ᐱᓇᓱᐊᕆᐊᓕᖏᑦ ᑲᒪᒋᒋᐊᓕᖏᓪᓗ ᐱᓪᓗᑯᒋᐊᓕᓕᕆᓂᕐᒥ ᐃᓕᓐᓂᐊᓂᓕᕆᓂᕐᒥᒃ ᐱᓪᓗᑯᒋᐊᓕᓕᕆᔨ ᐱᓇᓱᖃᑎᖃᕙᓪᓗᖃᑦᑕᓗᓂ ᐱᐅᓯᕐᓱᓯᐊᙱᑐᓂᒃ ᐃᓕᓐᓂᐊᑎᓂᒃ (ᐃᓱᒪᒃᑯᑦ ᑎᒥᒃᑯᓘᓐᓃᑦ) ᐃᓕᓐᓂᐊᑎᑦᓯᒍᓯᖃᕐᓗᓂ ᐱᓪᓗᑯᒋᐊᓕᒃᑯᑦ ᐃᓕᓐᓂᐊᑎᑦᓯᕕᐅᑉ ᐃᓗᐊᓂ ᓯᓚᑖᓂᓗ;

ᐃᓂᖓ ᐱᓇᓱᐊᕆᐊᓕᖏᓪᓗ:

• ᐃᑲᔪᕐᓗᒍ ᐃᓕᓐᓂᐊᑎ ᐃᓕᓐᓂᐊᕕᑐᐃᓐᓇᓕᐊᕋᓱᐊᕐᓂᖓᓂ ᓈᒻᒪᓈᕐᓯᒪᑦᓯᐊᑐᒧᑦ ᐳᕐᑐᓂᕐᒧᑦ, ᐊᒻᒪᓗ ᓄᑕᐅᓯᓕᕐᓗᒋᑦ ᐃᓕᓭᒍᑏᑦ ᐊᑐᐃᓐᓇᐅᒍᓐᓇᓯᖁᓪᓗᒋᑦ ᐃᓕᓴᓄᑦ;
• ᐱᓇᓱᖃᑎᒋᓗᒍ ᑎᓕᔭᐅᒪᐅᑎᑎᑦ ᐃᓕᓐᓂᐊᑎ(ᑏᑦ) ᐊᑕᐅᓯᐅᖃᑎᒋᓗᒍ ᐸᕐᓇᓯᒪᔭᑎᓂᒃ ᓱᖃᑦᓯᒍᑎᑦᓴᖏᓐᓄᑦ ᐊᑐᕐᓗᑎᑦ ᐱᓇᓱᐊᕐᑕᐅᒍᑎᒋᒋᐊᖃᕐᑐᕆᔭᑎᑦ;
• ᐸᕐᓇᓂᖅ ᓈᒻᒪᓯᐊᕐᑐᒥᒃ ᐃᑲᔪᕐᓂᒧᑦ, ᓱᖃᑦᓯᓃᑦ ᐃᑲᔪᕐᓯᒍᓐᓇᑐᑦ ᐃᓕᓐᓂᐊᑎᓂᒃ ᐱᓇᓱᐊᕈᓐᓇᓯᖁᓪᓗᒋ ᐱᔪᓐᓇᕕᓕᒫᒥᓄᑦ;
• ᐱᓇᓱᖃᑎᒋᓗᒍ ᐃᓚᐅᑎᓪᓗᒍ ᐃᓕᓭᔨᖓ ᐃᓕᓐᓂᐊᕕᖓᓂ, ᑕᐸᓀᓪᓕᐅᑎᑦᓯᑌᓕᓂᕐᒧᑦ ᐃᓕᓭᔩᑦ, ᐊᐅᓚᑦᓯᓂᓕᕆᔩᑦ, ᐊᒻᒪᓗ ᐃᑲᔪᕐᓯᕕᖃᕈᓐᓇᓯᐊᑐᓂᒃ ᐱᓇᓱᖃᑎᒌᑦᑐᓂᒃ;
• ᐃᓚᐅᖃᑕᐅᓗᓂ ᕿᒥᕐᕈᓂᑐᐃᓐᓇᖃᓕᑐᐊᕐᐸᑕ ᐅᖃᐅᓯᑦᓴᖃᑦᓴᓂᕈᓂ ᐃᓕᓐᓂᐊᑏᑦ ᒥᑦᓵᓄᑦ ᐃᓕᓯᕙᓪᓕᐊᓂᖓᓅᓕᖓᔪᓄᑦ ᐱᓇᓱᑦᑎᐅᖃᑕᐅᔪᓄ ᐊᖓᔪᕐᖄᖏᓐᓄᓗ ᐃᓕᓐᓂᐊᑏᑦ;
• ᐃᓚᐅᖃᑕᐅᓗᓂ ᑕᐸᓀᓪᓕᐅᑎᑦᓯᑌᓕᓂᕐᒧᑦ ᑲᑎᒪᔨᓄᑦ;
• ᐃᑲᔪᕐᓗᓂ ᓄᐃᑦᓯᓂᕐᒧ ᐊᑕᐅᓯᐅᓈᕐᑎᑐᓄᑦ ᐃᓕᓭᒍᑕᐅᒍᓐᓇᑐᓂᒃ ᑐᕌᖓᑎᓪᓗᒍ ᐃᓕᓐᓂᐊᕈᑎᓐᓄᑦ;
• ᐃᑲᔪᕐᓗᒋᑦ ᐊᒻᒪᓗ ᐃᓄᓕᕆᓗᒋᑦ ᑕᐸᓀᓪᓕᐅᑎᑦᓯᑌᓕᓂᕐᒧᑦ ᐱᓪᓗᑯᒋᐊᓕᓕᕆᔩᑦ ᐃᓚᖃᑕᐅᒻᒥᑎᓪᓗᒋᓪᓗ ᑐᑭᒧᐊᑦᓯᐊᕆᐊᖃᕐᓂᖏᑦ ᐃᑲᔪᕐᑏᑦ ᐱᓇᓱᑦᑏᑦ ᐱᓇᓱᐊᕐᓂᖏᓐᓂ ᑐᖕᖓᕕᖃᕐᑎᓗᒍ ᓄᐃᑦᓯᒋᐊᓪᓚᓂᕐᒧᑦ ᐃᓕᓐᓂᐊᕈᑎᓂᒃ ᐃᓚᖃᕐᑎᓗᒋᑦ ᓯᑯᑦᓴᔭᓕᕆᓂᕐᒥ ᐊᐅᓚᓂᐅᔪᐃᑦ ᐱᔭᑦᓴᑖᕆᔭᐅᓯᒪᔪᒧᑦ ᐃᓕᓐᓂᐊᓂᐊᕕᒥ;
• ᐃᑲᔪᕐᓗᓂ ᐃᓕᓐᓂᐊᑎᓂᒃ ᐊᐅᓚᔮᕐᓂᖓᑕ ᑭᖒᒪᒋᔭᖏᓐᓄᑦ, ᐊᓐᓄᕌᕐᓃᑦ, ᓂᕆᓕᕐᐸᑦ, ᐃᓕᓐᓂᐊᕕᓕᐊᕆᐊᖃᓕᕐᐸᑦ ᐊᒻᒪᓗ ᐊᖏᕐᕋᕆᐊᖃᓕᕐᐸᑦ, ᕆᒋᐊᖃᓕᕈᓂ;
• ᐊᑐᕐᓗᒍ ᐱᓂᐊᕐᓂᖓ ᐊᐅᓚᒋᐅᕐᓴᕆᐊᖃᕐᓂᖓᓄᑦ ᓇᒻᒪᓈᑦᓯᐊᑐᒍᓐᓇᑎᓪᓗᒍ ᐊᐅᓚᒋᐅᕐᓴᓂᖓᓂ ᐊᒻᒪᓗ ᓈᒻᒪᑐᒥᒃ ᐱᓂᐊᕐᓂᖃᕈᓐᓇᓗᓂ ᐅᖄᒋᐅᕐᓴᓂᕐᓂ ᐊᒻᒪᓗ ᓂᐸᖃᕋᓂ ᐃᓕᓐᓂᐊᑎᐅᑉ ᐱᓂᐊᕐᓂᕆᔭᖓ.
• ᖃᓂᑕᖃᑦᓯᐊᓗᓂ ᐱᓇᓱᖃᑎᖃᕈᓐᓇᓗᓂ ᐊᓯᖏᓐᓂᒃ ᐱᓇᓱᑦᑎᓂᒃ ᐊᒻᒪᓗ ᑲᑎᕕᒃ ᐃᓕᓐᓂᐊᕕᓕᕆᓂᕐᒥ ᐱᓇᓱᑦᑎᖏᓐᓂ.
• ᐊᑐᕐᓗᓂ ᐱᓀᓗᑕᓂᒃ ᓄᖑᑎᑎᕆᒍᓐᓇᓂᕐᓂᒃ ᐊᒻᒪᓗ ᑕᑯᓐᓇᑎᑦᓯᓗᓂ ᓱᖏᐅᓯᓴᕈᓐᓇᓂᕐᒥᒃ ᐊᑦᔨᒋᖕᖏᑐᓂ ᐱᓂᐊᕐᓂᐅᔪᓂ.

ᐱᒍᓐᓇᐅᑎᒋᒋᐊᓕᖏᑦ:

ᐳᕐᑐᓂᕐᓴᒋᐊᓪᓚᒥ ᐱᔭᕇᕐᓯᒪᓗᓂ ᐱᓪᓗᑯᒋᐊᓕᓕᕆᓂᕐᒥ ᐃᓕᓐᓂᐊᓂᓕᕆᓂᕐᒥᒃ

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

• ᐱᓇᓱᓚᐅᕐᓯᒪᓗᓂ ᐱᓪᓗᑯᐊᐱᒋᐊᓕᓐᓂ ᑭᖕᖒᒪᑦᓯᔪᓂᒃ ᐱᐊᕋᕐᓂ;

ᖃᓪᓗᓈᑎᑑᒍᓐᓇᓯᐊᕆᐊᓕᒃ ᐊᒻᒪᓗ ᐅᖃᐅᓯᐅᑉ ᐁᑉᐸᖓᓂᒃ ᐊᑐᕐᑕᐅᒌᕐᑐᓂ ᑲᑎᕕᒃ ᐃᓕᓴᕐᓂᓕᕆᓂᕐᒥ (ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓗ.

• ᐱᓇᓱᓚᐅᕐᓯᒪᓗᓂ ᓄᓇᕕᒻᒥ (ᐱᐅᓗᐊᖑᐊᑐᖅ).

ᐱᓇᓱᐊᕐᓂᖓᑕ ᐅᓪᓗᖁᑎᖏᑦ:

35 ᑲᐃᕙᓪᓚᒍᓰᑦ ᐱᓇᓱᐊᕈᓯᑕᒫᑦ ᐊᓪᓕᕇᕐᑐᒥᒃ ᓂᕿᑦᓯᑐᒧᑦ

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ AENQ-ᑯᑦ ᐱᓇᓱᑦᑎᖏᑦᑕ ᐊᖏᖃᑎᒌᒍᑎᖓ ᐱᓇᓱᑦᑎᑐᐃᓐᓇᓄᑦ / ᑖᓐᓇ ᐱᓇᓱᒐᖅ 4207-ᒥᒃ ᐱᓇᓱᕝᕕᖃᕋᔭᕐᑐᖅ,

ᐱᒋᐊᕐᓱᒋᑦ $27,71-ᓂᑦ $39.88-ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.