ᐃᓕᓐᓂᐊᑎᒥᒃ ᐃᓕᓐᓂᐊᒐᖏᑎᒍᑦ ᑕᓯᐅᕐᓯᔨᖃᕐᑎᓯᓂᖅ
ᐃᓕᓐᓂᐊᑐᒥᒃ ᐃᓕᓐᓂᐊᒐᖏᑎᒍᑦ ᑕᓯᐅᕐᓯᔨᖃᕐᑎᓯᓂᖅ ᐃᓚᒋᔭᐅᕗᖅ ᐱᒍᑦᔨᐅᑎᓄᑦ ᐱᑕᖃᕐᑎᓲᕗᓐᓄᑦ. ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖓᓂᒃ ᖃᐅᔨᒋᐊᕐᕕᖃᕐᓗᑎᑦ ᑖᒃᑯᓂᖓ ᑕᓯᐅᕐᓯᔨᖃᕐᑎᓯᓂᕐᒧᑦ ᐱᓇᓱᒍᑎᑦᓴᖃᕐᑎᓯᒍᑎᓂᒃ ᑐᑭᓯᒋᐊᓪᓚᕈᑎᑦᓴᑎᓐᓄᑦ.
ᐊᑐᐃᓐᓀᑦ ᐃᓕᓐᓂᐊᑎᒥᒃ ᐃᓕᓐᓂᐊᒐᖏᑎᒍᑦ ᑕᓯᐅᕐᓯᔨᖃᕐᑎᓯᒍᑏᑦ ᐱᓇᓱᐊᕐᑌᑦ
ᑲᑎᕕᒃ ᐃᓕᓴᕐᓂᓕᕆᓂᖅ ᐅᓪᓗᒥᐅᑎᓪᓗᒍ ᐱᖓᓱᐃᓂᒃ ᐱᓇᓱᐊᕐᑕᐅᔪᓂᒃ ᐃᓕᓐᓂᐊᑎᓂᒃ ᐃᓕᓐᓂᐊᒐᖏᑎᒍᑦ ᑕᓯᐅᕐᓯᔨᖃᕐᑎᓯᒍᑎᓂᒃ ᑲᒪᒋᔭᖃᓲᖅ ᑐᕌᖓᔪᓂᒃ ᐊᖏᖃᑎᒌᓐᓂᒧᑦ ᐃᓚᐅᔪᓄᑦ ᐃᓚᐅᔫᖕᖏᑐᓄᓪᓗ ᐃᓕᓐᓂᐊᕕᑐᐃᓐᓇᓂ ᐃᓕᓐᓂᐊᑎᓄᑦ (ᐳᒃᑭᓂᕐᓴᓂ ᐊᒻᒪᓗ ᐳᕐᑐᓂᕐᓴᓂ ᐃᓕᓐᓂᐊᒐᕐᓂ).
ᐃᓕᓐᓂᐊᑎᒥᒃ ᐃᓕᓐᓂᐊᒐᖏᑎᒍᑦ ᑕᓯᐅᕐᓯᔨᖃᕐᑎᓯᒍᑏᑦ
ᑐᕌᖓᔪᑦ ᐊᖏᖃᑎᒌᓐᓂᒧᑦ ᐃᓚᐅᔪᓄᑦ ᐃᓚᐅᔫᖕᖏᑐᓄᓪᓗ ᓄᓇᕕᒻᒥ
ᑖᓐᓇ ᐱᓇᓱᒍᑎᑦᓴᖃᕐᑎᓯᒍᑎ ᑐᕌᒐᓕᒃ ᐃᓚᐅᔪᓂᒃ ᐃᓚᐅᔫᖕᖏᑐᓂᓪᓗ ᐃᓕᓐᓂᐊᑎᓂᒃ ᐃᑲᔪᕐᓯᓂᕐᒥᒃ ᐃᓕᓐᓂᐊᒐᕐᒥᓂᒃ ᐊᓂᒍᐃᓂᕆᓲᖏᓐᓂᒃ ᐱᐅᓯᒋᐊᕆᓂᕐᒥᒃ.
ᑐᕌᒐᖓ ᐃᓕᓐᓂᐊᒐᕐᒥᓂᒃ ᐱᔭᕇᕈᓯᕐᑕᐅᖃᑦᑕᑐᑦ ᐅᓄᕐᓯᒋᐊᕐᓗᒋᑦ ᓄᓇᕕᒻᒥ ᐃᓕᓐᓂᐊᕕᑐᐃᓐᓇᓂ.
ᑖᓐᓇ ᐱᓇᓱᒍᑎᑦᓴᖃᕐᑎᓯᒍᑎ ᐃᓘᓐᓇᓕᒫᖏᓐᓄᑦ ᐃᓕᖓᔪᖅ ᐃᓕᓐᓂᐊᒐᕐᓄᑦ ᐃᓕᓐᓂᐊᑕᐅᓲᓄᑦ ᓄᓇᕕᒻᒥ ᐳᒃᑭᓂᕐᓴᓂ ᐊᒻᒪᓗ ᐳᕐᑐᓂᕐᓴᓂ ᐃᓕᓐᓂᐊᕕᓐᓂ. ᐱᓇᓱᒍᑎᑦᓴᖃᕐᑎᓯᒍᑎ ᐊᑐᕐᑕᐅᖃᔭᖕᖏᑐᖅ ᐊᓂᕐᕋᒥ ᐱᓇᓱᑦᑕᐅᒋᐊᓕᓐᓂᒃ ᐃᓕᓐᓂᐊᒐᕐᓂᒃ ᐃᑲᔪᕐᓯᒍᑎᐅᓗᑎᒃ.
ᐃᓕᓐᓂᐊᑎᒥᒃ ᐃᓕᓐᓂᐊᒐᖏᑎᒍᑦ ᑕᓯᐅᕐᓯᔩᑦ ᑕᒡᒎᓇ ᐱᓇᓱᒍᑎᑦᓴᖃᕐᑎᓯᓂᒃᑯᑦ ᐱᓇᓱᑦᑎᑖᕆᔦᑦ ᐱᔪᓐᓇᐅᑎᒋᒋᐊᓕᖏᓐᓂᒃ ᐱᔪᓐᓇᐅᑎᖃᕆᐊᓖᑦ ᐊᒻᒪᓗ ᐱᓇᓱᒍᓐᓇᕆᐊᖃᕐᓱᑎᒃ ᑌᑲᓂ ᓄᓇᓕᒻᒥ.
ᐊᒡᓚᒋᐊᖃᕐᑐᑎᑦ ᑕᑕᕐᓴᒌᑦᓯᐊᓗᒍ ᐃᓕᓐᓂᐊᑎᒥᒃ ᐃᓕᓐᓂᐊᒐᖏᑎᒍᑦ ᑕᓯᐅᕐᓯᔨᖃᕐᑎᓯᓂᖅ ᑕᑕᕐᓴᒐᖅ ᑐᓂᓗᒍᓗ ᖃᕆᑕᐅᔭᒃᑯᑦ ᐊᒡᓚᑖᕐᑎᓯᒍᑎᒃᑯᑦ.
Email: school.operations@kativik.qc.ca
ᐃᓕᓐᓂᐊᑎᒥᒃ ᐃᓕᓐᓂᐊᒐᖏᑎᒍᑦ ᑕᓯᐅᕐᓯᔨᖃᕐᑎᓯᒍᑏᑦ
ᑐᕌᖓᔪᑦ ᐃᓚᐅᔪᓄᑦ ᓄᓇᕕᐅᑉ ᓯᓚᑖᓃᑦᑐᓄᑦ
ᑖᓐᓇ ᐱᓇᓱᒍᑎᑦᓴᖃᕐᑎᓯᒍᑎ ᑐᕌᒐᓕᒃ ᐊᖏᖃᑎᒌᓐᓂᒧᑦ ᐃᓚᐅᔪᓂᒃ ᐃᓕᓐᓂᐊᑎᓂᒃ ᐃᑲᔪᕐᓯᓂᕐᒥᒃ ᓄᓇᕕᐅᑉ ᓯᓚᑖᓃᑦᓱᑎᒃ ᐃᓕᓐᓂᐊᕕᒻᒥ ᐃᓕᓐᓂᐊᑐᓂᒃ ᓄᑖᓄᑦ ᐃᓕᓐᓂᐊᒐᕐᓄᐊᖓᔪᓂᒃ ᐱᑕᖃᕆᐊᓕᓐᓄᑦ ᐊᒻᒪᓗ ᐊᑦᔨᒋᖕᖏᑕᖓᓄᑦ ᐃᓕᓐᓂᐊᕕᒻᒨᓂᕐᒥᓄ ᓱᖏᐅᑎᒐᓱᓐᓂᖏᓐᓂᑦ.
ᑐᕌᒐᖓ ᐃᓕᓐᓂᐊᑎᓂᒃ ᐃᑲᔪᕐᓯᒪᓗᓂ ᐊᓯᐊᓄᑦ ᓄᓇᕕᐅᑉ ᓯᓚᑖᓃᑦᑐᒧᑦ ᓇᐅᓕᒫᓄᑦ ᐃᓕᓐᓂᐊᕕᐅᓲᒧᑦ ᓄᑦᑎᓯᒪᓕᕐᓱᑎᒃ ᓱᖏᐅᑎᒐᓱᓐᓂᖏᓐᓂᑦ. ᐊᖏᖃᑎᒌᓐᓂᒧᑦ ᐃᓚᐅᔪᑦ ᐃᓕᓐᓂᐊᑏᑦ ᐃᓕᓐᓂᐊᑐᑦ ᓇᐅᓕᒫᓄᑦ ᐃᓕᓐᓂᐊᕕᒋᔭᐅᖕᖏᑐᓂᑦ ᐃᓕᓐᓂᐊᕕᓐᓂᑦ ᓄᓇᕕᐅᑉ ᓯᓚᑖᓃᑦᑐᓂᑦ ᑖᑦᓱᒧᖓ ᐱᓇᓱᒍᑎᑦᓴᖃᕐᑎᓯᒍᑎᒧᑦ ᐃᓚᐅᒍᓐᓇᑎᑕᐅᖕᖏᑐᑦ.
ᐃᓚᐅᓂᖓᑕ ᐊᒡᓚᓯᒪᔭᐅᒍᑎᖓ ᑖᑦᓱᒧᖓ ᐱᓇᓱᒍᑎᑦᓴᖃᕐᑎᓯᒍᑎᒧᑦ ᐱᒋᐊᕐᓯᒪᒋᐊᓕᒃ ᐃᓕᓐᓂᐊᑎᐅᑉ ᓄᑖᒧᑦ ᐃᓕᓐᓂᐊᕕᒻᒧᑦ ᓅᒋᐊᖕᖓᓂᖓᓂ ᐋᕐᕌᒍᖓᓂ ᓯᕗᓪᓕᐹᖓᓂ, ᐊᑐᕐᑕᐅᒍᓐᓇᓱᓂ ᑲᔪᓯᓗᓂ ᐊᕐᕌᒍᑦ ᐱᖓᓱᑦ (3) ᐅᖓᑖᓅᖕᖏᑐᖅ.
ᐊᒡᓚᒋᐊᖃᕐᑐᑎᑦ ᑕᑕᕐᓴᒌᑦᓯᐊᓗᒍ ᐃᓕᓐᓂᐊᑎᒥᒃ ᐃᓕᓐᓂᐊᒐᖏᑎᒍᑦ ᑕᓯᐅᕐᓯᔨᖃᕐᑎᓯᓂᖅ ᑕᑕᕐᓴᒐᖅ ᑐᓂᓗᒍᓗ ᖃᕆᑕᐅᔭᒃᑯᑦ ᐊᒡᓚᑖᕐᑎᓯᒍᑎᒃᑯᑦ.
Email: school.operations@kativik.qc.ca
ᐃᓕᓐᓂᐊᑎᒥᒃ ᐃᓕᓐᓂᐊᒐᖏᑎᒍᑦ ᑕᓯᐅᕐᓯᔨᖃᕐᑎᓯᒍᑏᑦ
ᑐᕌᖓᔪᑦ ᐃᓚᐅᔫᒐᑎᒃ ᐃᓕᓐᓂᐊᑎᓄᑦ ᓄᓇᕕᒻᒥ
ᑖᓐᓇ ᐱᓇᓱᒍᑎᑦᓴᖃᕐᑎᓯᒍᑎ ᑐᕌᒐᓕᒃ ᐱᑕᖃᕐᑎᓯᓂᕐᒥᒃ ᐃᓕᓐᓂᐊᒐᕐᓄᐊᖓᔪᓂᒃ ᐃᑲᔪᕐᓯᓂᕐᒥᒃ ᒍᐃᒍᐃᑎᑐᑦ ᐅᕝᕙᓘᓐᓃᑦ ᖃᓪᓗᓈᑎᑐᑦ ᐊᖏᖃᑎᒌᓐᓂᒧᑦ ᐃᓚᐅᔫᖕᖏᓱᑎᒃ ᐃᓕᓐᓂᐊᑎᓄᑦ.
ᑐᕌᒐᖓ ᐃᓚᐅᔫᒐᑎᒃ ᐃᓕᓐᓂᐊᑏᑦ ᓇᓪᓕᖁᐊᕆᔭᖓᓂᒃ ᐱᒐᓱᐊᕈᓐᓇᖏᓐᓇᕈᑎᑦᓴᖃᕐᑎᓗᒋᑦ ᓄᓇᕕᐅᑉ ᓯᓚᑖᓂ ᐃᓕᓐᓂᐊᕆᐊᓪᓚᓕᕈᑎᒃ, ᐃᓕᓐᓂᐊᕕᖏᓐᓂ ᐋᕐᕿᓱᕐᓯᒪᒍᓯᓕᓐᓂᑦ ᐃᓕᓐᓂᐊᓂᐅᑉ ᐅᖃᐅᓯᖓ ᒍᐃᒍᐃᑎᑑᕐᑐᓂ ᖃᓪᓗᓈᑎᑑᕐᑐᓂᓪᓘᓃᑦ.
ᑖᓐᓇ ᐱᓇᓱᒍᑎᑦᓴᖃᕐᑎᓯᒍᑎ ᐃᓕᖓᔪᖅ ᑌᒃᑯᓄᖓᑐᐊᖅ ᒍᐃᒍᐃᑎᑑᒥᒃ ᐊᒻᒪᓗ ᖃᓪᓗᓈᑎᑑᒥᒃ ᐊᑐᕐᑐᓄᑦ ᐃᓕᓐᓂᐊᒐᕐᓄᑦ. ᐱᓇᓱᒍᑎᑦᓴᖃᕐᑎᓯᒍᑎ ᐊᑐᕐᑕᐅᖃᔭᖕᖏᑐᖅ ᐊᓂᕐᕋᒥ ᐱᓇᓱᑦᑕᐅᒋᐊᓕᓐᓂᒃ ᐃᓕᓐᓂᐊᒐᕐᓂᒃ ᐃᑲᔪᕐᓯᒍᑎᐅᓗᑎᒃ.
ᐃᓕᓐᓂᐊᑎᒥᒃ ᐃᓕᓐᓂᐊᒐᖏᑎᒍᑦ ᑕᓯᐅᕐᓯᔩᑦ ᑕᒡᒎᓇ ᐱᓇᓱᒍᑎᑦᓴᖃᕐᑎᓯᓂᒃᑯᑦ ᐱᓇᓱᑦᑎᑖᕆᔦᑦ ᐱᔪᓐᓇᐅᑎᒋᒋᐊᓕᖏᓐᓂᒃ ᐱᔪᓐᓇᐅᑎᖃᕆᐊᓖᑦ ᐊᒻᒪᓗ ᐱᓇᓱᒍᓐᓇᕆᐊᖃᕐᓱᑎᒃ ᑌᑲᓂ ᓄᓇᓕᒻᒥ.
ᐊᒡᓚᒋᐊᖃᕐᑐᑎᑦ ᑕᑕᕐᓴᒌᑦᓯᐊᓗᒍ ᐃᓕᓐᓂᐊᑎᒥᒃ ᐃᓕᓐᓂᐊᒐᖏᑎᒍᑦ ᑕᓯᐅᕐᓯᔨᖃᕐᑎᓯᓂᖅ ᑕᑕᕐᓴᒐᖅ ᑐᓂᓗᒍᓗ ᖃᕆᑕᐅᔭᒃᑯᑦ ᐊᒡᓚᑖᕐᑎᓯᒍᑎᒃᑯᑦ.
Email: school.operations@kativik.qc.ca