ᐃᓕᓐᐊᑏᑦ ᑳᓇᒍᐊᑭᒥᑦ ᑳᓂᓯᑖᑭᒥᓪᓗ ᐱᓯᒪᔪᑦ ᑭᒡᒐᑐᓛᕐᑐᐃᑦ “ᓄᓇᖃᕐᖄᓯᒪᔪᑦ ᑯᐯᒻᒥ” ᓄᓇᖏᓐᓂ ᑲᓇᑕᓕᒫᒥ ᓱᑯᐃᔦᓂᕐᒧᑦ ᑕᑯᑦᓴᐅᑎᑦᓯᑎᓪᓗᒋᑦ (ᕕᑐᕆᒃᑕᓐ, ᒣ 15-17, 2019)

2019 | 03 | 28
ᑐᓴᕋᑦᓴᖅ

ᑰᑦᔪᐊᑦ, ᑯᐯᒃ (ᒫᑦᔨ 28, 2019) – ᐊᓕᐊᓱᑉᐳᒍᑦ ᑐᓴᕐᑎᓯᒋᐊᒥᒃ ᐊᑎᖏᓐᓂᒃ ᓵᓚᖃᕐᓯᒪᔪᓂᒃ ᑕᒃᑲᓂ ᐊᕐᕌᒍᒥᓂᑕᕐᓂᒃ ᑯᐲᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒧᑦ ᑕᑯᑦᓴᐅᑎᑦᓯᓂᖓᓄᑦ: ᒣᔭ ᒪᒃᕆᑯ, ᑳᓇᒍᐊᑭᒥᐅᖅ, ᐱᓇᓱᐊᕐᓯᒪᔭᕐᒥᓄᑦ ᐱᐅᓂᕐᐹᔭᒥᒃ ᐊᔪᑦᑕᕈᑎᒥᒃ ᐸᑦᑕᒥᒃ, ᐊᒻᒪᓗ ᑲᕆᕿᐊᑦᓯᑕ ᑲᐳᓪᔅ, ᑳᓂᓯᑖᑭᒥᐅᖅ, ᐱᓇᓱᐊᕐᓯᒪᔭᒥᓄᑦ ᑏᕐᓗᓕᐅᕐᓱᓂ ᓇᐹᕐᑐᕕᓂᕐᒥᒃ. ᐊᑕᐅᑦᓯᑯᑦ, ᑭᒡᒐᑐᓛᕐᑑᒃ “ᓄᓇᖃᕐᖄᓯᒪᔪᑦ ᑯᐯᒻᒥ” ᓄᓇᓕᖏᓐᓂᒃ 2019ᒥ ᑲᓇᑕᓕᒫᒥ ᓱᑯᐃᔦᓂᕐᒥᒃ ᑕᑯᔭᒐᖃᕐᑎᓯᑎᓪᓪᓗᒋᑦ (Fredericton, New Brunswick-ᒥ, ᒣ 15-ᒥᑦ 17-ᒧᑦ, 2019-ᒥ). ᓱᓕᒋᐊᓪᓚᒃ, ᑎᐊᔅᑎᓂ ᑰᑌ, ᑭᑎᒐᓐ ᔩᐱᒥᐅᖅ, ᐃᓚᐅᓛᕐᑐᖅ ᓄᓇᓕᕐᔪᐊᓂ ᓱᑯᐃᔦᓂᕐᒥ ᑕᑯᔭᒐᖃᕐᑎᓯᔪᓂ, ᐱᓂᐊᕐᓂᖅ ᑖᓐᓇ ᐊᑑᑎᓛᕐᑐᖅ ᐊᐳ ᑐᐯᒥ (United Arab Emirates, ᓯᑉᑎᒻᐱᕆ 2019-ᒥ). ᑎᐊᔅᑎᓂ ᓄᐃᑦᓯᓚᐅᕐᑐᖅ ᐱᓇᓱᐊᕐᑕᒥᓂᒃ ᖃᐅᔨᓴᕈᑎᒥᒃ ᓴᓇᖕᖑᐊᓂᐅᑉ ᐊᑐᕐᑕᐅᓂᖓᓂᒃ ᒪᒥᓴᕈᑎᒋᑦᓱᒍ.

ᐃᓚᒋᐊᕈᑕᐅᑎᓪᓗᒍ ᓵᓚᖃᕐᓯᒪᔪᓄᑦ ᐱᓕᐅᑦᔨᑎᑦᓯᓂᕐᒧᑦ, ᓴᓚᖃᐅᑏᑦ ᐁᑦᑐᑎᐅᓚᐅᔪᒻᒥᔪᑦ ᐊᒥᓱᓂ ᐊᕕᑦᑐᓯᒪᔪᓂ, ᐅᓪᓗᖃᕐᑎᑕᐅᑎᓪᓗᒋᑦ ᐅᓐᓄᖓᓂ ᑰᑦᔪᐊᖅ ᓄᓇᓕᐊᐱᖓᑕ ᐊᓪᓚᕕᖓᑕ ᑲᑎᑦᑕᕕᖓᓂ ᐃᓄᓕᒫᑦ. ᐅᖄᓚᐅᔪᖅ ᑕᒡᒐᓂ, ᐄᑐᐊ ᓯᓅᐹ ᐅᐱᒍᓱᓐᓂᒥᓂᒃ ᐃᓚᐅᔪᓂᒃ ᖃᐅᔨᒪᓂᖏᓐᓄᑦ, ᐱᓇᓱᐊᑦᓯᐊᓯᒪᓂᖏᓐᓄᑦ ᐊᒻᒪᓗ ᑕᑯᒍᓐᓇᓯᐊᕐᓂᖏᓐᓄᑦ ᓄᑖᑦᓯᐊᒥᒃ ᓱᑯᐃᔦᓂᕐᒥᒃ ᐃᓄᓐᓂ ᐊᒻᒪᓗ ᓄᓇᖃᕐᖄᓯᒪᔪᑦ ᖃᐅᔨᒪᒍᓯᖏᓐᓂᒃ.

2019-ᒥ ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒧᑦ ᑕᑯᑦᓴᐅᑎᑦᓯᓂᖓ ᑲᑎᑎᑦᓯᔪᖅ ᐃᓚᐅᔪᓂᒃ 30-ᓂᒃ ᐊᑦᔨᒌᖕᖏᑐᓂᒃ ᓄᓇᖃᕐᖄᓯᒪᔪᓂᒃ ᐊᒻᒪᓗ ᐃᓄᐃᑦ ᓄᓇᓕᖏᓐᓂ ᐱᓯᒪᔪᓂᒃ. ᐋᓪᑳᓐᑯᐃᓐ, ᐊᑎᒃᑲᒥᒃ, ᑯᔩ, ᕿᐅᔮᓐ-ᕗᐃᓐᑖᑦ, ᐃᓄᐃᑦ, ᐃᓅ, ᒥᒃᒫᒃ ᐊᒻᒪᓗ ᒨᖄᒃᑯᑦ ᓄᓇᓕᖏᓐᓂᑦ ᐱᓯᒪᔪᑦ ᓄᐃᑕᓚᐅᔪᑦ.

ᐃᓚᒋᐊᕈᑕᐅᑎᓪᓗᒍ ᓵᓚᖃᕐᓯᒪᔪᓄᑦ ᐱᓕᐅᑦᔨᑎᑦᓯᓂᕐᒥ, ᓵᓚᖃᐅᑏᑦ ᐁᑦᑐᑎᐅᓚᐅᔪᑦ ᐊᒥᓱᓄᑦ ᐊᕕᑦᑐᓯᒪᔪᓄᑦ.

  • ᓱᑯᐃᔦᓂᕐᒧᑦ ᐱᕙᓪᓕᐊᓂᕐᒧᑦ ᓵᓚᖃᐅᑎ: ᕕᕌᓂᑲ ᕙᓚᒥᖕ-ᒫᔅᑎ ᐊᒻᒪᓗ ᓵᒥᐅᓪ ᐃᑦᑐᓵᑦ (ᑰᒃᔪᐊᕌᐱᒃ)
  • ᖃᓄᐃᖕᖏᓯᐊᕐᓂᒧᑦ ᓱᑯᐃᔦᓂᕐᒧᑦ ᓵᓚᖃᐅᑎ: ᐃᐊᓚ ᑯᕆᒻᓯᑎᐊᑦ ᐊᒻᒪᓗ ᕆᒻ ᕋᑌᕕ (ᓯᓵᓯᐱ)
  • ᐊᕙᑎᓕᕆᓂᕐᒧᑦ ᐱᓇᓱᐊᕐᓂᒧᑦ ᓵᓚᖃᐅᑎ: ᑕᕈᓐᙯᓐᐊᒍᐃᑕ (ᑳᓇᒍᐊᑭ)
  • ᐃᓗᕐᖁᓯᓕᕆᓂᕐᒧᑦ ᕿᒻᒪᖁᑎᒧᑦ ᓵᓚᖃᐅᑎ: ᖂᑉ ᑎᓈᔅᑯ (ᑭᑎᒐᓪ ᔩᐱ)
  • ᑐᓴᐅᒪᖃᑎᒌᓐᓂᒧᑦ ᓵᓚᖃᐅᑎ: ᓯᐊᕋ ᒥᒃᑑᑲᓪ (ᐸᕆᐁᕐ ᓓᒃ) ᐊᒻᒪᓗ ᔮᔨ ᖃᕙᕙᐅ (ᓴᓪᓗᐃᑦ)
  • ᐳᕐᑐᓂᕐᓭᑦ 4 ᐊᒻᒪᓗ 5 – ᓯᕗᓪᓕᐹᖅ: ᑲᕆᖁᕿᐊᑦᓯᑕ ᑲᐳᓪᔅ (ᑳᓂᓯᑖᑭ)
  • ᐳᕐᑐᓂᕐᓭᑦ 4 ᐊᒻᒪᓗ 5 – ᑐᖓᓕᖓ: ᑎᐊᔅᑎᓂ ᑰᑌ (ᑭᑎᒐᓐ ᔩᐱ)
  • ᐳᕐᑐᓂᕐᓭᑦ 4 ᐊᒻᒪᓗ 5 – ᐱᖓᔪᖓ: ᓯᓕᓐ ᑐᑲᓚᒃ ᐊᒻᒪᓗ ᓯᐊᔭ ᐅᙯᑦᑐᒃ-ᑯᕐᒥᐁᕐ (ᐳᕕᕐᓂᑐᖅ)
  • ᐳᕐᑐᓂᕐᓭᑦ 2 ᐊᒻᒪᓗ 3 – ᓯᕗᓪᓕᐹᖅ: ᒧᕐᓭᑎᔅ ᑰᑌ ᐊᒻᒪᓗ ᒥᑭᐊᓐᓯ ᑰᑌ (ᑭᑎᒐᓐ ᔩᐱ)
  • ᐳᕐᑐᓂᕐᓭᑦ 2 ᐊᒻᒪᓗ 3 – ᑐᖓᓕᖓ: ᒣᔭ ᒥᒃᕆᑯ (ᑳᓇᒍᐊᑭ)
  • ᐳᕐᑐᓂᕐᓭᑦ 2 ᐊᒻᒪᓗ 3 – ᐱᖓᔪᖓ: ᔮᒃ ᕙᓚᒫᓐ ᐊᒻᒪᓗ ᐅᐊᓐ ᕿᑎᒃ (ᒫᓇᒍᐊᓐ)
  • ᐳᕐᑐᓂᕐᓴᖅ 1 – ᓯᕗᓪᓕᐹᖅ: ᔮᓴᓚ ᐃᑦᑐᒃ ᐊᒻᒪᓗ ᑖᓚᓯᐊ ᐃᑦᑐᒃ (ᑲᖏᕐᓱᐊᓗᒃᔪᐊᖅ)
  • ᐳᕐᑐᓂᕐᓴᖅ 1 – ᑐᖓᓕᖓ: ᐊᒃᒍᐃᖃᕋᓐᑲᓐ ᐳᐊᕐᑑ (ᑳᓇᒍᐊᑭ)
  • ᐳᕐᑐᓂᕐᓴᖅ 1 – ᐱᖓᔪᖓ: ᑖᓂᑲ ᓂᐊᑉᑕᓐ ᐊᒻᒪᓗ ᒥᓗᕆ ᕕᕉ (ᒫᔅᑎᐅᐃᐊᑦᔅ)
  • ᐳᕐᑐᓂᓕᒃ 6 – ᓯᕗᓪᓕᐹᖅ: ᐃᐊᓚ ᖁᕆᒻᓯᑎᐊᑦ ᐊᒻᒪᓗ ᕆᒻ ᕋᑌᕕ (ᓯᓵᓯᐱ)
  • ᐳᕐᑐᓂᓕᒃ 6– ᑐᖓᓕᖓ: ᑌᓯ ᐹᓪ ᐊᒻᒪᓗ ᔪᐊᑕᓐ ᒥᒃᑰᒻᐸ (ᑳᓇᒍᐊᑭ)
  • ᐳᕐᑐᓂᓕᒃ 6– ᐱᖓᔪᖓ: ᒧᕐᓭᑎᔅ ᔪᕐᑌᓐ ᐊᒻᒪᓗ ᐊᒍᐁᔅᑕ ᓯᐅᐃ-ᐅᑎᐊᑦ (ᒍᐃᓐᑖᑭ)
  • ᐳᕐᑐᓂᓕᒃ 5 – ᓯᕗᓪᓕᐹᖅ: ᔪᑯᐃᔅ ᓯᐅᐃ-ᐅᑎᐊᑦ ᐊᒻᒪᓗ ᒍᐊ-ᑕ ᑯᕈ-ᓗᐃ (ᒍᐃᓐᑖᑭ)
  • ᐳᕐᑐᓂᓕᒃ 5– ᑐᖓᓕᖓ: ᖂᑉ ᑎᓈᔅᑯ (ᑭᑎᒐᓐ ᔩᐱ)
  • ᐳᕐᑐᓂᓕᒃ 5 – ᐱᖓᔪᖓ: ᑖᓐ-ᒪᕐᑌᓐ ᕙᓚᒫᓐ ᐊᒻᒪᓗ ᒥᑲᓐ ᒧᐊᕐᕗᕋᒻ (ᒫᓇᒍᐊᓐ)

ᑭᓇᒃᑰᓂᕗᑦ:

ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᓇᓂᕐᒥᓗ ᖃᐅᔨᒪᔨᒻᒪᕇᑦ ᑲᑐᑦᔨᖃᑎᒌᓐᓂᖓ (QASEA) ᖄᖏᕐᓂᑯᓕᐅᕐᑎᐅᖏᑦᑐᖅ ᑎᓕᔭᐅᒪᐅᑎᖃᕐᓱᓂ ᐃᓕᓴᕐᑕᐅᒍᒪᓕᕐᑎᓯᓂᕐᒥᒃ ᓱᑯᐃᔦᓂᕐᒥᓗ ᓴᓇᓂᕐᒥᓗ ᓄᓇᓕᑐᖃᕐᓄᑦ ᐅᕕᒃᑲᓄᑦ ᐃᓕᓵᓄᑦ ᓄᓇᓕᑐᙯᑦ ᐃᓄᐃᓪᓗ ᓄᓇᓕᖏᓐᓂ ᑯᐯᒻᒥᐅᓂᒃ. ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᓇᓂᕐᒥᓗ ᑲᐅᔨᒪᔨᒻᒪᕇᑦ ᑲᑐᑦᔨᖃᑎᒌᓐᓂᖓ (QASEA) ᑎᓕᔭᐅᒪᐅᑎᒥᓄᑦ ᑎᑭᐅᑎᒍᓐᓇᓯᓲᖅ ᓄᓇᓕᑐᖃᕐᓂᒃ ᓱᑯᐃᔭᕐᓯᒪᔭᒥᓂᒃ ᑕᑯᑦᓴᐅᑎᑦᓯᓂᕐᒥᒃ ᐱᓇᓱᐊᕐᓂᒥᒍᑦ. ᑐᑭᓯᒋᐊᑦᓯᐊᕕᑦᓴᖅ ᖃᕆᑕᐅᔭᒃᑯᑦ: www.asfquebec.ca

ᐃᓕᓴᕐᓂᓕᕆᓂᖅ:

ᑲᑎᕕᒃ ᐃᓕᓴᕐᓂᓕᕆᓂᖅ ᓄᐃᑕᐅᓯᒪᔪᖅ 1975ᒥ, ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᒧᑦ. 1978ᒥᓂᑦ, ᓄᓇᕕᒻᒥᐅᓕᒫᑦ ᐃᓕᓴᕐᓂᓕᕆᔨᑐᐊᕆᓯᒪᔭᖏᑦ. ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᐅᑉ ᐅᖃᐅᓯᕐᑕᖏᑎᒍᑦ, ᐃᓕᓴᕐᓂᓕᕆᓂᖅ ᐊᑦᔨᒋᔭᐅᖕᖏᓂᕐᓴᓂᒃ ᓄᑭᖃᕐᕕᓕᒃ ᑐᑭᑖᕈᓐᓇᕕᖃᕐᓱᓂᓗ ᐱᐅᓕᐊᕐᑕᐅᒋᐊᖃᕐᓂᖏᓐᓄᑦ ᐱᕙᓪᓕᐊᑎᑕᐅᒋᐊᖃᕐᓂᖏᓐᓄᓗ ᐃᓄᐃᑦ ᐅᖃᐅᓯᖓᑕ, ᐃᓕᕐᖁᓯᖓᑕ, ᐃᓅᓯᖓᑕᓗ, ᐃᓕᓐᓂᐊᓂᖃᕐᑎᓯᓂᒃᑯᑦ ᐃᓄᓐᓅᓕᖓᔪᓂᒃ ᐃᓕᓴᕋᑦᓴᖃᕐᑎᓯᓂᒃᑯᓗ. ᐃᓕᓴᕋᑦᓴᓕᐊᕆᔭᐅᓯᒪᔪᑦ ᐃᓕᓴᕐᓂᓕᕆᕕᒻᒥ ᐃᓕᓭᒍᑕᐅᓲᑦ ᖁᓕᓪᓗ ᓯᑕᒪᓪᓗᓂ ᓄᓇᕕᒻᒥ ᓄᓇᓕᓐᓂ, ᐃᓄᒃᑎᑐᑦ ᐅᖃᐅᓯᕐᖄᒍᑎᓪᓗᒍ ᑌᒪ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᖓᓂᒃ. ᐃᓕᓴᕐᓂᓕᕆᓂᖅ ᐊᐅᓚᑦᓯᔪᖅ ᖁᓕᓪᓗ ᓯᑕᒪᐅᔪᖕᖏᒐᕐᑐᓗᓐᓂᒃ ᐃᓕᓴᕐᕕᓂᒃ ᒥᑭᓂᕐᓴᓄᑦ ᐳᕐᑐᓂᕐᓴᓄᓪᓗ ᐊᒻᒪᓗ ᑕᓪᓕᒪᓂᒃ ᐃᓄᒻᒪᕆᓐᓄᑦ ᐃᓕᓴᕐᕕᓂᒃ ᐊᒻᒪᓗ ᐃᓕᓐᓂᐊᕕᒻᒪᕆᒻᒧᑦ ᐃᓕᓴᕐᑐᓭᑦ ᐱᒋᐅᕐᓴᔭᐅᕕᖓᓂᒃ. ᑐᑭᓯᒋᐊᑦᓯᐊᕕᑦᓴᖅ ᖃᕆᑕᐅᔭᒃᑯᑦ: www.kativik.qc.ca

— 30 —

ᑐᑭᓯᒋᐊᕐᕕᓴᖅ:

ᔮᑦ ᑐᓯᓅ-ᐱᕐᓀ
ᑐᓴᕋᑦᓴᓕᕆᕕᒻᒥ ᐊᑕᐅᑦᓯᑰᕐᑎᓯᔨ
publicrelations@kativik.qc.ca

or

ᐅᕝᕙᓘᓐᓃᑦ
ᒫᒃ ᓚᓛᓐᑦ
ᐊᖓᔪᕐᖄᖅ-ᑮᓇᐅᔭᓕᕆᔨ
ᑯᐯᒃ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒧᑦ ᐊᒻᒪᓗ ᖃᐅᔨᒪᔨᒻᒪᕇᑦ ᓴᓇᓂᒃᑯᑦ ᑲᑐᑦᔨᖃᑎᒌᖏᑦ (QASEA)
(819) 684-1889