ᐃᓕᓐᓂᐊᑏᑦ ᓇᔪᒐᖓᓂ ᐊᐅᓚᑦᓯᓂᖅ ᐊᑦᓱᕈᕐᓇᐅᑎᖃᕐᖁᖅ, ᑭᓯᐊᓂ ᐊᐅᓚᑕᐅᒋᐊᖃᕐᒥᔪᖅ! ᐃᓚᐅᓚᐅᕆᑦ ᖁᕕᐊᓱᒍᑎᖁᖃᕐᑎᓗᑕ ᐊᑯᓂ ᐱᓇᓱᑦᑎᒋᓕᕐᑕᑎᓐᓂ ᐋᓚᓯ ᐴᑎᒥᒃ, ᑲᔪᓯᕕᒃ ᐃᓄᒻᒪᕇᑦ ᐃᓕᓐᓂᐊᕕᖓᓂ ᐊᐅᓚᑦᓯᔨ ᑰᑦᔪᐊᒥ, ᑕᑯᒋᐊᓪᓚᓚᐅᕆᑦ ᖃᓄᖅ ᐊᐅᓚᑕᐅᓲᖑᒻᒪᖔᑦ ᐃᓄᒻᒪᕇᑦ ᐃᓕᓐᓂᐊᕕᖓ.

ᑲᑎᕕᒃ ᐃᓕᓴᕐᓂᓕᕆᓂᕐᒥ, ᐱᓪᓗᑐᐊᓗᑦᓴᖁᒍᑦ ᓴᐳᑦᔭᐅᓂᑦᑎᓂ ᑐᓂᒪᔪᓄᑦ ᐊᒥᓱᓄᑦ ᐊᑯᓂ ᐱᓇᓱᑦᑎᐅᓕᕐᑐᓄᑦ, ᐃᑲᔪᕐᓯᒪᕙᑦᑐᓄᑦ ᐃᓕᓐᓂᐊᑎᖁᑎᑦᑎᓂ ᓄᓇᕕᓕᒫᒥ.

ᐆᑦᑑᐱᕆ 2024-ᖑᓚᐅᔪᔪᒥ, ᐃᑦᓯᕙᖃᑎᖃᓚᐅᔪᕗᒍᑦ ᐋᓚᓯ ᐴᑎᒥᒃ, ᑲᔪᓯᕕᒃ ᐃᓄᒻᒪᕇᑦ ᐃᓕᓐᓂᐊᕕᖓᑕ ᑲᒪᔨᒻᒪᕆᖓ ᑰᑦᔪᐊᒥ, ᑐᑭᓯᒋᐊᕈᒪᑦᓱᑕ ᐋᓚᓯᐅᑉ ᐅᓂᒃᑲᐅᓯᖓᓂᒃ.

ᐋᓚᓯ ᐱᓇᓱᑦᓯᒪᓕᕐᑐᖅ ᑲᔪᓯᕕᒃ ᐃᓄᒻᒪᕇᑦ ᐃᓕᓐᓂᐊᕕᖓᓂ ᑰᑦᔪᐊᒥ 2000-ᒥᓂᑦ, ᑭᓯᐊᓂ ᐊᕐᖁᑎᒋᓚᐅᔪᔭᖓ ᑲᑎᕕᒃ ᐃᓕᓴᕐᓂᓕᕆᔨᑎᒍᑦ ᐱᒋᐊᓚᐅᕐᓯᒪᔪ ᓯᕗᓂᐊᓗᐊᒍᑦ, 1985-ᖑᑎᓪᓗᒍ ᔮᓂᒻᒪᕆᐅᑉ ᐃᓕᓐᓂᐊᕕᖓᓂ ᐱᒋᐊᕐᕕᖃᕐᓯᒪᔪᖅ. ᑲᒪᔨᒻᒪᕆᐅᓂᖅ ᐃᓕᓐᓂᐊᕕᓐᓂ ᐱᔭᕆᐊᑭᑦᑐᐊᐱᐅᑦᔭᖏᓪᓚᖅ, ᐊᒥᓱᐊᕐᑎᓱᓂ ᓅᑦᑎᑎᖃᑦᑕᓂᕐᒥᒃ ᐱᔭᕆᐊᖃᓲᖑᕗᖅ. “ᖃᓄᓕᒫᖅ ᓱᓇᓕᒫᓂᓪᓗ ᐱᔭᑦᓴᖃᕐᓇᑐᖅ” ᐅᓐᓂᓯᐅᓚᐅᔪᖅ.

ᐱᓀᓗᑕᓂᑦ ᑭᐅᑦᔪᑎᓯᐅᕐᓂᖅ ᐋᓚᓯᐅᑉ ᐱᓇᓱᐊᓗᐊᖕᖑᐊᖃᑦᑕᑕᖓ, ᐱᓗᐊᖕᖑᐊᑐᒥ ᐃᓕᓐᓂᐊᑏᑦ ᓇᔪᒐᖓᓂ. “ᐃᓚᖓᓂ ᐊᔪᕐᓇᓯᓲᖅ ᐱᓇᑦᑎᓴᕐᓯᐅᓂᓱᓂ ᐃᒐᔨᑦᓴᓂᑦ ᐅᓐᓄᐊᓯᐅᕐᑎᓴᓂᓪᓘᓃᑦ. ᐅᐱᓐᓇᕋᓂ, ᐃᓚᖓᓂ ᐃᒐᔨᐅᓯᕙᑦᑐᖓ!” ᐅᓐᓂᓯᐅᕐᑐᖅ.

ᐊᑦᓱᕈᕐᓇᑐᑦ ᑌᒪᖕᖓᑦ ᐱᒻᒪᕆᐅᓂᕐᐹᒥᒃ ᐊᑭᖃᓲᖑᕗᖅ, ᐃᑲᔪᕐᓂᖅ ᐃᓕᓐᓂᐊᑎᓂᑦ ᓯᕗᓂᑦᓴᕆᓂᐊᕐᑕᖓᓄᑦ! “ᐊᒥᓱᓂᑦ ᐱᒃᑯᒪᔭᕐᓱᒐᑦᓴᖃᕐᖁᖅ. ᑭᓇᓕᒫᒃᑯᑦ ᑕᕐᕋᓕᐊᕈᒪᑦᔭᖏᓪᓚᑦ, ᐱᒋᐅᕐᓴᔭᐅᕕᒻᒧᓘᓐᓃᑦ. ᐃᓕᓐᓂᐊᑏᑦ ᐊᓂᕐᕋᒥ ᐃᓕᓐᓂᐊᕋᑦᓴᖃᑐᐊᕐᒪᑦ ᐊᐅᓪᓚᕈᒪᓲᖑᖕᖏᑐᑦ, ᕈᒪᔭᕐᓱᑐᐃᓐᓇᐅᒐᑦᑕ”

ᐊᐱᕆᔭᐅᓕᕋᒥ ᓱᒧᑦ ᐱᔪᑦᓴᐅᔮᓚᕿᓯᒪᒻᒪᖔᕐᒥ, ᐋᓚᓯ ᑭᐅᑦᓴᐅᑎᒋᐊᐱᓚᐅᔪᖅ. “ᐃᓕᓐᓂᐊᑎᓄᑦ!”, ᑭᐅᑦᔪᑎᖓ, ᐃᓚᒋᐊᕆᑦᓱᓂ ᑕᑕᒥᓐᓇᑐᓂᑦ ᑕᑯᓲᖑᒐᒥ ᐃᓕᑦᓯᕕᖃᕐᓱᓂᓗ ᐃᓕᓐᓂᐊᑎᓂᑦ.

ᓇᑯᕐᒦᒃ ᐅᓐᓂᓯᐅᕐᕕᒋᒐᑦᑎᒍ ᐋᓚᓰ!

ᑐᑭᓯᒋᐊᑦᓯᐊᕈᒪᒍᕕᑦ ᐃᓄᒻᒪᕇᑦ ᐃᓕᓐᓂᐊᕕᖏᓐᓄᐊᖓᔪᓂ, ᐅᓇ ᓃᓂᓚᐅᕈᒃ.

ᐱᓇᓱᑦᑐᓴᕐᓯᐅᐳᒍᑦ! ᐱᓇᓱᐊᖃᒌᑦᑐᓄᑦ ᐃᓚᐅᒋᑦ ᐅᕙᑦᑎᓄᑦ ᐱᓇᓱᒐᕐᒧᑦ ᐃᓕᒐᓱᐊᕈᑎᓕᐅᕐᓗᑎᓗ ᐅᓪᓗᒥ.
ᐃᓕᒐᓱᐊᕆᑦ ᒫᓐᓇ ➔