ᐱᔭᑦᓴᕆᓚᖓᔭᖓ:

ᐃᑉᐱᒋᔨᖃᕐᓱᓂ ᐊᑕᐅᑦᓯᑰᕐᑎᓯᔨᖓᓄᑦ ᓄᓇᕕᒃ ᓯᕗᓂᑦᓴᕗᒻᒥ, ᐃᓕᓴᕐᓂᒧᑦ ᐃᓕᓐᓂᐊᕈᑎᑦᓴᓕᐅᕐᓂᓄᑦ ᖃᐅᕕᒋᐊᕐᕕᒃ ᐱᓇᓱᐊᕆᐊᖃᕋᔭᕐᑐᖅ:

• ᓄᐃᑦᓯᓗᓂ ᐃᓄᑦᑎᑐᑦ ᐅᖃᐅᓯᓕᕆᓂᕐᒥᒃ ᓄᓇᕕᒻᒥ ᓯᕗᓂᑦᓴᕗᑦ ᐃᓕᓂᐊᕈᑎᑦᓴᖏᓐᓂᒃ;
• ᐃᓚᐅᖃᑕᐅᖃᑦᑕᓗᓂ ᐊᑐᓕᕐᑎᓯᕙᓪᓕᐊᔪᓂᒃ ᐃᓕᓐᓂᐊᕈᑎᑦᓴᓂᒃ ᐃᓄᒃᑎᑐᑦ ᓄᓇᕕᒃ ᓯᕗᓂᑦᓴᕗᑦ ᐱᓇᓱᐊᕋᑦᓴᖏᓐᓂᒃ;
• ᐃᓕᓐᓂᐊᕈᑎᑦᓭᑦ ᐃᓗᓕᖏᑦ ᐃᓄᐃᑦ ᐃᓗᕐᖁᓯᖓᓅᓕᖓᑦᓯᐊᕋᓗᐊᕐᒪᖔᑕ ᖃᐅᔨᓴᖃᑦᑕᓗᓂ;
• ᖃᐅᔨᓴᖃᑕᐅᖃᑦᑕᓗᓂ ᐃᓄᒃᑎᑐᑦ ᓄᓇᕕᒃ ᓯᕗᓂᑦᓴᕗᑦ ᐃᓕᓐᓂᐊᕈᑎᑦᓴᖏᓐᓂᒃ;
• ᕿᒥᕐᕈᓗᒋᑦ ᑲᑎᕐᓱᓗᒋᓪᓗ ᐊᑐᕐᑕᐅᖃᑦᑕᑐᑦ (ᐊᓪᓚᓯᒪᔪᑦ, ᐅᖃᐅᓰᑦ ᑐᑭᖏᑦ, ᑕᕐᕋᓕᔮᕈᑏᑦ, ᐊᓯᖏᓪᓗ) ᐊᑐᐃᓐᓇᐅᑎᓗᒋᓪᓗ ᐃᓕᓐᓂᐊᑎᓄᑦ ᓄᓇᕕᒃ ᓯᕗᓂᑦᓴᕗᒻᒥ;
• ᐅᖃᐅᑦᔪᐃᕙᓪᓗᓂ ᐃᑲᔪᕐᓗᓂᓗ ᐃᓕᓐᓂᐊᑎᑦᓯᔨᓂᒃ ᐊᑦᔨᒌᖕᖏᑐᓂᒃ ᐱᑦᔪᑎᓕᓐᓂᒃ;
• ᓯᕗᓕᒍᓐᓇᓗᓂ ᐃᓕᓐᓂᐊᕈᑎᑦᓴᓕᐅᕐᓂᒧᑦ ᐱᓂᐊᕐᓂᐅᔪᓂᒃ ᓄᓇᕕᒃ ᓯᕗᓂᑦᓴᕗᑦ ᐃᓕᓐᓂᐊᕈᑎᑦᓴᖏᓐᓂᒃ;
• ᐱᓇᓱᖃᑦᑕᓗᓂ ᐊᓯᖏᓐᓂᒃ ᐱᓇᓱᒐᑦᓴᓂᒃ ᐱᓇᓱᑦᑕᖏᓐᓅᓕᖓᔪᓂᒃ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓴᐅᑉ ᐊᓪᓕᖓᓂ ᐱᔭᕇᕈᑎᑖᕐᓯᒪᓗᓂ ᐃᓕᓐᓂᐊᓂᓕᕆᓂᕐᒥ, ᐊᐅᓚᑦᓯᓂᓕᕆᓂᕐᒥ, ᐅᕝᕙᓘᓐᓃᑦ ᑖᑦᓱᒧᖓ ᐱᓇᓱᒐᕐᒨᓕᖓᔪᓂᒃ

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᒋᐊᓕᖏᑦ:

• ᐃᓄᑦᑎᑑᕈᓐᓇᓯᐊᕐᓗᓂ;
• ᐃᓄᒃᑎᑐᑦ ᐊᓪᓚᒍᓐᓇᓯᐊᕐᓗᓂ
• ᓇᒻᒥᓂᕐᓱᓗᓂ ᐱᓇᓱᐊᕈᓐᓇᓗᓂ ᑐᓴᐅᒪᖃᑎᖃᑦᓯᐊᓗᓂᓗ ᐊᑦᔨᒌᖕᖏᑐᓂ ᐱᓇᓱᕝᕕᐅᔪᓂᒃ ᐱᓇᓱᖃᑎᒥᓂᓪᓗ;
• ᐃᓕᓐᓂᐊᑎᑦᓯᔨᐅᓯᒪᓗᓂ ᓄᓇᕕᒻᒥ (ᐃᑲᔪᕐᓯᐅᑎᐅᒐᔭᕐᑐᖅ).

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ

ᐱᓇᓱᕝᕕᖃᕋᔭᕐᑐᖅ: $55,282-ᒥᑦ $102,857-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.