ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᖓᓂᒃ ᐃᓕᓐᓂᐊᕈᑎᓕᕆᕕᐅᑉ, ᐃᓕᓐᓂᐊᓂᓕᕆᓂᕐᒥ ᖃᐅᔨᒋᐊᕐᕕᒃ ᐊᔪᖀᒋᐊᓲᖅ ᐊᒻᒪᓗ ᐃᑲᔪᕐᑎᐅᓱᓂ ᐃᓕᓐᓂᐊᑎᑦᓯᔨᓂᒃ ᐊᒻᒪᓗ ᐃᓕᓐᓂᐊᕕᒻᒥ ᐱᓇᓱᖃᑎᒌᑦᑐᓂᒃ ᐊᑐᓕᕐᑎᑕᐅᓂᖏᓐᓂ ᓇᒻᒥᓂᖅ ᐱᒋᐅᕐᐸᓕᐊᓂᐅᑉ ᐃᓗᓕᖏᑦᑕ (ᐃᓚᐅᑎᓪᓗᒍ ᐃᑦᓯᒎᕐᓂᒨᓕᖓᔪᓂᒃ ᐃᓕᓐᓂᐊᑎᑦᓯᓂᖅ).

ᐃᓂᖓ ᐱᓇᓱᐊᕆᐊᓕᖏᓪᓗ:

• ᐱᓇᓱᖃᑎᖃᖃᑦᑕᓗᓂ ᐊᑦᔨᒌᖕᖏᑐᓂᒃ ᓯᓚᑖᓂᑦ ᐱᓯᒪᔪᓂᒃ ᐱᓇᓱᐊᖃᑎᐅᔪᓂᒃ ᐊᑐᓕᕐᑎᓯᓗᑎᒃ ᓇᒻᒥᓂᖅ ᐱᒋᐊᕐᐸᓕᐊᓂᐅᑉ ᐃᓗᓕᖏᓐᓂᒃ;
• ᐱᓇᓱᖃᑎᖃᖃᑦᑕᓗᓂ ᐊᑦᔨᒌᖕᖏᑐᓂᒃ ᐃᓕᓴᕐᓂᓕᕆᓂᐅᑉ ᐃᓗᐊᓂ ᐱᓇᓱᐊᖃᑎᐅᔪᓂᒃ ᐊᑐᓕᕐᑎᓯᓗᑎᒃ ᓇᒻᒥᓂᖅ ᐱᒍᓐᓇᓯᕙᓪᓕᐊᓂᐅᑉ ᐃᓗᓕᖏᓐᓂᒃ;
• ᐃᓕᓐᓂᐊᑎᑦᓯᖃᑦᑕᓗᓂ ᐃᓕᓐᓂᐊᑎᑦᓯᔨᓂᒃ ᐅᕝᕙᓘᓐᓃᑦ ᐃᑲᔪᖃᑦᑕᓗᓂ ᐃᓕᓐᓂᐊᑎᑦᓯᓂᕐᓂ ᐊᑐᐃᓐᓇᐅᑎᑕᐅᔪᓂ ᐱᓇᓱᐊᖃᑎᐅᔪᓄᑦ ᐊᑐᐃᓐᓇᐅᑎᑦᓱᒋᑦ ᐃᓕᓐᓂᐊᑎᑦᓯᔨᓄᑦ;
• ᐱᓇᓱᖃᑎᖃᖃᑦᑕᓗᓂ ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖏᓐᓂᒃ ᐱᓇᓱᖃᑎᖏᓐᓂᓗ ᐊᑐᓕᕐᑎᓯᓗᑎᒃ ᐃᓕᓐᓂᐊᑎᑦᓯᒍᑏᑦ ᐃᓗᓕᖏᓐᓂᒃ ᐃᓕᓐᓂᐊᕕᓐᓄᑦ;
• ᖃᓄᐃᓕᖓᓕᕐᒪᖔᑕ ᖃᐅᔨᒋᐊᖃᑦᑕᓗᓂ ᐊᒻᒪᓗ ᐃᑲᔪᕐᓗᓂ ᐃᓕᓐᓂᐊᕕᓐᓂ ᐱᓇᓱᑦᑎᓂᒃ ᖃᕆᑕᐅᔭᒃᑯᑦ ᐊᒻᒪᓗ ᑕᒃᑯᒧᑦ;
• ᑐᓴᐊᒪᖃᑎᒌᑦᓯᐊᑎᑦᓯᒐᓱᖃᑦᑕᓗᓂ ᐃᓕᓐᓂᐊᕕᓐᓂᒃ ᐊᒻᒪᓗ ᐱᓇᓱᐊᖃᑎᐅᔪᓂᒃ;
• ᐱᓇᓱᐊᖃᑦᑕᓗᓂ ᑕᒪᑦᓱᒧᖓᓕᖓᔪᓂᒃ ᑎᓕᔭᐅᒍᓂ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

ᐱᒋᐅᕐᓴᕈᑎᒥᒃ ᐱᔭᕇᕈᑎᑖᕐᓯᒪᓗᓂ ᑕᒪᑦᓱᒧᖓᓕᖓᔪᒥᒃ, ᐱᓗᐊᕐᑐᒥᒃ ᐃᓕᓐᓂᐊᓂᕐᒥᒃ ᐅᕝᕙᓘᓐᓃᑦ ᐃᑦᓯᒎᕐᓂᒨᓕᖓᔪᓂᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

• ᐱᖁᔭᑎᒍᑦ ᐃᓕᓐᓂᐊᑎᑦᓯᒍᓐᓇᐅᑎᖃᕐᓗᓂ ᑯᐯᒃᒥ;
• ᐃᓕᓐᓂᐊᑎᑦᓯᔨᐅᓯᒪᓗᓂ (ᐃᓕᓐᓂᐊᑎᑦᓯᔨᐅᓯᒪᓂᖅ ᓄᓇᕕᒻᒥ ᐃᑲᔪᕐᓯᓚᖓᔪᖅ);
• ᐊᑐᕈᓐᓇᓯᐊᕐᓗᓂ ᒪᕐᕉᓂᒃ ᐅᖃᐅᓰᓐᓂᒃ ᐱᖓᓱᓂᑦ ᐅᖃᐅᓯᖏᓐᓂᑦ ᐃᓕᓴᕐᓂᓕᕆᓂᐅᑉ (ᖃᓪᓗᓈᑎᑐᑦ, ᐅᐃᒍᐃᑎᑐᑦ, ᐃᓄᑦᑎᑐᓪᓘᓃᑦ);
• ᖃᕆᑕᐅᔭᕈᓐᓇᓯᐊᕐᓗᓂ (ᐱᓗᐊᕐᑐᒥᒃ Microsoft 365-ᒥᒃ, ᐃᓚᖃᕐᓱᓂ TEAMS-ᒥᒃ ᐊᒻᒪᓗ ᐊᓯᖏᓐᓂᒃ ᐃᓕᓐᓂᐊᓂᕐᒨᓕᖓᔪᓂᒃ ᖃᕆᑕᐅᔭᕈᑎᓂᒃ);
• ᐊᕐᕕᑕᖃᑦᑕᓗᓂ ᓄᓇᕕᒻᒥ ᓄᓇᓕᓐᓄᑦ;
• ᖃᐅᔨᒪᓂᖅ ᐃᓄᑦᑎᑑᕐᓂᒥᒃ ᐃᑲᔪᕐᓯᔪᖅ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ

ᐱᓇᓱᕝᕕᖃᕋᔭᕐᑐᖅ: $56,670-ᒥᑦ $105,432-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.