14 ᑖᕕᓕ, 2025 ᐅᕙᓂ 4pm
ᐱᒻᒪᕆᐅᔪᖁᑎᒋᔭᐅᔮᕐᓇᑐᖅ ᓄᓇᓕᒻᒥᐅᓄᑦ. ᐅᑉᐱᒋᔭᖃᑦᓯᐊᓂᖏᑦ ᐅᕙᓐᓂᑦ ᐃᑲᔪᕐᓯᓯᐊᕐᑐᖅ ᓯᕗᒧᐊᕐᐸᓕᐊᕈᓐᓇᓂᕋᓂᒃ, ᐊᒻᒪᓗ ᑫᓪᓗᑐᐃᓂᖃᕐᓱᖓᓗ ᑭᓇᑐᐃᓐᓇᒥᒃ ᑕᒪᐅᖕᖓᕈᒪᔪᓂᒃ ᑕᒪᐅᖕᖓᕋᑕᖕᖏᑐᓂᑦ!
ᐱᓇᓱᐊᒐᖓ & ᐱᓇᓱᐊᕆᐊᓕᖏᑦ:
ᓄᓇᕕᒃ ᓯᕗᓂᑦᓴᕘᒻᒥ ᐊᑕᐅᑦᓯᑰᕐᑎᓯᔨᖓᓂᑦ ᐊᖓᔪᕐᖄᖃᕐᓗᓂ, ᐃᓕᓐᓂᐊᕈᑎᓕᐅᕐᑎ ᐱᓇᓱᐊᖃᑎᖃᓪᓚᕆᓲᖅ ᐳᕐᑐᓂᕐᓴᕆᐊᓪᓚᒥ ᐃᓕᓐᓂᐊᑎᓂᒃ ᐃᑲᔪᕐᐸᓱᒋᑦ ᐃᓕᓐᓂᐊᒐᓕᕆᓂᕐᒧᐊᖓᔪᓂᒃ ᓴᐳᑦᔨᒪᐅᑎᓄᑦ ᐃᑲᔪᕐᒥᓱᒋᑦ ᓈᒻᒪᓈᕐᑐᓄᑦ ᐱᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᓐᓄᑦ ᑕᓯᐅᕐᓯᒍᑎᓂᒃ. ᐃᓕᓐᓂᐊᕈᑎᓕᐅᕐᑎᐅᑉ ᑲᒪᒋᔭᕆᐊᓕᖏᑦ ᐃᓚᓖᑦ, ᑖᒃᑯᑑᖕᖏᑲᓗᐊᕐᒥᓱᑎᒃ ᐅᑯᓂᖓ:
- ᐃᓕᓐᐊᒍᑎᑦᓴᓕᐊᖑᓯᒪᔪᓂᒃ ᐱᔭᕆᐅᕐᓴᒍᑎᓕᐊᖑᓯᒪᔪᓂᓪᓗ ᑲᔪᓯᑎᑦᓯᓂᕐᒥᒃ ᐃᑲᔪᕐᓗᓂ, ᐃᓕᓐᓂᐊᑎᑦᓯᔨᓂᒃ ᐊᐅᓚᑦᓯᓂᓕᕆᔨᓂᓪᓗ ᐊᔪᖀᒋᐊᖃᑦᑕᓗᓂ ᑖᒃᑯᐊ ᐃᓕᓐᓂᐊᒐᓕᐊᖑᓯᒪᔪᑦ ᑐᑭᓯᔭᐅᓂᖏᓐᓄᐊᖓᔪᓄᑦ.
- ᐃᓚᐅᖃᑦᑕᓗᓂ ᐃᓕᓐᓂᐊᑎᑦᓯᕕᑦᓭᑦ ᐋᕐᕿᓱᕐᑕᐅᓂᖏᓐᓂᒃ ᐃᓕᓐᓂᐊᕕᓐᓂᓗ ᐆᒃᑐᕋᕐᑕᐅᒍᑎᖏᓐᓂᒃ ᓴᐳᑦᔨᓯᒪᓗᓂ.
- ᐊᔪᖀᒋᐊᖃᑦᑕᓗᓂ ᓴᐳᑦᔨᓯᒪᖃᑦᑕᓗᓂᓗ ᐃᓕᓐᓂᐊᑎᑦᓯᔨᓂᒃ ᐃᓄᑑᓈᕐᑎᑎᓪᓗᒋᑦ ᐊᒥᓱᒐᓚᐅᓈᕐᑎᑎᓪᓗᒋᓘᓐᓃᑦ ᐅᓪᓗᑕᒫᕐᓯᐅᑎᖏᓐᓂ ᐃᓕᓐᓂᐊᑎᑦᓯᓂᖏᓐᓄᐊᖓᔪᓄᑦ ᐃᓕᖓᔪᓂᒃ.
- ᓄᐃᑎᕆᓗᓂ ᐅᕝᕙᓘᓐᓃᑦ ᓇᓗᓀᕐᓯᓗᓂ ᐊᑐᕐᑕᐅᑎᑦᓯᓗᓂᓗ ᐱᒋᐅᕐᓴᑎᑦᓯᒍᑎᓂᒃ ᐊᒻᒪᓗ ᐱᓇᓱᐊᕐᑎᓯᒍᑎᑦᓴᓕᐊᖑᓯᒪᔪᓂᒃ ᐃᓕᓐᓂᐊᑎᑦᓯᓂᕐᒥ ᐊᑐᕐᑎᑕᐅᔪᓂ, ᓄᑖᔭᓕᐅᕈᑎᓂᑦ ᐱᕙᓪᓕᐊᑎᑦᓯᒍᑎᓂᓪᓗ ᑭᖕᖒᒪᒋᔦᑦ ᓄᐃᑎᕐᓗᒋᑦ.
- ᐱᓇᓱᐊᖃᑎᖃᕐᓗᓂ ᐃᓕᓐᓂᐊᕈᑎᓕᐅᕐᑎᓂᒃ ᐱᓇᓱᐊᖃᑎᐅᔪᓂᓪᓗ ᑎᒥᐅᔪᓂᒃ ᐃᓄᐃᑦ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᑐᑦ ᐱᓀᓗᑕᕆᓲᖏᑦᑕ ᐋᕐᕿᑕᐅᓕᐅᒥᒍᑎᑦᓴᖏᓐᓄᑦ.
- ᐃᒫᙰᕈᑎᓕᐅᕐᓗᓂ, ᕿᒥᕐᕈᒋᐊᓪᓚᐸᓪᓗᓂ ᒪᓕᒐᕐᓂᒃ, ᐊᒻᒪᓗ ᑭᖕᖒᒪᒋᔭᐅᓪᓚᕆᑦᑐᑦ ᑐᓴᕐᑎᓯᒍᑎᒋᒋᐊᓪᓚᐸᓪᓗᒋᑦ ᑮᓇᐅᔭᑎᒍᑦ ᐃᑲᔪᕐᑕᐅᒍᑎᓕᓐᓄᑦ ᐃᓕᓐᓂᐊᑎᓄᑦ, ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᑎᓂᒃ ᐱᒍᑦᔨᐅᑎᓂᒃ ᐱᓇᓱᕝᕕᒥ ᐱᓇᓱᑦᑎᓄᑦ, ᐊᒻᒪᓗ ᓯᓚᑖᓂᑦ ᐃᓕᓐᓂᐊᕕᒻᒥ ᐱᓇᓱᑦᑎᓄᑦ ᐱᓇᓱᒍᓰᑦ ᖃᓄᐃᓘᕐᓗᒋᑦ ᐋᕐᕿᒋᐊᕐᑕᐅᓯᒪᔪᑦᓴᐅᒪᖔᑕ ᐃᓕᓐᓂᐊᑏᑦ ᐱᔭᖃᑦᓯᐊᓂᕐᐸᐅᒍᑎᑦᓴᖏᓐᓂᒃ ᑐᕌᒐᓕᐅᕐᓯᒪᔪᓂᒃ.
- ᓇᓪᓕᐅᑎᑦᑕᑐᒥᒃ ᐃᓕᓐᓂᐊᑏᑦ ᑲᑎᕙᓪᓗᒋᑦ ᑲᒪᒋᔭᐅᒋᐊᓪᓚᒋᐊᖃᕐᓯᒪᔪᕕᓃᑦ ᑲᒪᒋᔭᐅᑦᓯᐊᖃᑦᑕᖁᓗᒋᑦ ᐊᒻᒪᓗ ᐃᓕᓐᓂᐊᑎᑦᓯᓂᕐᒧᐊᖓᔪᑦ ᐋᕐᕿᒋᐊᕐᑕᐅᒋᐊᓕᕕᓂᐅᑉᐸᑕ ᐋᕐᕿᒋᐊᕐᑕᐅᓂᑦᓴᖏᓐᓄᑦ.
- ᑐᑭᓯᓇᕐᑎᓯᖃᑦᑕᓗᓂ ᐃᒫᙰᕈᑎᓕᐅᖃᑦᑕᓗᓂᓗ ᐃᓕᓐᓂᐊᕈᑎᑦᓭᑦ, ᐃᓕᓐᓂᐊᑎᑦᓯᒍᑎᑦᓴᒋᐊᓪᓓᑦ, ᐱᐅᒃᑯᑏᑦ, ᖃᕆᑕᐅᔭᓂ ᐱᓇᓱᒍᑏᑦ ᐊᒻᒪᓗ ᐱᓇᓱᒍᑎᖃᐅᑎᑕᓕᖏᑦᑕ ᓂᐅᕕᐊᕆᔭᐅᓂᖏᓐᓄᑦ, ᐊᔪᖀᒋᐊᕐᐸᓗᓂᓗ ᐃᓕᓐᓂᐊᑎᑦᓯᕕᒻᒥ ᐃᓂᓪᓚᖓᓂᖓᓄᐊᖓᔪᓂᒃ.
- ᐊᓯᒋᐊᓪᓚᖏᓐᓂᒃ ᐱᓇᓱᐊᕐᑕᐅᒋᐊᓕᓐᓂᒃ ᐱᔭᑦᓴᓂᓪᓘᓃᑦ ᐃᓕᓐᓂᐊᑏᑦ ᐱᒍᑦᔨᐅᑎᖏᓐᓂᒃ ᐊᑕᐅᑦᓯᑰᕐᑎᓯᔨᒧᑦ ᑐᑭᒧᐊᑦᑎᓯᔨᒧᓪᓘᓃᑦ ᐱᓇᓱᑦᑕᐅᔪᑦᓴᖁᑎᓂᒃ ᐱᓇᓱᑦᑕᐅᒋᐊᖃᕐᓂᕋᕐᑕᓂᓪᓘᓃᑦ ᐱᓇᓱᓪᓗᓂ.
ᐱᒍᓐᓇᐅᑎᒋᒋᐊᓕᖏᑦ:
ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓴᐅᑉ ᐊᓪᓕᖓᓂ ᐱᔭᕇᕈᑎᑖᕐᓯᒪᓗᓂ ᐃᓕᓐᓂᐊᓂᓕᕆᓂᕐᒥ, ᐊᐅᓚᑦᓯᓂᓕᕆᓂᕐᒥ, ᐅᕝᕙᓘᓐᓃᑦ ᑖᑦᓱᒧᖓ ᐱᓇᓱᒐᕐᒨᓕᖓᔪᓂᒃ
ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.
ᐊᑐᕈᓐᓇᒋᐊᓕᖏᑦ:’
- ᐊᓪᓚᒍᓐᓇᓯᐊᕐᓗᓂ ᐅᖄᕈᓐᓇᓯᐊᕐᓗᓂᓗ ᐃᓄᒃᑎᑐᑦ, ᐊᒻᒪᓗ ᖃᓪᓗᓈᑎᑑᕈᓐᓇᓯᐊᕐᓗᓂ ᐅᐃᒌᑐᑐᓪᓘᓃᑦ;
- ᐊᕐᕕᑕᕈᓐᓇᕆᐊᓕᒃ ᓄᓇᕕᒻᒥ;
- ᓇᒻᒥᓂᕐᓱᓗᓂ ᐱᓇᓱᐊᕈᓐᓇᓗᓂ ᐊᒻᒪᓗ ᐅᖃᖃᑎᖃᒐᔪᓪᓗᓂ ᐊᑦᔨᒌᖕᖏᑑᔪᓂᑦ ᑎᒥᐅᔪᓂᒃ ᐊᒻᒪᓗ ᐱᓇᓱᖃᑎᐅᔪᓂᒃ ᐃᒻᒥᒍᑦ;
- ᐱᓇᓱᓐᒍᓇᓗᓂ ᐱᓇᓱᒋᐊᖃᕐᓂᕈᓂ ᐅᓐᓄᑐᒃᑯᑦ ᐊᒻᒪᓗ ᐱᓇᓱᐊᕈᓯᐅᑉ ᓄᖕᖑᐊᓂ.
ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:
ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ ᐱᓇᓱᕝᕕᖃᕋᔭᕐᑐᖅ: $49,456-ᒥᑦ $92,027 -ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.
| ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ: |
| • 20 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ |
| • ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ |
| • ᓄᓇᒃᑰᔫᕐ ᖃᑭᕈᓐᓇᑐᖅ ᐊᑮᑦᑐᒥ |
| • ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ |
| • ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ |
| • ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ |
| ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ: |
| • ᐊᐅᔭᒥ ᐱᓇᓱᐊᕐᕕᓴᖅ |
| • ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ |
| • ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ |
| • ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ |
| • ᐱᓇᓱᑎᑦᖃᑯᑖᕐᓂᖅ ᐱᓇᓱᑦᑎᐅᒍᒪᑎᑦᓯᒐᓱᐊᕐᓂᒧᓪᓗ ᐊᑭᓕᕐᑕᐅᒋᐊᓪᓚᕈᑏᑦ |
| • ᐱᒐᓱᕕᓪᓗᓂ ᑎᑭᓪᓗᒍ ᐅᑎᕐᕈᑎᖃᕐᓱᓂ ᖃᖓᑦᑕᐅᑏᑦ ᓄᓇᕕᒻᒥᓗ ᐱᑦᓱᑎᒃ |
Nakurmiik!