ᑖᓐᓇ ᐱᓇᓱᒐᕐᑖᑐᖅ ᑎᓕᔭᐅᒪᔪᖅ ᐊᐅᓚᑦᓯᓯᐊᕐᓂᒥᒃ ᑐᕌᒐᖏᓐᓄᑦ ᐱᓇᓱᕝᕕᐅᑉ ᐊᖏᓕᕙᓪᓕᐊᓂᖓᓄᑦ ᑮᓇᐅᔭᓕᕆᓂᕐᒧᑦ ᐊᐅᓚᑦᓯᓂᓕᕆᓂᕐᒧᓗ ᐱᓇᓱᐊᕐᑕᐅᔪᓂᒃ, ᐊᑕᐅᓯᖕᖑᑎᑦᓱᒋᑦ ᑮᓇᐅᔦᑦ ᐊᑐᕐᑕᐅᔪᑦᓭᑦ, ᑐᓴᕐᑎᓯᒍᑏᑦ, ᒪᓕᑦᑕᐅᒋᐊᓕᓐᓂᒃ ᒪᓕᑦᓯᐊᓂᖅ, ᐊᐅᓚᑦᓯᓂᓕᕆᔨᒻᒥᓗ ᐱᓇᓱᑦᑕᐅᒋᐊᓖᑦ ᒪᓕᑦᓱᒋᑦ ᐃᓕᓐᓂᐊᓂᓕᕆᓂᐅᑉ ᒪᓕᒐᖏᑦ ᑮᓇᐅᔭᖁᑎᖏᓪᓗ ᐱᑕᖃᕆᐊᖃᕐᓂᖏᑦ, ᐊᖓᔪᕐᖄᒥᑦ ᑐᕃᓐᓇᑐᒥᒃ ᐃᑲᔪᕐᓯᓗᓂ ᖃᐅᔨᓴᐅᑎᕈᑎᓂᒃ ᐊᒻᒪᓗ ᑐᓴᕐᑎᓯᒍᑎᓂᒃ ᐊᐅᓚᑦᓯᓗᓂᓗ ᐱᓇᓱᑦᑎᓂᒃ ᐊᐅᓚᑦᓯᓂᓕᕆᓂᕐᒧᑦ.

ᐃᓂᖓ ᐱᓇᓱᐊᕆᐊᓕᖏᓪᓗ:

ᑲᒪᒋᔭᐅᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓄᑦ – ᐱᒍᑦᔨᓂᖅ ᐱᓇᓱᕝᕕᓄᑦ ᐊᒻᒪᓗ ᓄᓇᓕᓐᓄᑦ (SBC) , ᑭᒡᒐᑐᕐᑎ ᑲᒪᒋᔭᖃᕆᐊᓕᒃ ᐅᑯᓂᖓ:

• ᐃᑉᐱᒋᔭᖃᕐᓗᓂ ᒪᓕᑦᑕᐅᓯᐊᕆᐊᖃᕐᓂᖏᓐᓂᒃ ᑮᓇᐅᔭᖃᕈᑎᕕᓂᕐᓄᑦ ᐊᖏᖃᑎᒌᒍᑎᓄᑦ, ᑕᒻᒪᓯᒪᔪᓐᓂᐊᓂᕐᒧᑦ ᐊᑐᕐᑕᐅᒋᐊᓖᑦ, ᑮᓇᐅᔭᓕᕆᓂᕐᒧᓗ ᑲᔪᓯᔭᐅᐅᔪᑦ;
• ᐊᑕᐅᑦᓯᑰᕐᑎᓯᓗᓂ ᐊᐅᓚᑦᓯᓂᓕᕆᓂᕐᒥᓗ ᐊᐅᓚᑦᓯᓂᓕᕆᔨᒃᑯᑦ ᐱᓇᓱᒍᓯᖏᓐᓂᒃ;
• ᐊᐅᓚᑦᓯᓗᓂ ᐱᓇᓱᑦᑎᓂᒃ, ᐃᓚᐅᑎᓪᓗᒍ ᐱᓇᓱᒉᑦ ᐁᑦᑐᑑᑎᐅᓂᖏᑦ;
• ᐊᐅᓚᓗᒋᑦ ᑮᓇᐅᔭᓕᕆᓂᕐᒧᑦ ᐊᐅᓚᓂᐅᔪᑦ ᓲᕐᓗ ᐊᑭᓕᕐᑕᐅᒍᒪᔪᑦ, ᐅᑎᕐᑎᓯᓂᖅ, ᐊᒻᒪᓗ ᐃᑲᔪᕈᑏᑦ ᐊᓪᓚᓯᒪᔪᑦ;
• ᐱᓇᓱᖃᑎᒋᔭᖃᕆᐊᓪᓚᓗᓂ ᑮᓇᐅᔦᑦ ᑐᕌᒐᖏᓐᓄᑦ ᐱᓇᓱᕝᕕᒥ ᐊᓯᖏᓐᓂᓗ ᐱᓇᓱᖃᑎᒌᑦᑐᓂ (ᐆᑦᑑᑎᒋᓗᒍ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ) ᑮᓇᐅᔭᓕᕆᓂᕐᒨᖓᔪᓂᒃ ᐊᐅᓚᑦᓯᕕᓕᕆᓂᕐᒨᖓᔪᓂᓪᓗ;
• ᑲᔪᓯᑎᑦᓯᓯᐊᕐᓗᓂ ᐅᖄᖃᑎᒌᓐᓂᖏᓐᓂ ᐊᓯᖏᓐᓂ ᐱᓇᓱᕝᕕᐅᔪᓂ, ᐊᐅᓚᑦᓯᓂᓕᕆᓂᕐᒥ ᐱᓇᓱᑦᑎᓄ ᐊᒻᒪᓗ ᑎᒥᖕᖑᑎᑕᐅᓯᒪᕕᓐᓂ;
• ᐱᓇᓱᑦᑐᖅ ᒪᓂᔨᕙᓪᓗᓲᖅ ᑐᓴᕈᑎᓂᒃ, ᖃᐅᔨᒍᑏᑦ, ᐊᒻᒪᓗ ᑮᓇᐅᔭᓄᑦ ᐊᑑᑎᓯᒪᔫᑉ ᕿᒥᕐᕈᓂᖏᓐᓂᒃ ᑐᑭᑖᕋᓱᐊᕐᑐᓂᒃ ᐃᑲᔪᕐᓯᓚᖓᑦᓱᑎᒃ;
• ᐊᑐᐃᓐᓇᕈᑎᓂᒃ ᐸᕐᓀᓯᒪᔭᖏᑦ ᐱᓇᓱᐊᕋᑦᓴᖁᑎᖏᓪᓗ ᐃᓂᓪᓚᑎᕆᓯᒪᑦᓯᐊᓗᒋᑦ ᐱᓇᓱᑦᓯᐊᕈᑎᒋᓂᐊᕐᑕᖏᑦ
• ᐊᑐᓕᕐᑎᓯᖃᑦᑕᓗᓂ ᖃᐅᔨᓴᖃᑦᑕᓗᓂᓗ ᐊᐅᓚᑦᓯᓂᓕᕆᓂᐅᑉ ᒪᓕᒐᖏᓐᓂᒃ ᑲᔪᓯᔭᐅᖃᑦᑕᑐᓂᓪᓗ;
• ᐊᓯᖏᓐᓂᓗ ᐱᓇᓱᐊᕆᐊᓕᒻᒥ ᑎᓕᔭᐅᒍᑎᒥᓂ ᐊᖓᔪᕐᖄᒥᑕ.

ᐱᒍᓐᓇᐅᑎᒋᒋᐊᓕᖏᑦ:

• ᐱᔭᕇᕈᓯᕐᓯᒪᒋᐊᓕᒃ ᓯᓚᑦᑐᓴᕐᕕᒥ ᐊᑦᔨᐸᓱᖓᓂᓪᓘᓃᑦ ᐃᓕᓐᓂᐊᓂᓕᕆᓂᐅᑉ ᐃᓕᓴᕐᓯᒪᓂᕃᒍᑎᖃᕆᐊᓕᒃ;

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

• ᐅᖄᒍᓐᓇᓯᐊᕆᐊᓕᒃ ᐅᖃᐅᓰᓐᓂᒃ ᒪᕐᕉᓂ (2) ᐊᑐᕐᑕᐅᓗᑭᓐᓂᐹᓂ ᐃᓕᓴᕐᓂᓕᕆᓂᕐᒥ (ᐃᓄᒃᑎᑐᑦ, ᖃᓪᓗᓈᕐᑎᑐᑦ ᐊᒻᒪᓘᓐᓃᑦ ᒍᐃᒍᐃᑎᑐᑦ);
• ᐊᕐᕌᒍᕐᓂ ᑕᓪᓕᒪᓂ (5) ᐱᓇᓱᑦᓯᒪᒋᐊᓕᒃ ᑖᑦᓱᒧᖓ ᑐᑭᐊᒎᕐᑐᒥ;
• ᖃᕆᑕᐅᔭᒃᑯ ᐅᖃᐅᓯᓕᕆᓂᖅ (ᐃᓚᒋᔭᐅᑎᓪᓗᒋᑦ Microsoft Excel-ᓗ Word-ᓗ, FileMaker Pro, Dofin);

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 00-04* ᒪᓕᑦᓱᒋᑦ ᐱᓇᓱᒐᖏᑦᑕ ᖃᓄᐃᓕᖓᓂᖏᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ ᑲᒪᔨᓄᑦ:  ᐱᒋᐊᕐᑐᑦ $77,102-ᓂᑦ ᑎᑭᐅᑎᒍᓐᓇᑐᑦ $102,801 ᐊᕐᕌᒍᑕᒫᖅ ᐃᑉᐱᒋᑦᓱᒋᑦ ᐱᔪᓐᓇᐅᑎᖏᑦ ᐱᓇᓱᓚᐅᕐᓯᒪᓂᖏᓪᓗ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.