ᐅᑯᓂᖓ ᐃᓚᐅᓂᖃᓪᓚᕆᒋᐊᖃᕐᑐᑎᑦ:

• ᐃᓚᐅᔪᔫᓪᓗᑎᑦ ᔦᒻᔅ ᐯ ᐊᒻᒪᓗ ᑯᐱᐊᒃ ᑕᕐᕋᖓᓂ ᐊᖏᖃᑎᒌᒍᑎᐅᒪᔪᒧᑦ (JBNQA)¹.
• ᐃᓕᓐᓂᐊᓂᖃᕐᓯᒪᒋᐊᖃᕐᑐᑎᑦ ᐱᔭᕇᕐᓯᒪᑦᓯᐊᓗᒋᓗ ᐃᑎᕈᓐᓇᐅᑎᖁᑎᖏᑦᑕ ᐃᓕᓐᓂᐊᕕᒍᒪᔭᕋᕐᑕᐱᑦ.
• ᓇᒻᒪᓈᕐᕕᖃᕐᓯᒪᓗᑎᑦ ᓇᓗᓀᕐᑕᐅᒪᔪᓕᒫᓂᑦ ᑮᓇᐅᔭᕐᑎᒍᑦ ᐃᑲᔪᕐᑐᑕᐅᑦᑕᕕᓕᐊᖑᒪᔫᑉ ᒪᓕᒑᐱᖁᑎᖏᓐᓂ.

¹ ᐃᒻᒥᒎᓈᕐᑎᑐᐃᑦ ᐃᓚᐅᔫᔪᖕᖑᓯᒪᓚᕿᔪᐃᑦ ᑲᑎᑎᑕᐅᒪᓂᕐᒥᓄᑦ ᑮᓇᐅᔭᕐᑎᒍᑦ ᐃᑲᔪᕐᑐᑕᐅᑦᑕᖃᑕᐅᕈᓐᓇᑐᑦ.

ᑮᓇᐅᔭᕐᑎᒍᑦ ᐃᑲᔪᕐᑐᑕᐅᑦᑕᕈᒪᐅᑏᑦ ᐱᓯᒪᔭᐅᒋᐊᓖᑦ:

• ᒫᑦᔨ 1ᒥ ᐅᑭᐊᖑᓛᕐᓂᐊᑐᒨᖓᔪᑦ
• ᓄᕕᒻᐱᕆ 1ᒥ ᐅᑭᐅᖑᓛᕐᓂᐊᑐᒨᖓᔪᑦ

ᐃᑲᔪᕐᑐᑕᐅᑦᑕᕈᒪᐅᑎᓕᐊᕆᒪᔦᑦ ᓱᕐᖁᐃᑕᐅᓇᓱᐊᖁᓛᑐᐊᕈᕕᐅᒃ, ᐅᑯᐊ ᐊᑦᔨᖏᓐᓂ ᐅᐃᒍᕐᑕᖃᒋᐊᖃᓛᕐᓂᐊᑐᖅ:

• ᐃᓅᓕᕐᓂᕕᕐᓂᐱᑦ ᓱᕐᖁᐃᓯᒍᑎᖓᓂᒃ
• ᓯᕿᓂᖕᖑᐊᖁᑎᓐᓂᐅᕕᑦ
• ᐃᓪᓓᒍᑎᑦᓴᔮᐱᒥᒃ ᐃᓚᐅᔫᓂᕐᐱᑦ ᓱᕐᖁᐃᓯᒍᑎᕐᑕᓕᒻᒥᒃ
• ᐃᓪᓓᒍᑎᑦᓴᔮᐱᒥᒃ ᑭᓯᑦᔪᑎᓕᒻᒥᒃ ᐱᓇᓱᒍᓐᓇᐅᑎᓂᐅᕕᑦ
• ᐃᓕᓐᓂᐊᑕᕕᓂᕐᓅᖓᔪᐃᑦ ᓇᐅᑦᓯᑐᕐᑕᐅᓂᕐᓄᑦ ᑭᓯᑦᔪᑎᕐᑖᕐᓂᕆᓯᒪᔭᑎᑦ ᐊᕐᕌᒍᓕᒫᑲᓵᓅᖓᔪᑦ ᐳᕐᑐᓂᕐᓴᓂᒃ ᐱᔭᕇᕐᓱᑎᑦ (ᐃᓕᓴᕐᑕᕕᓂᑎᑦ/ᑐᓴᕐᑎᓯᐅᑎᓕᐊᕆᔭᐅᒪᔪᐃᑦ ᐃᓕᓭᔨᑎᓐᓄᑦ ᓯᑯᑦᓴᔭᖁᑎᓘᓐᓃᑦ ᐱᓯᒪᔪᖅ ᑐᕐᖃᑕᕐᕕᖓᓂᑦ ᐃᓕᓴᕐᓂᓕᕆᓂᐅᑉ).
• ᔭᒋᐊᖃᕐᐸᑦ, ᐃᓕᓐᓂᐊᓂᕕᓂᕐᓄᑦ ᖃᒻᒥᒃ ᓇᐅᑦᓯᑐᕐᑕᐅᓂᒃᑯᑦ ᑭᓯᑦᔪᑎᑖᕕᓂᑎᑦ ᐃᓕᖓᔪᑦ ᐱᓇᓱᒐᕐᑖᒐᓱᐊᕐᓂᒧᑦ ᐱᒋᐅᕐᓴᕕᒻᒥ, ᑳᓕᑦᔨᒥ, ᐃᓕᓐᓂᐊᕕᕐᔪᐊᒥᓘᓐᓃᑦ (ᐃᓕᓐᓂᐊᒍᑎᕕᓂᑎᑦ ᐱᓯᒪᔪᑦ ᐃᓕᓐᓂᐊᕕᕕᓂᕐᓂᐅᕕᑦ)
• ᓯᐊᒃᑭᓕᐅᕈᑎᖁᑎᑎᓐᓂ ᐱᓯᒪᔪᒥᒃ ᐅᕝᕙᓘᓐᓃᑦ ᑮᓇᐅᔭᒃᑯᕕᖁᑎᑉᐱᑦ ᑭᓯᑦᔪᑎᖓᓂᒃ ᐃᓚᖃᕐᓗᓂ ᑮᓇᐅᔭᒃᑯᕕᖁᑎᑉᐱᑦ ᑐᑭᓯᒪᔭᐅᒋᐊᓕᖁᑎᖏᓐᓂᒃ.

ᐃᑉᐱᒋᓗᒋᑦ ᐃᓕᓐᓂᐊᒍᒪᑦᓴᕋᔭᕐᑕᑎᑦ, ᐃᓕᓐᓂᐊᒍᓐᓇᑐᑎᑦ ᐅᑯᓂᖓ:

1) ᐊᕐᕌᒍᓕᒫᒨᖓᔪᒥᒃ ᐃᓕᓐᓂᐊᒐᑦᓴᖑᕐᑕᐅᒪᔪᒥᒃ
ᐃᓕᓐᓂᐊᒐᑦᓴᖑᕐᑕᐅᒪᔪᖅ ᑳᓕᑦᔨᓅᖓᔪᓂᒃ ᐳᕐᑐᕙᓪᓕᐊᕈᑎᑦᓴᓂᒃ ᑭᓯᑦᔪᑎᑕᕐᑕᓂᒃᑯᑦ ᐃᓕᓐᓂᐊᓂᕐᓂᐅᕕᑦ ᐃᓄᑐᐃᓐᓀᑦ ᐃᓕᕐᕈᓯᖏᓐᓅᖓᔪᓂᑦ, ᐊᑑᑎᓯᔭᒪᖏᓐᓅᖓᔪᓂᒃ, ᑲᕙᒪᒍᓯᖏᓐᓅᖓᔪᓂᒃ ᐅᖃᐅᓯᖏᓐᓅᖓᔪᓂᓗ.

• ᓄᓇᕕᒃ ᓯᕗᓂᑦᓴᕗᑦ

2) ᐱᓇᓱᒐᕐᓅᖓᔪᒥᒃ ᐃᓕᓐᓂᐊᕕᒃ
ᐱᓪᓗᑯᓐᓅᖓᔪᐃᑦ ᐃᓕᓐᓂᐊᒐᑦᓴᖑᕐᑕᐅᒪᔪᐃᑦ ᐊᑐᐃᓐᓇᕈᕐᑎᕆᔪᑦᓴᔦᑦ ᐱᓇᓱᒐᐅᔪᓄᑦ ᖃᐅᔨᒪᔭᐅᓂᖃᓪᓚᕆᑐᓴᔭᐅᔪᓂᑦ.  ᐃᓕᓐᓂᐊᓃᑦ ᓯᕕᑐᓂᖏᑦ ᐊᑦᔨᒌᖕᖏᑑᔪᐃᑦ ᐱᔭᕇᕐᑕᐅᓴᐅᑎᒋᓲᑦᓴᔦᓪᓗ ᐃᓕᓐᓂᐊᒐᑦᓴᖑᕐᑕᐅᒪᔪᐃᑦ ᐊᑐᐃᓇᐅᑎᑕᐅᒻᒥᓱᑎᒃ.

• ᐱᓇᓱᒐᑦᓴᓅᖓᔪᐃᑦ ᐱᒋᐅᕐᓴᑎᑦᓯᓂᐅᑦᓱᑎᒃ ᐃᓕᓐᓂᐊᒐᑦᓴᓕᐊᕆᔭᐅᒪᔪᑦ

3) ᓭᔮᑉ
ᓀᐱᑦᓯᓗᑎᑦ ᐃᓕᓐᓂᐊᒐᑦᓴᓕᐊᕆᔭᐅᒪᔪᒥᒃ ᐃᓕᓐᓅᖓᑦᓯᐊᑐᒥᒃ.  ᐃᓕᓐᓂᐊᕕᕐᔪᐊᓕᐊᕆᐊᖑᓱᐊᔪᐃᑦ ᐃᓕᓐᓂᐊᒐᑦᓴᓕᐊᕆᔭᐅᒪᔪᐃᑦ (2-3 ᐊᕐᕌᒍᓂᒃ ᓯᕕᑐᓂᓕᑦ), ᐱᓇᓱᒐᒨᖓᔪᑦ ᐃᓕᓐᓂᐊᒐᑦᓴᓕᐊᕆᔭᐅᒪᔪᐃᑦ (3 ᐊᕐᕌᒍᓂᑦ) ᐅᕝᕙᓘᓐᓃᑦ ᓱᕐᖁᐃᓯᒐᓱᐊᕐᓂᒨᖓᔪᐃᑦ ᐊᒻᒪᓗ ᓱᑲᓐᓂᓴᒃᑯᓅᖓᔪᐃᑦ ᐃᓕᓐᓂᐊᒐᑦᓴᖑᕐᑕᐅᒪᔪᐃᑦ (1 ᐊᕐᕌᒍᒥ).

• ᑯᐱᐊᒃᒥ ᑳᓕᑦᔩᑦ ᐃᓕᓐᓂᐊᒐᑦᓴᖑᕐᓯᒪᔪᖁᑎᖏᓗ
• ᑳᓇᑕᒥ ᑳᓕᑦᔩᑦ

4) ᐃᓕᓐᓂᐊᕕᕐᔪᐊᖅ
ᐱᔭᕇᒋᐊᖕᖓᐅᑏᑦ ᐱᔭᕇᕐᓃᓗ ᑐᖓᓕᖓᓂᒃ ᐃᓕᓐᓂᐊᒐᑦᓴᖑᕐᑕᐅᒪᔪᐃᑦ ᐊᑐᐃᓐᓇᐅᔪᐃᑦ. ᓱᕐᖁᐃᓯᒍᑎᒃ (1 ᐊᕐᕌᒍᒥᒃ ), ᐱᔭᕇᒋᐊᖓᐅᑏᑦ (3 ᐊᕐᕌᒍᐃᑦ), ᐱᔭᕇᕐᓂᐅᔪᐃᑦ ᑐᖓᓕᖓᓂᒃ (1-3 ᐊᕐᕌᒍᓂᒃ ) ᐅᕝᕙᓘᓐᓃᑦ ᐱᔭᕇᕐᓯᒪᓃᑦ ᐳᕐᑐᓂᕐᐹᒥᒃ ( ᓯᕕᑐᓂᕆᒍᓐᓇᑕᖏᑦ ᐊᑦᔨᒌᖕᖏᑐᐃᑦ ).

• ᑯᐱᐊᒃᒥ ᐃᓕᓐᓂᐊᕕᕐᔪᐊᑦ
• ᑳᓇᑕᒥ ᐃᓕᓐᓂᐊᕕᕐᔪᐊᑦ