ᑕᕐᕋᒥ ᐃᒡᓗᓂᒃ ᓯᖁᒥᓯᒪᔪᕐᓂᐊᓃᑦ
ᐃᓕᓴᕋᑦᓴᐅᑉ ᑐᑭᓯᓇᕐᑎᑕᐅᓂᖓ
ᑕᒪᑐᒥᖓ ᐃᓕᓐᓂᐊᓂᖅ ᐃᑲᔪᕐᑎᒋᓯᓚᖓᔦᑦ ᐱᔪᓐᓇᓯᑦᔫᒥᕈᑎᒋᓗᒍ ᐱᑕᖃᕆᐊᓕᓐᓂᒃ ᐊᐅᓚᑦᓯᓂᓕᕆᓂᕐᒥ ᓴᐳᑦᔨᓯᒪᒍᑎᑦᓴᒥᒃ ᑲᒪᔨᒻᒪᕆᓐᓂ ᐱᔪᓐᓇᒪᕆᑦᑐᓂᓪᓗ.
ᖃᐅᔨᒪᓕᕋᔭᕐᖁᑎᑦ ᓱᓪᓗᓕᓂᕆᓂᕐᒥᒃ, ᐃᑯᒪᐅᑎᓕᕆᓂᕐᒥᒃ, ᐆᕐᖂᓯᓴᐅᑎᓕᕆᓂᕐᒥᓗ. ᐅᑯᓂᖓᓗᐊᖕᖑᐊᖅ, ᐃᓕᓐᓂᐊᕋᔭᕐᓱᑎᑦ:
- ᐃᓪᓗᔪᐊᑉ ᓴᓇᔭᐅᒪᓂᖓᓄᑦ ᐊᓪᓚᓂᒃ ᐊᑐᐊᕐᓯᖃᑦᑕᓯᓗᑎᑦ ᖃᓄᐃᑦᑐᔭᐅᓂᖏᓐᓂᓗ
- ᓯᕗᕐᖐᓯᒪᒐᓲᑎᒥᒃ ᓴᓇᒪᑎᖃᑦᑕᓗᒋᑦ ᐅᕐᖂᓯᓴᐅᑏᑦ
- ᓱᓕᕐᒪᖔᑕ ᖃᐅᔨᒪᐅᑎᓂᒃ ᑲᒪᖃᑦᑕᓗᑎᑦ
- ᖃᐅᔨᓴᖃᑦᑕᓗᒋᑦ ᑕᐅᕐᓯᑐᕐᓗᒋᓪᓗ ᐃᑯᒪᐅᑎᒨᕐᑐᔦᑦ ᓱᓇᒃᑯᑎᖏᑦᒃ
- ᓱᕐᖄᑎᕆᖃᑦᑕᓗᑎᑦ ᖃᓄᐃᓪᓗᐊᑐᑦᓴᐅᓂᖓᓂᒃ ᑐᑭᑖᒐᓱᓪᓗᑎᑦ
- ᐱᓇᓱᒐᕐᓂᒃ ᐃᓗᓯᕐᒥ ᐋᑦᑕᓈᕿᑦᑌᓕᓂᕐᒧᑦ ᒪᓕᒐᕐᓂᒃ ᒪᓕᑦᓯᐊᖃᑦᑕᓗᑎᑦ
ᑕᕐᕋᒥ ᐃᓪᓗᔪᐊᓂᒃ ᓴᓇᒪᑎᑦᓯᔨᐅᓗᑎᑦ, ᐊᒥᓱᑲᓪᓚᓂᒃ ᐱᓇᓱᒐᑦᓴᖃᕋᔭᕐᑐᑎᑦ. ᐃᓘᑉ ᐃᓗᐊᓂ ᓯᓚᑖᓂᓗ ᐱᓇᓱᖃᑦᑕᓗᑎᑦ. ᐅᓇ ᑕᒪᑐᒥᖓ ᐃᓕᓐᓂᐊᓂᖅ ᐊᑐᐃᓐᓇᕈᕐᑕᐅᕈᑎᒋᓇᔭᕐᑌᑦ ᒪᑯᓄᖓ:
- ᑲᒪᑦᓯᐊᓂᕐᒥᒃ ᓴᓇᕐᕈᑎᓂᒃ
- ᓱᓇᑐᐃᓐᓇᖃᐅᑎᓂᒃ ᑲᒪᖃᑦᑕᓗᑎᑦ
- ᐃᑯᒪᐅᑎᒨᕐᑐᓂᒃ ᐱᓇᓲᑎᓂᒃ ᑲᒪᑦᓯᐊᖃᑦᑕᓗᑎᑦ
- ᓱᓪᓗᓕᓐᓂᒃ ᐅᕐᖂᓯᓴᐅᑎᓂᓪᓗ ᑲᒪᖃᑦᑕᓗᑎᑦ
ᐃᓕᒐᓱᐊᕐᑑᑉ ᐱᒍᓐᓇᕆᐊᓕᖏᑦ
ᐃᓕᒐᓱᐊᕐᑐᖅ ᐅᑯᓂᖓ ᖃᐅᔨᒪᒋᐊᓕᒃ:
ᐃᓄᐃᑦ ᐳᕐᑐᓂᕐᓴᒥᒃ ᐃᓕᓐᓂᐊᕇᕐᓯᒪᓂᕐᒥᓄᑦ ᐱᔭᕇᕈᑎᑖᕐᓯᒪᔪᑦ ᐅᑉᕙᓘᓐᓃᑦ ᐃᓕᑕᕆᔭᒥᒃ ᓇᓕᕐᖁᐊᖓᓃᒋᐊᖓᓂᑦ, ᐆᑦᑐᕋᐅᑎᒋᓗᖑ, ᓇᓕᕐᖁᐊᖓᓂᒃ ᐳᕐᑐᓂᕐᓴᖅ 5-ᒥᒃ ᐱᔭᕇᕐᓯᒪᓂᕐᒥᒃ ᐅᖃᕐᑕᐅᓯᒪᓗᓂ, ᐅᑉᕙᓘᓐᓃᑦ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᕇᕐᓯᒪᓂᕐᒥᓄᑦ ᑳᓕᑦᔅ-ᓚᔭᒥ ᐃᓕᓐᓂᐊᑕᕕᓂᕐᒥᓂᒃ ᐅᑉᕙᓘᓐᓃᑦ ᐁᑉᐸᖃᖕᖏᑐᑦ ᐃᓕᑕᕆᔭᐅᒍᑎᖓᓂᒃ.
ᐃᓄᐃᑦ 16-ᓂᒃ ᐅᑭᐅᖃᑦᓴᓚᐅᕈᑎᒃ ᐊᒥᕃᔭᐅᑦ 30-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐃᓕᓐᓂᐊᓂᖓ ᐱᒋᐊᓕᕐᑎᓗᒍ ᐱᓯᒪᑦᓱᓂᓗ ᐳᕐᑐᓂᕐᓴᖅ 3-ᒥ ᖁᑉᕙᒋᐊᕈᑎᑕᖏᓐᓂᒃ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ ᑭᓯᑦᓯᑎᓐᓂᐊᓂᒃᑯᓗ ᐃᓕᓐᓂᐊᕋᑦᓴᓕᐅᖑᓯᒪᔪᓂ ᒥᓂᔅᑕᐅᑉ ᐋᕐᕿᓱᓯᒪᔭᖓᒍᑦ, ᐅᑉᕙᓘᓐᓃᑦ ᐃᓕᑕᕐᓯᔭᐅᒍᑎᒥᒃ ᐱᑖᑦᓴᓂᕈᓂ ᓇᓕᕐᖁᐊᖓᓃᑦᑐᓂᒃ ᐃᓕᓐᓂᐊᓯᒪᓂᕐᒥᓄᑦ.
ᐃᓄᐃᑦ 16-ᓂᒃ ᐅᑭᐅᖃᓚᐅᕈᑎᒃ ᐊᒥᕃᔭᐅᑦ 30-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂᒃ ᐃᓕᓐᓂᐊᓂᖓ ᐱᒋᐊᕐᓂᐅᔭᕐᑎᓗᒍ ᐃᓕᓐᓂᐊᑕᖓ ᓱᓇᒧᐊᓕᖓᓪᓚᕆᑦᑐᒥᒃ, ᑖᓐᓇ ᐱᓯᒪᔪᖅ ᐱᔭᕆᐅᕐᓴᑕᕕᓂᐅᓂᕐᒥᓄᑦ ᐃᓕᑕᕆᔭᐅᒍᑎᒥᒃ ᐱᔪᓐᓇᒐᓚᓐᓂᐊᓕᕐᓱᓂ ᐱᓇᓱᒐᕐᒥᒃ, ᖁᑉᕙᒋᐊᕈᓯᕐᑕᓯᔭᐅᓯᒪᑦᓱᓂᓗ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐳᕐᑐᓂᕐᓴᒦᑦᑐᖅ ᐃᓕᓐᓂᐊᓇᖅ 1 ᐊᑖᒍᑦ ᐃᓘᓐᓀᓄᐊᖓᔪᒥ ᐃᓕᓐᓂᐊᓯᒪᓂᕐᒥᓄᑦ ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖓᒍᑦ.
ᐃᓄᐃᑦ 18-ᓂᒃ ᐅᑭᐅᖃᓚᐅᕈᑎᒃ ᐃᓕᓐᓂᐊᓚᖓᔪᓄᑦ ᐃᓚᐅᓯᒍᑎᒃ ᐱᓇᓱᐊᕈᑎᒋᔪᓐᓇᓗᒋᑦ ᐊᑐᕈᓐᓇᒋᐊᓕᓂ: ᐊᓂᒍᐃᑦᓯᐊᓯᒪᒋᐊᓕᒃ ᐃᓘᓐᓃᓄᐊᖓᔪᒥᒃ ᐃᓕᓐᓂᐊᓯᒪᓂᕐᒧᑦ ᖃᐅᔨᓴᕐᑕᐅᒍᑎᒥᒃ, ᐅᑉᕙᓘᓐᓃᑦ ᓇᓕᕐᖁᐊᖓᓂᑦ ᐃᓕᓐᓂᐊᓯᒪᓂᕐᒥᓄᑦ.
ᐱᓇᓱᐊᕈᑎᒋᔪᓐᓇᒋᐊᓕᖓ ᐊᑐᕈᓐᓇᓗᒍ:
- ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓ
ᐃᓄᒻᒪᕇᑦ ᐃᓕᓐᓂᐊᓂᖓ: 3101-1 3102-2 (3070-3)
ᐅᕕᒃᑲᓂ ᐃᓕᓐᓂᐊᓂᖓ: 632-306