ᓯᕗᒧᐊᑦᑏᑦ
SIVUMUATTIIT

ᓯᕗᒧᐊᑦᑏᑦ<br>SIVUMUATTIIT

ᓯᕗᒧᐊᕐᑏᑦ ᐃᓕᓐᓂᐊᓂᕐᒥᒃ ᐊᑦᑐᐊᓂᓕᓕᒫᓂᑦ ᑐᓴᕐᕕᖃᕈᒪᔪᑦ ᐃᓱᒪᒋᔭᖏᓐᓂ. ᐃᓕᓐᓂᐊᕕᒻᒥ ᐱᔪᓐᓇᐅᑎᖃᒍᕕᑦ, ᐊᖓᔪᕐᖄᕆᔭᐅᒍᕕᑦ, ᐃᓕᓐᓂᐊᑎᐅᒍᕕᑦ ᐅᕝᕙᓘᓐᓃᑦ ᐃᓱᒫᓗᓐᓂᖃᒍᕕᑦ ᓄᓇᓕᐅᑉ ᐃᓗᐊᓂ ᐃᓚᐅᔫᑦᓱᑎᑦ, ᐃᓕᓐᓂᑦ ᑐᓴᕐᕕᖃᕈᒪᔪᒍᑦ.

ᓯᕗᒧᐊᑦᑏᑦ<br>SIVUMUATTIIT

ᓯᕗᒧᐊᑦᑏᑦ, ᐃᓕᓐᓂᐊᑏᑦ ᐊᓂᒎᑎᑦᓯᐊᖁᓪᓗᒋᑦ ᐱᒋᐊᖕᖓᑕᐅᓂᖓ

ᐱᒋᐊᖕᖓᑕᐅᓯᒪᔪᖅ ᒪᓐᓂᓕᐅᑦ 2024ᖑᑎᓪᓗᒍ, ᓯᕗᒧᐊᑦᑏᑦ ᓯᑕᒣᓕᖓᔪᒥᒃ ᐱᕙᓪᓕᐊᑕᐅᓂᓕᒃ. ᓯᕕᑐᓂᖃᓂᐊᕐᓱᓂ ᐊᕐᕌᒍᒥ ᐊᑕᐅᓯᕐᒥᒃ ᐊᒻᒪᓗ ᓄᐃᑦᓯᒍᑎᒋᓂᐊᕐᑕᖏᑦ ᐊᑐᕐᑕᐅᓛᕐᓂᐊᑐᑦ ᐊᕐᕌᒍᓂ ᑕᓪᓕᒪᓂᑦ.. ᐃᓚᐅᔪᓕᒫᑦ ᐅᖄᖃᑎᒌᖃᑦᑕᓗᑎᒃ, ᓯᕗᒧᐊᑦᑏᑦ ᕿᒥᕐᕈᓂᖃᖃᑦᑕᓛᕐᑐᑦ ᐃᑲᔪᕐᓯᒐᓱᐊᕐᓗᑎᒃ ᓄᓇᕕᒻᒥ ᐃᓕᓐᓂᐊᑏᑦ ᐊᕐᖁᑎᑦᓴᖃᑦᓯᐊᖁᓪᓗᒋᑦ ᐊᓂᒎᑎᑦᓯᐊᓂᕐᒧᑦ.

ᐃᓕᓐᓂᐊᑎᐅᑉ ᐊᓂᒎᑎᑦᓯᐊᓂᖓ ᖃᓄᖅ ᑐᑭᓯᒪᔦᑦ?

  • ᒪᓐᓂᓕᐅᑦ 12, 2023-ᒥ (ᑰᑦᔪᐊᖅ): ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ (ᐱᓇᓱᑦᑏᑦ)
  • ᐊᐅᔭᓕᕈᑦ 1, 2024-ᒥ (ᒪᓐᑐᔨᐊᓪᒃ): ᐃᓕᓐᓂᐊᕖᑦ ᐊᐅᓚᑦᓯᔨᖏᑦ (ᐃᓕᓐᓂᐊᕕᑐᐃᓐᓀᑦ) ᐊᒻᒪᓗ ᑐᖕᖓᕖᑦ ᐱᒍᑦᔨᓂᕐᒧᑦ ᐊᐅᓚᑦᓯᔩᑦ (ᐱᓇᓱᑦᑏᑦ)
  • ᐊᐅᔭᓕᕈᑦ 27, 2024-ᒥ (ᒪᓐᑐᔨᐊᓪ): ᐃᓄᒻᒪᕇᑦ ᐃᓕᓐᓂᐊᕕᖏᑦ (ᐱᓇᓱᑦᑏᑦ)
  • ᐊᐅᔭᓕᕈᑦ 11, 2024-ᒥ (ᑰᑦᔪᐊᖅ): ᐅᑭᐅᑭᑦᑐᐃᑦ ᐃᓕᓐᓂᐊᕕᖏᑦ (ᐱᓇᓱᑦᑏᑦ)
  • ᐊᕐᓇᓕᖕᖒᑎᕕᒃ 9, 2024-ᒥ (ᑰᑦᔪᐊᖅ): ᐅᖄᖃᑎᒌᓐᓂᖃᓛᕐᑐᑦ ᐱᓇᓱᑦᑏᑦ ᐱᑕᑲᓪᓚᐅᑉ ᐊᒻᒪᓗ ᔮᓂᒻᒪᕆᐅᑉ ᐃᓕᓐᓂᐊᕕᖓᓂ (ᐱᓇᓱᑦᑏᑦ)
  • ᐊᕐᓇᓕᖕᖒᑎᕕᒃ 9, 2024-ᒥ (ᑰᑦᔪᐊᖅ): ᐃᓄᓕᒫᕐᓯᓂᖅ (ᑭᓇᓕᒫᒃᑯᓅᓕᖓᔪᖅ) 4:30-ᒥ ᕿᑎᕋᓕᕇᒃᑯᑦ 7:00-ᖑᒧᑦ ᑎᑭᓪᓗᒍ ᑰᑦᔪᐊᑉ ᐱᖕᖑᐊᕕᖓᓂ
  • ᐊᕐᓇᓕᖕᖒᑎᕕᒃ 29, 2024-ᒥ (ᐃᕗᔨᕕᒃ): ᐅᖄᖃᑎᒌᓐᓂᖃᓛᕐᑐᑦ ᐱᓇᓱᑦᑏᑦ ᓄᕝᕕᑎᐅᑉ ᐃᓕᓐᓂᐊᕕᖓᓂ (ᐱᓇᓱᑦᑏᑦ)
  • ᐊᕐᓇᓕᖕᖒᑎᕕᒃ 29, 2024-ᒥ (ᐃᕗᔨᕕᒃ): ᐃᓄᓕᒫᕐᓯᓂᖅ (ᑭᓇᓕᒫᒃᑯᓅᓕᖓᔪᖅ) 4:30-ᒥ ᕿᑎᕋᓕᕇᒃᑯᑦ 7:00-ᖑᒧᑦ ᑎᑭᓪᓗᒍ ᓄᕝᕕᑎᐅᑉ ᐃᓕᓐᓂᐊᕕᖓᓂ
  • ᓇᑦᔪᐃᔭᕐᕕᒃ 19, 2024-ᒥ (ᒪᓐᑐᔨᐊᓪᒃ): ᐃᓕᓐᓂᐊᕖᑦ ᐊᐅᓚᑦᓯᔨᖏᑦ (ᐱᓇᓱᑦᑏᑦ)
  • ᓇᑦᔪᐃᔭᕐᕕᒃ 27, 2024-ᒥ (ᓄᓇᕕᒃ): ᐊᒥᓱᐃᑦ ᓄᓇᓕᒻᒥ ᐱᓯᒪᔪᑦ ᖃᓄᕐᑑᖃᑎᒌᓐᓂᖏᑦ (ᑭᓇᓕᒫᒃᑯᓅᓕᖓᔪᖅ – ᖃᕆᑕᐅᔭᑎᒍᑦ)
  • ᐋᒡᔪᓕᐅᑦ 3, 2024-ᒥ (ᒪᓐᑐᔨᐊᓪ): ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ (ᐱᓇᓱᑦᑏᑦ)
  • ᕕᕗᐊᕆ 25, 2025-ᒥ (ᑲᖏᕐᓱᐊᓗᒃᔪᐊᖅ): ᐅᖄᖃᑎᒌᓐᓂᖃᓛᕐᑐᑦ ᐱᓇᓱᑦᑏᑦ ᐅᓪᓗᕆᐊᑉ ᐃᓕᓐᓂᐊᕕᖓᓂ (ᐱᓇᓱᑦᑏᑦ)
  • ᕕᕗᐊᕆ 25, 2025-ᒥ (ᑲᖏᕐᓱᐊᓗᒃᔪᐊᖅ): ᓄᓇᓕᐅᑉ ᐃᓗᐊᓂ ᐃᓄᓕᒫᕐᓯᓂᖅ (ᑭᓇᓕᒫᒃᑯᓅᓕᖓᔪᖅ) 4:30 ᕿᑎᕋᓕᕇᒃᑯᑦ 7:00-ᖑᒧᑦ ᐅᓪᓗᕆᐊᑉ ᐃᓕᓐᓂᐊᕕᖓᓂ
  • ᕕᕗᐊᕆ 27, 2025-ᒥ (ᑰᑦᔪᐊᖅ): ᐅᑭᐅᑭᑦᑐᐃᑦ ᐃᓕᓐᓂᐊᕕᖏᑦ (ᐱᓇᓱᑦᑏᑦ)
  • ᒫᑦᔨ 11 ᐊᒻᒪᓗ 12, 2025-ᒥ (ᒪᓐᑐᔨᐊᓪ): ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ (ᐱᓇᓱᑦᑏᑦ)
  • ᒫᑦᔨ 26, 2025-ᒥ (ᒪᓐᑐᔨᐊᓪ): ᐅᖄᖃᑎᒌᓐᓂᖃᓛᕐᑐᑦ ᒪᓐᑐᔨᐊᓪ ᐊᓪᓚᕕᖏᓐᓂ ᐱᓇᓱᑦᑏᑦ (ᐱᓇᓱᕝᕕᐅᑉ ᐃᓗᐊᓂ)
  • ᑎᕆᓪᓗᓕᐅᑦ 4, 2025-ᒥ (ᖁᐊᕐᑕᖅ): ᐅᖄᖃᑎᒌᓐᓂᖃᓛᕐᑐᑦ ᐱᓇᓱᑦᑏᑦ ᐃᓱᒻᒪᓴᕐᕕᐅᑉ ᐃᓕᓐᓂᐊᕕᖓᓂ (ᐱᓇᓱᑦᑏᑦ)
  • ᑎᕆᓪᓗᓕᐅᑦ 4, 2025-ᒥ (ᖁᐊᕐᑕᖅ): ᑎᕆᓪᓗᓕᐅᑦ 4, 2025-ᒥ (ᖁᐊᕐᑕᖅ): ᓄᓇᓕᐅᑉ ᐃᓗᐊᓂ ᐃᓄᓕᒫᕐᓯᓂᖅ (ᑭᓇᓕᒫᒃᑯᓅᓕᖓᔪᖅ) 4:30 ᕿᑎᕋᓕᕇᒃᑯᑦ 7:00-ᖑᒧᑦ ᐃᓱᒻᒪᓴᕐᕕᐅᑉ ᐃᓕᓐᓂᐊᕕᖓᓂ
  • ᑎᕆᓪᓗᓕᐅᑦ 8, 2025-ᒥ (ᐃᓄᑦᔪᐊᒃ): ᐱᓇᓱᑦᑏᑦ ᐅᖄᖃᑎᒌᓐᓂᖏᑦ ᐃᓐᓇᓕᐅᑉ ᐅᖂᑕᐅᓪᓗ ᐃᓕᓐᓂᐊᕕᖏᓐᓂ (ᐱᓇᓱᑦᑏᑦ)
  • ᑎᕆᓪᓗᓕᐅᑦ 8, 2025-ᒥ (ᐃᓄᑦᔪᐊᒃ): ᓄᓇᓕᐅᑉ ᐃᓗᐊᓂ ᐃᓄᓕᒫᕐᓯᓂᖅ (ᑭᓇᓕᒫᒃᑯᓅᓕᖓᔪᖅ) 4:30 ᕿᑎᕋᓕᕇᒃᑯᑦ 7:00-ᖑᒧᑦ ᐅᖂᑕᐅᑉ ᐃᓕᓐᓂᐊᕕᖓᓂ
  • ᑎᕆᓪᓗᓕᐅᑦ 14, 2025-ᒥ (ᓄᓇᕕᒃ): ᐊᒥᓱᐃᑦ ᓄᓇᓕᒻᒥ ᐱᓯᒪᔪᑦ ᖃᓄᕐᑑᖃᑎᒌᓐᓂᖏᑦ (ᑭᓇᓕᒫᒃᑯᓅᓕᖓᔪᖅ – ᖃᕆᑕᐅᔭᑎᒍᑦ)
  • ᑎᕆᓪᓗᓕᐅᑦ 23 ᐊᒻᒪᓗ 25, 2025-ᒥ (ᒪᓐᑐᔨᐊᓪ): ᐃᓕᓐᓂᐊᕖᑦ ᐊᐅᓚᑦᓯᔨᖏᑦ (ᐱᓇᓱᑦᑏᑦ)
  • ᒪᓐᓂᓕᐅᑦ 3, 2025-ᒥ (ᒪᓐᑐᔨᐊᓪ): ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ (ᐱᓇᓱᑦᑏᑦ)

ᑭᓇᓕᒫᒃᑯᑦ ᓱᓇᓱᐊᕋᑦᓴᓖᑦ.

ᓯᕗᒧᐊᑦᑏᑦ ᐳᓛᕆᐊᓛᕐᓂᐊᑐᑦ ᑕᕐᕋᒧᑦ ᓄᓇᓕᓐᓄᑦ ᓯᑕᒪᓄᑦ ᑕᒡᒐᓂ ᐊᕐᕌᒍᒥ (ᑰᑦᔪᐊᖅ, ᐃᕗᔨᕕᒃ, ᐃᓄᑦᔪᐊᒃ ᐊᒻᒪᓗ ᖁᐊᕐᑕᖅ). ᐊᒥᓱᐃᑦ ᓄᓇᓕᒻᒥ ᐱᓯᒪᔪᑦ ᖃᓄᕐᑑᖃᑎᒌᓐᓂᓴᖏᑦ ᑲᑎᖃᑎᒌᓛᕐᑐᑦ ᖃᕆᑕᐅᔭᑎᒍᑦ ᐊᒥᓱᐃᑦ ᐱᕕᑦᓴᖃᑦᓯᐊᖁᓪᓗᒋᑦ ᐃᓚᐅᖃᑕᐅᕈᓐᓇᓯᓂᕐᒧᑦ.

  • ᑲᑎᕕᒃ ᐃᓕᓴᕐᓂᓕᕆᓂᒃᑯᓂ ᐱᓇᓱᑦᑎᐅᒍᕕᑦ ᐅᕝᕙᓘᓐᓃᑦ ᐃᓕᓐᓂᐊᓂᕐᒥᒃ ᑭᒡᒐᑐᕐᑎᐅᒍᕕᑦ ᑎᑭᑕᐅᓛᕐᑐᑎᑦ ᐃᓚᐅᖃᑕᐅᖁᓪᓗᑎᑦ (ᑐᕌᒍᑎᒃᑯᑦ) ᐊᒻᒪᓗ ᐱᓇᓱᕝᕕᐅᑉ ᐃᓗᐊᓂ ᑲᑎᖃᑎᒌᓐᓂᐅᓛᕐᑐᐃᑦ ᒥᑦᓵᓄᑦ, ᐃᓚᐅᑎᓪᓗᒋᑦ ᐃᓄᓕᒫᕐᓯᓃᑦ.
  • ᐊᖓᔪᕐᖄᕆᔭᐅᒍᕕᒃ, ᐅᕕᒃᑲᐅᒍᕕᓪᓘᓃᑦ ᐅᕝᕙᓘᓐᓃᑦ ᓄᓇᓕᒻᒥᐅᖑᒍᕕᑦ, ᑐᓴᕐᑎᑕᐅᓛᕐᑐᓯ ᑐᓴᐅᑎᒃᑯᑦ ᐊᒻᒪᓗ ᖃᕆᑕᐅᔭᒃᑯᑦ ᑐᓴᐅᒪᖃᑎᒌᕝᕕᑎᒍᑦ. ᑕᒡᒎᓇ ᖃᕆᑕᐅᔭᒃᑯᑦ ᐱᑐᑦᓯᒪᕕᒻᒥ ᑐᓴᕐᕕᖃᕈᓐᓇᓛᕆᕗᑎᑦ.
  • ᑎᒥᐅᔫᒍᕕᑦ ᐃᑲᔪᕐᑎᐅᓱᑎᑦ, ᑎᑭᑕᐅᓛᕐᑐᑎᑦ ᐃᓚᐅᖃᑕᐅᖁᓪᓗᑎᑦ (ᑐᕌᒍᑎᒃᑯᑦ) ᐊᒻᒪᓗ ᑐᓴᕐᑎᓯᐅᑎᓂᒃ ᐃᓄᓕᒫᕐᓯᓃᑦ ᒥᑦᓵᓅᓕᖓᔪᓂᑦ.

ᓱᓀᑦ ᐊᑑᑎᓯᒪᓕᕐᖃᑦ ᓯᕗᒧᐊᑦᑏᑦ ᒫᓐᓇᒧᑦ ᑎᑭᑦᓱᒍ?

ᕿᒥᕐᕈᑭᑦ ᑐᖕᖓᕕᓪᓚᕇᑦ ᑲᑎᖃᑎᒌᓐᓂᕕᓃᑦ ᒥᑦᓵᓅᓕᖓᔪᑦ ᒪᓐᓂᓕᐅᑦ 2024 ᐱᒋᐊᕐᓱᒍ.

ᖃ ᓄ ᐃ ᓕ ᖓ ᓂ ᖓ  # 1

ᓈᓚᓐᓂᖅ

ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ
ᒪᓐᓂᓕᐅᑦ 2024 (ᑰᑦᔪᐊᖅ)

ᓯᕗᒧᐊᑦᑏᑦ ᐱᒋᐊᖕᖓᑕᐅᓯᒪᕗᑦ ᑎᓕᔭᐅᓂᖃᕐᓱᑎᒃ ᐃᓕᓐᓂᐊᓂᕐᒥᒃ ᑭᒡᒐᑐᕐᑎᓄᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ ᒪᓐᓂᓕᐅᑦ 2024ᒥ ᑲᑎᒪᓂᖃᕐᑎᓗᒋᑦ ᑰᑦᔪᐊᒥ.

ᑭᖕᖒᒪᑦᓯᒋᐊᒥᒃ ᐊᖏᓂᕐᓴᒥᒃ ᖃᓄᕐᑑᖃᑎᒌᓐᓂᑖᕆᐊᖃᕐᓂᒥᓄᑦ ᑎᒥᐅᔫᑉ ᐃᓗᐊᓂ ᓯᓚᑖᓂᓗ ᐃᓕᓐᓂᐊᑏᑦ ᐊᓂᒎᑎᑦᓯᐊᕈᓐᓇᖁᓪᓗᒋᑦ, ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ ᓇᓗᓀᕐᓯᓯᒪᔪᑦ ᑐᖕᖓᕕᓪᓚᕆᓐᓂᒃ ᐊᐱᕐᓲᑎᑦᓴᓂᑦ ᐊᑐᕐᑕᐅᒐᔭᕐᑐᓂᒃ ᐱᓂᐊᕐᓂᖃᓕᕈᑎᒃ ᓯᕗᓪᓕᐹᖓᑦ “ᓈᓚᓐᓂᖅ” ᓯᑕᒣᓂ ᐊᕕᑦᑐᓯᒪᔪᓂ ᖃᓄᕐᑑᕙᓪᓕᐊᓂᕐᒧᑦ.

ᐃᓕᓐᓂᐊᕖᑦ ᐊᐅᓚᑦᓯᔨᖏᑦ (ᐃᓕᓐᓂᐊᕕᑐᐃᓐᓀᑦ) ᐊᒻᒪᓗ ᑐᖕᖓᕖᑦ ᐱᒍᑦᔨᓂᕐᒧᑦ ᐊᐅᓚᑦᓯᔩᑦ
ᐊᐅᔭᓕᕈ 11,ᑦ 2024 (ᒪᓐᑐᔨᐊ)

100 ᐅᖓᑖᓂ ᓄᓇᕕᒻᒥ ᐃᓕᓐᓂᐊᕖᑦ ᐊᐅᓚᑦᓯᔨᖏᑦ ᒪᓐᑐᔨᐊᓪᒦᑦᑐᐃᓗ ᑲᒪᔩᑦ ᑲᑎᖃᑎᒌᑦᑐᕕᓃᑦ ᐅᓪᓗᒥ ᐊᑕᐅᓯᕐᒥ ᐅᓂᒃᑳᖃᑦᑕᓱᑎᒃ, ᐅᖄᖃᑎᒌᑦᓱᑎᒃ ᐊᒻᒪᓗ ᐱᓇᓱᐊᖃᑎᒌᑦᓱᑎᒃ ᐆᒥᖓ ᐊᐱᕐᓲᑎᒥᒃ ᑐᖕᖓᕕᖃᕐᓱᑎᒃ:
ᖃᓄᖅ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᖃᓄᐃᓘᓲᑦ ᐃᓕᓐᓂᐊᑏᑦ ᐊᓂᒎᑎᑦᓯᐊᕋᓱᐊᕐᓂᒧᑦ ᑲᔪᓯᒐᓱᐊᖁᓪᓗᒋᑦ?

ᑖᑦᓱᒥᖓ ᐅᓪᓗᒥ ᑐᒑᕋᖃᕐᑐᕕᓃᑦ ᓄᐃᑦᓯᒐᓱᐊᕐᓱᑎᒃ ᑐᑭᓯᒪᖃᑎᒌᓐᓂᒥᒃ ᓯᕗᒧᐊᑦᑏᑦ ᐱᕙᓪᓕᐊᑕᐅᒍᑎᖓᓂ ᐊᒻᒪᓗ ᑭᓇᓕᒫᒃᑯᑦ ᖃᓄᖅ ᐱᔭᑦᓴᖃᕐᒪᖔᑕ. ᐱᒋᐊᕐᓂᖓᓂ ᐅᖄᖃᑎᒌᑦᓱᑎᒃ ᐃᓕᓐᓂᐊᑏᑦ ᐊᓂᒎᑎᒍᓐᓇᓯᑦᓯᐊᖁᓪᓗᒋᑦ, ᐊᑦᔨᒌᖕᖏᑐᐃᑦ ᓴᕐᕿᑎᑕᕕᓃᑦ ᐱᐅᓯᐅᒍᓐᓇᑐᑦ ᐊᓂᒎᑎᑎᑦᓯᒐᓱᐊᕐᓂᒧᑦ ᓄᓇᓕᖁᑎᑦᑎᓂ ᐊᒻᒪᓗ ᐊᑦᔨᒌᖕᖏᑐᐃᑦ ᐊᓂᒎᑎᖃᑦᑕᓯᒪᔪᑦ ᓄᓇᓕᑦᑎᓂ ᐊᒻᒪᓗ ᐊᑦᔨᒌᖕᖏᑐᐃᑦ ᐊᕐᖁᑎᑦᓴᐅᒍᓐᓇᑐᑦ ᐊᓂᒎᑎᑦᓯᐊᒐᓱᐊᖁᓪᓗᒋᑦ ᐃᓚᐅᔪᐃᑦ ᐅᖃᕐᑕᐅᓯᒪᔪᑎᒍᑦ.

ᐃᓱᒪᑦᓴᓯᐅᕐᓃᑦ ᖃᓄᖅ ᐅᓄᕐᓯᒋᐊᕈᓐᓇᒪᖔᑕ ᓄᓇᓖᑦ ᐃᓚᐅᖃᑕᐅᓂᕆᒐᔭᕐᑕᖏᑦ ᐱᕙᓪᓕᐊᓂᑦᓴᖏᓐᓄᑦ ᓄᐊᑕᐅᓯᒪᒻᒥᔪᑦ, ᑐᖕᖓᕕᒋᑦᓱᒋᑦ ᐃᓚᐅᔪᐃᑦ ᐱᐅᓯᒋᖃᑦᑕᓯᒪᔭᖏᑦ ᓄᓇᓖᑦ ᐃᓗᐊᓂ ᐊᓂᒎᑎᓂᖃᖃᑦᑕᓯᒪᔪᐃᑦ ᑐᖕᖓᕕᒋᑦᓱᒋᑦ. ᐅᓪᓘᑉ ᐃᓗᐊᓂ, ᓯᕗᒧᐊᑦᑏᑦ ᐱᑦᔪᑎᑦᓴᕆᒐᔭᕐᑕᖏᑦ ᓴᕐᕿᑎᑕᐅᓯᒪᔪᑦ, ᓇᓗᓀᕐᓱᒋᑦ ᐊᓯᑦᔩᒍᑎᑦᓭᑦ ᐊᒻᒪᓗ ᓄᐃᑦᓯᒍᑎᒋᕋᔭᕐᑕᖏᑦ ᑭᖑᓂᐊᒍᑦ ᐱᕙᓪᓕᐊᑕᐅᒍᑎᒋᔭᖏᑦᑕ.

ᐃᓄᒻᒪᕇᑦ ᐃᓕᓐᓂᐊᕕᖓ
ᐊᐅᔭᓕᕈᑦ 27, 2024 (ᒪᓐᑐᔨᐊᓪ)

75 ᐅᖓᑖᓄᑦ ᐱᓇᓱᑦᑏᑦ ᐃᓄᒻᒪᕇᑦ ᐃᓕᓐᓂᐊᕕᖓᓂ ᐊᒻᒪᓗ ᐱᓇᓱᒐᕐᓂ ᐱᒋᐅᕐᓴᑎᑕᐅᕕᒻᒥ ᓄᓇᕕᒻᒦᑐᑦ ᒪᓐᑐᔨᐊᒥᓗ ᐃᓚᐅᓂᖃᕐᑐᕕᓃᑦ ᐅᓪᓗᒥ ᐊᑕᐅᓯᕐᒥᒃ ᑲᑎᖃᑎᒌᑦᓱᑎᒃ ᑲᒪᔩᑦ, ᐱᔪᓐᓇᐅᑎᓖᑦ ᐊᒻᒪᓗ ᐱᓇᓱᑦᑎᑐᐃᓐᓀᑦ. ᐁᓯᒪᔪᕕᓃᑦ ᐃᓚᐅᖃᑕᐅᔪᕕᓃᑦ ᓯᕗᒧᐊᑦᑏᑦ ᐃᓕᓐᓂᐊᑏᑦ ᐊᓂᒎᑎᑦᓯᐊᖁᓪᓗᒋᑦ ᐱᒋᐊᖕᖓᐅᑎᖓᓄᑦ, ᐱᕙᓪᓕᐊᑕᐅᓂᑦᓴᖓᓄᑦ ᐊᒻᒪᓗ ᑐᕌᕐᓂᓴᖓᓄᑦ.

ᐅᓐᓂᑑᑎᐅᔪᕕᓃᑦ ᐱᓇᓱᐊᕐᑕᐅᔪᑦᓴᐅᒐᔭᕐᑐᑦ ᓲᖑᓰᒋᐊᕈᑎᕕᓂᐅᕗᑦ ᐱᓇᓱᐊᖃᑎᒌᑦᑐᑎᒍᑦ ᐊᒻᒪᓗ ᑐᑭᑖᕆᒍᑎᐅᑦᓱᑎᒃ ᐃᓄᒻᒪᕇᑦ ᐃᓕᓐᓂᐊᕕᖓᓅᓕᖓᔪᒥᒃ ᑕᑯᓐᓈᕈᓯᐅᓲᒥᒃ ᐃᓕᓐᓂᐊᑏᑦ ᐊᓂᒎᑎᑦᓯᐊᓂᑦᓴᖏᓐᓄᑦ ᑐᕌᕐᓂᖃᖔᓂᐊᓕᕐᓱᑎᒃ ᑐᑭᓯᓂᐊᖃᑎᒌᓐᓂᖃᕐᑐᕕᓂᐅᓚᐅᑲᑦᓱᑎᒃ ᐅᖄᕈᑎᐅᓚᐅᕐᓯᒪᑎᓪᓗᒍ (ᐊᐅᔭᓕᕈᑦ 1, ᒪᓐᑐᔨᐊᓪᒥ).

ᐃᓕᓐᓂᐊᑎᑦᓯᔨᓄᑦ ᐱᓇᓱᑦᑎᓄᓪᓗ ᐊᓂᒎᑎᑦᓯᐊᖃᑦᑕᓂᕕᓃᑦ ᐅᓂᒃᑳᑕᐅᔪᕕᓂᐅᒻᒥᔪᑦ ᐊᑑᑎᔭᐅᖃᑦᑕᓯᒪᔪᑦ ᐃᓕᓐᓂᐊᑎᓄᑦ ᐃᓄᒻᒪᕇᑦ ᐃᓕᓐᓂᐊᕕᖓᓂ, ᐃᓚᐅᑎᓪᓗᒋᑦ ᐊᕐᖁᑎᑦᓭᑦ ᐊᓂᒎᑎᑦᓯᐊᓂᕐᒧᑦ. ᐱᐅᔪᓪᓚᕇᑦ ᐃᓚᐅᖃᑕᐅᔪᕕᓂᕐᓄᑦ ᐅᓐᓂᑑᑏᑦ ᓴᕐᕿᑎᑕᐅᔪᕕᓃᑦ ᓄᑖᒥᒃ ᑐᑭᓯᓇᕐᑎᓯᒍᑎᐅᓕᐅᒥᑦᓱᑎᒃ ᐃᓄᒻᒪᕇᑦ ᐃᓕᓐᓂᐊᕕᖏᓐᓂ ᓲᖑᓰᒋᐊᕈᑎᑦᓴᐅᓂᐊᕐᑐᓂ, ᐱᓂᐊᕐᓂᓴᕆᖃᑦᑕᓂᐊᕐᑕᖏᓐᓂ, ᐃᓱᒪᒋᔭᑦᓴᐅᒐᔭᕐᑐᓂ ᐱᐅᓯᐅᒦᒋᐊᖁᓪᓗᑕ ᐊᒻᒪᓗ ᐱᓇᓱᑦᑏᑦ ᓂᕆᐅᓐᓂᕆᔭᖏᓐᓂ ᐱᐅᔪᒧᑦ ᐊᓯᑦᔩᕙᓪᓕᐊᓂᐊᕐᓂᒧᑦ ᑐᑭᒧᐊᕐᐸᓕᐊᒍᑎᒋᓂᐊᕐᓗᒋᑦ.

ᐅᕕᒃᑫᑦ (ᑐᓄᐊᒍᑦ ᐱᓇᓱᒉᑦ)
ᓯᑦᑎᒻᒥᕆ 11, 2024 (ᑰᑦᔪᐊᖅ)

40 ᐅᖓᑖᓄᑦ ᐱᓇᓱᑦᑏᑦ ᑲᑎᐅᑎᓚᐅᔪᑦ ᐅᓪᓗᒥ ᐊᑕᐅᓯᕐᒥ ᐱᓇᓱᐊᕐᓱᑎᒃ ᐅᕕᒃᑲᓕᕆᓂᕐᒥ ᐱᓇᓱᐊᕐᓱᑎᒃ, ᐱᓇᓱᐊᖃᑎᖃᓚᐅᔪᑦ ᐅᕕᒃᑲᓂ ᓴᐳᒻᒥᔨᓐᓂ, ᐃᓕᓴᕐᕕᐅᑉ ᐱᓇᓱᑦᑎᖏᓐᓂᓗ ᐊᒻᒪᓗ ᐃᓕᓭᔨᓐᓂᑦ.

ᐃᓕᓴᑦᑎᓗᕆᑦ ᐃᓚᐅᔪᕕᓃᑦ ᖃᐅᔨᑎᑕᐅᓚᐅᔪᐃᑦ ᓯᕗᒧᐊᑦᑏᑦ ᐃᓚᖏᓐᓂᑦ ᐊᒻᒪᓗ ᐱᒋᐊᖕᖓᐅᑎᓂᒃ ᖃᓄᓪᓗ ᐁᒋᐊᓚᖓᕐᒪᖔᑦᑕ  ᐱᓇᓱᒐᖃᓪᓗᑎᑦ ᐃᓕᓴᓪᓗᑎᑦ. ᑎᒍᓯᒪᔭᖏ ᓱᖃᑦᓯᓂᕐᒥᒃ ᐊᖏᓪᓕᑎᓪᓗᒍ ᐅᕕᒃᑫᑦ ᑕᑯᓐᓇᕈᓯᕐᒥᒃ ᐱᑖᓪᓗᑎᑦ ᐃᓕᓵᑦ ᐱᔭᕇᑦᓯᐊᓂᕐᒧᑦ. ᐃᓚᐅᔪᐃᑦ ᖃᐃᑦᓯᖃᑦᑕᑐᑦ ᐃᓱᒪᒋᔭᕐᒥᓂᒃ ᐊᒻᒪᓗ ᖃᓄᖅ ᑕᑯᓐᓇᓂᕐᒥᓂᒃ ᐱᒋᐊᓪᓚᓯᖁᓪᓗᒋᑦ ᐃᓕᓵᑦ ᓇᓃᓕᕐᒪᖔᑕ ᐱᓇᓱᑦᑏᓗ.

ᓱᖃᑦᓯᐅᑏᑦ ᐊᑑᑎᒐᓱᐊᒻᒪᕆᓕᕐᒪᑦ ᐊᒥᓱᓐᓂᒃ ᐱᓇᓱᕐᕕᓂᑦ ᑕᐅᕐᓯᐅᑎᑦᓱᑎᒃ ᖃᐅᔨᒪᔭᕐᒥᓂᓪᓗ ᐁᑦᑑᑎᖃᕐᓱᑎᒃ. ᐅᖄᖃᑎᒌᓐᓂᑯᑦ ᐱᕙᓪᓕᐊᔪᐃᑦ ᖃᓄᖅ ᐃᓱᒪᒋᔭᕐᒥᓂᑦ, ᖃᓄᖅ ᑲᒃᓱᙰᓵᕆᓚᖓᓪᓗᑎᑦ ᓄᓇᓕᐅᑉ ᐃᓚᐅᓐᓂᖏᓐᓂ ᐱᒋᐊᓪᓚᓗᑎᓪᓗ ᐱᐅᔪᒻᒥᑦ ᐊᓯᑦᔨᓂᕐᒧᑦ ᑲᔪᓯᒋᐊᓪᓚᑎᓪᓗᑕ.

ᓄᐃᑕᓕᕇᕐᑐᓂ ᐃᓕᓵᓐᓄᑦ ᐱᓇᓱᑦᑎᖏᓪᓗ ᐱᕙᓪᓕᐊᓂᖏᓐᓂ ᑲᑎᕕᒃ ᐃᓕᓴᕐᓂᓕᕆᓂᖅ ᖃᐅᔨᒪᔭᐅᑦᓯᐊᓚᐅᔪᑦ, ᐃᓚᐅᑎᓪᓗᒋᑦ ᐊᐱᕐᓲᑏᑦ ᐅᖄᔭᐅᓛᕐᑎᓗᒋᑦ ᑲᑎᓕᕐᒥᒪᑕ.

ᑲᑎᓕᑐᐊᕐᒥᒪᑕ ᐱᓇᓱᑦᑏᑦ ᔮᓂᒻᒪᕆᒻᒥ ᐊᒻᒪᓗ ᐱᑕᑲᓪᓚᐅᑉ ᐃᓕᓴᕐᕕᖓᓃᓛᕐᑐᐃᑦ, ᐃᓚᐅᑎᓪᓗᒋᑦ ᑰᑦᔪᐊᒥᐅᑦ.

ᐅᖄᖃᑎᒌᓐᓂᖃᓛᕐᑐᑦ ᐱᓇᓱᑦᑏᑦ ᐱᑕᑲᓪᓚᐅᑉ ᐊᒻᒪᓗ ᔮᓂᒻᒪᕆᐅᑉ ᐃᓕᓐᓂᐊᕕᖓᓂ
ᐊᕐᓇᓕᖕᖒᑎᕕᒃ 9, 2024ᒥ (ᑰᑦᔪᐊᖅ)

ᐊᕐᓇᓕᖕᖒᑎᕕᒃ 9-ᖑᑎᓪᓗᒍ, ᖃᓐᑌᑦ ᐅᖓᑖᓄᑦ ᐱᓇᓱᑦᑏᑦ ᐱᓯᒪᔪᑦ ᔮᓂᒻᒪᕆᒃ ᐃᓕᓐᓂᐊᕕᖓᓂ, ᐱᑕᑲᓪᓚᒃ ᐃᓕᓐᓂᐊᕕᖓᓂ ᐊᒻᒪᓗ ᑲᔪᓯᕕᒃ ᐃᓄᒻᒪᕇᑦ ᐃᓕᓐᓂᐊᕕᖓᓂ ᙯᖁᔭᕕᓃᑦ ᑰᑦᔪᐊᑉ ᐱᖕᖑᐊᕕᖓᓄᑦ ᐃᓕᑦᓯᖁᓪᓗᒋᑦ ᐃᓕᓐᓂᐊᑏᑦ ᑲᔪᓯᑦᓯᐊᓂᕐᒧᑦ ᐱᒋᐊᖕᖓᐅᑎᖓᖓᓂ ᓯᕗᒧᐊᑦᑏᑦ.

ᐊᑦᔨᒌᖕᖏᑐᕐᑎᒍᑦ ᐱᓂᐊᕐᓂᖃᖃᑦᑕᓱᑎᒃ ᓱᖃᑦᓯᑎᑕᐅᓂᒃᑯᑦ ᐃᓂᓪᓚᑎᕐᑕᐅᔪᕕᓃᑦ ᑖᑦᓱᒥᖓ ᐅᓪᓗᒥ ᑲᑎᖃᑎᒌᓐᓂᖃᕐᓱᑎᒃ, ᐃᓚᐅᔪᕕᓃᑦ ᐱᖓᓱᐃᓂᑦ ᐃᓕᓐᓂᐊᕕᓐᓂ ᓴᕐᕿᑎᑦᓯᒋᐊᓪᓚᑐᕕᓃᑦ ᐱᑐᑦᓯᒪᓂᕐᒥᓄᑦ ᐃᓱᒪᒋᔭᒥᓂᒃ ᐅᖄᖃᑦᑕᓱᑎᒃ ᐃᑲᔪᕐᓯᒋᐊᓪᓚᕋᓱᐊᕐᓱᑎᒃ ᐱᕙᓪᓕᐊᑎᑦᓯᒐᓱᐊᖁᓪᓗᒋᑦ ᐃᓕᓐᓂᐊᑏᑦ ᑲᔪᓯᑦᓯᐊᓂᕐᒧᑦ ᐱᒋᐊᖕᖓᐅᑎᖓᓂ. ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᓲᖑᓂᒋᔭᖏᓐᓂ ᐊᒻᒪᓗ ᐊᕐᓱᕉᓴᕈᑎᒋᓲᖏᓐᓂ ᓇᓗᓀᔦᑦᓱᑎᒃ, ᐱᓇᓱᑦᑏᑦ ᐃᓱᒪᒋᔭᒥᓂᒃ ᐅᖄᕈᑎᕕᓕᕖᑦ ᑐᖕᖓᕕᓐᓂ ᓄᓇᓕᐅᑉ ᐃᓚᐅᓂᖓᓅᓕᖓᔪᓂ ᐃᓕᓐᓂᐊᓂᓕᕆᓂᕐᒥᒃ, ᐃᓕᓐᓂᐊᓂᖅ ᐱᓯᒪᓪᓚᕆᒻᒪᑦ ᐊᕙᑎᒥᑕ ᐱᐅᓯᒋᔭᖏᓐᓂ ᐊᒻᒪᓗ ᐃᓕᓐᓂᐊᑏᓪᓗ ᐱᓇᓱᑦᑏᓗ ᐊᑑᑎᓲᖏᓐᓂ ᐃᓕᓐᓂᐊᕕᖁᑎᑦᑎᓂ.

ᑕᒪᒃᑯᓂᖓ ᖃᓄᕐᑑᖃᑎᒌᓐᓂᒧᑦ ᓱᖃᑦᓯᑎᑕᐅᓂᖃᕐᑎᓗᒍ, ᐱᒋᐅᕐᓴᑎᑕᐅᓂᖃᕐᓂᒥᔪᑦ ᑕᑯᓐᓇᓂᒃᑯᑦ ᐃᓱᒪᒋᐅᕐᓴᑎᑕᐅᓂᖃᕐᓱᑎᒃ ᔮᓂᒻᒪᕆᒃ ᐃᓕᓐᓂᐊᕕᖓᓂ ᐳᕐᑐᓂᕐᓴᒦᑦᑐᓕᒫᓂ 4-ᒥ 5-ᒥᓪᓗ ᐃᓕᓐᓂᐊᑎᓄᑦ.

ᐃᓄᓕᒫᕐᓯᓂᖅ (ᑭᓇᓕᒫᒃᑯᓅᓕᖓᔪᖅ)
ᐊᕐᓇᓕᖕᖒᑎᕕᒃ 9, 2024 (ᑰᑦᔪᐊᖅ)

ᐊᕐᓇᓕᖕᖒᑎᕕᒃ 9-ᖑᑎᓪᓗᒍ ᐅᓐᓄᓴᒃᑯᑦ, ᑰᑦᔪᐊᒥᐅᑦ ᙯᖁᔭᐅᓯᒪᔪᕕᓃᑦ ᐃᓚᐅᖃᑕᐅᖁᓪᓗᒋᑦ ᐅᖄᖃᑎᒌᒍᑎᕕᓃᑦ ᑐᓴᕐᑎᓯᐅᑎᖏᓐᓂ ᐱᓇᓱᕝᕖᑦ ᖃᓄᕐᑑᖃᑎᒌᓐᓂᖃᕐᑎᓗᒋᑦ ᐱᒋᐊᕐᓯᒪᔪᒥ ᐊᐅᔭᓕᕉᑎᓪᓗᒍ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ ᐱᓇᓱᑦᑏᑦ. ᓱᖃᑦᓯᑎᑕᐅᓂᓕᕕᓃᑦ ᐊᑦᔨᒌᖕᖏᑐᓂ ᑰᑦᔪᐊᒥᐅᑦ ᐃᓚᐅᖁᓪᓗᒋᑦ, ᐊᒻᒪᓗ ᐊᐱᕐᓲᑲᑦᑕᖁᓪᓗᒋᑦ ᐊᒻᒪᓗ ᐃᓱᒪᒋᔭᒥᓂᒃ ᑐᓴᕐᑎᓯᖁᓪᓗᒋᑦ ᓴᕐᕿᑎᑕᕕᓃᑦ ᒥᑦᓵᓄᑦ. ᖁᓖᑦ ᐊᖓᔪᕐᖄᕆᔭᐅᔪᑦ ᐃᓚᐅᖃᑕᐅᔪᕕᓃᑦ.

ᐅᖄᖃᑎᒌᓐᓂᖃᓛᕐᑐᑦ ᐱᓇᓱᑦᑏᑦ ᓄᕝᕕᑎᐅᑉ ᐃᓕᓐᓂᐊᕕᖓᓂ
ᐊᕐᓇᓕᖕᖒᑎᕕᒃ 29, 2024-ᒥ (ᐃᕗᔨᕕᒃ)

ᐆᑦᑑᐱᕆ 29ᒥ, ᐱᓇᓱᑦᑏᑦ ᓄᕗᑦᑎᐅᑉ ᐃᓕᓴᕐᕕᖓᓂ ᐃᕗᔨᕕᒻᒥ ᐱᕕᑦᓴᖃᓚᐅᔪᑦ ᖃᐅᔨᒪᑦᑎᑕᐅᑦᓱᑎᒃ ᐃᓕᓵᑦ ᐱᔭᕇᓐᓂᖏᑦᑕ ᐱᖏᐊᖕᖓᒍᑎᖕᓐᓂ, ᓯᕗᒧᐊᑦᑏᑦ. ᓱᖃᑦᓯᐅᑎᓗᑳᓐᓄᑦ, ᐃᓚᒌᑦ 30 ᐃᓚᐅᔪᐃᑦ ᙯᖁᔭᕕᓃᑦ ᐁᑦᑑᑎᖃᓪᓗᑎᑦ ᐃᓱᒪᒋᔭᒻᒥᓂ ᐃᑲᔪᕐᓯᓗᑎᒃ ᐱᒋᐊᕙᓪᓕᐊᓂᕐᒥ ᑕᑯᓐᓇᓂᒃᑯᑦ ᐃᓕᓵᑦ ᐱᔭᒌᓐᓂᖏᓐᓂ, ᐃᓚᕆᐊᓪᓗᒍ ᑲᑎᑎᑦᓯᓂᖅ ᑐᑭᓕᒻᒥ ᐊᑦᔨᖑᐊᒻᒥ ᐅᖁᒣᑦᑐᑰᒍᑏᑦ ᓵᖕᖓᔭᐅᖃᑦᑕᒪᑕ ᓲᓱᓐᓂᖏᓪᓗ ᐊᒻᒪᓗ ᓄᑖᓐᓂ ᐃᓱᒪᒐᑦᓭᑦ ᐃᑎᕐᑎᑕᐅᓪᓗᑎᑦ ᓴᐳᒻᒥᓂᐊᕐᒪᑕ ᐃᓕᓵᓐᓂᑦ.

ᐅᖄᖃᑎᒌᓐᓂᖅ ᓱᖃᑦᓯᐊᑎᓐᓂ,ᐃᓚᐅᔪᐃᑦ ᐅᖄᖃᑎᒌᓐᓂᒥᔪᑦ ᐱᒻᒪᕆᐅᓂᖓᓂ ᐃᓄᑦᑎᑐᒃ ᐅᖃᐅᓯᖅ, ᐃᓱᒪᒐᑦᓴᐅᒥᔪᖅ ᐃᓄᒍᐃᓂᖅ ᐊᒻᒪᓗ ᐃᓕᓴᓐᓂᖓᑕ ᐱᕙᓪᓕᐊᓂᖓ ᓴᐳᒻᒥᓂᖃᕐᒪᑦ ᓯᓚᕐᔪᐊᖓᑕ ᐃᓗᐊᓂ, ᐊᑕᐅᑦᓯᑯᑦ ᐃᑲᔪᕐᑐᑦ ᓇᓃᓂᖓᑕ ᐊᕐᖁᑎᖏᑦ ᐃᓕᓴᕐᕕᐅᑉ ᐱᓇᓱᑦᑎᖏᑦ ᐃᓕᓵᖏᓪᓗ.

ᖃᐅᔨᓴᕐᑕᐅᖏᓐᓂᖏᓐᓂ, ᐃᓕᓴᕐᑕᐅᓚᐅᔪᑦ ᑕᑯᓐᓇᑎᑕᐅᑦᓱᑎᒃ ᐃᓱᒪᓐᓂᒥ ᐃᓕᓴᕐᑕᐅᓚᐅᔪᐃᑦ ᐳᒃᑭᓂᕐᐹᒥ ᐃᓕᓵᑦ ᓄᕗᑦᑎᐅᑉ ᐃᓕᓴᕐᕕᖓᓂ.

ᐃᓄᓕᒫᕐᓯᓂᖅ (ᑭᓇᓕᒫᒃᑯᓅᓕᖓᔪᖅ)
ᐊᕐᓇᓕᖕᖒᑎᕕᒃ 29, 2024 (ᐃᕗᔨᕕᒃ)

ᐅᓐᓄᑐᒃᑯᑦ ᐆᑦᑑᐱᕆ 29ᒥ, ᐃᕗᔨᕕᒻᒥᐅᑦ ᐁᖁᔭᐅᒥᒪᓚᐅᕐᑐᑦ ᐃᓚᐅᓪᓗᑎᑦ ᓄᐃᑕᑎᑕᐅᔪᕕᓂᓐᓂ ᑕᑯᔭᕕᓂᓐᓂ ᐃᓗᑦᑎᒍᑦ ᖃᐅᔨᓴᕐᓂᓂᑦ ᐱᒋᐊᓚᐅᔪᒃ ᐊᐅᒍᔅᑎᒥ ᐃᓚᐅᑎᓪᓗᖏᑦ ᑲᑎᕕᒃ ᐃᓕᓴᕐᓂᓕᕆᓂᒻᒥ ᐱᓇᓱᑦᑏᑦ. ᓱᖃᑦᓯᐅᑏᑦ ᐋᕐᕿᓱᕐᓯᒪᓚᐅᔪᑦ ᐊᒥᓱᓐᓂ ᐃᓪᓗᖁᑎᓐᓂ ᐃᓚᐅᔪᐃᑦ ᐳᓚᕋᒍᓐᓇᑎᓪᓗᒋᑦ, ᑭᖑᓂᖓᓂ ᐊᐱᕐᓲᑏᑦ ᑕᕐᕋᑐᒋᐊᕈᑏᓪᓗ ᑐᖕᖓᓱᑦᑎᑕᐅᓚᐅᔪᑦ ᐃᓱᒫᓗᒋᔦᑦ ᖃᐅᔨᒪᐅᑎᖏᑦ ᓄᐃᑕᑦᑎᑕᐅᑎᓪᓗᒋᑦ. 8 ᓄᓇᓖᑦ ᐃᓚᐅᔪᑦ ᐊᑎᔪᕕᓃᑦ.

ᐃᓕᓐᓂᐊᕖᑦ ᐊᐅᓚᑦᓯᔨᖏᑦ
ᓇᑦᔪᐃᔭᕐᕕᒃ 19, 2024 (ᒪᓐᑐᔨᐊᓪᒃ)

ᓄᕕᒻᐱᕆ 19-ᒥ, 100 ᐅᖓᑖᓃᑦᑐᑦ ᑲᒪᔨᒻᒪᕇᑦ ᐃᓕᓐᓂᐊᕕᓐᓂᒃ ᐱᓯᒪᔪᑦ ᐊᒻᒪᓗ ᒪᑭᑕᒍᓐᓇᑎᑦᓯᔪᑦ ᐱᒍᑦᔨᔩᑦ ᑲᑎᓚᐅᔪᕗᑦ ᓯᕗᓪᓕᐹᖅ ᖃᓄᐃᓘᕈᑎᑦᓴᖅ ᐱᑦᔪᑎᒋᑦᓱᒍ ᓯᕗᒧᐊᑦᑏᑦ ᐱᓇᓱᓐᓂᖓᑕ “ᑕᐅᑐᒐᓕᐅᕐᓂᒥᒃ” ᑲᒪᓂᖓᑎᒍᑦ. ᑖᓐᓇ ᐅᓪᓗᖅ ᓴᓇᒍᑕᐅᓚᐅᔪᔪᖅ  ᓄᐃᑕᐅᓯᒪᔪᑦ ᓯᑕᒪᐅᔪᕐᑐᑦ ᖄᖓᓂ ᑖᒃᑯᐊ ᐱᓯᒪᑎᓪᓗᒋᑦᐃᓱᒪᑦᓴᓯᐅᕐᓂᐅᓯᒪᔪᓂ ᔫᓂ 2024-ᒥᓂᒃ, ᑖᒃᑯᓇᓂᓗ ᑕᒣᑕ ᑕᐅᑐᒍᑎᖓ ᐃᓕᓐᓂᐊᑏᑦ ᐱᔭᖃᕐᓂᖓᓂᒃ, ᐊᑦᓱᕉᑎᖏᓐᓂᒃ, ᐱᓯᑎᐅᒍᑎᖏᓐᓂᒃ ᐊᒻᒪᓗ ᐃᓱᒪᓕᐊᖏᓐᓂᒃ ᓄᐃᓯᒪᕗᖅ.

ᑕᒡᒐᓂ  ᑲᒪᒍᑎᒥ, ᐃᓚᐅᖃᑕᐅᔪᑦ ᖃᐅᔨᓂᐊᓚᐅᔪᔪᑦ ᓯᕗᓂᓕᐅᕐᓯᒪᒍᑎᑦᓴᓂᒃ ᐱᓇᓱᒍᑎᒋᓗᒋᑦ ᐱᔭᕆᐊᑐᔪᓂᒃ ᐃᓱᐃᓗᑕᕐᓂᒃ ᐊᑦᑐᐊᔪᓂᒃ ᐊᖕᖏᐅᓇᕐᑐᓄᑦ ᓇᓗᓀᕐᑕᐅᓚᐅᔪᔪᓄᑦ “ᓈᓚᓐᓂᒥᒃ” ᐱᓇᓱᑦᑎᓗᒋᑦ. ᐅᖃᕐᓗᒋᑦ, ᐃᓚᐅᔪᑦ ᕿᒥᕐᕈᓚᐅᔪᔪᑦ ᐅᑯᐊ ᓯᑕᒪᐅᔪᕐᑐᑦ ᐃᓱᒣᑦ ᑐᑭᐊᓂᒃ: 1) ᐱᓇᓱᓐᓂᖅ ᑲᑐᑦᔨᓗᓂ; 2) ᐃᓕᓐᓂᐊᑎᑦᓯᓂᖅ ᐊᒻᒪᓗ ᐃᓕᓐᓂᐊᓂᖅ; 3) ᐃᓕᓐᓂᐊᑎᓄᑦ ᑭᖕᖒᒪᓇᕐᑐᑦ ᐊᒻᒪᓗ ᓇᓪᓕᑳᕈᑎᑦᓭᑦ; 4) ᐃᓕᓐᓂᐊᑏᑦ ᐃᓕᓐᓂᐊᓂᕐᒥᓂᒃ ᐊᔪᐃᓐᓇᑐᑦ; 5) ᐃᓄᐃᑦ ᐱᓇᓱᑦᑏᑦ; 6) ᐱᓇᓱᑦᑏᑦ; 7) ᓄᓇᓕᒃ; 8) ᐃᒻᒥᓄᑦ-ᑐᑭᑖᕐᑕᓂᖅ.

ᑕᒪᑐᒥᖓ ᑲᒪᑎᑦᓯᓂᖅ ᑐᕌᖓᕗᖅ ᐅᓕᕐᓀᓯᓂᕐᒧᑦ ᑕᐅᑐᒍᑎᒥᒃ KI ᓇᓃᒍᒪᓂᖓᓂᒃ ᑖᒃᑯᐊ ᐊᖕᖏᐅᓇᕐᑐᑦ ᐱᑦᔪᑎᒋᓗᒋᑦ ᐊᒻᒪᓗ ᓇᓗᓀᕐᓯᓂᕐᒧᑦ ᐊᓪᓗᕆᐊᕐᑕᐅᑎᑦᓴᓂᒃ ᑖᓐᓇ ᐱᓚᖓᓗᒍ.

ᐊᒥᓱᐃᑦ ᓄᓇᓕᒻᒥ ᐱᓯᒪᔪᑦ ᖃᓄᕐᑑᖃᑎᒌᓐᓂᖏᑦ
(ᑭᓇᓕᒫᒃᑯᓅᓕᖓᔪᖅ – ᖃᕆᑕᐅᔭᑎᒍᑦ)
ᓇᑦᔪᐃᔭᕐᕕᒃ 27, 2024 (ᓄᓇᕕᒃ)

ᓄᕕᒻᐱᕆ 27-ᒥ, ᓯᕗᒧᐊᑦᑏᑦ ᐱᓇᓱᑦᑎᖏᑦ ᑲᔪᓯᑎᑦᓯᓚᐅᔪᔪᑦ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᑦᓱᓂ ᐱᓇᓱᒍᑎᒥᒃ ᑲᓱᕈᑕᐅᑎᓪᓗᒍ ᐳᕐᑐᓂᕐᓴᓂᒃ 4 ᐊᒻᒪᓗ 5 ᐃᓕᓐᓂᐊᑎᓄᑦ ᓄᓇᕕᓕᒫᒥ, ᐃᓚᖃᕐᒥᑎᓪᓗᒋᑦ ᐱᓇᓱᑦᑎᓂᒃ 12-ᓂ ᐃᓕᓐᓂᐊᕕᓐᓂ ᐃᓚᐅᔪᓂ 18-ᓄᑦ ᐃᓕᓐᓂᐊᕕᑦᑎᓄᑦ. ᑕᒪᑐᒪ ᐊᑐᕐᑕᐅᓂᖓ ᓯᕗᓪᓕᐸᐅᓚᐅᔪᔪᖅ ᓄᓇᓕᓐᓂᒃ ᐊᒥᓱᐃᓂᒃ ᐱᓇᓱᑦᑎᒍᑕᐅᑦᓱᓂ ᑌᒫᒃ ᐋᕐᕿᓱᕐᑕᐅᓯᒪᔪᑎᒍᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ.

ᐃᓕᓐᓂᐊᑏᑦ ᐃᓚᐅᕕᖃᓚᐅᔪᔪᑦ ᑕᑯᑦᓴᒥᒃ ᐃᓱᒪᓕᐅᕐᓂᒥᒃ ᐱᓇᓱᐊᕈᑎᓄᑦ ᑲᒪᒍᑎᖃᕐᓱᑎᒃ ᐃᓱᒪᒍᑎᓂᒃ ᐊᑦᑐᐊᔪᓂᒃ ᐃᓕᓐᓂᐊᑏᑦ ᐱᔭᖃᕐᓂᖓᓄᑦ ᐊᒻᒪᓗ ᑕᐅᑐᒐᖓᓄᑦ ᐃᓕᓐᓂᐊᓂᖅ ᐱᑦᔪᑎᒋᑦᓱᒍ. ᐊᑕᐅᑦᓯᑯᑦᑕᐅᖅ, ᐱᓇᓱᑦᑏᑦ ᐃᓱᒪᓕᐅᕈᑎᖃᓚᐅᔪᒻᒥᔪᑦ ᐅᓪᓗᒥ ᑲᔪᓯᔪᓂᒃ ᐃᓕᓐᓂᐊᕕᒻᒥᓂ ᐊᒻᒪᓗ ᐃᓱᒪᒍᑎᒥᓂᒃ ᒪᑯᐊ ᑐᑭᖏᑎᒍᑦ ᐃᓕᓐᓂᐊᑏᑦ ᐱᔭᖃᕐᓂᖓᑕ, ᐃᑯᒪᐅᒻᒨᑐᐃᑦ ᐱᓇᓲᑏᑦ ᐊᑐᕐᑕᐅᓂᖓᑕ , ᐱᓇᓱᑦᑏᑦ ᐊᒻᒪᓗ ᐃᓕᓐᓂᐊᑏᑦ ᓄᐃᖕᖏᑲᑦᑕᓂᖓᑕ, ᐊᒻᒪᓗ ᓂᑲᓀᓪᓕᑎᕆᓂᐅᑉ ᐊᑦᑐᐊᖃᑎᒌᒍᑎᓂᒃ ᐃᓕᓐᓂᐊᕕᓐᓄᑦ ᐊᒻᒪᓗ ᓄᓇᓕᓐᓄᑦ .

ᑖᓐᓇ ᐱᓇᓱᒍᑕᐅᔪᖅ ᐱᔭᕇᕈᑕᐅᓚᐅᔪᔪᖅ “ᓈᓚᓐᓂᒥᒃ” ᓯᕗᒧᐊᑦᑏᑦ ᐱᓇᓱᓐᓂᖓᓐᓂᒃ ᐃᓕᓐᓂᐊᑏᑦ ᐱᔭᖃᕐᓂᖓᓂᒃ ᐱᒋᐊᕐᑎᓯᒍᑎᒋᑦᓱᒍ. ᑲᑎᓕᒫᕐᓱᒋᑦ 135 ᐃᓕᓐᓂᐊᑏᑦ ᐊᒻᒪᓗ 300 ᐱᓇᓱᑦᑏᑦ ᐃᓚᐅᓚᐅᔪᔪᑦ ᖃᓄᐃᓘᕈᑎᖏᓐᓄᑦ.

ᖃ ᓄ ᐃ ᓕ ᖓ ᓂ ᖓ  # 2

ᑕᑯᓐᓇᖑᐊᕐᓂᖅ

ᖃ ᓄ ᐃ ᓕ ᖓ ᓂ ᖓ  # 3

ᐱᓇᓱᑦᑕᐅᓚᖓᔪᑦ ᐸᕐᓇᑕᐅᒍᑎᖓ

ᖃ ᓄ ᐃ ᓕ ᖓ ᓂ ᖓ  # 4

ᐱᓇᓱᑦᑕᐅᓚᖓᔪᑦ ᐸᕐᓇᑕᐅᒍᑎᖓ