ᑕᑯᓐᓇᖑᐊᓲᕋᑕᐅᕗᒍᑦ ᐃᓕᓐᓂᐊᓂᕐᒧᑦ ᐃᓱᒪᓕᐅᕐᑎᐅᑉ ᐱᓇᓱᓐᓂᖓᑕ ᐊᑐᕐᓂᖓᓂᒃ ᐃᓕᓐᓂᐊᑎᑦᓯᕕᐅᑉ ᐃᓗᐊᓂ ᐅᕝᕙᓘᓐᓃ ᐃᓕᓐᓂᐊᑎᑦᓯᔨᓂᒃ ᑲᒪᑐᐃᓐᓇᓱᓂ. ᑲᑎᕕᒃ ᐃᓕᓴᕐᓂᓕᕆᓂᕐᒥ (KI),  ᐃᓱᒪᓕᐅᕐᑏᑦ ᐃᓚᖏᑦ ᐃᑲᔪᓲᖑᕗᑦ ᕿᑐᕐᖓᓕᓐᓂᒃ ᐊᒻᒪᓗ ᐃᓚᒥᓂᒃ ᑲᒪᔨᓂᒃ ᑐᕃᓐᓇᓱᒋᑦ. ᐃᓄᒻᒪᕇᑦ ᐃᓕᓐᓂᐊᓂᖓᓂᒃ ᐱᓇᓱᕝᕕᒥ, ᑲᒥᓪ ᐱᓛᓐᑦ-ᐹᒥᐊᕐᓘ ᓴᓇᒋᐊᑦᓯᐊᓕᕐᑐᖅ ᐱᓂᐊᕈᑎᒥᒃ ᑐᓂᔨᒍᓐᓇᑐᒥᒃ ᐃᒫᙰᕈᑎᓪᓚᕆᓐᓂᒃ, ᐃᓗᕐᖁᓯᕐᒥᒃ-ᑐᖕᖓᕕᓕᓐᓂᒃ ᐃᓕᓐᓂᐊᕈᑎᐊᐱᓐᓂᒃ ᐱᕈᕐᓭᔨᐅᓂᕐᒥᒃ ᐊᒻᒪᓗ ᐃᓚᒌᑦ ᖃᓄᐃᖕᖏᓯᐊᕐᓂᖓᓂᒃ ᓄᓇᕕᐅᑉ ᓄᓇᓕᖏᓐᓂ.

ᐱᓂᐊᕈᑎ ᓄᑖᖅ ᓵᖕᖓᔪᖅ ᕿᑐᕐᖓᕆᔭᓂᒃ ᐱᕈᕐᓭᓂᕐᒧᑦ ᐊᒻᒪᓗ ᐃᓚᒌᓂ ᖃᓄᐃᖕᖏᓯᐊᕐᓂᒧᑦ

ᑲᒥᓪ ᓄᓇᓕᒻᒥᐅᓄᑦ ᓴᓂᓪᓕᐅᓱᓂ ᐱᓇᓱᓲᖑᕗᖅ ᓴᖑᐊᑦᓯᓂᕐᒥᒃ ᐃᓕᓐᓂᐊᕈᑎᐊᐱᓐᓂᒃ ᐱᕈᕐᓭᓂᕐᒥᒃ  ᕿᑐᕐᖓᕆᔭᓂᒃ, ᖃᐅᑕᒫᕐᓯᐅᑎᒋᓗᒋᓪᓗ ᐊᑐᕐᑐᓴᓂᒃ, ᐊᒻᒪᓗ ᖃᓄᐃᖕᖏᓯᐊᕐᓂᒥᒃ—ᐊᑐᕐᑎᓗᒋᑦ ᓄᓇᓕᒻᒥᐅᑦ ᖃᐅᔨᒪᐅᓯᖏᓐᓂᒃ ᐊᒻᒪᓗ ᓈᒻᒪᓯᓕᑎᕆᑦᓱᓂ ᐃᓕᓐᓂᐊᕈᑎᓂᒃ ᐃᓱᒪᑦᓱᓂ ᐊᑐᓂ ᓄᓇᓕᐅᑉ ᐊᑦᔨᐅᖏᒍᑎᒋᑦᓱᒋᑦ ᐱᐅᓯᓪᓚᕆᖏᓐᓂᒃ. ᑕᒪᓐᓇ ᑐᕌᖓᕗᖅ ᐱᔭᑦᓴᕈᐃᓂᕐᒧᑦ ᐃᓕᓐᓂᐊᓂᕐᒥᒃ, ᐃᓗᕐᖁᓯᕐᒥᒃ ᑐᖓᕕᖃᕐᑎᓗᒍ, ᐊᒻᒪᓗ ᐊᑦᑐᐊᓂᖃᕐᑎᓗᒍ ᖃᐅᑕᒫᑦ ᐃᓅᓯᕐᒧᑦ.

ᐋᕐᕿᓱᕐᓯᒪᔪᖅ ᐃᓚᐅᕕᒋᓗᒍ ᓇᓗᓇᕈᓇᐅᖕᖏᑐᓕᐊᖑᑦᓱᓂ ᑐᖕᖓᓇᕐᓗᓂᓗ. ᑲᒥᓪ ᓱᕐᖁᐃᓲᖅ ᐃᓕᓐᓂᐊᕈᑎᖓᑕ ᐊᑐᕐᑕᐅᒍᓐᓇᓂᖓᓂᒃ ᐃᓄᒃᑎᑐᑦ, ᓇᔪᕐᑕᐅᔪᒥ ᑐᓵᔨᖃᕐᓂᖏᓐᓂᒃ, ᐊᒻᒪᓗ ᓇᓗᓇᖕᖏᑐᒥᒃ ᐃᓚᐅᔪᑦᓴᓕᐅᕈᓯᕐᒥᒃ ᖃᐅᔨᒪᓇᕐᑐᑐᙯᑦ ᑌᒣᓘᕈᑏᑦ ᐊᕐᖁᑎᒋᑦᓱᒋᑦ. ᓄᓇᓕᒻᒥ ᐱᓇᓱᖃᑎᕗᑦ ᐃᓚᐅᑎᓪᓗᒋᑦ, ᐃᓕᓐᓂᐊᑎᑦᓯᓂᕐᓂᒃ ᒪᓕᑦᑐᓕᐅᓲᖅ ᓄᓇᓕᐅᑉ ᓱᓂᖓᓂᒃ—ᐊᑐᕐᑌᓕᑦᓱᓂ ᓱᕐᕋᖃᔭᖕᖏᑐᓂᒃ, ᐊᑕᐅᓯᕐᒥᒃ-ᐃᓘᓐᓀᓄᑦ ᓈᒻᒪᑐᕆᔭᐅᔪᓂᒃ ᐅᓪᓗᖁᑎᓂᒃ.

ᐊᑐᕐᓂᖅ ᐃᑳᕈᑎᓂᒃ, ᐃᓂᓪᓚᑎᕇᕐᓯᒪᔪᓂᐅᖕᖏᑐᖅ

ᐋᕐᕿᒋᐊᕐᑕᖏᑦᑐᒥᒃ ᐃᓂᓪᓚᖓᐅᑎᖃᕐᑎᓯᖔᕋᓂ, ᑖᓐᓇ ᐱᒋᐊᕐᑎᑕᐅᓯᒪᔪᖅ ᓵᖓᕗᖅ ᐱᔪᓐᓇᓯᑎᑦᓯᓂᕐᒧᑦ ᓄᓇᓕᐅᑉ-ᓯᕗᓕᕐᑕᖓᓂᒃ ᑐᓂᔨᓂᕐᒥᒃ. ᑐᕌᕐᑐᖅ ᓴᓇᓂᕐᒧᑦ ᐱᑕᖃᓕᕇᕐᑐᑦ ᖄᖓᓂ—ᓴᐳᒻᒥᐅᑎᖃᕐᓱᓂ ᐊᐅᓚᒋᐊᓕᓕᕆᓂᕐᒥᒃ, ᐃᓴᒻᒥᕕᖃᕐᓂᒥᒃ ᐊᒻᒪᓗ ᐊᓂᕐᕋᐅᑎᒐᑦᓴᓂᒃ ᐃᓱᐊᖁᑎᖃᕐᑎᓯᓂᕐᒥᒃ ᑌᒣᒋᐊᖃᕐᓂᖓ ᒪᓕᓪᓗᒍ. ᓯᓚᑎᓂᒃ ᐃᑲᔪᕐᑎᓂᒃ ᐱᒋᐊᖃᕐᐸᑦ, ᐃᓕᓐᓂᐊᕈᑎᐊᐲᑦ ᐱᕙᓪᓕᐊᖃᑎᒌᒍᑕᐅᓲᑦ ᐃᓚᖃᕐᓱᓂ ᓄᓇᓕᒻᒥ ᐃᓱᒪᓕᐅᕐᑎᓂᒃ ᑕᒪᒃᑯᐊ ᒥᑦᓯᖃᓚᖓᓂᖓ ᓱᕐᖁᐃᕆᐊᕐᓱᒍ. “ᑕᒪᑐᒪ ᑭᖑᓂᒋᐊᖓᓂ, ᐃᓄᓐᓂᒃ ᐃᓕᓐᓂᐊᓯᒪᔪᓂᒃ ᑲᔪᓯᑎᑦᓯᔨᖃᕈᒪᕗᒍᑦ ᓄᓇᕕᒻᒥᐅᖑᑎᓪᓗᒋᑦ ᑐᓂᔨᖃᕐᑕᓛᕐᒪᑕ ᑖᒃᑯᓂᖓ ᐃᓕᓐᓂᐊᕈᑎᐊᐱᓐᓂᒃ ᓄᓇᓕᒻᒥᓂ. ᑌᒣᓕᖓᑉᐸᑦ, ᖃᐅᔨᒪᓂᖅᓅᓐᓂᐊᖏᑦᑐᖅ ᐱᕈᕐᐸᓕᐊᓯᓗᓂᓗ ᓄᓇᓕᐅᑉ ᐃᓗᐊᓂ”, ᑲᒥᓪ ᑌᒣᓕᕗᖅ.

ᐃᑲᔪᕐᓯᐅᑎᒋᓗᒋᑦ ᑕᒪᑐᒥᖓ ᐊᑯᓂ ᐊᑐᓚᖓᔪᓂᒃ ᑕᐅᑐᒍᑎᒥᒃ, ᐃᓕᓐᓂᐊᕈᑎᐊᐱᓐᓂ ᐃᓚᐅᒋᐊᖕᖓᑐᑦ ᐅᖃᕈᓐᓇᑐᑦ ᑲᔪᓯᑎᑦᓯᔨᐅᒍᒪᓂᕐᒥᓂᒃ ᐱᒋᐅᕐᓴᐅᑎᓂᓪᓗ ᐊᑐᕈᓐᓇᓱᑎᒃ. ᐱᓇᓱᑦᑎᐅᓯᒪᓂᖅ ᓱᓕ ᐱᔭᕐᓃᑑᖏᓐᓇᐳᖅ—ᐱᓇᓱᑫᓐᓇᑎᑦᓯᒍᑎᓄᑦ ᑐᖕᖓᕙᓪᓗᑐᖅ ᐊᐅᓪᓚᕆᐊᖃᕐᓂᒥᓪᓗ ᐱᑕᖃᕈᓐᓇᓱᓂ—ᑌᒣᒻᒪᓗ ᐋᕐᕿᒋᐊᕐᑕᑐᓂᒃ ᓴᐳᒻᒥᐅᑎᑦᓴᖃᕐᖁᖅ ᐊᕐᖁᑕᐅᓚᖓᔪᖅ ᐊᐅᓚᒋᐊᖓ ᐱᔭᕐᓂᓂᕐᓴᐅᓛᕐᒪᑦ ᓄᓇᓖᑦ ᐊᑐᐃᓐᓇᐅᓕᕐᐸᑕ.

ᑲᒥᓪ ᐊᕐᖁᑎᒋᓯᒪᔭᖓ ᑕᒡᒍᖓ ᐱᓇᓱᒐᕐᒧᑦ

ᐃᓄᒻᒪᕇᑦ ᐃᓕᓐᓂᐊᓂᖓᓂᒃ ᐱᓇᓱᑦᑎᕈᓚᐅᕋᓂ, ᑲᒥᓪ ᐱᓇᓱᑦᑎᐅᓯᒪᔪᖅ ᐃᓕᓐᓂᐊᕕᒻᒥ ᐃᓕᓐᓂᐊᑎᓂᒃ ᓴᐳᑦᔨᒍᑎᓂᒃ ᐱᓇᓱᑦᑎᒪᕆᐅᑦᓱᓂ ᐃᓱᒻᒪᓴᕐᕕᒃ ᐃᓕᓐᓂᐊᕕᒻᒥ ᖁᐊᕐᑕᒥ, ᐃᑲᔪᕐᐸᓱᓂ ᐃᓕᓐᓂᐊᑎᓂᒃ ᐊᕐᖁᑎᖃᕐᑎᓗᒍ ᓴᐳᑦᔨᒋᐊᕐᓂᑯᑦ ᐱᓇᓱᓐᓂᒥᒃ ᐊᒻᒪᓗ ᐃᓚᖓᓂᒃ ᐃᓕᓐᓂᐊᕕᐅᑉ-ᐃᓗᐊᓂ ᐃᓕᓐᓂᐊᕈᑎᐊᐱᓐᓂᒃ. ᐆᒻᒣᒋᐊᑦᓯᐊᓂᖅ ᐱᓇᓱᒐᕐᒥᒃ ᓄᕐᖃᖓᑎᑕᕕᓂᕐᒥᒃ ᑐᑭᖃᓚᐅᔪᔪᖅ ᐱᒋᐊᕐᓂᖓᓂ ᓱᓇᖃᑦᓯᐊᒐᓛᖕᖏᓂᖓᓂᒃ ᐊᑐᕋᑦᓴᖏᓐᓂᒃ ᐊᒻᒪᓗ ᐊᑐᕆᐊᓕᒻᒪᕆᐅᓂᖓᓂᒃ ᐃᒻᒥᓂᕐᓱᓂᕐᒥᒃ, ᕿᓄᐃᓵᕐᓂᒥᒃ, ᓴᓇᑑᖑᓂᕐᒥᒃ, ᐊᒻᒪᓗ ᐃᑉᐱᒍᓱᑦᓯᐊᕋᓱᑦᓱᓂ ᐃᓂᓪᓚᑎᕐᓂᒥᒃ ᓴᓇᒋᐊᑦᓯᐊᓂᕐᒥᓂ ᐊᒻᒪᓗ ᓱᓕ ᐃᓱᐊᖁᑎᓕᐅᖏᓐᓇᓗᓂ ᐱᑕᖃᓕᓚᐅᔪᔪᓄᑦ.

ᑲᒥᓪ ᑲᔪᓯᖏᓐᓇᓚᕿᐅᑎᖓ ᑕᒪᒡᒋᓂᑉᐳᖅ ᐱᓇᓱᖃᑎᖏᓐᓂᒃ ᐊᒻᒪᓗ ᐱᓇᓱᐊᒐᖓᓂᒃ: ᐱᕕᖃᕐᑎᓯᓂᖅ ᐃᓄᒻᒪᕇᑦ ᑐᑦᓯᕋᐅᑎᓕᐅᕐᓂᖓᓂᒃ ᐃᓕᓐᓂᐊᕈᑎᐊᐱᓐᓂᒃ ᐊᑦᑐᐊᔪᓂᒃ ᐃᓅᓯᖏᓐᓄᑦ ᐊᒻᒪᓗ ᒪᓂᔨᓂᖅ ᐊᑐᕐᓂᖃᑦᓯᐊᑐᓂᒃ, ᐃᓗᕐᖁᓯᕐᒥᒃ ᐊᖕᖔᔪᓂᒃ ᓴᓇᕐᕈᑎᓂᒃ. ᑕᒪᑐᒥᖓ ᐃᑲᔪᕐᓯᖁᔨᔪᖅ ᐃᓚᒌᑦ ᐅᑎᕐᓂᖓᓂᒃ ᐃᓕᓐᓂᐊᓂᕐᒧᑦ ᐊᒥᓱᕕᑦᓴᒪᕆᓪᓗᑎᒃ, ᓴᓇᑦᓱᒍ  ᒪᓕᑦᓱᓂ ᐱᒋᐊᓕᖏᓐᓂᒃ.

ᖃᓄᖅ ᑐᑦᓯᕋᕐᓗᓂ ᐅᕝᕙᓘᓐᓃᑦ ᐃᓚᐅᖃᑕᐅᓗᓂ ᐃᓕᓐᓂᐊᕈᑎᐊᐱᒻᒥ?

ᓄᓇᓖᑦ, ᑎᒥᐅᔪᐃᑦ, ᐊᒻᒪᓗ ᐱᓇᓱᑦᑏᑦ ᐅᖃᕈᓐᓇᑐᑦ, ᐃᓄᒻᒪᕇᑦ ᐃᓕᓐᓂᐊᓂᖓᓂᒃ ᐊᒻᒪᓗ ᐱᓇᓱᒐᕐᓂᒃ ᐱᒋᐅᕐᓴᓂᕐᒥᒃ ᐱᓇᓱᕝᕕᒧᑦ ᐱᒋᐊᕐᑎᓯᓚᖓᓗᑎᒃ ᑐᑦᓯᕋᕐᓂᒥᒃ ᖃᐅᔨᒋᐊᕐᓗᑎᓪᓘᓃᑦ ᐃᓕᓐᓂᐊᓛᕐᑐᑦ ᒥᑦᓵᓄᑦ. ᐅᖃᕐᓗᑎᑦ ᐱᓇᓱᑦᑎᖏᓐᓄᑦ ᐅᖃᓕᒪᐅᑎᒃᑯᑦ ᐅᕙᓂ (514 482-8220 | 1 800 361-2244), email ᐅᕝᕙᓘᓐᓃᑦ Messenger ᐊᑐᕈᓐᓇᒥᑦᓱᒋᑦ. ᐃᓱᒪᒋᔭᐅᖁᓇᕐᑐᑦ ᐊᑦᑐᐊᔭᐅᖁᓗᒋᑦ ᐃᓚᖃᕈᓐᓇᑐᑦ ᐃᓕᓐᓂᐊᕕᒻᒥ-ᖃᓄᐃᖕᖏᑐᓂᒃ ᐊᑐᖃᑦᑕᓗᒋᑦ, ᖃᓄᐃᖕᖏᓯᐊᕐᓂᒥᒃ ᐊᓂᕐᕋᒥ, ᐅᕝᕙᓘᓐᓃᑦ ᕿᑐᕐᖓᓖᑦ-ᐃᓕᓐᓂᐊᕕᐅᑉ ᐅᖃᖃᑎᒌᓐᓂᖓᓂᒃ. ᑐᓴᐅᒪᓇᕐᑎᑕᐅᓂᖓ ᐊᑐᕙᓪᓗᑐᖅ ᓄᓇᓕᓐᓂ ᑐᓴᐅᑎᓂᒃ, ᓄᓇᓕᓐᓂ ᐱᒍᑦᔨᔨᓂᒃ, ᐊᒻᒪᓗ Facebook-ᒥᒃ. ᐱᔭᕆᐊᑭᑦᑐᓕᐊᕆᒪᔪᖅ “ᐃᓕᓐᓂᐊᕈᑎᐊᐱᒻᒥᒃ ᑐᑦᓯᕋᕐᓂᒧᑦ” ᐱᐅᓯᐅᔪᑦᓴᖅ ᐱᕙᓪᓕᐊᒍᑕᐅᓕᕐᑐᖅ ᖃᐅᔨᑦᓴᕈᕐᑎᑕᐅᓛᕐᓱᓂᓗ ᑖᓐᓇ ᐱᓂᐊᕈᑕᐅᔪᖅ ᐊᖏᓕᒋᐊᓕᕐᐸᑦ.

ᑕᒪᓐᓇ ᐱᓇᓱᓐᓂᖅ ᐊᑦᑐᐊᕗᖅ ᑲᑎᓯᖃᑦᑕᓂᕐᒧᑦ ᐃᓚᒌᓂᒃ ᑖᒃᑯᐊ ᓇᔪᕐᑕᖓᓂ—ᐊᒻᒪᓗ ᓲᓱᑦᓴᓂᕐᒧᑦ ᐱᔪᓐᓇᑐᓂᒃ ᑕᒐᐅᓕᕇᕐᑐᓂᒃ. ᓄᓇᓕᒻᒥ ᐃᑲᔪᕐᑎᒌᓐᓂᖅ, ᐃᓄᒃᑎᑐᑦ ᐅᖃᐅᓯᕐᒥᒃ ᐊᑐᕈᓐᓇᓂᖅ, ᐊᒻᒪᓗ ᓄᓇᓕᓐᓂ ᐱᔪᓐᓇᑐᓂᒃ-ᓴᓇᓂᖅ ᑕᖏᕐᒥᐅᑕᐅᑎᓪᓗᒋᑦ, ᑕᒪᑐᒪ ᐱᓂᐊᕈᑎᖓ ᑐᕌᖓᕗᖅ ᐃᓕᓐᓂᐊᓂᕐᒥᒃ ᒥᑦᓯᖃᕐᑎᓯᖏᓐᓈᓂᕐᒧᑦ, ᑐᖕᖓᓇᕐᑎᓯᓂᕐᒧᑦ, ᐊᒻᒪᓗ ᓄᓇᓕᒻᒧᑦ ᓯᕗᓕᕐᑕᐅᑎᑦᓯᓂᕐᒧᑦ—ᕿᑐᕐᖓᓖᑦ ᐃᑉᐱᒍᓱᓐᓂᐊᒪᑕ ᐃᑲᔪᕐᓯᔭᐅᓂᕐᒥᓂᒃ, ᑲᔪᓯᑎᑦᓯᔪᐃᓪᓗ ᓄᒃᑭᑕᐅᓂᐊᕐᒪᑕ, ᐊᒻᒪᓗ ᐱᐊᕃᑦ ᐱᕙᓪᓕᑕᐅᓂᐊᕐᒪᑕ ᓲᖑᔪᓂᒃ, ᓇᓗᒪᖕᖏᑐᓂᒃ ᐃᓚᒌᖃᕐᓂᒧᑦ.

ᖃᐅᔨᒍᒪᕕᑦ ᖃᓄᖅ ᐊᓯᖏᑦ ᐃᓕᓐᓂᐊᓂᕐᒧᑦ ᐃᓱᒪᓕᐅᕐᑏᑦ ᐱᓇᓱᖃᑎᖃᓲᖑᓂᖓᓂᒃ ᐃᓕᓐᓂᐊᑎᑦᓯᕕᐅᑉ ᐃᓗᐊᓃᑦᓱᑎᒃ?

ᑌᒪ ᐅᑯᓂᖓ ᐊᓕᐊᑐᐃᓐᓇᕆᐊᖃᕐᖁᑎᑦ: “ᓱᓇᐅᒐᓗᐊᕆᓐᓈ ᐃᓕᓐᓂᐊᓂᕐᒧᑦ ᐃᓱᒪᓕᐅᕐᑎ?” ᐃᓚᐅᒻᒪᑕ  ᐊᑦᔨᐸᓱᓄᑦ ᑲᒥᓪ ᐱᓇᓱᒐᖓᓄᑦ.

ᐱᓇᓱᑦᑎᓯᐅᕐᐳᒍᑦ, ᐊᒻᒪᓗ ᐱᔪᒥᓇᕐᑐᓂᒃ ᐱᕙᓪᓕᖁᑎᑦᓴᓂᒃ ᐱᑕᖃᕐᑎᓯᕗᒍᑦ!

ᐱᓇᓱᑦᑎᑎᓐᓄᑦ ᐃᓚᐅᓚᐅᕆᑦ, ᐃᓕᒍᒪᓚᐅᕆᑦ ᐅᓪᓗᒥ.

ᐃᓕᒐᓱᐊᕆᑦ ᒫᓐᓇ➔

ᑐᓴᕋᑦᓴᓕᕆᓂᕐᒥ ᐱᕙᓪᓕᖁᑏᑦ ➔