ᐃᒍᐊᕐᓯᕕᒃ ᐃᓕᓐᓂᐊᕕᒻᒥ ᐊᑦᑕᓇᕐᓯᑐᐃᓐᓇᕆᐊᓕᕕᓃᑦ
ᑰᑦᔪᐊᖅ, ᑯᐯᒃ (ᔫᓂ 5, 2015) – ᐅᓪᓗᒥ, ᕿᑎᕋᓕᕇᕐᓯᒪᑎᓪᓗᒍ, ᐊᑦᑕᓇᕐᓯᓚᕆᑐᐃᓐᓇᕆᐊᓕᒻᒥᒃ ᐱᓂᐊᕐᓂᖃᕐᖃᐅᔪᖅ ᐃᒍᐊᕐᓯᕕᒃ ᐃᓕᓐᓂᐊᕕᒻᒥ ᐳᕕᕐᓂᑐᒥ. ᑌᑲᓂ. ᐃᓕᓐᓂᐊᑎᒥᒃ ᐃᓕᓐᓂᐊᕕᒻᒨᑐᖃᕐᓱᓂ ᓴᒃᑯᑕᓕᒻᒥᒃ ᖁᑭᐅᓯᔭᕐᑐᒥᒃ, ᐃᓕᓐᓂᐊᑎᒋᐊᓪᓚᒥᒃ ᕿᓂᕐᓱᓂ.
ᐃᓕᓐᓂᐊᕕᒻᒥ ᐊᐅᓚᑦᓯᓂᓕᕆᔩᑦ ᖃᓄᐃᓕᒋᐊᑦᓴᐅᑎᒋᓚᐅᕐᑐᑦ, ᐳᓖᓯᒃᑯᑦ ᐅᖄᓚᕕᐅᑦᓴᐅᑎᒋᑦᓱᑎᒃ ᐊᑦᑕᓇᕐᑌᓕᒪᓂᕐᒧᓗ ᖃᓄᐃᓘᕈᑏᑦ ᐊᑑᑎᔭᐅᑦᓱᑎᒃ. ᐋᓐᓂᑐᕐᑕᖃᓚᐅᖕᖏᑐᖅ. ᖁᑭᐅᓯᔭᕐᑐᕕᓂᖅ ᐃᓕᓐᓂᐊᕕᐅᑉ ᓯᓚᑖᓂ ᑎᒍᔭᐅᑎᓪᓗᒍ ᐳᓖᓯᒃᑯᓄᑦ.
ᐃᓕᓐᓂᐊᓂᓕᕆᓂᐅᑉ ᓯᕗᓪᓕᐸᐅᑎᓪᓗᒍ ᑲᒪᒋᕐᖄᓲᖓ ᓱᕐᖁᐃᓯᒣᓐᓇᕆᐊᖃᕐᓂᖅ ᐊᑦᑕᓇᖕᖏᑐᒦᒋᐊᖃᕐᓂᖏᓐᓂᒃ ᖃᓄᐃᖕᖏᓯᐊᕆᐊᖃᕐᓂᖏᓐᓂᓗ ᐃᓕᓐᓂᐊᑏᑦ ᐱᓇᓱᑦᑏᓗ. ᐱᓂᐊᕐᓂᕕᓂᐅᑉ ᖃᐅᔨᓴᕐᑕᐅᓂᖓ, ᐅᑎᕐᕕᐅᖃᑦᑕᓂᖓ ᐃᓕᓐᓂᐊᕕᐅᓪᓗ ᓴᐳᑎᔭᐅᒍᑎᖏᑦ ᑲᔪᓯᖃᑦᑕᓚᖓᔪᑦ ᐅᓪᓗᓂ ᐊᒥᓱᓂ ᐱᓇᓱᐊᕈᓯᕐᓂᓘᓐᓃᑦ ᐃᒍᐊᕐᓯᕕᒻᒥ.
“ᐃᓱᒫᓘᑎᒋᓂᕐᐹᕆᓲᕗᑦ ᓱᕐᖁᐃᓯᓯᒪᒐᓱᐊᕐᓂᖅ ᐊᑦᑕᓇᕐᑐᒦᒋᐊᖃᖕᖏᓂᖏᓂᒃ ᖃᓄᐃᖕᖏᓯᐊᕆᐊᖃᕐᓂᖏᓪᓗ ᐱᓇᓱᑦᑎᑕ ᐃᓕᓐᓂᐊᑎᑦᑕᓗ” ᐅᖃᕐᑐᖅ ᐋᓂ ᐴᐳᑦ, ᑲᔪᓯᒃᑫᔨᖓ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ. ᐃᓱᒫᓗᐃᕐᓇᑐᖅ ᐋᓐᓂᑐᖃᕐᓂᖏᒻᒪᑦ” ᓚᑦᓱᓂᓗ.
ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᒍᐊᕐᓯᕕᒃ ᐃᓕᓐᓂᐊᕕᐅᓪᓗ ᐊᐅᓚᑦᓯᓂᓕᕆᔨᖏᑦ ᐱᓇᓱᖃᑎᖃᑦᓯᐊᑐᑦ ᐳᓖᓯᒃᑯᓂᒃ ᓄᓇᓕᒻᒥᓗ.
ᐅᕙᑦᑎᓅᓕᖓᔪᑦ:
ᑲᑎᕕᒃ ᐃᓕᓐᓂᐊᓂᓕᕆᓂᖅ (KSB) ᐱᖕᖑᑎᑕᐅᓯᒪᔪᖅ 1975-ᒥ, ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᑎᒍᑦ. 1978-ᒥᓂᑦ, ᐱᒍᑦᔨᔨᑐᐊᖑᓲᖑᓕᕐᑐᖅ ᐃᓕᓐᓂᐊᑎᑦᓯᓂᕐᒥᒃ ᓄᓇᕕᒻᒥᐅᓄᑦ. ᐃᓕᓐᓂᐊᕈᑏᑦ ᑐᕌᒐᖏᑦ ᐱᖕᖑᑎᑕᐅᓯᒪᔪᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᐃᓕᓐᓂᐊᑎᑦᓯᒍᑎᐅᕗᑦ ᓄᓇᕕᐅᑉ ᐃᓕᓐᓂᐊᕕᖏᓐᓂ ᓄᓇᓕᓐᓂ 14-ᓂ, ᐃᓄᒃᑎᑐᑦ ᐅᖃᐅᓯᕐᖄᖓᓂ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᒋᔭᖏᓐᓂᒃ. ᑐᑭᓯᒋᐊᕐᕕᓴᖅ: www.kativik.qc.ca
— 30 —
ᑐᑭᓯᒋᐊᕈᒪᕈᕕᑦ, ᐅᖄᓚᕕᒋᓗᒍ:
ᔮᑦ ᑐᔅᓅ ᐱᐊᕐᓃ
ᑭᓇᒃᑯᑐᐃᓐᓇᓄᑦ ᑐᓴᐅᒪᖃᑎᒌᒍᑎᓕᕆᔨ
(514) 482-8220