ᑕᕐᓴᑲᓪᓚᒦᒋᐊᖃᕐᓂᖁᑎᑦ ᐃᓕᓐᓂᐊᕕᒻᒥ ᐅᑭᐅᒥ ᐱᖕᖑᐊᓂᕐᔪᐊᖓᓂ!

2018 | 03 | 6
ᐅᓂᒃᑳᑦ

ᐃᓱᒪᔪᕕᓂᐅᑐᐊᕈᕕᑦ ᐅᑭᐅᒥ ᐱᖕᖑᐊᓂᕐᔪᐊᖅ ᓯᕿᓂᖓᓂ ᑯᔨᐊ ᐊᓕᐊᓇᕐᓂᖓᓂᒃ, ᑕᕐᓴᑲᓪᓚᒦᒋᐊᖃᕐᓂᖁᑎᑦ ᐃᓕᓐᓂᐊᕕᒻᒥ ᐅᑭᐅᒥ ᐱᖕᖑᐊᓂᕐᔪᐊᖓᓂ! ᐱᖕᖑᐊᓂᕐᔪᐊᖅ ᐱᓇᓱᐊᕈᓯᕐᓂ ᒪᕐᕉᓂ ᐊᑑᑎᓚᐅᕐᖁᖅ (ᕕᕈᐊᕆ 12-ᒥᑦ 23-ᒧᑦ, 2018), ᐅᒃᑯᐃᑕᐅᓂᖃᓚᐅᔪᖅ ᐃᓘᓐᓇᑎᒃ ᖃᕆᐊᑦ ᐃᓕᓐᓂᐊᕖᑦ ᑐᓴᕐᑎᓯᑎᓪᓗᒋᑦ ᓯᓚᑦᔪᐊᒥ ᐊᕕᑦᑐᓯᒪᔪᓂᒃ ᓇᓪᓕᐊᓂᒃ ᓴᓇᔪᕕᓂᐅᓂᕐᒥᓂᒃ ᐊᒻᒪᓗ ᓭᒻᒪᑎᒥᓂᒃ ᓄᐃᑕᑎᑦᓯᓱᑎᒃ ᖃᕆᐊᒥᓂ.

ᐃᓕᓐᓂᐊᕕᒃ ᑕᑯᓐᓇᑕᖃᕐᑎᓗᒍ ᐱᒻᒪᕆᐅᓂᖓᓂᒃ ᐊᔪᐃᓐᓇᓂᐅᑉ ᐊᒻᒪᓗ ᑐᑭᑖᕐᓯᒪᓂᐅᑉ ᑫᓪᓗᑐᐃᓂᕐᒥᒃ ᐃᓕᓐᓂᐊᑎᒥᒃ ᐆᑦᑐᕋᕐᓂᒥᒃ ᓄᑖᒥ ᐱᖕᖑᐊᕈᑎᒥᒃ ᐃᙯᓕᓴᕐᓂᑯᑦ ᐊᒻᒪᓗ ᓱᒐᓱᐊᕐᓂᒥᒃ ᐃᓕᓐᓂᐊᕕᒻᒥ. “ᐱᐅᔫᕗᖅ ᐋᕐᕿᓱᐃᓂᐅᑦᓱᓂ ᐃᓕᓐᓂᐊᕕᐅᑉ ᐆᒪᓂᖓᓂᒃ, ᐱᓇᓱᖃᑎᒌᓐᓂᒥᒃ ᐊᒻᒪᓗ ᐊᔪᐃᓐᓇᓂᕐᒥᒃ” ᐅᖃᕐᑐᖅ ᓕᓕᐊᓐ ᕿᔅᓛᑉ, ᐃᓕᓐᓂᐊᑎᑦᓯᔨ ᑕᕐᓴᑲᓪᓚᐅᑉ ᐃᓕᓐᓂᐊᕕᖓᓂ.

ᓱᖁᑦᓯᑎᑦᓯᓂᖅ ᐃᓚᐅᑎᑦᓯᓚᐅᔪᖅ ᓯᑐᕋᕐᓂᒥᒃ, ᓯᑐᕋᐅᓯᔭᕐᓂᒥᒃ, ᐊᑕᐅᓯᕐᒥᒃ ᐊᒻᒪᓗ ᒪᕐᕉᓂᒃ ᓂᐅᓐᓂᒃ ᐊᑐᕐᓱᓂ ᑐᑭᕆᐊᕐᓂᖅ ᑭᖏᑦᑐᒧᑦ, ᓱᑲᑦᑐᒥᒃ ᓯᐊᕐᕿᔭᐅᓯᔭᕐᓂᖅ ᐊᒻᒪᓗ ᐊᔫᕆᓕᐅᑎᓂᖅ. ᐃᓕᓐᓂᐊᑏᑦ ᐊᓕᐊᓱᒻᒪᕆᑦᑐᕕᓃᑦ ᓱᖃᑦᓯᑎᑕᐅᒍᑎᓂᒃ, ᐱᓕᐅᑦᔨᓂᕐᒥᒃ ᐊᒻᒪᓗ ᓵᓚᖃᓕᐅᑎᓂᕐᒥᒃ. “ᐃᓕᓐᓂᐊᑎᓕᒫᓂᒃ ᐱᓯᑎᐅᒍᑎᑖᕐᑎᓯᒍᒧᓚᐅᔪᒍᑦ ᓄᐃᑎᑦᓯᔪᕕᓂᕐᓂᒃ ᐊᔪᐃᓐᓇᓂᕐᒥᒃ ᐊᒻᒪᓗ ᐱᒐᓱᐊᕐᓂᒥᒃ ᑕᒃᑲᓂ ᐱᓇᓱᐊᕈᓰᓐᓂ ᒪᕐᕉᓂ” ᐅᖃᕐᑐᖅ ᓕᓕᐊᓐ.

ᐱᔭᕇᕋᒥᒃ ᐱᓇᓱᐊᒻᒪᕆᓐᓂᒥᓂ ᐊᒻᒪᓗ ᓵᓚᖃᓕᐅᑎᓂᕐᒥᓂ, ᐱᖕᖑᐊᓂᖅ ᓄᕐᖃᓚᐅᔪᖅ ᐅᒃᑯᐊᕈᓯᕐᑕᐅᓱᓂ, ᐃᓕᓐᓂᐊᑏᑦ ᓵᓚᖃᐅᑎᓂᒃ ᐁᑦᑐᑕᐅᑎᓪᓗᒋᑦ ᐊᒻᒪᓗ ᐸᑎᑦᑕᑕᐅᑦᓱᑎᒃ ᐱᓇᓱᐊᒻᒪᕆᓐᓂᕕᓂᕐᒥᓄᑦ. ᐊᑦᔨᖑᐊᓂᒃ ᑕᑯᒍᓐᓇᖁᑎᑦ ᐅᑭᐅᒥ ᐱᖕᒍᐊᓂᕐᔪᐊᓂᕕᓂᖏᓐᓂᒃ ᑕᕐᓴᑲᓪᓚᐅᑉ Facebook-ᖓᓂ.