ᐱᒍᑦᔨᒍᑏᑦ ᓈᒻᒪᑐᑦ
ᐊᑐᓂ ᐃᓕᓐᓂᐊᑎᒧᑦ!
ᑲᔪᓯᓯᕗᖅ! ᓄᑖᑦ ᑕᑯᒋᐊᑲᑦᑕᓗᒋᑦ ᑐᑭᒧᐊᒍᑎᑦᓭᑦ – ᓯᑯᑦᓴᔭᐅᓗᑎᒃ ᖃᕆᑕᐅᔭᒥᓗ ᐱᑕᖃᕐᒥᓗᑎᒃ – ᐊᑐᐃᓐᓇᕈᑦᓴᐅᑎᒋᓛᓕᕐᑐᑦ ᐃᓘᓐᓀᓄᑦ!
ᐃᓱᐊᖁᑎᓄᑦ ᐊᒻᒪᓗ ᓈᒃᑯᒋᔭᓕᓐᓄᑦ ᐱᒍᑦᔨᔩᑦ ᐱᔪᕆᐅᑎᖃᕐᖁᑦ ᐱᒋᐊᕐᑎᓯᒐᒥᒃ ᑕᑯᒋᐊᑲᑦᑕᓗᒋᑦ ᑐᑭᒧᐊᒍᑎᑦᓴᓂᒃ: ᓇᓂᓯᓗᑎᑦ ᐱᒍᑦᔨᒍᑎᑦᓴᓂᒃ ᓈᒻᒪᑐᓂᒃ ᐊᑐᓂ ᐃᓕᓐᓂᐊᑎᒧᑦ! ᑖᓐᓇ ᑐᑭᒧᐊᒍᑎ ᓴᓇᕐᕈᑎᑦᓯᐊᒪᕆᐅᕗᖅ ᐱᓇᓱᖃᑎᒌᓄᑦ ᑌᒪᖕᖓᓕᒫᖅ ᐱᐅᓴᕐᑕᐅᖏᓐᓇᓚᖓᑦᓱᓂ ᒪᓕᓪᓗᓂ ᐅᖃᐅᓯᑦᓴᑖᓂᒃ ᐊᒻᒪᓗ ᑭᖕᖒᒪᓇᕐᑐᓂᒃ ᓇᓗᓀᕐᑕᐅᖃᑦᑕᑐᓂᒃ ᐱᓇᓱᖃᑎᒌᓄᑦ ᐃᓕᓐᓂᐊᕕᐅᑉ ᐃᓗᐊᓂ.
ᑕᑯᒋᐊᑲᑦᑕᓗᒋᑦ ᑐᑭᒧᐊᒍᑏᑦ ᑐᕌᖓᕗᑦ ᓄᖑᑎᕆᓂᕐᒧᑦ ᐃᓕᓐᓂᐊᑎᓂᒃ ᓴᐳᒻᒥᓂᒃᑯᑦ ᐱᒍᑦᔨᐅᑏᑦ ᓇᓗᕐᑎᑖᓇᕐᓂᖓᓂᒃ ᐊᒻᒪᓗ ᐃᓕᓐᓂᐊᕕᒻᒥ ᐱᓇᓱᑦᑎᓂᒃ ᓱᖏᐅᓐᓂᕈᐃᓂᕐᒧᑦ ᐊᓪᓗᕆᐊᕐᑕᐅᑎᓄᑦ ᐊᑐᕆᐊᓕᓐᓄᑦ ᐱᒋᐊᕐᑎᓯᓚᖓᓗᓂ ᐱᓇᓱᑦᑕᐅᓂᖓᓂᒃ.
ᐱᓇᓱᓐᓂᖓᓂᒃ ᐱᒋᐊᕐᑎᓯᓂᖅ
ᒪᓕᓪᓗᑎᒃ ᐅᑯᓂᖓ ᐊᓪᓗᕆᐊᕐᑕᕈᑎᓂᒃ, ᐱᓇᓱᑦᑏᑦ ᐃᒣᒍᓐᓇᓚᖓᔪᑦ:
- ᐊᓪᓚᓂᖅ ᓱᒍᑕᐅᓯᒪᔪᓂᒃ.
- ᒪᓕᑦᑐᓂᖅ ᐃᓕᓐᓂᐊᑎᐅᑉ ᐱᕙᓪᓕᐊᓂᖓᓂᒃ ᓴᐳᒻᒥᔭᐅᒍᑎᖓᑕ ᐱᓇᓱᑦᑕᐅᓂᖓᓂ.
- ᓱᕐᖁᐃᓂᖅ ᑐᑭᓯᑦᓴᓯᐊᒥᒃ ᐊᒻᒪᓗ ᓱᕙᓪᓕᓇᕐᑐᒥᒃ ᖃᓄᐃᓘᕈᑎᓂᖏᓐᓂᒃ ᐊᑦᔨᒌᖕᖏᑐᑦ ᐊᑦᑐᐊᖃᑕᐅᔪᑦ, ᑫᓪᓗᐊᓗᓂ ᐊᑐᕐᓂᒥᒃ ᑐᑭᖃᑦᓯᐊᑐᒥᒃ ᐊᒻᒪᓗ ᑐᑭᒧᐊᒍᑎᑦᓯᐊᑐᒥᒃ ᐱᕐᕈᓯᕐᒥᒃ.
ᐃᓱᐊᖁᑎᓄᑦ ᐊᒻᒪᓗ ᓈᒃᑯᒋᔭᓕᓐᓄᑦ ᐱᒍᑦᔨᔩᑦ ᐱᓇᓱᑦᑎᖏᑦ ᐅᖃᑦᓯᐊᕈᒪᕗᑦ ᐱᒻᒪᕆᐅᒋᐊᖓ ᐱᓇᓱᖃᑕᐅᔪᓕᒫᑦ ᐃᓕᓐᓂᐊᑎᓂᒃ ᓴᐳᑦᔨᐅᑎᓄᑦ ᐱᒍᑦᔨᒍᑎᓂᒃ ᐃᑲᔪᕐᑎᒌᑉᐸᑕ. ᐱᓇᓱᖃᑎᒌᑦᓯᐊᕈᑎᒃ, ᐱᓇᓱᒐᓪᓗᑯᓖᑦ ᐊᑦᑐᐊᖃᑕᐅᔪᑦ ᐊᒻᒪᓗ ᐱᐊᕋᓖᑦ ᓄᐃᑦᓯᒍᓐᓇᑐᑦ ᐃᓘᓐᓈᓂᑦᓯᐊᑐᒥᒃ ᐊᒻᒪᓗ ᐃᓄᑦᑕᖓᓅᓕᖓᑦᓯᐊᑐᒥᒃ ᓴᐳᒻᒥᐅᑎᒥᒃ ᐊᑐᓂ ᐃᓕᓐᓂᐊᑎᒧᑦ.
ᑲᒪᒍᑎᑦᓴᓂᒃ ᐸᕐᓇᓯᒪᐅᑎ (IP): ᐱᒻᒪᕆᐅᑦᓱᓂ ᐱᓇᓱᓐᓂᐅᑉ ᐃᓚᖓ
ᑖᓐᓇ ᓱᓇᒥᑦᓯᐊᑐᓂᒃ ᐸᕐᓇᓯᒪᐅᑕᐅᕗᖅ ᐅᖃᕐᓯᒪᑦᓯᐊᑐᓂᒃ ᓱᒋᐊᕈᑎᑦᓴᖃᕐᓱᓂ ᐊᑐᕐᑕᐅᓚᖓᔪᓂᒃ ᓴᐳᑦᔨᐅᑎᒋᓗᒋᑦ ᐃᓕᓐᓂᐊᑎᓂᒃ ᐊᑦᔨᐅᖏᑦᑐᓂᒃ ᑭᖕᖒᒪᑦᓯᐅᑎᓕᓐᓂᒃ, ᑐᕌᕐᓗᓂ ᐱᓕᕐᐸᓕᐊᑎᑦᓯᓂᕐᒧᑦ ᑖᑦᓱᒪ ᐱᕙᓪᓕᐊᓂᖓᓂᒃ ᐊᒻᒪᓗ ᐱᔭᖃᕐᓂᖓᓂᒃ. ᑖᓐᓇ IP ᐃᑲᔪᕐᑐᖅ ᓴᖑᐊᑦᓯᓂᒃᑯᑦ ᐱᒍᑦᔨᒍᑕᐅᓚᖓᔪᓂᒃ ᓱᕐᖁᐃᕈᑕᐅᑦᓱᓂᓗ ᐊᑐᓂ ᐃᓕᓐᓂᐊᑎᐅᑉ ᐱᓂᖓᓂᒃ ᐱᒋᐊᓕᒻᒥᓂᒃ ᐋᕐᕿᓱᕐᓯᒪᑦᓯᐊᑎᓪᓗᒋᑦ ᐃᒻᒥᒍᑦ ᐱᒋᐊᓕᓪᓗᑯᖏᓐᓄᑦ.
ᐱᓇᓱᑦᑕᐅᓂᖓ ᑐᕌᕈᑕᐅᑉᐸᑦ ᐱᖕᖑᐃᓂᕐᒧᑦ ᑲᒪᒍᑎᑦᓭᑦ ᐸᕐᓇᓯᒪᐅᑎᖓᓂᒃ (IP), ᐳᐃᒍᕐᑌᓕᓗᑎᑦ CCS-ᑯᑦ ᐱᓇᓱᑦᑎᖏᑦ ᑕᒐᐅᒻᒪᑕ ᐃᓕᓐᓂᒃ ᐃᑲᔪᕈᓐᓇᓱᑎᒃ ᑭᐅᓗᑎᓪᓗ ᖃᓄᑐᐃᓐᓇᖅ ᐊᐱᕐᓲᑎᑦᓴᖃᕈᕕᑦ!
ᑖᓐᓇ ᐊᑐᐃᓐᓇᐅᓴᐅᑎᒋᔪᖅ ᐱᓇᓱᐊᕈᑎᑦᓴᖅ ᐃᑲᔪᕐᓯᓚᕆᖁᔭᕗᑦ ᐱᓇᓱᓐᓂᖓᓐᓂᒃ ᐃᓕᓐᓂᐊᕕᒻᒥ ᐱᓇᓱᑦᑏᑦ ᐃᑲᔪᕐᓯᒍᑕᐅᓗᓂᓗ ᐱᕙᓪᓕᑎᑦᓯᓂᕐᒥᒃ ᓴᐳᒻᒥᐅᑏᑦ ᐃᓕᓐᓂᐊᑎᓄᑦ ᒪᓂᔪᑦ ᐱᐅᓂᖓᓂᒃ. ᓄᐃᑦᓯᒪᑦ ᑐᑭᓯᑦᓴᓯᐊᓂᒃ ᑎᓕᐅᕆᒍᑎᓂᒃ ᐊᒻᒪᓗ ᓄᐃᑦᓯᓯᐊᕐᒪᑦ ᐊᑐᓂ ᐊᓪᓗᕆᐊᕐᑕᕈᑎᒥᒃ ᐱᓇᓱᑦᑕᐅᓂᖓᓄᑦ, ᑖᓐᓇ ᑕᑯᒋᐊᑲᑦᑕᓗᒍ ᑐᑭᒧᐊᒍᑎ ᐃᑲᔪᕐᑎᒋᒍᓐᓇᑕᓯ ᓇᓗᕐᖁᑎᖕᖏᓂᕐᓴᐅᓂᐊᕋᑦᓯ ᐊᑐᐃᓐᓇᐅᓂᕐᓴᐅᓗᓯᓗ ᓂᐳᕐᑎᓯᒋᐊᓚᖓᓂᕐᒧᑦ ᐊᑦᔨᒌᖕᖏᑐᓂᒃ ᐃᓕᓐᓂᐊᑏᑦ ᐱᒋᐊᓕᖏᓐᓂᒃ.