ᑰᑦᔪᐊᖅ, ᓄᓇᕕᒃ, ᑯᐯᒃ (ᒫᑦᓯ 11, 2013) – ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᓇᓂᕐᒥᓗ ᓴᕐᕿᑎᑦᓯᓯᒪᓂᖓᑕ ᑲᑐᑦᔨᖃᑎᒌᓐᓂᖓ (QASEA) ᐊᒻᒪᓗ ᑲᑎᕕᒃ ᐃᓕᓐᓂᐊᓂᓕᕆᓂᖅ ᐅᐱᒍᓱᑉᐳᑦ ᑐᓴᕐᑕᐅᑎᑦᓯᒋᐊᒥᒃ 2013ᒥ ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᕐᕿᑎᑦᓯᓯᒪᓂᖓᑎᒍᑦ ᑕᑯᑦᓴᐅᑎᓂᖃᓛᕐᒪᑦ ᔮᓂᒻᒪᕆᒻᒥ ᐃᓕᓐᓂᐊᕕᒻᒥ ᑰᔾᔪᐊᒦᑦᑐᒥ ᒫᑦᓯ 19ᒥ 20ᒥᓪᓗ, 2013.

“ᓄᓇᖃᕐᖄᓯᒪᔪᑦ ᐅᕕᒃᑫᑦ ᑯᐯᒻᒥᐅᑦ ᑲᑎᓂᖃᓛᕐᑐᑦ ᓱᑯᐃᔦᓂᕐᒥᓗ ᐊᓕᐊᒋᔭᖃᕐᓂᒥᓂᒃ ᑐᑭᓯᑎᑦᓯᖃᑦᑕᐅᑎᓗᑎᒃ”, ᐅᖃᕐᑐᖅ Marc Lalande, ᐊᖓᔪᕐᖄᖅ ᑲᑐᔾᔨᖃᑎᒌᓐᓂᒧᑦ QASEA.

ᒫᑦᓯ 19ᒥᑦ 20ᒧᑦ, ᑌᑯᖕᖓᓕᐊᕐᓯᒪᔪᑦ ᓱᑯᐃᔭᕐᓯᒪᔭᒥᓂᒃ ᒪᓂᔨᓛᕐᑐᑦ ᐱᓕᐅᔾᔨᒍᑎᒥᓂᒃ ᓇᓪᓕᑳᕐᑎᐅᓛᕐᑐᓄᑦ. ᐱᐅᒋᔭᐅᓂᕐᐸᐅᔨᐊᓖᑦ ᐁᑦᑐᑐᕐᑕᐅᓛᕐᑐᑦ ᓂᕆᓂᖃᕐᑎᓗᒍ, ᒫᑦᓯ 20, 2013ᒥ.

”ᓄᓇᖃᕐᖄᓯᒪᔪᑦ ᑕᑯᑦᓴᐅᑎᑦᓯᓂᖓ ᐱᒻᒪᕆᐅᕗᖅ ᐊᑑᑎᔭᐅᓗᓂ; ᐅᕕᒃᑲᓄᑦ ᐃᓕᓴᕆᐊᓪᓚᕈᒪᓚᕿᐅᑎᐅᒍᓐᓇᕋᒥ ᓱᑯᐃᔦᓂᕐᒥᒃ ᐃᓕᓐᓂᐊᕕᑐᐃᓐᓇᒥ”, ᐅᖃᕐᑐᖅ ᔮᓂ ᖃᓴᓪᓗᐊᖅ, ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐊᖓᔪᕐᖄᖓ.

ᑕᑯᑦᓴᐅᑎᑦᓯᒋᐊᕐᑐᓯᒪᔪᑦ, 100 ᐅᖓᑖᓅᓛᕐᑐᑦ ᓄᓇᖃᕐᑳᓯᒪᔪᑦ ᐅᕕᒃᑫᑦ ᐳᒃᑭᓂᕐᓴᒥᓪᓗ ᐳᕐᑐᓂᕐᓴᒥᓪᓗ ᐃᓕᓴᕐᕕᓂᑦ ᐱᓕᐅᑦᔨᒋᐊᕐᑐᓯᒪᔪᑦ ᓱᑯᐃᔭᕐᓯᒪᔭᒥᓂᒃ. ᐳᕐᑐᓂᕐᓴᓃᑦᑐᑦ ᐱᑦᓯᐊᓯᒪᓂᕐᐹᒍᔨᐊᓖᑦ ᐅᐱᒍᓲᓯᕐᑕᐅᓛᕐᑐᑦ, ᓯᑕᒪᐅᑐᐃᓐᓇᕆᐊᓖᑦ ᐃᓕᓵᑦ ᓇᓪᓕᑳᕐᑕᐅᓛᕐᑐᑦ ᑭᒡᒐᑐᕐᑎᐅᓂᐊᕐᓗᑎᒃ “ᓄᓇᖃᕐᖄᓯᒪᔪᓂᒃ ᑯᐯᒻᒥᐅᓂᒃ” ᑲᓇᑕᒥᐅᑦ ᑕᑯᑦᓴᐅᑎᑦᓯᒋᐊᕐᑐᓂᕆᓛᕐᑕᖓᓄᑦ (ᒣ 2013ᒥ, ᓄᓇᖓᓂ Lethbridge, Alberta).

ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᓇᓂᕐᒥᓗ ᓴᕐᕿᑎᑦᓯᓯᒪᓂᖓᑕ ᑕᑯᑦᓴᐅᑎᑦᓯᓂᖓ ᐊᕐᕌᒍᑕᒫᑦ ᐃᓂᓪᓚᑎᕐᑕᐅᓲᖅ ᐃᓕᓴᕐᕕᓂ ᐊᔾᔨᒌᖕᖏᑐᓂ. ᐃᓕᓴᕐᕕᒥᒃ ᓇᓪᓕᑳᕐᑕᐅᔪᖃᓲᖅ ᑯᐯᒻᒥ ᓄᓇᓕᑐᙯᑦ ᐃᓄᐃᓪᓘᓃᑦ ᓄᓇᓕᖏᓐᓂ. ᐃᓕᓴᕐᕕᒃ ᓇᓪᓕᑳᕐᑕᐅᓯᒪᔪᖅ ᓄᓇᓕᓐᓂᑦ ᐊᔾᔨᒌᖕᖏᑐᓂᑦ ᐱᓯᒪᔪᓄᑦ ᐁᕕᐅᓂᐊᓕᕐᒪᑦ ᐃᓂᓪᓚᑎᖃᑎᖃᕐᓂᐊᓱᓂ ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᓇᓂᕐᒥᓗ ᓴᕐᕿᑎᑦᓯᓯᒪᓂᖓᑕ ᑲᑐᑦᔨᖃᑎᒌᓐᓂᖓᓂᒃ (QASEA)

ᐱᓇᓱᐊᕐᑕᕗᑦ:

ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᓇᓂᕐᒥᓗ ᓴᕐᕿᑎᑦᓯᓯᒪᓂᖓᑕ ᑲᑐᑦᔨᖃᑎᒌᓐᓂᖓ (QASEA) ᖄᖏᕐᓂᑯᓕᐅᕐᑎᐅᖏᑦᑐᖅ ᑎᓕᔭᐅᒪᐅᑎᖃᕐᓱᓂ ᐃᓕᓴᕐᑕᐅᒍᒪᓕᕐᑎᓯᓂᕐᒥᒃ ᓱᑯᐃᔦᓂᕐᒥᓗ ᓴᓇᓂᕐᒥᓗ ᓄᓇᓕᑐᖃᕐᓄᑦ ᐅᕕᒃᑲᓄᑦ ᐃᓕᓵᓄᑦ ᓄᓇᓕᑐᙯᑦ ᐃᓄᐃᓪᓗ ᓄᓇᓕᖏᓐᓂ ᑯᐯᒻᒥᐅᓂᒃ. ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᓇᓂᕐᒥᓗ ᓴᕐᕿᑎᑦᓯᓯᒪᓂᖓᑕ ᑲᑐᑦᔨᖃᑎᒌᓐᓂᖓ (QASEA) ᑎᓕᔭᐅᒪᐅᑎᒥᓄᑦ ᑎᑭᐅᑎᒍᓐᓇᓯᓲᖅ ᓄᓇᓕᑐᖃᕐᓂᒃ ᓱᑯᐃᔭᕐᓯᒪᔭᒥᓂᒃ ᑕᑯᑦᓴᐅᑎᑦᓯᓂᕐᒥᒃ ᐱᓇᓱᐊᕐᓂᒥᒍᑦ. ᑐᑭᓯᒋᐊᑦᓯᐊᕕᑦᓴᖅ ᖃᕆᑕᐅᔭᒃᑯᑦ: www.asfquebec.ca

ᕿᒥᕐᕈᕋᑦᓴᐅᒥᔪᑦ: http://www.youtube.com/watch?v=87O2BGW5uts

ᑲᑎᕕᒃ ᐃᓕᓐᓂᐊᓂᓕᕆᓂᖅ 1975ᒥ ᐱᒋᐊᕐᑎᑕᐅᓯᒪᔪᖅ, ᔦᒥᓯ ᐯᒥ ᑯᐯᓪᓗ ᑕᕐᕋᖓᓂ ᐊᖏᖃᑎᒌᒍᑎᒧᑦ. 1978ᒥᓂᑦ, ᓄᓇᕕᒻᒥᐅᓄᑦ ᐃᓕᓐᓂᐊᓂᓕᕆᓂᑐᐊᒍᓯᒪᔪᖅ. ᐃᓕᓐᓂᐊᕈᑎᑦᓴᓕᐊᕆᔭᐅᓯᒪᔪᑦ ᑲᑎᕕᒃ ᐃᓕᓐᓂᐊᓂᓕᕆᓂᑎᒍᑦ ᓄᓇᕕᒻᒥ ᓄᓇᓕᓐᓂ ᖁᓕᓪᓗ ᓯᑕᒪᓪᓗᓂ ᐃᓕᓴᕐᕕᓂ ᐃᓕᓐᓂᐊᑎᑦᓯᒍᑎᐅᓲᑦ, ᐃᓄᒃᑎᑐᑦ ᐅᖃᐅᓯᕐᖄᒥᓂᒃ ᐃᓕᓴᕐᑕᐅᓲᑦ ᑌᒪ ᐅᖃᐅᓯᐅᑉ ᐁᑉᐱᐅᑎᒋᔭᖓᓂᐅᒃ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐃᓕᓴᕐᑕᐅᓂᐊᓕᕐᒥᒐᒥᒃ. ᑐᑭᓯᒋᐊᑦᓯᐊᕕᑦᓴᖅ: www.kativik.qc.ca

— 30 —

ᑐᑭᓯᒋᐊᑦᓯᐊᕈᒪᒍᕕᑦ ᐊᐱᕐᓱᕈᒪᒍᕕᓪᓘᓃᑦ ᐃᓂᓪᓚᑎᕆᖃᑕᐅᔪᓂᒃ ᐅᕝᕙᓘᓐᓃᑦ ᓵᓚᓐᓃᑐᕕᓂᕐᓂᖅ ᐱᓕᐅᑦᔨᔪᓂ, ᖃᐅᔨᒋᐊᕐᕕᓭᑦ:

Jade Duchesneau-Bernier
Public Relations Officer
Kativik School Board
(514) 482-8220

ᐅᓇᓘᓐᓃᑦ

Marc Lalande
President-Treasurer
Quebec Aboriginal Science and Engineering Association (QASEA)
(819) 684-1889