ᐃᑉᐱᒋᔭᐅᓂᖃᕐᓱᓂ ᐃᑲᔪᕐᑎᖓᑕ ᑐᑭᒧᐊᕐᑎᓯᔨᐅᑉ ᐅᖃᐅᓯᐅᑉ ᐁᑉᐱᐅᑎᖓᑕ ᐃᓕᓐᓂᐊᕈᑎᑦᓴᔭᓕᕐᓂᐅᑉ ᐱᕙᓪᓕᐊᔭᐅᓂᖓᑕ, ᑖᓐᓇ ᐃᓂᐅᔪᖅ ᐃᓗᓕᓕᒃ ᑲᒪᒋᔭᑦᓴᔭᖃᓚᖓᓗᓂ ᐱᕕᑦᓴᖃᕐᑎᓯᓂᕐᒥᒃ ᐊᔪᖀᒋᐊᕐᓂᒥᒃ ᓴᐳᒻᒥᓂᕐᒥᓗ ᑖᒃᑯᓄᖓ ᐳᕐᑐᓂᕐᓴᓄᑦ ᒍᐃᒍᐃᑎᑑᕐᑐᓄᑦ ᑲᑎᕕᒃ ᐃᓕᓴᕐᓂᓕᕆᐅᑉ ᐃᓕᓐᓂᐊᕕᖏᓐᓂ ᑲᔪᓯᓕᕐᑎᑕᐅᓂᖏᓐᓂ, ᐱᕙᓪᓕᐊᑎᑕᐅᓂᖏᓐᓂ ᓇᐅᑦᓯᑐᕐᑕᐅᓂᖏᓐᓂᓗ ᖃᐅᔨᓴᕐᓃᑦ ᐱᓇᓱᐊᕐᓃᑦ, ᐃᓕᓐᓂᐊᕕᒻᒥ ᐊᐅᓚᑦᓯᓂᕐᒧᑦ ᐃᓕᓐᓂᐊᑎᑦᓯᒍᑎᐅᓂᐊᕐᑐᓄᑦ ᐃᓕᓐᓂᐊᑎᑦᓯᒍᑎᑦᓴᔦᑦ.

ᐃᓂᖓ ᐱᓇᓱᐊᕆᐊᓕᖏᓪᓗ:

• ᓴᐳᒻᒥᓗᓂ ᓱᕐᖁᐃᓯᑦᓯᐊᓗᓂᓗ ᑌᒫᑦᓯᐊᒪᕇᕐᑐᒥᒃ ᐃᓗᕐᖁᓯᑎᒍᓪᓗ ᐃᓕᑕᕐᓇᓯᐊᕐᑐᒥᒃ ᐃᓕᓐᓂᐊᓂᕐᒥᒃ ᓄᓇᕕᐅᑉ ᓄᓇᓕᖏᓐᓂ, ᐱᓗᐊᕐᑐᒥᒃ ᐃᑲᔪᕐᓯᓂᖅ ᐳᒃᑭᓂᕐᓴᒥᒃ ᐳᕐᑐᓂᕐᓴᒦᑦᑐᓂᓪᓗ ᐃᓕᓐᓂᐊᑎᑦᓯᔨᓂᑦ ᑭᓯᑦᓯᒍᑎᓐᓂᐊᓂᒃᑯᑦ ᓱᑯᐃᔦᓂᒃᑯᓗ ᐅᐃᒌᑎᑐᑦ ᖃᓪᓗᓈᑎᑐᓪᓗ;
• ᐃᓚᐅᖃᑦᑕᓗᓂ ᓄᐃᑦᓯᕙᓪᓕᐊᓂᕐᒥᒃ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐃᓕᓐᓂᐊᑎᑦᓯᒍᓯᖏᓐᓂᑦ, ᑐᖕᖓᕕᖃᕐᓱᑎᒃ ᐃᓄᐃᑦ ᐃᓗᕐᕈᓯᖏᓐᓂᑦ, ᐅᖃᐅᓯᖏᓐᓂᑦ, ᐱᒻᒪᕆᐅᑎᑕᖏᓐᓂᑦᓗ ᐊᒻᒪᓗ ᐃᓕᓐᓂᐊᑎᑦᓯᖃᑦᑕᓗᓂ ᐃᓕᓐᓂᐊᑎᑦᓯᔨᓂᑦ ᑲᔪᓯᑎᑦᓯᒍᑎᓂᑦ;
• ᓄᐃᑦᓯᖃᑦᑕᓗᓂ ᐃᓕᑦᓯᒍᑎᑦᓴᓂᑦ ᖃᐅᔨᓴᖃᑦᑕᓗᓂᓗ ᐃᓕᓐᓂᐊᑎᑦᓯᒍᑎᑦᓴᓂᑦ ᑭᓯᑦᓯᒍᑎᓐᓂᐊᓂᕐᒧᑦ ᓱᑯᐃᔦᓂᕐᒧᓗ ᐳᒃᑭᓂᕐᓴᒦᑦᑐᓄᑦ ᐳᕐᑐᓂᕐᓴᒦᑦᑐᓄᓪᓗ ᐅᐃᒌᑎᑐᑦ ᖃᓪᓗᓈᑎᑐᓪᓗ;
• ᖃᕆᑕᐅᔭᑎᒍᑦ ᐋᕐᕿᓱᐃᖃᑦᑕᓗᓂ ᐱᒋᐅᕐᓭᔨᐅᓗᓂ ᑲᑎᒪᓂᐊᕈᓯᒃᑯᑦ ᑲᑐᑦᔨᖃᑎᒌᓐᓂᑯᓪᓗ
• ᑌᒪᖕᖓᓕᒫᖅ ᓄᑕᐅᓯᓖᖃᑦᑕᓗᓂ ᑭᓯᑦᓯᒍᑎᓐᓂᐊᕈᑎᑦᓴᓂᑦ ᓱᑯᐃᔦᒍᑎᑦᓴᓂᓪᓗ
• ᓇᓗᓀᕐᓯᓯᒪᑦᓯᐊᓗᓂ ᐃᑲᔫᑎᑦᓴᓂᑦ ᐃᓕᓐᓂᐊᑎᑦᓯᒍᑎᑦᓴᓂᓪᓗ, ᐅᑎᕐᑕᕕᖃᖃᑦᑕᓗᓂᓗ ᐃᓕᓐᓂᐊᑎᑦᓯᔨᓂᑦ ᑭᓯᑦᓯᒍᑎᓐᓂᐊᓂᕐᒥᒃ ᓱᑯᐃᔦᓂᕐᒥᓗ ᐃᑲᔪᕐᓯᓗᓂ ᐱᔪᓐᓇᐅᑎᖃᕈᓐᓇᓂᖏᓐᓂᑦ ᐃᓕᓐᓂᐊᕈᑏᓪᓗ ᐱᐅᓯᕙᓪᓕᐊᓂᖏᓐᓂᑦ;
• ᐃᑲᔪᕐᓯᖃᑦᑕᓗᓂ ᐃᓱᒪᑦᓯᐊᓂᕐᒥᒃ ᐱᓀᓗᑕᓂᓪᓗ ᐋᕐᖀᒋᐊᕐᓂᒥᒃ ᑭᓯᑦᓯᒍᑎᓐᓂᐊᓂᕐᒧᑦ ᓱᑯᐃᔦᓂᕐᒧᓗ;
• ᐱᓇᓱᖃᑎᖃᖃᑦᑕᓗᓂ ᐱᓇᓱᖃᑎᒌᓂᑦ ᐃᓕᓐᓂᐊᕈᑎᓕᕆᕕᒻᒥ ᐊᓯᖏᓐᓂᓗ ᐊᓪᓚᕕᒻᒥ;
• ᐱᓇᓱᐊᖃᑦᑕᓗᓂᓗ ᐊᖓᔪᕐᖄᖓᑕ ᑎᓕᓯᒍᑎᖏᓐᓂᑦ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓴᐅᑉ ᐊᓪᓕᖓᓂᒃ ᐱᔭᕇᕐᓯᒪᐅᑎᖓᓗᓂ ᑌᒣᑦᑐᓅᓕᖓᔪᒥᒃ, ᐱᓗᐊᕐᑐᒥᒃ ᐃᓕᓐᓂᐊᓂᕐᒧᑦ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᖕᖏᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ.

ᐊᑐᕈᓐᓇᕆᐊᓕᖏᑦ:

• ᐱᖁᔭᑎᒍᑦ ᐱᔪᓐᓇᓂᖃᑦᓯᐊᓗᓂ ᐃᓕᓐᓂᐊᑎᑦᓯᒍᓐᓇᓂᕐᒥᒃ ᑯᐯᒃ ᓄᓇᖁᑎᖃᕐᕕᒋᔭᖓᓂ;
• ᐊᑑᑎᓂᖃᕐᓯᒪᓗᓂ ᐃᓕᓐᓂᐊᑎᑦᓯᔨᐅᓂᕐᒥᒃ (ᐃᓕᓐᐊᑎᑦᓯᓯᒪᓗᓂ ᓄᓇᕕᒻᒥ ᐃᑲᔪᕐᓯᒪᓂᕃᒍᑎᐅᒐᔭᕐᑐᖅ);
• ᐅᐃᒌᑎᑑᕈᓐᓇᕆᐊᓕᒃ ᖃᓪᓗᓈᑎᑐᓪᓘᓃᑦ, ᐱᓇᓱᑦᓯᒪᓗᓂᓗ ᐅᖃᐅᓯᐅᑉ ᑐᖓᓕᐊᓂᑦ;
• ᖃᐅᔨᒪᓂᖃᕐᒪᕆᓪᓗᓂ ᐳᕐᑐᓂᕐᓭᑦ ᐳᒃᑭᓂᕐᓭᓗ ᑭᓯᑦᓯᒍᑎᓐᓂᐊᓂᖓᓂᒃ ᓱᑯᐃᔦᓂᕐᑎᒍᓪᓗ ᐃᓱᒪᒍᓯᐅᓲᓂᒃ;
• ᖃᕆᑕᐅᔭᓕᕆᓂᕐᒥᒃ ᐃᓕᑕᕐᓯᒪᓂᖃᑦᓯᐊᓗᓂ (ᐱᓗᐊᕐᑐᒥᒃ Microsoft 365, ᐃᓚᐅᑎᓪᓗᒍ ᖃᕆᑕᐅᔭᑎᒎᕐᓱᑎᒃ ᑲᑎᒪᓂᐅᓲᓂᒃ ᑕᑯᓐᓇᐅᑎᑦᓱᑎᒃ ᐊᓯᖏᓐᓂᓗ ᐃᓕᓐᓂᐊᓂᕐᒨᓕᖓᔪᓂᒃ ᖃᕆᑕᐅᔭᓅᓕᖓᑎᑦᓯᒍᑎᐅᔪᓂᒃ);
• ᓄᓇᕕᒻᒧᑦ ᐊᕐᕕᑕᖃᑦᑕᕆᐊᓕᒃ
• ᖃᐅᔨᒪᓂᖃᕐᓗᓂ ᐃᓄᒃᑎᑐᑦ ᐃᑲᔪᕐᓯᒪᒐᔭᕐᑐᖅ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ ᐱᓇᓱᕝᕕᖃᕋᔭᕐᑐᖅ: $56,670-ᒥᑦ $105,432-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.