐃᕗᔨᕕᒃ ᐊᒻᒪᓗ ᐳᕕᕐᓂᑐᖅ.