ᐅᑯᓂᖓ ᐱᒋᐅᕈᓐᓇᐳᑎᑦ :

• ᐱᔭᕇᕈᓐᓇᓯᓗᑎᒃ ᑮᓇᐅᔭᓕᕆᔨᐅᕐ ᐱᓇᓱᐊᓲᖏᓐᓂᒃ ᐅᑯᓂᖓ ᑲᑎᑦᓯᓂᕐᓂᒃ, ᐊᑐᐃᓐᓇᕈᑎᓂᒃᒥᒃ, ᐊᑭᓕᕐᑕᐅᒍᑎᑦᓴᓕᐅᕈᓯᕐᓂᒃ, ᐊᑭᓖᒍᑎᕕᓂᕐᓂᒃ ᓄᐃᑦᓯᒍᓐᓇᓯᓗᑎᑦ, ᐊᓯᖏᓪᓂᓗ ᐊᑦᔨᒌᖕᖏᑐᓂᒃ ᑮᓇᐅᔭᓄᓪᓗ ᒪᑭᑕᒐᓱᐊᕐᓂᓂᑦ, ᑮᓇᐅᔭᓕᕆᓂᒃᒥ, ᑮᓇᐅᑦᔭᓵᑦᓴᓂᓪᓗ ᐊᑐᐃᓐᓇᕈᐃᒋᐅᕐᓗᑎᑦ, ᑲᒪᒍᓐᓇᓯᓗᑎᓪᓗ ᑖᒃᓯᔭᕐᑕᐅᒋᐊᓕᓐᓂᒃ ᐱᓇᓱᑦᑎᓄᑦ, ᐃᓄᐃᓪᓗ ᑖᒃᓰᔭᐅᑎᖏᓐᓂᒃ ᐊᕐᕿᓱᐃᒍᓐᓇᓯᓗᑎᒃ, ᑲᔪᓯᑎᑦᓯᒍᓐᓇᓯᓗᑎᓪᓗ ᑮᓇᐅᔦᑦ ᐊᐅᓚᑕᐅᒍᓯᖏᓐᓂᒃ. ᑮᓇᐅᔦᑦ ᐊᓪᓚᑕᐅᓯᒪᒍᓯᖏᓐᓂᒃ ᐃᖏᕐᕋᓂᖏᓐᓂᓗ ᓄᐃᑦᓯᒍᓐᓇᓯᓗᑎᒃ, ᑮᓇᐅᔦᑦ ᐃᓂᓪᓚᑕᐅᒍᓯᖏᓐᓂᒃ ᐃᓕᑦᓯᓗᑎᒃ, ᑐᑭᓯᑎᑦᓯᐅᑎᓕᐅᕐᓗᑎᓪᓗ ᑮᓇᐅᔦᑦ ᐊᐅᓚᑕᐅᒍᑎᕕᓂᖏᓐᓂᒃ ᑲᕙᒪᒃᑯᓅᕐᑐᓂᒃ.
• ᖃᓪᓗᓈᑎᑐᑦ ᐅᐃᐅᐃᑎᑐᓪᓗ ᑐᑭᓯᒪᖃᑦᑕᐅᑎᒍᓐᓇᓯᓗᑎᒃ ᑮᓇᐅᔭᓕᕆᓂᕐᒧᐊᖓᔪᓂᒃ, ᐅᖃᐅᓯᒃᑯᑦ ᐊᓪᓚᓂᒃᑯᓗ.

ᐃᓄᐃᑦ ᐳᕐᑐᓂᕐᓴᒥᒃ ᐃᓕᓐᓂᐊᕇᕐᓯᒪᓂᕐᒥᓄᑦ ᐱᔭᕇᕈᑎᑖᕐᓯᒪᔪᑦ ᐅᑉᕙᓘᓐᓃᑦ ᐃᓕᑕᕆᔭᒥᒃ ᓇᓕᕐᖁᐊᖓᓃᒋᐊᖓᓂᑦ, ᐆᑦᑐᕋᐅᑎᒋᓗᖑ, ᓇᓕᕐᖁᐊᖓᓂᒃ ᐳᕐᑐᓂᕐᓴᖅ 5-ᒥᒃ ᐱᔭᕇᕐᓯᒪᓂᕐᒥᒃ ᐅᖃᕐᑕᐅᓯᒪᓗᓂ, ᐅᑉᕙᓘᓐᓃᑦ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᕇᕐᓯᒪᓂᕐᒥᓄᑦ ᑳᓕᑦᔅ-ᓚᔭᒥ ᐃᓕᓐᓂᐊᑕᕕᓂᕐᒥᓂᒃ ᐅᑉᕙᓘᓐᓃᑦ ᐁᑉᐸᖃᖕᖏᑐᑦ ᐃᓕᑕᕆᔭᐅᒍᑎᖓᓂᒃ.

ᐃᓄᐃᑦ ᐅᑭᐅᖃᑦᓴᓚᐅᕐᐸᑕ 16-ᓂᒃ ᐊᒥᕃᔭᐅᑦ 30-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐃᓕᓐᓂᐊᓂᖓ ᐱᒋᐊᕐᓂᐅᔭᓕᕐᑎᓗᒍ ᐳᕐᑐᓂᕐᓴᖅ 4-ᒥ ᖁᑉᕙᒋᐊᕈᓯᕐᑕᓯᔭᐅᓯᒪᓗᓂ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᑐᕐᖃᑕᐅᕕᐅᑉ ᒥᓂᔅᑕᖓᓄᑦ, ᐅᑉᕙᓘᓐᓃᑦ ᐃᓕᑕᕆᔭᐅᒍᑎᑖᕐᓯᒪᒍᓂ ᓇᓕᕐᖁᐊᖓᓃᑦᑐᒥᒃ ᐃᓕᓐᓂᐊᓯᒪᓂᕐᒥᓄᑦ.

ᐃᓄᐃᑦ 18-ᓂᒃ ᐅᑭᐅᖃᓚᐅᕈᑎᒃ ᐃᓕᓐᓂᐊᓚᖓᔪᓄᑦ ᐃᓚᐅᓯᒍᑎᒃ ᐱᓇᓱᐊᕈᑎᒋᔪᓐᓇᓗᒋᑦ ᐊᑐᕈᓐᓇᒋᐊᓕᓂ: ᐊᓂᒍᐃᑦᓯᐊᓯᒪᒋᐊᓕᒃ ᐃᓘᓐᓃᓄᐊᖓᔪᒥᒃ ᐃᓕᓐᓂᐊᓯᒪᓂᕐᒧᑦ ᖃᐅᔨᓴᕐᑕᐅᒍᑎᒥᒃ, ᐅᑉᕙᓘᓐᓃᑦ ᓇᓕᕐᖁᐊᖓᓂᑦ ᐃᓕᓐᓂᐊᓯᒪᓂᕐᒥᓄᑦ.

ᐃᓄᐃᑦ ᐳᕐᑐᓂᕐᓴᖅ 3-ᒥ ᖁᑉᕙᒋᐊᕈᓯᕐᑕᓯᔭᐅᓯᒪᔪᑦ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᑐᕐᖃᑕᕐᕕᐅᑉ ᒥᓂᔅᑕᖓᓄᑦ ᑲᔪᓯᒋᐊᓖᑦ ᐃᓘᓐᓃᓄᐊᖓᔪᒥᒃ ᐃᓕᓐᓂᐊᓂᕐᒥᓂᒃ, ᐊᑕᐅᑦᓯᑰᖃᑕᐅᑎᓪᓗᒍ ᐱᓇᓱᒐᕐᑖᕆᓇᔭᕐᓗᒍ ᐃᓕᓐᓂᐊᓂᕐᒥᓂ, ᐱᒍᑎᒋᓇᔭᕐᓗᒍ ᐳᕐᑐᓂᕐᓴᖅ 4-ᒥ ᖁᑉᕙᒋᐊᕈᑎᓄᑦ ᐃᓄᕐᓴᕈᑎᕕᓂᕐᒥᓂᒃ ᐃᓕᓐᓂᐊᓱᓂ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥᒃ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᒪᓂᔅᑕᒧᑦ.