ᑌᑲᓂᑦᓴᐅᑎᒋ ᖃᐅᔨᒪᓕᑐᐊᕈᕕᑦ ᓄᑦᑎᓛᕐᓂᓯᓐᓂᒃ, ᕿᑐᕐᖓᐱᑦ ᐃᓕᓐᓂᐊᕕᖓᓂ ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖓ ᖃᐅᔨᑎᓗᒍ.  ᑕᒪᓐᓇ ᐱᔭᕆᐊᑭᓪᓕᑎᕆᓚᖓᔪᖅ ᕿᑐᕐᖓᐱᑦ ᐃᓕᓐᓂᐊᑎᐅᓂᕐᒧᑦ ᐊᒡᓚᓯᒪᔪᖃᐅᑎᖓᑕ ᓅᑕᐅᓂᖓᓂᒃ ᐊᓯᐊᓄᑦ ᓄᓇᕕᒻᒥ ᐃᓕᓐᓂᐊᕕᒻᒧᑦ.

ᓄᑦᑎᓯᒪᓕᑐᐊᕈᑦᓯ, ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖓ ᑌᑲᓂ ᓄᑖᒥ ᐃᓕᓐᓂᐊᕕᒻᒥ ᐅᖃᕐᕕᒋᓗᒍ ᓱᕐᖁᐃᑕᐅᒪᑦᓯᐊᑎᓗᒋᑦ ᐊᓂᕐᕋᓯ ᑐᕌᒐᖓᑕ ᐊᓯᑦᔨᓂᖓᓂᒃ ᑌᑲᓂ ᕿᑐᕐᖓᐱᑦ ᐃᓕᓐᓂᐊᑎᐅᓂᕐᒧᑦ ᐊᒡᓚᓯᒪᔪᖃᐅᑎᖓᓂ.

ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖓ ᐊᒻᒪᓗ ᐃᓕᓐᓂᐊᕕᒻᒥ ᐱᓇᓱᑦᑏᑦ ᐃᓕᓐᓂᒃ ᑌᑲᓃᑦᑐᑦ ᐃᓕᓐᓂᒃ ᐃᑲᔪᕐᓯᓚᖓᑦᓱᑎᒃ.  ᐃᑲᔪᓚᖓᔪᑦ ᕿᑐᕐᙰᑦ ᑌᑲᓂ ᑲᔪᓯᑦᓯᐊᑐᒥᒃ ᐱᒋᐊᕐᕕᖃᑦᓯᐊᑎᓗᒍ.

ᕿᑐᕐᙰᑦ ᐃᓕᓐᓂᐊᑎᑕᐅᖁᑐᐊᕈᕕᐅᒃ ᒍᐃᒍᐃᑎᑑᕐᑐᓂᒃ, ᑭᓯᑦᔪᑎᑖᕐᑎᑕᐅᑎᑐᐃᓐᓇᓗᒍ ᐃᓕᓐᓂᐊᑎᐅᓂᖓ ᐊᒡᓚᑕᐅᑎᓗᒍ ᒍᐃᒍᐃᑎᑐᑦ ᐃᓕᓐᓂᐊᕕᒻᒥ ᐃᓕᓐᓂᐊᕕᐅᑉ ᐱᓇᓱᐊᕐᕕᖓᒍᑦ.

ᐊᓯᒋᐊᓪᓚᖏᓐᓂᒃ ᐱᓇᓱᐊᕆᐊᓕᑦᑕᖃᖕᖏᑐᑦ.

ᕿᑐᕐᙰᑦ ᐃᓕᓐᓂᐊᑎᑕᐅᖁᑐᐊᕈᕕᐅᒃ ᖃᓪᓗᓈᑎᑑᕐᑐᓂᒃ, ᑭᓯᑦᓯᒍᑎᑖᕐᑎᑕᐅᑎᒋᐊᓖᑦ ᖃᓪᓗᓈᑎᑐᑦ ᐃᓕᓐᓂᐊᕕᒻᒥ ᖃᓪᓗᓈᑎᑐᑦ ᐃᓕᓐᓂᐊᓂᓕᕆᕕᑦᑎᒍᑦ.

ᖃᓪᓗᓈᑎᑐᑦ ᐃᓕᓐᓂᐊᑎᑕᐅᒍᓐᓇᓚᖓᖁᓗᒍ ᑯᐯᒃᒥ, ᓱᓪᓕᑕᐅᑎᑦᓯᒍᓐᓇᕆᐊᖃᕐᑐᑎᑦ ᕿᑐᕐᖓᐱᑦ ᓈᒻᒪᓈᕐᓂᖓᓂᒃ ᒪᓕᑦᑕᐅᒋᐊᖃᕐᑎᑕᐅᔪᑦ ᐅᑯᐊ ᓇᓪᓕᖏᓐᓂᒃ:

• ᑖᓐᓇ ᕿᑐᕐᖓᕆᔭᖅ ᐃᓕᓐᓂᐊᑎᑕᐅᔪᕕᓂᐅᒌᕐᑐᖅ ᓄᓇᕕᒻᒥ ᖃᓪᓗᓈᑎᑐᑦ ᐅᖃᐅᓯᐅᑉ ᐁᑉᐸᕆᔭᖓᓂᒃ.
• ᑖᑦᓱᒪ ᕿᑐᕐᖓᕆᔭᐅᑉ ᖃᑕᖕᖑᑎᖏᑦ, ᐊᖓᔪᕐᖄᒋᒃ (ᐊᓇᓇᖓ, ᐊᑖᑕᖓ), ᐊᑖᑕᑦᓯᐊᑯᒋᓪᓘᓃᑦ (ᐊᓈᓇᑦᓯᐊᑯᒋᒃ) ᐃᓕᓐᓂᐊᑎᑕᐅᓯᒪᑉᐸᑕ ᓄᓇᕕᒻᒥ ᖃᓪᓘᓈᑎᑐᑦ ᐅᖃᐅᓯᐅᑉ ᐁᑉᐸᕆᔭᖓᓂᒃ.

ᑌᒃᑯᐊ ᐊᖓᔪᕐᖄᒋᒃ ᕿᑐᕐᖓᓖᒃ ᑲᒪᒋᔭᖃᕆᐊᓖᒃ ᕿᑐᕐᖓᒥᑕ ᐃᓕᓐᓂᐊᕕᒻᒥ ᑭᓯᑦᓯᒍᑎᑖᕐᑎᑕᐅᓗᑎᒃ ᐊᒡᓚᑕᐅᓯᒪᒍᑎᖏᓐᓂᒃ ᓄᑦᑎᓂᖏᓐᓂᓗ ᐃᓕᓐᓂᐊᕕᒻᒧᑦ ᓄᓇᕕᐅᑉ ᓯᓚᑖᓃᑦᑐᒧᑦ.

ᑲᑎᕕᒃ ᐃᓕᓴᕐᓂᓕᕆᓂᖅ ᐱᖁᔭᑎᒍᑦ ᐊᐅᓚᑦᓯᔨᐅᕕᓕᒃ ᐱᓇᓱᓐᓂᒥᒃ ᐃᓕᓐᓂᐊᓂᕐᒥ ᐱᒍᑦᔨᐅᑏᑦ ᑯᐯᒃᒥ 55 ᐃᑳᖓᔫᑉ ᖁᓛᓂ ᐊᐅᓚᑦᓯᓂᓕᕆᔭᐅᓂᖏᓐᓂᒃ.  ᑌᒣᒻᒪᑦ, ᑲᒪᒋᔭᖃᓪᓗᑐᕐᖃᔭᖕᖏᑐᒍᑦ ᕿᑐᕐᖓᐱᑦ ᓄᑦᑎᓂᖓᓂᒃ ᐊᓯᐊᓄᑦ ᐃᓕᓐᓂᐊᕕᒻᒧᑦ ᐅᕝᕙᓘᓐᓃᑦ ᐃᓕᓐᓂᐊᕕᐅᑉ ᐱᓇᓱᐊᕐᕕᖓᓄᑦ ᐊᓯᖏᓐᓂ ᓄᓇᓂ ᑯᐯᒃᒥ ᐅᕝᕙᓘᓐᓃᑦ ᑲᓇᑕᒥ.