16 ᔨᕕᔪᓕ, 2026 ᐅᕙᓂ 4pm
ᑌᒣᑉᐸᒋᐊᒥᒃ ᐊᓕᐊᒻᒪᕆᑉᐸᑐᖓ, ᓄᐃᑦᓯᖃᑎᖃᕐᓱᖓ ᑕᑎᒌᑦᓯᐊᓂᕐᒥᒃ ᖃᓂᑕᕆᒍᓐᓇᓯᑦᓱᒋᑦ. ᐅᓪᓗᖅ ᐃᓱᓕᒻᒪᑦ ᐃᓕᓵᖅ ᐊᖏᕐᕋᒪᑦ ᐊᒻᒪᓗ ᐊᓕᐊᓱᓂ, ᐃᑉᐱᒍᓱᑉᐸᑐᖓ ᐱᓇᓱᒐᕋᓂᒃ ᐱᑦᓯᐊᑫᓐᓇᕆᐊᒥᒃ.
ᐃᓂᖓ ᐱᓇᓱᐊᕆᐊᓕᖏᓪᓗ:
ᐊᖓᔪᕐᖄᖃᕐᓗᓂ ᐃᓄᒻᒪᕇᑦ ᐃᓕᓐᓂᐊᕕᖓᑕ ᑲᒪᔨᒻᒪᕆᖓᓂᒃ, ᐃᒐᔨ ᐳᕐᑐᓂᖓ II ᑲᒪᒋᔭᖃᕆᐊᓕᒃ ᐃᓕᓐᓂᐊᑏᑦ ᓯᓂᑦᑕᕕᖓᑕ ᑲᒪᒋᔭᐅᓂᖓᓂᒃ.
ᐊᑐᐃᓐᓇᕈᕐᑎᖃᑦᑕᓗᓂ ᐃᒐᔨᐅᖃᑦᑕᓗᓂᓗ ᐱᓇᓱᑦᑎᓄᑦ ᐃᓕᓐᓂᐊᑎᓄᓪᓗ ᐃᓕᓐᓂᐊᑏᑦ ᓯᓂᑦᑕᕕᖏᓐᓃᑐᓄᑦ, ᐃᒐᔨ ᐳᕐᑐᓂᖓ II ᐅᑯᓂᖓ ᐱᔭᑦᓴᖃᕐᖁᖅ;
- ᓂᕿᑦᓯᐊᓂᒃ ᐊᑐᐃᓐᓇᕈᕐᑎᓯᒪᖃᑦᑕᓗᓂ ᑐᖕᖓᕕᒋᓗᒋᑦ ᑎᒥᒧᑦ ᐱᐅᔪᑦ ᓂᖀᑦ ᖃᓄᐃᑦᑑᓂᖏᑦ;
- ᑲᒪᔨᐅᓗᓂ ᓂᖀᑦ ᐊᐅᓚᑕᐅᓂᖏᓐᓂᒃ;
- ᑌᒪᖕᖓᓕᒫᖅ ᐱᖁᑏᑦ ᓂᖀᓪᓗ ᑭᓯᑕᐅᒪᓂᖏᑦᑕ ᐊᒡᓚᓯᒪᐅᑎᖏᓐᓂᒃ ᐱᙯᓐᓇᓗᓂ;
- ᓱᕐᖁᐃᓯᒪᖃᑦᑕᓗᓂ ᓂᕿᖏᓐᓂᒃ ᑖᒃᑯᓭᓐᓇᐅᓗᐊᕐᑎᓯᑦᑌᓕᓂᒃᑯᑦ;
- ᕿᒥᕐᕈᖃᑦᑕᓗᓂ ᓴᓗᒪᓂᖓᓂᒃ ᐃᒐᓕᐅᑉ ᐃᒐᐅᑏᑦ ᐱᖁᑏᓪᓗ ᐊᑐᕐᑕᐅᒌᕐᐸᑕ
- ᐊᓯᖏᓐᓂᒃ ᐱᓇᓱᖃᑦᑕᒥᓪᓗᓂ ᐊᖓᔪᕐᖄᒥᓄᑦ ᑎᓕᔭᐅᒍᑎᒥᓂᒃ.
ᐱᒍᓐᓇᐅᑎᒋᒋᐊᓕᖏᑦ:
ᐳᕐᑐᓂᕐᓴᒥ ᐃᓕᓐᓂᐊᕇᕐᓯᒪᓗᓂ ᐱᓇᓱᒐᕐᒥ ᐱᒋᐅᕐᓴᓂᕐᒥ ᐱᔭᕇᒍᑎᑖᕐᓯᒪᓗᓂ ᐃᓕᓐᓂᐊᓯᒪᓂᖓᓂᒃ ᓱᓕᓂᕃᒍᑎᒥᓪᓘᓃᑦ ᐃᓕᑕᕆᔭᐅᔪᒥᒃ ᓇᓪᓕᖁᐊᕆᔭᐅᒋᐊᖓ ᐱᒃᑲᕆᑦᓯᓂᕐᒥᒃ ᓱᕐᖁᐃᓯᓂᕐᒥᒃ ᐊᖓᔪᕐᖃᐅᕕᓕᓐᓂᑦ MAPAQ-ᑯᓐᓂᑦ ᐃᓕᑕᕆᔭᐅᒍᑎᖃᕐᓗᓂ.
ᐃᓕᓐᓂᐊᕇᕐᓯᒪᐅᑎᖃᕐᓗᓂᓘᓐᓃᑦ ᐃᓕᑕᕆᔭᐅᔪᓂᒃ ᓇᓪᓕᖁᐊᖏᓐᓂᓘᓐᓃᑦ ᒪᕐᕉᓂ ᐊᕐᕌᒎᓐᓂ ᐱᓇᓱᐊᕐᓯᒪᓂᖃᕐᓗᓂ ᐱᓇᓱᑦᑎᓴᕐᓯᐅᓂᕐᒥᒃ.
ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ
ᐊᑐᕈᓐᓇᕆᐊᓕᖏᑦ:
ᐅᖄᒍᓐᓇᓯᐊᕐᓗᓂ ᒪᕐᕉᓂᒃ (2) ᐅᖃᐅᓰᓐᓂᒃ ᐱᖓᓱᓂᑦ (3) ᑖᒃᑯᓇᖕᖓᑦ ᐱᓇᓱᒍᑎᒋᑦᓱᒋᑦ ᐃᓕᓴᕐᓂᓕᕆᓂᐅᑉ ᐅᖃᐅᓯᖏᓐᓂᒃ (ᐃᓄᒃᑎᑐᑦ, ᐅᐃᒍᐃᑎᑐᑦ, ᖃᓪᓗᓈᑎᑐᑦ).
ᖃᐅᔨᒪᓗᓂ ᖃᕆᑕᐅᔭᒃᑯᑦ ᐊᒡᓚᓯᒪᔪᓕᐅᕐᓂᒥᒃ ᐊᒻᒪᓗ ᑭᓯᑦᔪᑎᓕᕆᐅᑎᓕᕆᓂᕐᒥᒃ.
ᑫᕙᓪᓚᒍᓯᕆᒐᔭᕐᑕᖏᑦ:
38.75 ᑫᕙᓪᓚᒍᓰᑦ ᐱᓇᓱᐊᕈᓯᑕᒫᖅ
ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:
ᐱᓇᓱᑦᑏᑦ ᑲᑐᑦᔨᖃᑎᒌᓐᓂᖓ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᕕᓂᖓᓂ ᒪᓕᑦᓱᑎᒃ ᐱᓇᓱᑦᑎᓂᑦ ᐃᑲᔪᕐᑎᓄᑦ, ᑖᓐᓇ ᐱᓇᓱᒐᖅ ᐊᕕᑦᑐᓯᒪᔪᓄᑦ 5312 ᓃᑦᑐᖅ, ᐱᒋᐊᕐᓱᓂ $30.45 ᐃᑲᐅᕐᓂᑕᒫᑦ ᐱᔪᓐᓇᓂᖓ ᑕᑯᓐᓇᓱᒍ ᐱᓇᓱᐊᕐᓯᒪᓂᖓᓗ.
| ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ: |
| • 20 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ |
| • ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ |
| • ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ |
| • ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ |
| • ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ |
| ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ: |
| • ᐊᐅᔭᒥ ᐱᓇᓱᐊᕐᕕᓴᖅ |
| • ᐃᑲᔪᕐᓯᐅᑏᑦ ᐅᑭᐅᕐᑕᑐᒥᐅᓂ ᐃᒣᓪᓗᐊᖑᕗᑦ $12,178 ᒥᑦ $25,326 ᒧᑦ |
| • ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ |
| • ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ |
| • ᐱᒍᒥᓇᕐᑎᓯᐅᑏᑦ ᐱᓇᓱᑦᑎᙯᓐᓇᓂᕐᒧᓗ ᐃᓚᒋᐊᕈᑏᑦ ᐃᒣᓪᓗᐊᖑᕗᑦ $3,000 ᒥᑦ 3,750 ᒧᑦ |
| • ᐱᒐᓱᕕᓪᓗᓂ ᑎᑭᓪᓗᒍ ᐅᑎᕐᕈᑎᖃᕐᓱᓂ ᖃᖓᑦᑕᐅᑏᑦ ᓄᓇᕕᒻᒥᓗ ᐱᑦᓱᑎᒃ |
Nakurmiik!