ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᑐᑭᒧᐊᕐᑎᓯᔨᒥᒃ ᐊᐅᓚᑦᓯᓕᔨᕆᓂᕐᒥᒃ ᐱᒍᑦᔨᕕᒻᒥ, ᐊᑕᐅᑦᓯᑰᕐᑎᓯᔨ ᖃᐅᔨᓴᕐᓂᒥᒃ ᐊᒻᒪᓗ ᐊᑦᔨᐅᖏᑦᑐᓂᒃ ᐱᓇᓱᐊᕋᑦᓴᓄᑦ ᑲᒪᒋᔭᖃᕆᐊᓕᒃ ᐊᐅᓚᑕᐅᓂᖏᓐᓄᑦ ᓱᖃᑦᓯᐅᑏᑦ ᐊᐅᓚᑦᓯᓂᓕᕆᓂᕐᓅᓕᖓᔪᑦ ᐃᓚᐅᑎᓪᓗᒋᑦ ᖃᐅᔨᓴᐅᑏᑦ ᐊᓪᓚᖁᑎᖏᑦ, ᐱᓇᓱᕝᕕᐅᑉ ᓯᓚᑖᓂ ᑮᓇᐅᔭᖃᕐᑎᓯᒍᑏᑦ ᐊᒻᒪᓗ ᐃᓘᓐᓈᒍᑦ ᐊᐅᓚᑦᓯᓂᓕᕆᓂᕐᓄᑦ ᐱᓇᓱᐊᕋᑦᓭᑦ.

ᐊᑕᐅᑦᓯᑰᕐᑎᓯᔨ ᖃᐅᔨᓴᕐᓂᒥᒃ ᐊᒻᒪᓗ ᐊᑦᔨᐅᖏᑦᑐᓂᒃ ᐱᓇᓱᐊᕋᑦᓴᓄᑦ ᑲᒪᒋᔭᖃᓪᓗᑐᕆᐊᓕᒃ ᐱᕙᓪᓕᐊᑎᑕᐅᒍᑎᖏᓐᓂᒃ, ᑲᔪᓯᑎᑕᐅᓂᖏᓐᓂᒃ, ᕿᒥᕐᕈᔭᐅᓂᖏᓐᓂᒃ ᐊᒻᒪᓗ ᖃᐅᔨᓴᕐᑕᐅᓂᖏᓐᓂᒃ ᐱᓇᓱᕝᕖᑦ ᐱᖁᔭᖏᓐᓂᒃ, ᒪᓕᒐᖏᓐᓂᒃ ᐊᒻᒪᓗ ᐱᐅᓯᓕᐊᕆᔭᐅᓯᒪᔪᓂᒃ ᐊᐅᓚᑦᓯᒍᓯᓂᒃᑯᑦ ᐱᓗᐊᕐᑐᒥᒃ ᑐᑦᓯᕋᐅᑏᑦ ᐱᓇᓱᐊᖃᑎᒋᔭᐅᔪᓄᑦ ᓯᓚᑖᓂ ᐱᓯᒪᔪᑦ ᐃᓕᓐᓂᐊᕕᕐᔪᐊᒥ ᖃᐅᔨᓴᕐᓂᓅᓕᖓᔪᑦ, ᒪᓕᑦᑕᐅᒋᐊᓖᑦ ᑮᓇᐅᔭᖃᕐᑎᓯᓂᕐᓄᑦ ᐃᓄᓕᒫᓅᓕᖓᔪᓄᑦ ᐊᒻᒪᓗ ᓇᒻᒥᓂᒋᔭᐅᔪᓄᑦ ᑎᒥᐅᔪᓄᑦ ᐊᒻᒪᓗ ᐊᐅᓚᑕᐅᓂᒍᑎᖏᓐᓂᒃ ᐊᑦᔨᐅᖏᑦᑐᓄᑦ ᐱᓇᓱᐊᕐᑕᐅᔪᓄᑦ ᑭᖕᖒᒪᒋᔭᐅᔪᓄᑦ ᐃᓘᓐᓈᒍᑦ ᐊᐅᓚᑦᓯᓂᓕᕆᓂᕐᓄᑦ.

ᐃᓘᓐᓈᒍᑦ, ᑖᓐᓇ ᐱᓇᓱᒐᖅ ᐃᓗᓕᑦᑕᓕᒃ ᒪᑯᓂᖓ ᑲᒪᒋᔭᖃᕆᐊᖃᕐᓱᓂ:

• ᐃᑲᔪᖃᑦᑕᓗᓂ ᐊᑐᐃᓐᓇᕈᕐᑎᕆᓂᕐᒥᒃ ᐱᓇᓱᕝᕕᐅᑉ ᑮᓇᐅᔦᑦ ᑐᕌᒐᖏᑦ ᐊᒻᒪᓗ ᑲᒪᒋᓗᒋᑦ ᑮᓇᐅᔦᑦ ᑐᕌᕐᑕᖏᑦ ᓂᕈᐊᕐᑕᐅᓯᒪᔪᑦ ᐊᐅᓚᑕᐅᓂᖏᑦ ᐊᒻᒪᓗ ᐱᓇᓱᐊᕐᑌᑦ.
• ᐃᓚᐅᖃᑦᑕᓗᓂ ᐱᕙᓪᓕᐊᑎᑦᓯᓂᒃᑯᑦ ᐊᒻᒪᓗ ᑲᔪᓯᒃᑫᓂᒃᑯᑦ ᓄᑕᐅᓯᓕᕐᑐᓯᒪᔪᓂᒃ ᓈᒻᒪᓇᑦᓯᐊᑎᑦᓯᒐᓱᐊᕐᓗᓂ ᐋᕐᕿᓯᒪᔪᓕᐊᕕᓂᕐᓂᒃ, ᑐᕐᖃᑕᕐᕕᓂᒃ ᐊᒻᒪᓗ ᐊᓪᓚᖃᐅᑎᓂᑦ ᒪᓕᓪᓗᒋᑦ ᐱᓇᓱᕝᕖᑦ ᑭᖕᖒᒪᒋᔭᖏᑦ ᒪᓕᑦᓯᐊᖏᓐᓇᓗᒋᑦ ᐃᓘᓐᓇᖏᑦ ᑎᒥᐅᔪᒥ ᑐᕌᕐᑕᖏᑦ ᐊᒻᒪᓗ ᑐᕌᑦᓯᐊᑑᑎᒐᓱᐊᕐᓗᒋᑦ ᐱᖁᔦᑦ ᐊᒻᒪᓗ ᐊᐅᓚᑦᓯᓂᕐᒧᑦ ᑭᖕᖒᒪᒋᔦᑦ.
• ᐃᓚᐅᖃᑦᑕᓗᓂ ᐋᕐᕿᓱᐃᓂᕐᓄᑦ ᑲᔪᓯᑎᑦᓯᓂᕐᓂᓗ ᐱᓇᓱᕝᕕᐅᑉ ᐱᕙᓪᓕᐊᑕᐅᓂᖏᓐᓂᒃ, ᐱᓇᓱᕝᕕᐅᑉ ᐱᐅᓯᑦᓴᖏᓐᓂᒃ ᐊᒻᒪᓗ ᐱᖁᔭᖏᓐᓂᒃ ᑲᒪᒋᖏᓐᓇᓗᒋᑦ ᑐᕌᑦᓯᐊᑑᕋᓗᐊᕐᒪᖔᑕ ᑐᖕᖓᕕᓐᓚᕇᑦ ᐱᓇᓱᐊᕐᓂᐅᕆᐊᓖᑦ.

ᑲᒪᒋᓪᓗᑐᕆᐊᓕᖏᑦ:

• ᐱᓇᓱᐊᖃᑎᒋᓗᒋᑦ ᐱᓇᓱᕝᕕᐅᔪᑦ, ᐱᕙᓪᓕᐊᑎᑦᓯᓂᒃᑯᑦ, ᑲᔪᓯᒃᑫᓂᒃᑯᑦ, ᕿᒥᕐᕈᒋᐊᕐᓃᑦ ᐊᒻᒪᓗ ᖃᐅᔨᓴᕐᓃᑦ ᐱᓇᓱᕝᕕᐅᑉ ᐱᖁᔭᖏᓐᓂᒃ, ᒪᓕᒐᖏᓐᓂᒃ ᐊᒻᒪᓗ ᐱᐅᓯᑦᓴᐅᒋᐊᓕᓐᓂᒃ.
• ᖃᐅᔨᓴᕐᓂᖅ ᑮᓇᐅᔭᓕᐅᕈᑎᑦᓴᐅᒐᔭᕐᑐᑦ ᐱᓇᓱᕝᕕᐅᑉ ᓯᓚᑖᓂ ᐱᓇᓱᐊᖃᑎᒋᔦᑦ.
• ᑲᒪᒋᓗᒋᑦ ᓱᖃᑦᓯᐅᑏᑦ ᖃᐅᔨᓴᕐᓃᑦ ᑲᑎᒪᔨᖏᓐᓄᑦ
• ᑐᓴᐅᒪᑎᑦᓯᓗᓂ ᑐᓴᐅᒪᔭᐅᒋᐊᓕᓐᓂᒃ ᖃᐅᔨᓴᕐᓂᓄᑦ ᐱᓇᓱᐊᕋᑦᓴᓄᑦ.
• ᐃᓚᐅᕕᒋᓗᒋᑦ ᑲᑎᒪᔨᐅᕖᑦ ᐱᓇᓱᕝᕕᐅᑉ ᓯᓚᑖᓂ ᐱᓇᓱᐊᖃᑎᒋᔦᑦ.
• ᓴᕐᕿᑎᓗᒋᑦ ᐱᐅᓯᒋᔭᐅᒋᐊᖃᕋᔭᕐᑐᑦ ᐊᒻᒪᓗ ᐱᓇᓱᐊᕐᓂᒥᒃ ᐃᒻᒥᒎᕐᑎᑐᑦ ᓄᑖᓄᑦ ᐱᓇᓱᐊᕋᑦᓴᓄᑦ ᐱᒋᐊᖕᖓᐅᑏᑦ ᐅᓐᓂᑑᑎᐅᓯᒪᔪᑦ ᐃᓘᓐᓇᒍᑦ ᐊᐅᓚᑦᓯᓂᓕᕆᓂᕐᓄᑦ.

ᐊᐅᓚᑦᓯᓂᓕᕆᓂᕐᒥ ᐊᐅᓚᑕᐅᕕᖓᓂ:

• ᐃᓚᒋᔭᐅᖃᑦᑕᓗᓂ ᐱᕕᑦᓴᑖᕐᕕᐅᒍᓐᓇᑐᓂ ᓂᕈᐊᕐᓂᒥ ᐊᒻᒪᓗ ᐱᑦᔪᑎᑖᕈᑎᓂ. ᓱᕐᖁᐃᓯᓗᓂ ᐃᑉᐱᒋᔭᐅᓂᖏᓐᓂ, ᐃᒫᙰᕐᑏᑦ ᐊᒻᒪᓗ ᐱᒍᓐᓇᑐᓪᓚᕆᖕᖑᐸᓪᓕᐊᓂᖏᓐᓂ ᐱᓇᓱᑦᑎᓕᒫᖏᑦᑕ;
• ᐱᒋᐅᕐᓴᕈᑎᒋᔭᐅᒋᐊᓕᓐᓂ ᐃᓕᑕᕐᓯᒍᓐᓇᓗᓂ ᓴᐳᑎᓯᒪᓗᒋᓪᓗ ᐱᒋᐅᕐᓴᑎᑕᐅᒋᐊᖃᕐᓂᖏᑦ ᓄᐃᑦᓯᓗᓂᓗ ᑐᕃᓐᓇᑐᒥ ᐊᓪᓚᕈᑎᓂᒃ;
• ᓄᐃᑦᓯᓗᓂ ᓯᕗᓪᓕᐅᔭᐅᒋᐊᓕᓐᓂ ᐱᓇᓱᐊᕋᑦᓴᓂ ᐱᕕᑦᓴᑖᕐᕕᓴᓂᓪᓗ ᑭᖕᖒᒪᒋᔭᖏᓐᓂ ᐊᐅᓚᑦᓯᕕᐅᑉ;
• ᐃᓚᒋᔭᐅᓗᓂᓗ ᐱᓪᓗᑯᒋᐊᓕᓕᕆᓂᕐᒧ ᐱᓇᓱᐊᕐᑕᐅᔪᓂ ᐊᐅᓚᑦᓯᓂᓕᕆᓂᕐᒧ ᑭᖕᖒᒪᒋᔭᐅᔪᓂᒃ;
• ᐊᓯᖏᓐᓂᓗ ᐱᓇᓱᐊᕋᑦᓴᖃᕐᒥᓗᓂ, ᐊᖓᔪᕐᖄᖓᑕ ᑎᓕᔨᒍᑎᖏᓐᓂ.

ᐱᒍᓐᓇᐅᑎᒋᒋᐊᓕᖏᑦ:

• ᐃᓕᓴᕐᓯᒪᓂᕃᒍᑎᒥ ᐃᓕᓴᕐᕕᔪᐊᒥ ᐱᓯᒪᒋᐊᓕᒃ ᑖᑦᓱᒧᖓᓕᖓᔪᒥ ᐃᓂᒧᑦ ᐅᕝᕙᓘᓐᓃᑦ ᐃᓕᑕᕆᔭᐅᒍᑎᑖᕐᓯᒪᓗᓂ ᐃᑭᓐᓂᐸᐅᑎᓪᓗᒍ ᐊᕐᕌᒍᕐᓂ ᐱᖓᓱᓂ ᐃᓕᓴᕐᕕᔪᐊᒥ ᐱᓇᓱᐊᕋᑦᓴᒥᒃ ᐊᒻᒪᓘᓐᓃᑦ ᐱᓯᒪᓗᓂ ᑭᒡᒐᑐᕐᑎᑐᖃᐅᓯᒪᓂᕃᒍᑎᒥ ᐅᕝᕙᓘᓐᓃᑦ ᐱᓇᓱᑦᑎᑐᖃᐅᓯᒪᓗᓂ ᐃᓕᓴᕐᓂᓕᕆᓂᕐᒥ ᐱᓯᒪᒋᐊᓕᖓᑕ ᓇᓪᓕᖁᐊᖓᓂ ᐃᓕᓴᕐᓯᒪᓂᕃᒍᑎᒥ ᐃᓕᓴᕐᕕᔪᐊᒥ ᐃᑭᓐᓂᐸᐅᑎᓪᓗᒍ ᐱᒍᓐᓇᐅᑎᒋᒋᐊᓕᖏᑦᑕ.
• ᑕᓪᓕᒪᓂᒃ (5) ᐊᕐᕌᒍᓂᒃ ᐊᑐᕐᓂᖃᕈᓐᓇᑐᓂᒃ ᐱᓇᓱᓚᐅᕐᓯᒪᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

• ᐊᓪᓚᕈᓐᓇᓗᓂ ᐅᖄᒍᓐᓇᓗᓂᓗ ᐅᐃᒍᐃᑎᑐᑦ ᐊᒻᒪᓗ ᖃᓪᓗᓈᕐᑎᑐ.
• ᖃᐅᔨᒪᓗᓂ ᐱᓇᓱᐊᕋᑦᓭᑦ ᐊᐅᓚᑕᐅᒍᓯᖏᓐᓂᒃ
• ᑕᑯᑦᓴᐅᑎᑦᓯᓂᖃᕐᓗᓂ ᐱᓇᓱᐊᕈᓐᓇᓂᕐᒥᓂ ᐊᑐᕐᓂᓕᓐᓂ ᐃᓘᓐᓈᒍᑦ ᐃᖏᕐᕋᒍᓯᓕᒫᖓᒍᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐊᒻᒪᓗ ᓲᖑᔪᒥ ᐃᓂᓪᓚᑎᕆᒍᓐᓇᓂᕐᑖᓗᓂ ᐃᓚᒋᔭᐅᒍᓐᓇᓯᑦᓯᐊᓗᓂᓗ.
• ᑕᑯᑦᓴᐅᑎᑦᓯᓂᖃᕐᓗᓂ ᖃᐅᔨᒪᓂᕐᒥᓂ ᐱᒍᓐᓇᓂᕐᒥᓂᓪᓗ ᖃᕆᑕᐅᔭᑎᒍᑦ ᐊᑐᕐᑕᐅᒋᐊᓕᓐᓂ Microsoft Offic Suite (i.e. Outlook, Word, Excel ᐊᒻᒪᓗ PowerPoint).

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᑲᑎᕕᒃ ᐃᓕᓴᕐᓂᓕᕆᓂᐅᑉ ᐋᕐᕿᓯᒪᔭᖓᓂ ᓇᓗᓀᒃᑯᑕᖓ 8 ᐱᓇᓱᐊᕋᑦᓴᖓᑕ ᖃᓄᐃᓕᖓᓂᑦᓴᖓ ᐊᑕᐅᑦᓯᑰᕐᑎᓯᔨᐅᑉ/ ᐱᒋᐊᕐᓱᒍ $101,612 ᑎᑭᐅᑎᒍᓐᓇᑐ $135,480 ᐊᕐᕌᒍᓕᒫᒥ ᑮᓇᐅᑦᔭᓵᖏᑦ ᒪᓕᓪᓗᒋᑦ ᐱᔪᓐᓇᐅᑎᖏᑦ ᐱᓇᓱᐊᕐᓯᒪᓂᖓᓗ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.