ᐃᓕᓐᓂᐊᑎᕗᓐᓂᒃ ᐃᑲᔪᕐᓯᒪᓂᑦᑎᓂᒃ ᓄᐃᑕᑎᑦᓯᒍᑎᒋᑦᓱᒋᑦ ᐃᒣᓘᓲᖑᔪᒍᑦ:

• ᐃᓕᓐᓂᐊᒐᑦᓴᓄᑦ ᐃᓚᐅᒍᒪᒍᑎᒥᓂᒃ ᑐᑦᓯᕋᐅᑎᓕᐅᕐᑎᓗᒋᑦ ᐃᑲᔪᕐᓱᒋᑦ
• ᐃᓅᖃᑎᒌᓄᐊᖓᔪᓂᒃ ᐊᓯᓃᑦᑎᑕᐅᒍᑏᑦ ᐃᓕᓐᓂᐊᑎᓄᓪᓗ ᐱᓂᐊᕐᓂᖃᕐᑎᓯᒍᑏᑦ ᐋᕐᕿᓱᕐᓱᒋᑦ
• ᐃᓕᓐᓂᐊᒐᕐᒧᑦ ᐃᓚᐅᓂᖏᑦ ᑭᓯᑕᐅᒪᖃᑎᐅᓕᑐᐊᕐᒪᑕ ᑮᓇᐅᔭᑎᒍᑦ ᐃᑲᔪᕐᓯᔭᐅᒍᑎᑖᕐᑎᓱᒋᑦ
• ᓇᓪᓕᑐᐃᓐᓇᖓᒍᑦ ᐱᓇᓱᒐᕐᒨᓕᖓᔪᓂᒃ ᐱᒋᐅᕐᓴᓂᕐᒥ, ᐃᓕᓐᓂᐊᕕᒻᒪᕆᒻᒥ ᐃᓕᓐᓂᐊᕕᕐᔪᐊᒥᓪᓘᓃᑦ ᐃᑲᔪᕐᓯᒣᓐᓇᓱᒋᑦ

ᐃᓚᐅᒍᓐᓇᓂᕃᒍᑎᓂᒃ ᓈᒻᒪᓈᕐᓯᒪᒋᐊᖃᕐᑐᑎᒃ ᐅᑯᓂᖓ:

• ᐃᓚᐅᔫᓗᑎᑦ¹ ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᓄᑦ (ᐊᖏᖃᑎᒌᓐᓂᖅ) ᐊᒻᒪᓗ ᓄᓇᓕᑉᐱᑦ ᐃᓚᐅᔪᑦ ᐊᑎᖏᑦᑕ ᐊᑐᕐᑐᓂᑦ ᐊᑏᑦ ᓄᐃᑕᓗᓂ.
• ᐃᓕᓐᓂᐊᕕᐅᑉ ᑌᑦᓱᒪ ᐃᓕᓐᓂᐊᓂᕐᒥᒃ ᑐᑦᓯᕋᐅᑎᓕᐅᕐᕕᒋᒍᒪᔭᒥᑕ ᐃᓕᓐᓂᐊᓂᕐᒧᐊᖓᔪᓂᒃ ᐃᑎᕐᑎᑕᐅᒍᓐᓇᓂᕐᒧᓗ ᐱᑕᖃᕆᐊᖃᕐᓂᕋᕐᑕᓂᒃ ᓈᒻᒪᓈᕐᓯᒪᓗᓂ.
• ᓈᒻᒪᓈᕐᓯᒪᓗᓂ ᐱᑕᖃᕆᐊᖃᕐᓂᕋᕐᑕᓕᒫᓂᒃ ᓇᓗᓀᕐᑕᐅᓯᒪᔪᓂᒃ ᐃᑲᔪᕐᓯᔭᐅᓂᕐᒧᑦ ᒪᓕᒐᕐᒥ.

¹ ᐃᓄᑑᓈᕐᑎᑐᑦ ᐃᓚᐅᔪᖕᖑᓯᒪᔪᑦ ᐃᓚᐅᔪᒥᒃ ᑲᑎᑎᑕᐅᖃᑎᕐᓯᒪᓂᕐᒥᒍᑦ ᐃᑲᔪᕐᓯᔭᐅᒍᑎᓂᒃ ᐃᓚᐅᑎᑕᐅᒍᓐᓇᑐᑦ ᑐᑦᓯᕋᐅᑎᓕᐅᓕᕈᑎᒃ ᓄᓇᕕᒻᒥ ᓄᓇᖃᕐᓯᒪᑐᐊᕈᑎᒃ ᑕᕐᕿᓂᒃ 12-ᓂᒃ ᐃᑭᓐᓂᓴᐅᖕᖏᑐᓂᒃ.

ᒪᓕᑦᓱᒋᑦ ᐅᓇᒻᒥᒋᔭᑎᑦ ᐃᓕᓐᓂᐊᒐᕐᓗ ᐃᓕᓐᓂᐊᕈᒪᔦᑦ, ᐃᓕᓐᓂᐊᕆᐊᒍᓐᓇᑐᑎᑦ ᐱᓇᓱᒐᕐᒨᓕᖓᔪᒥᓂᒃ ᐱᒋᐅᕐᓴᕕᒻᒧᑦ, ᐃᓕᓐᓂᐊᕕᒻᒪᕆᒻᒧᑦ ᐅᕝᕙᓘᓐᓃᑦ ᐃᓕᓐᓂᐊᕕᕐᔪᐊᒧᑦ.

Here’s a list to explore the different levels of study:

• ᓄᓇᕕᒃ ᓯᕗᓂᑦᓴᕗᑦ one-year program ‣‣‣
• ᐱᓇᓱᒐᕐᒨᓕᖓᔪᓂᒃ ᐱᒋᐅᕐᓴᓃᑦ ‣‣‣
• ᑯᐯᒻᒥ ᐳᕐᑐᓂᕐᓴᒋᐊᓪᓚᒥ ᐃᓕᓴᕐᕖᑦ ᐃᓕᓭᒍᑎᑦᓴᖏᓪᓗ ‣‣‣
• ᑯᐯᒻᒥ ᐃᓕᓐᓂᐊᕕᕐᔪᐊᑦ ‣‣‣
• ᑲᓇᑕᒥ ᐳᕐᑐᓂᕐᓴᒋᐊᓪᓚᒥ ᐃᓕᓴᕐᕖᑦ ‣‣‣
• ᑲᓇᑕᒥ ᐃᓕᓐᓂᐊᕕᕐᔪᐊᑦ ‣‣‣

ᐊᒡᓚᒍᓐᓇᑐᑎᑦ ᖃᕆᑕᐅᔭᒃᑰᑐᓂᒃ ᐃᑲᔪᕐᓯᔭᐅᒍᑎᓂᒃ ᑐᑦᓯᕋᐅᑎᓕᐅᕐᓂᒧᑦ ᑕᑕᕐᓴᒋᐊᓕᒻᒥᒃ ➔

ᐃᑲᔪᕐᓯᔭᐅᒍᑎᓂᒃ ᑐᑦᓯᕋᐅᑎᓕᐅᕐᓂᒧᑦ ᐅᓪᓗᖏᑦ ᐃᓱᓕᓲᑦ ᒫᑦᔨ 1-ᒥ ᐅᑭᐊᑦᓴᒨᓕᖓᔪᓄᑦ ᐃᓕᓐᓂᐊᓇᐅᑉ ᐊᕕᑦᑐᓯᒪᓂᖏᓐᓄᑦ ᐊᒻᒪᓗ ᓅᕕᒻᐱᕆ 1-ᒥ ᐅᑭᐅᒨᓕᖓᔪᓄᑦ.

ᐳᐃᒍᕐᑌᓕᒋᑦ – ᐃᑲᔪᕐᓯᔭᐅᒍᑎᓂᒃ ᑐᑦᓯᕋᐅᑎᓕᐅᒌᕐᓯᒪᓕᕈᕕᑦ, ᐃᓕᓐᓂᐊᕈᒪᔭᕐᓄᑦ ᐃᓕᓐᓂᐊᒐᕐᒧᑦ ᑌᑲᓂ ᐃᓕᓐᓂᐊᕕᒻᒥ ᐃᓕᓐᓂᐊᒐᐅᑎᑦᓱᔪᒥ ᐃᓚᐅᑎᑕᐅᒍᒪᒍᑎᒥᒃ ᑐᑦᓯᕋᐅᑎᓕᐅᒋᐊᖃᕐᒥᒐᕕᑦ.