ᖃᐅᔨᒪᕖᑦ ᐊᕐᕌᒍᓐᓂ ᐊᒥᓱᓂᑦ, ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᓄᓇᕕᓕᒫᒥ ᐸᑦᑕᒥ ᐊᔫᑦᑕᓂᕐᒥᒃ ᓱᖃᑦᓯᑎᑦᓯᓲᖑᒋᐊᖏᓐᓂᑦ? ᑕᒪᓐᓇ ᐊᑦᔨᐅᖏᑦᑐᖅ ᓱᖃᑦᓯᑎᑕᐅᓂᖅ ᑲᑎᑎᑦᓯᓲᖅ ᐃᓕᓐᓂᐊᑎᓂᑦ ᐃᓕᓐᓂᐊᑎᑦᓯᔨᓂᓪᓗ ᐊᒻᒪᓗ ᐱᕕᑦᓴᖃᕐᑎᓯᓲᖑᑦᓱᓂ ᐃᓕᓐᓂᐊᑎᑦᓯᓱᓂᓗ ᐃᓅᓯᓕᒫᒥ ᐱᔪᓐᓇᓂᕐᑖᓂᕐᒧᑦ!
“ᐃᓕᓐᓂᐊᑎᒃᑲ ᑐᓴᕐᑎᒍᒪᓚᐅᕐᑕᑲ ᐱᒻᒪᕆᐅᓂᖓᓂᑦ ᐱᒋᐅᕐᓴᓂᖅ ᐱᖕᖑᐊᓂᕐᒥ, ᐊᒻᒪᓗ ᐱᕕᑦᓴᖃᕐᑎᓯᓂᖅ ᐃᑲᔪᒐᓱᐊᕐᓂᑯᑦ ᓄᓇᓕᓐᓂᑦ ᐊᑐᓂ
ᓯᐹᔅᑎᐊᓐ ᐸᔨᐊᑦ, ᐃᓕᓐᐊᑎᑦᓯᔨ ᓴᓪᓗᐃᑦ ᐃᓕᓐᓂᐊᕕᖓᓂ ᐃᑯᓯᒻᒥ, ᐊᑯᓂ ᑎᑭᐅᑎᒐᓱᑦᑕᒥᓂᒃ ᐱᒍᒪᔭᒥᓂ ᐱᑦᓴᕋᑕᕐᑐᖅ: ᐊᓕᐊᒋᔭᒥᓂᒃ ᐸᑦᑕᒥᒃ ᐊᔫᑦᑕᓂᕐᒥᑦ ᐃᓕᓐᓂᐊᑎᓄᑦ ᓄᓇᕕᓕᒫᒥᐅᓂᑦ ᑲᑎᑎᑦᓯᓂᒃᑯᑦ ᓇᐅᑐᐃᓐᓇᓕᒫᒥ ᐊᕐᕌᒍᑕᒫᑦ ᓄᓇᕕᒻᒥ ᐸᑦᑕᒥᒃ ᐊᔫᑦᑕᓂᕐᒧᑦ ᐱᓕᐅᑎᓂᖃᕐᑎᓯᓂᒃᑯᑦ.
“ᐃᓕᓐᓂᐊᑎᒃᑲ ᑐᓴᕐᑎᒍᒪᓚᐅᕐᑕᑲ ᐱᒻᒪᕆᐅᓂᖓᓂᑦ ᐱᒋᐅᕐᓴᓂᖅ ᐱᖕᖑᐊᓂᕐᒥ, ᐊᒻᒪᓗ ᐱᕕᑦᓴᖃᕐᑎᓯᓂᖅ ᐃᑲᔪᒐᓱᐊᕐᓂᑯᑦ ᓄᓇᓕᓐᓂᑦ ᐊᑐᓂ” ᐅᖃᕐᑐᖅ ᓯᐹᔅᑎᐊᓐ.
ᓱᓕᓗᓂ ᐊᒥᓱᓄᑦ ᐱᔭᑦᓴᓄᑦ ᐊᐅᓚᑕᐅᔪᓄᑦ ᑲᑎᕕᒃ ᐃᓕᓴᕐᓂᓕᕆᕕᒃᑯᓄᑦ, ᓄᓇᕕᒻᒥ ᐸᑦᑕᒥ ᐊᔫᑦᑕᓂᖅ ᐱᓕᐅᑎᓂᐅᔪᖅ ᑐᕌᒐᕆᔭᖓᑦ ᐃᓕᓐᓂᐊᓂᕐᒥᒃ ᓴᐱᓕᕐᑌᓕᓂᕐᒨᓕᖓᑎᓪᓗᒍ. ᑖᓐᓇ ᓱᖃᑦᓯᑎᑦᓯᒍᑎᒋᐊᓪᓚᐅᓱᓂ, ᑕᕐᕿᓂᑦ ᐊᒥᓱᓂᑦ ᐊᑐᐃᓐᓇᕈᕐᑎᑕᐅᓂᖃᓲᖑᑦᓱᓂ, ᐱᑎᑦᓯᕙᑉᐳᖅ ᐱᐅᔪᒻᒪᕆᒻᒥᑦ ᐱᕕᑦᓴᖃᕐᑎᓯᑦᓱᓂ ᓲᖑᓰᒋᐊᕐᑎᓯᓂᒃᑯᑦ ᐃᓕᓐᓂᐊᑏᓪᓗ ᐃᓕᓐᓂᐊᑎᑦᓯᔩᓪᓗ ᐱᑐᑦᓯᒪᓂᖏᓐᓂᑦ, ᓴᕐᕿᑎᑦᓯᒍᑎᐅᑦᓱᓂᓗ ᐱᒻᒪᕆᐅᔪᓂᒃ ᐃᓅᓯᕐᒥᑦ ᐅᐃᒋᒪᓂᕐᑖᓂᕐᒥᑦ, ᐃᓚᐅᑎᓪᓗᒍ ᐃᙯᓕᓴᕐᓂᖅ, ᓂᕿᑦᓯᐊᑑᒪᓂᖅ, ᓇᒻᒥᓂᒃ-ᐅᖃᐅᑦᔪᑐᐃᖃᑦᑕᐅᑎᓂᒃ ᐱᓇᓱᐊᖃᑎᒌᓐᓂᑯᑦ.
ᑐᕌᒐᕆᔭᕗᑦ ᐃᓕᓐᓂᐊᑏᑦ ᐊᓕᐊᓱᖁᓗᒋᑦ ᐃᑲᔪᕐᑐᓗᑕᓗ ᐃᓕᓐᓂᐊᓇᐅᑉ ᐊᕐᕌᒍᓕᒫᖓᓂ ᐃᓱᐊᓄᑦ ᑎᑭᑦᓱᒍ. ᐱᔭᐅᖁᓗᐊᖕᖑᐊᑕᖓ ᐃᙯᓕᓴᕐᓂᑯᑦ ᐱᐅᓯᒋᐊᕐᑎᓯᒍᑎᐅᖁᓪᓗᒍ ᐃᓕᓪᓂᐊᑏᑦ ᑎᒥᒃᑯᑦ ᖃᓄᐃᖕᖏᓯᐊᕈᓐᓇᓂᖏᓐᓄᑦ, ᐊᒻᒪᓗ ᐃᑲᔪᕐᓗᒋᑦ ᐱᕙᓪᓕᐊᒐᓱᐊᕐᑎᓗᒋᑦ ᓇᒻᒥᓂᖅ ᐱᓯᒪᒐᓱᐊᕐᑕᖏᓐᓂ
“ᑐᕌᒐᕆᔭᕗᑦ ᐃᓕᓐᓂᐊᑏᑦ ᐊᓕᐊᓱᖁᓗᒋᑦ ᐃᑲᔪᕐᑐᓗᑕᓗ ᐃᓕᓐᓂᐊᓇᐅᑉ ᐊᕐᕌᒍᓕᒫᖓᓂ ᐃᓱᐊᓄᑦ ᑎᑭᑦᓱᒍ. ᐱᔭᐅᖁᓗᐊᖕᖑᐊᑕᖓ ᐃᙯᓕᓴᕐᓂᑯᑦ ᐱᐅᓯᒋᐊᕐᑎᓯᒍᑎᐅᖁᓪᓗᒍ ᐃᓕᓪᓂᐊᑏᑦ ᑎᒥᒃᑯᑦ ᖃᓄᐃᖕᖏᓯᐊᕈᓐᓇᓂᖏᓐᓄᑦ, ᐊᒻᒪᓗ ᐃᑲᔪᕐᓗᒋᑦ ᐱᕙᓪᓕᐊᒐᓱᐊᕐᑎᓗᒋᑦ ᓇᒻᒥᓂᖅ ᐱᓯᒪᒐᓱᐊᕐᑕᖏᓐᓂ” ᐃᓚᔨᔪᖅ ᐃᙯᓕᓴᕐᓂᒥᑦ ᐃᓕᓐᓂᐊᕈᑎᑦᓴᓕᐅᕐᓂᒥᒃ ᐃᓱᐊᕐᓭᔨ ᕇᑕ ᐃᓂᓂᐊᑉ.
ᐅᖃᕆᐊᓪᓚᓱᓂᓗ “ᐅᖄᓕᕋᑦᑕ ᐆᒻᒪᕆᓐᓂᒥᑦ ᐱᖕᖑᐊᓂᒃᑯᑦ ᐅᕝᕙᓘᓐᓃᑦ ᐃᙯᓕᓴᕐᓂᒥᒃ, ᐅᖄᒍᑎᖃᕐᑐᒍᑦ ᐃᓕᓐᓂᐊᑎᐅᑉ ᐃᓕᓐᓂᐊᓂᖓᓂᑦ ᐱᓇᓱᐊᕐᓂᑯᑦ ᐱᖕᖑᐊᖃᑎᖃᕈᓐᓇᓂᕐᒥᓗ ᐊᓯᒥᓂᒃ: ᐆᑦᑑᑎᕆᓗᒍ, ᐱᔭᐅᑦᑌᓕᓂᕐᒥᒃ ᐊᒻᒪᓗ ᓱᒋᐊᕐᓂᒥᒃ. ᑕᒪᒃᑯᐊ ᐃᙯᓕᓴᕐᓃᑦ ᐊᑦᔨᒌᖕᖏᑐᑦ ᐃᑲᔪᕐᓯᓲᑦ ᐱᓇᓱᖃᑎᒌᓐᓂᒥᒃ, ᐅᖄᕈᓯᕐᒥᒃ, ᐱᔪᓐᓇᓂᕐᒥᒃ, ᓇᒻᒥᓂᒃ-ᐅᖃᐅᑦᔪᑐᐃᓂᕐᒥᒃ, ᐊᓯᖏᓪᓗ.”
ᓄᓇᕕᒻᒥ ᐸᑦᑕᒥᒃ ᐊᔫᑦᑕᓂᖅ ᓯᕗᓪᓕᐸᐅᑦᓱᓂ ᐱᕙᓪᓕᐊᓂᐅᔪᖅ ᓱᖃᑦᓯᑎᑦᓯᒍᑎᐅᑦᓱᓂ ᓄᓇᕕᒻᒥ. 2024-ᖑᑎᓪᓗᒍ, ᐱᓕᐅᑎᓂᐅᓚᐅᕐᑐᖅ ᐊᑑᑎᓯᒪᔪᖅ ᑎᕆᓪᓗᓕᐅᑦ 12-14-ᒥ ᓴᓪᓗᓂᑦ ᐊᒻᒪᓗ ᐱᖓᓱᐃᓕᖓᓂᖃᕐᓱᑎᑦ:
- U11, ᐃᓕᓐᓂᐊᑏᑦ 8-ᒥᑦ 11-ᒧᑦ ᐅᑭᐅᓖᑦ ᓄᓇᓕᓕᒫᓂ 14-ᓂᑦ ᓄᓇᕕᒻᒥᑦ.
- U12, ᐃᓕᓐᓂᐊᑏᑦ 12-ᒥᑦ 14-ᒧᑦ ᐅᑭᐅᓖᑦ ᓄᓇᓕᓕᒫᓂ 14-ᓂᑦ ᓄᓇᕕᒻᒥᑦ.
- U18, ᐃᓕᓐᓂᐊᑏᑦ 15-ᒥᑦ 18-ᒧᑦ ᐅᑭᐅᓖᑦ ᓄᓇᓕᓕᒫᓂ 14-ᓂᑦ ᓄᓇᕕᒻᒥᑦ.
ᑖᒃᑯᐊ ᐱᖕᖑᐊᖃᑎᒌᖑᔪᑦ ᓄᐃᑎᑕᐅᓚᐅᕐᑐᑦ ᐱᖕᖑᐊᖃᑎᖃᕐᓱᑎᒃ ᐅᑭᐅᖃᑎᒥᓂᒃ, ᐃᑲᔪᕐᓱᒋᑦ ᐱᖕᖑᐊᑏᑦ ᐊᑦᔨᒌᑦᓯᐊᑐᒥᒃ ᐊᑦᔨᒌᑦᑎᒐᓱᐊᕐᓱᒋᑦ. ᐃᓕᓐᓂᐊᑏᑦ ᓄᓇᓕᓐᓂᑦ 8-ᓂᑦ ᐱᓯᒪᔪᑦ ᐃᓚᐅᔪᕕᓃᑦ ᐱᖕᖑᐊᖃᑕᐅᑦᓱᑎᒃ, ᐊᒻᒪᓗ ᐊᑦᔨᒌᖕᖏᑐᓂᑦ ᓵᓚᖃᐅᑎᑦᓴᖃᕐᑎᑕᐅᑦᓱᑎᑦ ᐊᕕᑦᑐᓯᒪᔪᓂᓪᓗ.
ᑕᒪᓐᓇ ᑲᔪᓯᕋᔭᓚᐅᖕᖏᑐᖅ ᐃᑲᔪᕐᕈᓐᓇᓂᖕᖏᐸᑕ ᐊᒻᒪᓗ ᐊᔪᐃᓐᓇᕈᑎᖃᓚᐅᖕᖏᐸᑕ ᐃᓕᓐᓂᐊᑎᑦᓯᔩᑦ ᐃᓚᐅᔪᕕᓃᑦ, ᐃᓕᓐᓂᐊᓇᐅᕇᕋᓗᐊᕐᒪᑦ ᐃᓕᓐᓂᐊᕕᒻᒦᖏᓐᓇᖃᑦᑕᓱᑎᒃ ᐃᑲᔪᕐᓱᑎᒃ ᐱᒋᐅᑦᓴᑎᓪᓗᒋᑦ ᐃᙯᓕᓴᕐᓂᑯᑦ, ᐃᑉᐱᒍᓱᑦᓯᐊᓱᑎᒃ ᖃᓄᐃᖕᖏᓯᐊᕋᓗᐊᕐᒪᖔᑕ ᐃᒪᑐᐃᓐᓇᑑᒪᑎᑦᓯᖃᑦᑕᓱᑎᓪᓗ, ᐊᒻᒪᓗ ᑲᒪᒋᖃᑦᑕᓱᒋᑦ ᑲᑎᖃᑎᒌᓐᓂᓄᑦ. ᓇᓗᓇᖕᖏᑐᖅ ᑖᒃᑯᐊ ᐃᓕᓐᓂᐊᑎᑦᓯᔩᑦ ᐱᑦᔪᑕᐅᑦᓱᑎᑦ ᐃᓕᓐᓂᐊᑏᑦ ᐃᑦᔭᕋᑦᓴᓯᐊᖑᓲᑦ ᐃᓕᓐᓂᐊᑎᐅᖃᑎᒥᓄᑦ ᐃᓚᐅᒍᒪᓚᖀᑎᑦᓯᓗᑎᒃ.
ᓄᓇᕕᒻᒥ ᐸᑦᑕᒥᒃ ᐊᔫᑦᑕᓂᖅ ᐊᐅᓚᑕᐅᓚᐅᕐᑐᖅ ᐃᑲᔪᕐᓯᔭᐅᑦᓱᑎᒃ ᐃᓱᒪᒃᑯᓄᑦ, ᒪᑭᕕᒃᑯᓄᑦ, ᐃᓄᐃᑦ ᖃᖓᑦᑕᔫᖏᓐᓄᑦ ᐊᒻᒪᓗ ᖃᓄᐃᖕᖏᓯᐊᕐᓂᒥᒃ ᐃᓕᓐᓂᐊᕕᖃᕐᓂᓄᑦ. ᑲᑎᕕᒃ ᐃᓕᓴᕐᓂᓕᕆᕕᒃᑯᑦ ᐃᓕᑕᕐᓯᓂᖃᕈᒪᔪ ᓯᐹᔅᑎᐊᓐ ᐸᔨᐊᑦᒥᒃ ᐊᒻᒪᓗ ᕇᑕ ᐃᓂᓂᐊᑉᒥᒃ, ᐊᒻᒪᓗ ᐃᓚᐅᑎᓪᓗᒋᑦ ᐃᓕᓐᓂᐊᑎᑦᓯᔨᓕᒫᑦ, ᐊᖓᔪᕐᖄᕆᔭᐅᔪᑦ ᐊᓪᒪᓗ ᐃᓕᓐᓂᐊᑏᑦ ᐃᓚᐅᔪᕕᓃᑦ.
