ᐃᓂᖓ ᐱᓇᓱᐊᕆᐊᓕᖏᓪᓗ:

• ᐊᓪᓚᕕᒻᒥ ᐱᓇᓱᑦᑎᓂᒃ ᐃᑲᔪᕐᓯᖃᑦᑕᓗᓂ;
• ᐱᖁᑏᑦ ᑭᓯᑕᐅᒪᐅᑎᖏᓐᓂᒃ ᓇᔪᕐᑎᖃᕐᓗᓂ ᐃᓂᓪᓚᖓᑎᓗᒋᓪᓗ ᓄᑖᖑᓂᖏᓪᓗ ᐃᑉᐱᒋᓗᒋᑦ;
• ᖃᕆᑕᐅᔭᒨᔭᕆᐊᓕᓐᓂᒃ ᑐᕐᖁᑐᐃᖃᑦᑕᓗᓂ ᐃᓚᖃᕐᑎᓗᒋᑦ: (ᐊᓪᓚᖁᑎᖃᐅᑏᑦ ᐋᕐᓯᒪᐅᑎᖏᑦ, ᐊᑭᓕᒋᐊᓖᑦ, ᐊᒥᓲᓕᕐᑎᕆᓂᖅ ᖃᓄᐃᓘᕆᐊᓖᑦ ᒪᓕᒐᖏᓐᓂᒃ, ᑭᓯᑕᐅᒪᒋᐊᓖᑦ ᑭᓯᓯᒪᖃᑦᑕᓗᒋᑦ, ᐊᓯᖏᓪᓗ);
• ᑲᒪᒋᔭᖃᕐᓗᓂ ᐁᑦᑐᑑᑎᖃᕐᓂᒥᒃ ᑲᑎᕕᒃᑯᑦ ᐱᐅᑎᖏᑦᑕ ᑎᑭᓵᕕᓂᕐᓂᒃ, ᑎᑭᑦᑐᑦ ᓯᑲᑦᓴᔭᖁᑎᖏᑦ ᐁᑦᓯᓗᓂᓗ;
• ᑎᑭᓵᕕᓂᕐᓂᒃ ᐊᑐᐃᓐᓇᕈᕐᑎᖃᑦᑕᓗᓂ ᐊᐅᓪᓚᑐᑦᓴᓂᒃ, ᑐᕌᕈᑎᖏᑦ ᐃᓕᐅᕐᑐᓗᒋᑦ, ᐊᐅᓚᒍᑎᒃᑰᒋᐊᓕᓐᓂᒃ ᕿᓄᒍᑎᓕᐅᖃᑦᑕᓗᓂ ᐊᓪᓚᖁᑎᖃᐅᑎᓕᕆᓗᓂᓗ;
• ᐊᒥᓱᓂᒃ ᐊᒥᓲᓕᕐᑎᕆᐅᑎᓂᒃ ᑲᒪᖃᑦᑕᓗᓂ ᐊᓪᓚᕕᒻᒥ ᐊᑑᑎᖏᓐᓇᓱᕆᓗᒋᓗ ᓱᒃᑯᑌᓕᒪᐅᑏᑦ ᖃᓄᐃᓘᕈᑎᒋᒋᐊᓕᖏᑦ;
• ᐊᑐᐃᓐᓇᕈᕐᑎᕆᖃᑦᑕᓗᓂ ᖃᖓᑦᑕᐅᑎᖃᕈᑎᓂᒃ, ᐊᑦᔨᖑᐊᓂᒃ ᐊᓯᑦᔨᑐᐃᖃᑦᑕᓗᓂ ᐊᐅᓪᓚᓚᐅᕐᑎᓇᒋᓪᓗ;
• ᖃᐅᔨᓴᖃᑦᑕᓗᓂ ᑎᑭᑦᑐᓂᒃ ᐱᖁᑎᓂᒃ; ᑭᓯᑦᓯᒪᓗᓂ ᐊᓪᓚᕕᐅᑉ ᐱᖁᑎᖏᓐᓂᒃ, ᐊᓪᓚᕕᑦᓴᖏᓐᓂᒃ, ᐊᓯᖏᓐᓂᓗ;
• ᐱᐅᒃᑯᑎᓂᒃ ᐊᐅᓚᑦᓯᖃᑦᑕᓗᓂ ᐊᑐᕐᑕᐅᔪᓂᒃ ᑫᕙᓪᓚᒍᓯᑎᒍᑦ ᑮᓇᐅᑦᔭᓴᐅᑎᓄᑦ, ᐱᕆᑦᑎᓯᖃᑦᑕᓗᓂ, ᐲᔦᖃᑦᑕᓗᓂ, ᓇᓗᓀᒃᑯᑕᕐᓯᓗᒋᑦ ᑐᕐᖁᑐᐃᓗᓂᓗ ᐊᓪᓚᖁᑎᓂᒃ;
• ᐃᑲᔪᕐᓯᖃᑦᑕᓗᓂ ᐱᓇᓱᑦᑏᑦ ᓄᑖᑦ ᐱᒋᐅᕐᓴᔭᐅᓂᖏᓐᓂᒃ, ᐅᐱᕐᖔᖑᓂᖓᓂ ᐱᓇᓱᑦᑐᓂᒃ ᐃᓕᓐᓂᐊᑎᓂᒃ, ᐊᓯᖏᓪᓗ;
• ᐊᖓᔪᕐᖄᒥᓄᑦ ᐱᓇᓱᑦᑕᐅᖁᔭᐅᒍᑎᓂᒃ ᐱᓇᓱᖃᑦᑕᒥᓐᓗᓂ.

ᐱᒍᓐᓇᐅᑎᒋᒋᐊᓕᖏᑦ:

ᐳᕐᑐᓂᕐᓴᒥ 5-ᒥ ᐱᔭᕇᕐᓯᒪᓗᓂ ᐃᓕᓐᓂᐊᓯᒪᓂᕃᒍᑎᖃᕐᓗᓂᓘᓐᓂᑦ ᐃᓕᓐᓂᐊᓂᓕᕆᓂᐅᑉ ᐃᓕᑕᕆᔭᖓᓂᒃ.

ᐃᓕᓐᓂᐊᓂᓕᕆᓂᖅ ᐱᕕᖃᕐᓕᐊᑐᖅ, ᐃᓱᒪᒥᓪᓗᓂ, ᐲᕐᓯᓂᕐᒥᒃ ᓇᐅᑐᐃᓐᓇᓂᒃ ᐃᓘᓐᓇᖏᓐᓂᓘᓐᓃᑦ ᖁᓛᓂ ᐅᖃᕐᑕᐅᔪᓂᒃ ᐱᔪᓐᓇᕈᑎᓂᒃ ᓇᓂᓯᑐᐊᕈᓂ ᓈᒻᒪᑐᒥᒃ ᐱᓇᓱᑦᑎᓴᒥᒃ ᑖᓐᓇ ᐃᓚᐅᔫᑎᓪᓗᒍ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒧᑦ (JBNQA) ᐊᒻᒪᓗ ᐊᖏᕐᑎᓗᒍ, ᐱᓇᓱᒐᕐᑖᓂᕐᒧᑦ ᐃᓚᐅᖕᖏᕕᖃᕐᑎᓇᒍ, ᐊᑐᕐᓂᐊᓂᕐᒥᓂᒃ ᐱᒋᐅᕐᓴᐅᑏᑦ ᐸᕐᓇᑕᐅᒪᒍᑎᖓᓂᒃ ᐃᓕᓐᓂᐊᓂᓕᕆᔨᒃᑯᑦ ᓇᓗᓀᕐᓯᒪᔭᖓᓂᒃ.

ᐱᒍᓐᓇᓯᐊᕆᐊᓕᖏᑦ:

• ᐱᓇᓱᐊᕐᓯᒪᓗᓂ ᖃᕆᑕᐅᔭᒧᑦ ᑐᕐᖁᑐᐃᓂᕐᒥᒃ;
• ᖃᐅᔨᒪᔭᖃᕐᓗᓂ ᖃᕆᑕᐅᔭᓕᕆᐅᑎᓂᒃ Microsoft Office-ᒥᒃ;
• ᐅᖃᐅᓰᕐᓂᒃ ᒪᕐᕉᓂᒃ ᐱᒍᓐᓇᓯᐊᕐᓗᓂ ᐃᓕᓐᓂᐊᓂᓕᕆᓂᐅᑉ ᐊᑐᓲᖏᓐᓂᒃ (ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓗ);
• “ᑭᕝᕓᕈᓐᓇᑑᕆᐊᓕᒃ ᐃᑦᓯᕕᓐᓂᒃ ᐅᖁᒣᓐᓂᓕᓐᓂᒃ 30-ᑭᓚᑲᕌᒻᓂᒃ”.

ᐱᐅᔫᒐᔭᕐᑐᖅ:

ᖃᐅᔨᒪᔭᖃᕐᓂᖅ ᐊᓪᓚᖁᑎᖃᐅᑎᓕᐅᕈᑎᒥᒃ Filemaker Pro, Photoshop, Acrobat Pro.

ᐱᓇᓱᓐᓂᖓᑕ ᐅᓪᓗᖁᑎᖏᑦ:

35ᓂ ᐃᑲᐅᕐᓂᓂ/ᐱᓇᓱᐊᕈᓯᑕᒫᑦ ᐊᒡᓕᕇᕐᑐᓂᑦ ᓂᕿᑦᓯᑐᓄᑦ.

ᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ AENQ-ᑯᑦ ᐱᓇᓱᑦᑎᖏᑦᑕ ᐊᖏᖃᑎᒌᒍᑎᖓ ᐱᓇᓱᑦᑎᑐᐃᓐᓇᓄᑦ / ᑖᓐᓇ ᐱᓇᓱᒐᖅ 4102-ᒥᒃ ᐱᓇᓱᕝᕕᖃᕋᔭᕐᑐᖅ,

ᐱᒋᐊᕐᓱᒋᑦ $22.36-ᓂᑦ $25.00-ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.