ᐅᓇᒻᒥᒋᔭᖃᕐᐲᑦ ᑎᑭᐅᑎᒍᓐᓇᑕᑎᓐᓅᑦ ᐱᕙᓪᓕᐊᓂᕐᒥᒃ?
ᑖᒃᑯᐊ ᕿᒥᕐᕈᒍᓐᓇᑕᑎᑦ ᐊᓪᓕᖏᓐᓃᑐᑦ ᑐᑭᓯᓇᕐᑎᓯᒍᑎᖏᑦ:
ᐃᓅᖃᑎᒌᓄᑦ ᐃᓚᐅᓂᕐᒧᖅ ᐃᓕᓭᒍᑎᖓ (SPP) ᐃᓕᓐᓂᐊᒉᑦ ᐃᓕᓐᓂᐊᑕᐅᓲᑦ ᓄᓇᓕᓐᓂ ᐅᑯᓇᓂ:
- ᐳᕕᕐᓂᑐᖅ
REACH THIS CENTRE ➔ - ᐃᓄᒃᔪᐊᒃ
REACH THIS CENTRE ➔ - ᑰᒃᔪᐊᖅ
REACH THIS CENTRE ➔
ᐃᓅᖃᑎᒌ ᐃᓚᐅᓂᕐᒧᖅ ᐃᓕᓭᒍᑎᖓ ᐱᒍᑦᔨᓂᕐᓂᒃ ᐃᓕᓐᓂᐊᒉᑦ ᐃᓱᒪᒍᓐᓇᓂᕐᒥᒍᑦ, ᐃᓱᒪᒥᒍᑦ, ᐃᓅᖃᑎᒌᓐᓃᓂᕐᒥᒍᑦ ᐅᕝᕙᓘᓐᓃᑦ ᑎᒥᒥᑕ ᓱᒍᓐᓇᓂᖓᒍᑦ ᐱᓀᓗᑕᓕᓐᓄᑦ ᐃᓄᒻᒪᕆᓄᑦ ᐃᓕᓐᓂᐊᒐᑦᓴᔭᓕᐊᕆᔭᐅᓯᒪᕗᑦ.
ᑖᒃᑯᐊ ᐃᓕᓐᓂᐊᒉᑦ ᑯᐯᒃ ᐃᓕᓐᓂᐊᓂᓕᕆᓂᕐᒥ ᑐᕐᖃᑕᕐᕕᖓᑕ (MEQ) ᐃᓕᓐᓂᐊᕈᑎᑦᓴᖏᑦᑕ ᑐᖕᖓᕕᓪᓚᕆᖏᓐᓂᒃ ᒪᓕᓲᖅ ᐊᒻᒪᓗ ᐃᓕᓐᓂᐊᓂᕐᒥ, ᐃᓗᓯᓕᕆᓂᕐᒥ, ᑐᑭᓯᒪᖃᑎᒌᒍᑎᓕᕆᓂᕐᒥ ᐊᒻᒪᓗ ᐱᓇᓱᓐᓂᒥᒃ ᐃᑉᐱᒋᔭᖃᓗᐊᖕᖑᐊᓲᑦ.
ᐃᓕᓐᓂᐊᑏᑦ ᑖᒃᑯᓇᖕᖓᑦ ᐃᓅᖃᑎᒌᓄᑦ ᐃᓚᐅᓂᕐᒧᖅ ᐃᓕᓭᒍᑎᖓ ᐃᓕᓐᓂᐊᒐᕐᓂᑦ ᐱᕙᓪᓕᖁᑎᖃᕈᓐᓇᑐᐃᑦ ᐃᒣᓕᖓᔪᒦᑦᓯᒪᑐᐃᓐᓇᕆᐊᓖᑦ ᑌᒣᓕᖓᔪᒦᖏᓐᓇᓗᑎᓘᓐᓃᑦ:
- ᐃᑯᓪᓚᖏᑦᑐᓂᒃ ᐊᒻᒪᓗ ᐱᑕᙯᓐᓇᑐᓂᒃ ᐃᓕᑦᓯᓯᕇᑦᑑᒍᑎᓂᒃ ᐱᓀᓗᑕᓂᒃ;
- ᐃᑯᓪᓚᔪᒥᑦ ᐃᑯᓪᓚᒐᓚᑦᑐᒧᑦ ᐃᓱᒪᒍᓐᓇᓂᕐᒥᒍᑦ ᐱᓀᓗᑕᓂᒃ;
- ASD (Autism Spectrum Disorder);
- ᐃᓱᒪᖃᑦᓯᐊᖏᑦᑑᒍᑎᓂᒃ ᓇᓪᓕᑐᐃᓐᓇᖏᓐᓂᒃ ᐱᓀᓗᑕᓂᓪᓘᓃᑦ;
- ᐃᒻᒥᓂᕿᕐᖃᔦᕐᓯᒪᒍᑎᖃᕐᓂᖅ ᑎᒥᒥᒍᑦ ᐱᕐᖃᔭᖕᖏᑑᒍᑎᒥᒃ(ᓂᒃ) ᐱᐅᓯᕐᓗᓂᕐᒥ(ᓂ)ᓘᓐᓃᑦ;
- ᐃᓱᒪᒍᓐᓇᓂᕐᒥᒍᑦ ᐱᓀᓗᑕᓂᒃ;
- ᐃᓕᓐᓂᐊᕕᒻᒥ ᐃᓕᓐᓂᐊᕕᐅᓪᓘᓃᑦ ᓯᓚᑖᓂ ᐊᑑᑎᒋᐅᕐᑕᒥᓂᒃ ᓱᖏᐅᑎᑦᓴᐅᑎᒋᕐᖃᔭᖕᖏᓂᖅ;
- ᓂᐊᕐᖁᐊᓚᐅᕐᓯᒪᓂᖅ;
- ᑐᑭᓯᒪᖃᑎᒌᒍᑎᒃᑯᑦ ᐱᓀᓗᑕᓂᒃ.
ᐃᓕᓐᓂᐊᑏᑦ ᑖᒃᑯᓄᖓ ᐃᓕᓐᓂᐊᒐᕐᓄᑦ ᐃᓚᐅᓲᑦ ᐃᓅᖃᑎᒌᒍᓐᓇᓂᕐᓴᐅᓕᕈᑎᑦᓴᒥᓄᑦ. ᐃᓕᓐᓂᐊᑎᕗᑦ ᐊᒥᓱᑦ ᐊᓂᕐᕋᒥᓂ ᐊᓯᖏᓐᓂᓗ ᑎᒥᐅᔪᓂᑦ ᐃᓗᓯᓕᕆᓂᕐᒥ ᐱᓇᓱᐊᖃᑎᐅᔪᓂ ᐱᕕᑦᓴᖃᓲᖑᒻᒥᔪᑦ ᑕᓯᐅᕐᓯᔭᐅᒍᑎᑦᓴᓂᒃ ᐃᑲᔪᕐᓯᔭᐅᒍᑎᓂᓪᓗ.
ᐃᓕᓐᓂᐊᑏᑦ ᐱᑕᖃᕆᐊᓖᑦ ᐅᑭᓂᖓ:
- 16-ᓂᒃ ᐅᑭᐅᖃᕐᓗᑎᒃ ᐅᖓᑖᓂᓘᓐᓃᑦ ᔫᓂ 30-ᐅᓕᕐᑎᓗᒍ ᑕᒡᒐᓂ ᐊᑐᕐᑐᒥ ᐊᕐᕌᒍᒥ ᐃᓚᐅᒍᓐᓇᓂᐊᑐᐊᕈᓂ ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖏᓐᓂ;
- ᐃᓚᐅᒍᒪᓂᖃᕐᓗᓂ ᐊᒥᓱᒐᓚᐅᓗᑎᒃ ᓱᓇᓱᐊᕐᑎᑕᐅᔪᓄᑦ;
- ᐃᒻᒥᒍᑦ ᐱᔭᑦᓴᑖᕐᑎᑕᐅᒍᑎᒥᓂᒃ ᐱᓇᓱᐊᕆᐊᓕᒻᒥᓂᒃ ᓵᖕᖓᓯᑦᓯᐊᕈᓐᓇᓗᓂ ᐱᓇᓱᐊᕈᓐᓇᓗᒍ;
- ᐃᒻᒥᓂᕐᓱᒍᓐᓇᓗᓂ ᐅᓪᓗᑕᒫᕐᓯᐅᑎᓂᒃ (ᓂᕆᓂᒃᑯᑦ, ᖁᕐᕕᑯᕕᓕᐊᕐᓂᑯᑦ, ᐃᕐᕈᑐᕐᓂᑯᑦ;
- ᐁᑉᐸᙯᓐᓇᓗᓂ ᑲᒪᒋᔭᐅᖏᓐᓇᕆᐊᑐᖕᖏᑑᓗᓂ.