ᐱᔪᓐᓇᐅᑎᓕᓐᓂᒃ ᐱᓇᓱᑦᑎᓂᒃ ᐅᐱᒍᓲᑎᖃᕐᓂᖅ ᐱᓇᓱᐊᕈᓯᖅ (ᑎᕆᓪᓗᓕᐃᑦ 8 – 12)
2019 | 04 | 7
ᐅᓂᒃᑳᑦ
ᑕᒡᒐᓂ ᐱᓇᓱᐊᕈᓯᕐᒥ ᐃᓕᓴᕐᓂᓕᕆᓂᖅ ᖁᕕᐊᓱᒍᑎᖃᕐᐳᖅ ᐱᔪᓐᓇᐅᑎᓖᑦ ᐱᓇᓱᑦᑏᑦ ᐃᑲᔪᕐᓯᓂᖏᓐᓂᒃ, ᐃᑲᔪᕐᒪᑕ ᐃᓕᓐᓂᐊᑏᑦ ᐱᔭᖃᕈᑎᖏᓐᓂᒃ ᐊᑦᔨᒌᖕᖏᑐᓂᒃ ᖃᓄᐃᓘᕐᑎᐅᓱᑎᒃ. “ᐃᓕᓴᕐᓂᓕᕆᓂᕐᒥᒃ ᐱᒍᑦᔨᓗᖓ, ᓇᑯᕐᒦᐳᖓ ᐃᓘᓐᓇᖏᓐᓂᒃ ᐃᓕᓐᓂᐊᑎᑦᓯᔨᓂᒃ ᐃᑲᔪᕐᑎᓂᒃ, ᐃᓕᓐᓂᐊᕈᑎᓕᐅᕐᑎᓂᒃ, ᐃᓱᒪᓕᕆᔨᓂᒃ, ᐅᖄᒋᐅᕐᓴᑎᑦᓯᔨᓂᒃ, ᖃᐅᔨᓴᕐᑎᓂᒃ, ᐅᖃᐅᓯᐅᑉ ᐁᑉᐸᖓᓅᔦᔨᓂᒃ, ᑐᓵᔨᓂᒃ, ᐃᓕᓐᓂᐊᑏᑦ ᐃᓱᐊᕐᓭᔨᖏᑦᑕ ᐃᑲᔪᕐᑎᖏᓐᓂᒃ ᐊᓯᖏᓐᓂᓗ ᐊᒥᓱᒋᐊᓪᓚᐅᒥᔪᓂᒃ,” ᐅᖃᕐᑐᖅ ᖄᔨᐊ ᑭᓕᐅᑕᒃ, ᑲᔪᓯᒃᑫᔨ.
ᐊᒥᓱᑦ ᐱᔪᓐᓇᐅᑎᓖᑦ ᐱᓇᓱᑦᑏᑦ ᐱᓇᓱᒻᒪᑕ ᐊᕐᓱᕈᓐᓇᑐᓕᓐᓂᒃ ᖃᓄᐃᓘᕐᑎᐅᓱᑎᒃ ᐃᓚᒋᔭᐅᑎᓪᓗᒋᑦ ᑎᓕᔭᐅᒪᓂᖏᑦ ᓄᓇᓕᓕᒫᓅᓕᖓᔪᓂᒃ, ᐊᕐᕕᑕᕐᐸᓱᑎᒃ ᓄᓇᓕᓐᓄᑦ ᐃᓕᓐᓂᐊᑎᓂᒃ, ᐃᓕᓐᓂᐊᑎᑦᓯᔨᓂᒃ ᐃᓕᓐᓂᐊᕕᓐᓂᓗ ᐱᓇᓱᖃᑎᒌᑦᑐᓂᒃ ᐱᓇᓱᐊᖃᑎᖃᕆᐊᕐᑐᓱᑎᒃ. ᑕᒡᒐᓂ ᐱᓇᓱᐊᕈᓯᕐᒥ, ᐱᕕᑦᓴᓕᐅᓚᐅᕐᑕ ᓇᑯᕐᒦᓗᒋᑦ ᖃᐅᔨᒪᔨᐅᒍᑎᖏᓐᓄᒃ ᐊᓯᖃᕐᑎᓇᖕᖏᑐᓄᑦ ᑐᓂᒣᓐᓇᓂᕆᓲᖏᓐᓄᓗ.