ᑐᖑᓂᒃ ᕿᒥᕐᕈᐊᖃᐅᑎ ᐳᕕᕐᓂᑐᒦᑦᑐᖅ, ᐃᓕᑕᕆᔭᐅᓕᕐᓯᒪᔪᖅ ᐱᓂᐊᕐᓂᖓ ᐊᓂᒎᑎᑦᓯᐊᓂᕕᓂᖓᓄᑦ!

2020 | 11 | 19
ᑐᓴᕋᑦᓴᖅ

ᕈᐃᓐ-ᓄᕌᓐᑕ / ᒪᓐᑐᔨᐊᓪ/ ᐳᕕᕐᓂᑐᖅ (ᓅᕕᒻᐱᕆ 19, 2020) – ᐊᔪᓐᓇᕈᑎᕕᓂᐅᓂᑯᖓᓄᑦ ᒪᕐᕉᓂᒃ ᐊᕐᕌᒍᓂᒃ ᐃᓱᐊᕐᓯᕕᒻᒥ ᐃᓕᓴᕐᕕᖓᓄᑦ ᐊᖓᔪᕐᖄᕆᔭᐅᔪᓄᓪᓗ ᐃᓕᓐᓂᐊᓂᕐᒥᒃ ᑲᑎᖕᖓᔨᖏᓐᓄᑦ, ᑐᖑᓂᒃ ᐃᓕᓴᕐᕕᐅᑉ ᓄᓇᓕᐅᓪᓗ ᕿᒥᕐᕈᐊᕕᖓ ᐅᒃᑯᐃᓴᕋᑕᕐᑐᕕᓂᖅ ᐳᕕᕐᓂᑐᒥ. ᑖᑦᓱᒪ ᐊᓂᒎᑎᓂᕕᓂᖓ ᐃᓕᑕᕆᔭᐅᓕᖁᓪᓗᒍ, Réseau BIBLIO ᐊᐱᑎᐲ-ᑎᒥᔅᑲᒣᖕ ᑯᐯᒃ ᑕᕐᕋᖓᓂ (ATNQ) ᑐᓂᓯᓚᐅᕐᑐᕕᓂᖅ 2019 ᐃᓕᑕᕆᔭᐅᒍᑎᖓᓂᒃ ᑐᖑᓂᒃ ᕿᒥᕐᕈᐊᖃᐅᑎᖓᑕ ᑲᑎᖕᖓᔨᖏᓐᓄᑦ ᐳᕕᕐᓂᑐᒥ.

ᐅᒃᑯᐃᑕᐅᓂᖃᕐᑐᕕᓂᐅᑎᓪᓗᒍ ᑐᓂᔭᐅᔪᕕᓂᖅ ᐊᐅᓚᑕᐅᑦᓱᓂ ᐃᓱᕐᓯᕕᐅᑉ ᐃᓕᓴᕐᕕᖓᓂᒃ, ᑖᓐᓇ ᐃᓕᑕᕆᔭᐅᒍᑎ ᑐᓂᔭᐅᔪᕕᓂᖅ ᓘᓯ ᖃᓕᖑᒧᑦ, ᐳᕕᕐᓂᑑᑉ ᓯᕗᓕᕐᑎᖓ, ᐊᒻᒪᓗ ᓄᓇᓕᒻᒥᒃ ᑭᒡᒐᑐᕐᑎ ᑖᑦᓱᒪ ᐱᓇᓱᐊᕐᑕᐅᓂᖓᓂᒃ ᐃᑲᔪᕐᓯᓯᒪᖃᑕᐅᑦᓱᓂ 2018 ᐱᒋᐊᕐᓱᒍ. ᐃᓱᐊᕐᓯᕕᐅᑉ ᐃᓕᓴᕐᕕᖓᑕ ᕿᒥᕐᕈᐊᕋᖃᐅᑎᐅᑉ ᑲᑎᖕᖓᔨᖏᑦ ᓯᐊᕋ ᐸᐅᓪᓐᓗ, ᐳᕕᕐᓂᑐᒥ ᑲᒪᓯᓇᖓᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ, ᑐᓂᔭᐅᔪᕕᓃᑦ ᐃᓕᑕᕆᔭᐅᒍᑎᒥᒃ ᐅᐱᒍᓱᒻᒪᕆᑦᓱᑎᒃ. “ᐃᓕᓴᕐᓂᓕᕆᓂᒃᑯᓂ ᑭᒡᒐᑐᕐᓱᖓ, ᐅᐱᒍᓱᓪᓚᕆᒃᑯᖓ ᐊᔪᐃᓐᓇᕈᑎᐅᔪᕕᓂᕐᓂᒃ ᓄᓇᓕᐅᑉ ᐃᓗᐊᓂ ᐊᖓᔪᕐᖄᕆᔭᐅᔪᓄᑦ, ᐃᓕᓴᕐᕕᒥ ᐱᓇᓱᑦᑏᑦ ᐊᒻᒪᓗ ᐳᕕᕐᓂᑑᑉ ᓄᓇᓕᖓᓂᒃ ᐃᓕᑕᕆᔭᐅᔪᑦ ᖁᕕᐊᓲᑎᐅᑦᓱᑎᓪᓗ,” ᐅᖃᕐᑐᕕᓂᖅ ᐸᐅᓪᓐ.

“ᐃᓕᓴᕐᕕᐅᓗ ᓄᓇᓕᐅᓪᓗ ᕿᒥᕐᕈᐊᖃᐅᑎᖓ ᓄᓇᕕᒻᒦᑐᖅ ᓄᓇᓕᑎᒍᑦ ᓄᐃᑕᐅᔪᕕᓂᖅ ᐃᓚᒌᑦ ᐃᓚᐅᓂᕐᓴᐅᓕᖁᓪᓗᒋᑦ ᕿᑐᕐᖓᒥᑕ ᐃᓕᓴᕐᑕᐅᓂᖏᓐᓄᑦ ᐊᑐᐊᕋᑦᓴᓂᒃ ᐊᑐᐃᓐᓇᐅᑎᑦᓯᖁᓪᓗᒋᑦ,” ᐅᖃᕐᑐᕕᓂᖅ ᕆᑦᓱᑦ ᑐᓱᕋᐅᓪᑦ, ᐊᖓᔪᕐᖄᖅ Réseau BIBLIO ATNQ-ᑯᓐᓂᑦ.

ᖃᐅᔨᒪᔭᐅᖁᔭᕗᑦ ᑐᖑᓂᒃ ᕿᒥᕐᕈᐊᖃᐅᑎᖓ ᐃᑲᔪᕐᑕᐅᓯᒪᓂᖓ ᐱᔪᓐᓇᐅᑎᓕᓐᓄᑦ ᐃᑲᔪᕐᑎᖏᓐᓄᓗ BIBLIO ATNQ Network-ᑯᓐᓂ. ᐱᓇᓱᐊᖃᑎᒌᒍᑎᐅᑦᓱᓂ ᐱᕕᑦᓴᖃᕐᑎᓯᓯᒪᔪᖅ: ᐊᑐᕐᑕᐅᓲᖅ ᐊᐅᓚᑦᓯᒍᓯᐅᔪᖅ ᕿᒥᕐᕈᐊᓂᒃ ᑲᑎᕐᓱᐃᓱᓂ ᐃᓕᓴᕐᕕᐅᑉ ᓄᓇᓕᐅᓪᓗ ᕿᒥᕐᕈᐊᖏᓐᓂᒃ; ᐃᑲᔪᕐᓂᖏᑦ ᐱᒋᐅᕐᓴᑎᑕᐅᓂᖏᓪᓗ ᕿᒥᕐᕈᐊᖃᐅᑎᒥᒃ ᐱᓇᓱᑦᑏᑦ; ᕿᒥᕐᕈᐊᑖᕐᓃᑦ ᐅᐃᒍᐃᑎᑑᕐᑐᓂᒃ, ᖃᓪᓗᓈᑎᑐᑦ ᐃᓄᑦᑎᑐᓪᓗ; ᐊᒻᒪᓗ ᖃᕆᑕᐅᔭᑎᒍᑦ ᕿᒥᕐᕈᐊᓂᒃ ᐊᑐᐃᓐᓇᖃᕐᓂᖅ (ᕿᒥᕐᕈᐊᑦ, ᐊᑐᐊᕋᑦᓭᑦ, ᐱᖕᖑᐊᕈᑏᑦ, ᐊᓯᖏᓪᓗ).
ᐅᒃᑯᐃᑕᓕᕐᓂᒪᑦ, 371 ᐃᓕᓵᑦ ᐃᓄᒻᒪᕇᓪᓗ ᕿᒥᕐᕈᐊᕋᖃᐅᑎᓕᐊᕐᓯᒪᔪᑦ 20%-ᒋᑦᓱᓂᒋ ᓄᓇᓕᐅᑉ ᐃᓄᖏᑦᑕ ᐊᒻᒪᓗ ᖃᓐᑕᒐᓭᑦ ᐊᑐᐊᒉᑦ ᐊᑦᑕᑐᕐᑕᐅᓯᒪᓕᕐᑐᑦ 2019-ᒥ.
ᕿᒥᕐᕈᐊᕋᖃᐅᑎᓕᐅᕐᓂᖅ ᓄᓇᕕᒻᒥ ᑮᓇᐅᔭᖃᕐᑎᑕᐅᔪᕕᓂᖅ ᐃᓗᕐᖁᓯᕐᓂᐊᓂᕐᒧᑦ ᑐᓴᖃᑎᒌᓐᓂᒧᓪᓗ ᒥᓂᔅᑕᒃᑯᖏᓐᓂᒃ ᐊᕐᕌᒍᓂ ᐱᖓᓱᓂᒃ. ᓯᑕᒣᑦ ᕿᒥᕐᕈᐊᕋᖃᐅᑏᑦ ᒫᓐᓇ ᐱᓇᓱᐊᕐᑕᐅᓯᒪᓕᕐᑐᑦ Réseau BIBLIO ATNQ-ᒃᑯᓄᑦ, ᐳᕕᕐᓂᑐᒥ, ᑰᑦᔪᐊᒥ, ᓴᓪᓗᓂ ᐊᐅᐸᓗᒻᒥᓗ.

ᐱᑦᔪᑎᕗᑦ:
ᕿᒥᕐᕈᐊᕋᖃᕐᑎᓯᕕᒃ ᐊᐱᑎᐲ-ᑎᒥᓂᔅᑲᒣᖕ ᐊᒻᒪᓗ ᑯᐯᒃ ᑕᕐᕋᖓᓂ (ATNQ) ᕿᒥᕐᕈᐊᕋᖃᕐᑎᓯᕗᒍᑦ ᐃᓄᓕᒫᓄᐊᖓᔪᓂᒃ 71-ᓂᒃ ᓄᓇᓕᓐᓂᒃ ᐊᒥᓱᓂᒃ ᐱᒍᑦᔨᕕᑦᑕᓕᓐᓂᒃ ᐃᑲᔪᕐᓱᒋᑦ ᕿᒥᕐᕈᐊᕋᖃᐅᑏᑦ ᐋᕐᕿᓯᒪᒍᓯᖏᓐᓂᒃ ᐊᒻᒪᓗ ᐃᑲᔪᕐᓱᒋᑦ ᕿᒥᕐᕈᐊᕋᖃᐅᑏᑦ ᐊᐅᓚᑕᐅᒍᓯᖏᓐᓂᒃ ᓇᐅᑐᐃᓐᓇᑯᑦ. ᐊᒻᒪᓗᒋᐊᓪᓚᖅ ᕿᒥᕐᕈᐊᖃᕐᑎᓱᒋᑦ, ᖃᕆᑕᐅᔭᒃᑯᑦ ᐱᒍᑦᔨᕖᑦ ᐅᒃᑯᐃᖔᕐᓱᑎᒃ 24-ᓂᒃ ᑫᕙᓪᓚᒍᓯᕐᓂ ᐱᓇᓱᐊᕈᓯᑕᒫᑦ ᐃᓚᐅᑎᓪᓗᒋᑦ 5,000 ᖃᕆᑕᐅᔭᒃᑯᑦ ᕿᒥᕐᕈᐊᕃᑦ ᖃᓪᓗᓈᑎᑑᕐᑐᑦ ᐅᐃᒍᐃᑎᑐᓪᓗ, ᐊᒥᓱᐊᓗᓐᓂᒃ ᖃᕆᑕᐅᔭᒃᑯᑦ ᑕᑯᑦᓴᐅᔪᓂᒃ ᕿᒥᕐᕈᐊᕈᕐᓂᒃ ᑐᓴᕋᑦᓴᑕᓕᓐᓂᒃ 60-ᓂᒃ ᐅᖃᐅᓯᖃᑎᒌᖕᖏᑐᓂᒃ, ᑎᑭᑎᑕᐅᒍᓐᓇᑐᑦ ᑐᑦᓯᕋᐅᑎᑎᒍᑦ, ᐊᒻᒪᓗ ᓯᓚᕐᔪᐊᓕᒫᒥ ᕿᒥᕐᕈᐊᑦ, ᕿᒥᕐᕈᕕᒃ ᐅᕕᒃᑲᓄᑦ.ᑐᑭᓯᒋᐊᑦᓯᐊᕈᒪᒍᕕᑦ: www.mabiblio.quebec.

ᑲᑎᕕᒃ ᐃᓕᓴᕐᓂᓕᕆᓂᖅ, ᐃᓕᓐᓂᐊᓂᓕᕆᔨᒃᑯᑦ ᓄᓇᕕᒻᒥ, ᓄᐃᑕᐅᔪᕕᓂᖅ 1975-ᖑᑎᓪᓗᒍ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ (ᐊᖏᖃᑎᒌᓐᓂᖅ). 1978-ᒥᓂᑦ ᑲᑎᕕᒃ ᐃᓕᓴᕐᓂᓕᕆᓂᖅ ᑖᓐᓇᑐᐊᖑᑦᓱᓂ ᐱᑕᖃᕐᑎᓯᔪᖅ ᐃᓕᓐᓂᐊᓂᕐᒨᓕᖓᔪᓂᒃ ᐱᒍᑦᔨᐅᑎᓂᒃ ᓄᓇᕕᒻᒥᐅᓄᑦ. JBNQA ᐊᑖᒍᑦ, ᑲᑎᕕᒃ ᐃᓕᓴᕐᓂᓕᕆᓂᖅ ᐱᐅᓯᖃᓲᖑᒻᒥᔪᖅ ᐃᓄᓐᓄᐊᖓᑐᐃᓐᓇᑑᑦᓱᓂ ᑎᒥᐅᔫᑦᓱᓂ ᐊᑦᔨᐅᖏᑦᑑᒍᑎᓕᓐᓂᒃ ᐱᔪᓐᓇᓂᖃᕐᓱᓂ ᐊᐅᓚᑦᓯᔨᐅᕕᖃᕐᓱᓂᓗ ᑐᕌᕐᓂᓕᓐᓂᒃ ᓴᐳᒻᒥᓂᕐᒥᒃ, ᐱᑕᙯᓐᓇᑎᑦᓯᓂᕐᒥᒃ, ᐊᒻᒪᓗ ᐱᕙᓪᓕᐊᑎᑦᓯᓂᕐᒥᒃ ᐃᓄᐃᑦ ᐅᖃᐅᓯᖓᓂᒃ, ᐃᓗᕐᕈᓯᖓᓂᒃ ᐊᒻᒪᓗ ᐃᓅᑦᔪᓯᖓᓂᒃ, ᐃᓕᓐᓂᐊᓂᕐᒨᓕᖓᔪᑦ ᐱᓇᓱᐊᕐᑕᐅᔪᑦ ᐱᕙᓪᓕᐊᑎᓯᒪᔭᖏᑦ ᐃᓕᓐᓂᐊᓂᓕᕆᓂᐅᑉ ᐊᑐᐃᓐᓇᐅᑎᑕᐅᕗᑦ ᐃᓘᓐᓇᖏᓐᓂᑦ ᐃᓕᓐᓂᐊᕕᖏᓐᓂᑦ 14-ᓂᑦ ᓄᓇᕕᒻᒥ ᓄᓇᓕᓐᓂ, ᐃᓄᒃᑎᑑᕐᖄᓱᑎᒃ ᐅᖃᐅᓯᕐᖄᒥᓂᒃ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐁᑉᐱᐅᑎᖃᕐᑎᓪᓗᒍ ᐅᖃᐅᓯᖓ. ᑐᑭᓯᒋᐊᑦᓯᐊᕈᒪᒍᕕᑦ ᐅᕗᖓ ᑕᑯᒋᐊᕈᓐᓇᖁᑎᑦ www.kativik.qc.ca

— 30 —

ᑐᑭᓯᒋᐊᓪᓛᒍᒪᕈᕕᑦ, ᐅᖄᖃᑎᒋᓗᒋᑦ:
ᕆᑦᓱᑦ ᑐᓱᕈᓪᑦ
ᐊᖓᔪᕐᖄᖅ – Réseau BIBLIO ATNQ
(819) 629-7809

ᔮᑦ ᑐᓯᐊᔅᓇᐅ-ᐱᐊᕐᓃ
ᐊᑕᐅᑦᓯᑰᕐᑎᓯᔨ ᑐᓴᐅᒪᖃᑎᒌᒍᑎᓂᒃ – ᑲᑎᕕᒃ ᐃᓕᓴᕐᓂᓕᕆᓂᖅ
(514) 482-8220 ext. 309
(514) 797-8220
publicrelations@kativik.qc.ca