ᒣ 10-ᒥᑦ 17-ᒧᑦ ᑎᑭᑦᓱᒍ, ᔨᓂ ᖃᕐᖄᔪᖅ-ᐸᒃᓯᓕ ᐃᓚᐅᖃᑕᐅᓚᐅᔪᖅ 2014-ᒥ ᑲᓇᑕᒥᐅᑦ ᓱᑯᐃᔦᓂᕐᒥᒃ ᓴᕐᕿᑎᑦᓯᓯᒪᓂᖃᕐᑎᓗᒋᑦ, Windsor, Ontario-ᒥ. ᑲᓇᑕᓕᒫᒥ ᓱᑯᐃᔦᓂᕐᒨᓕᖓᔪᓂᒃ ᓴᕐᕿᑎᑦᓯᓯᒪᓂᖅ ᓇᔪᕐᑕᐅᓲᖅ 500-ᓄᑦ ᓱᑯᐃᔦᓂᕐᒥ ᐃᓕᓐᓂᐊᑎᑦᓯᐊᖑᓂᕐᐹᓄᑦ ᐳᕐᑐᓂᓴᕐᒥ ᑲᓇᑕᓕᒫᒥᐅᓄᑦ. ᐅᐱᒍᓱᑦᑐᒍᑦ ᑐᓴᕐᑎᓯᒍᑎᖃᕆᐊᒥᒃ ᑌᑲᓃᑦᓱᓂ ᓵᓚᖃᕐᓂᕕᓂᖓᓂᒃ ᒪᕐᕉᓂᒃ ᓱᑯᐃᔦᓂᕐᒨᓕᖓᔪᓂ ᐱᓇᓱᐊᕐᑕᒥᓄᑦ ᐃᑯᒪᒧᑦ ᐃᓱᐊᕐᓴᔭᐅᓂᕐᒨᓕᖓᔪᓂᒃ.

ᔨᓂ ᓵᓚᖃᐅᑎᑖᓚᐅᔪᖅ ᐱᖓᔪᒋᔭᐅᒍᑎᒥᒃ ᐅᑭᐅᕆᓐᓂᓴᓂ (ᐳᕐᑐᓂᕐᓴᒥ 5, ᐳᕐᑐᓂᕐᓴᒋᐊᓪᓚᒥ 1 ᐊᒻᒪᓗ 2). ᓵᓚᖃᐅᑎᖃᓚᐅᔪᒻᒥᔪᖅ Wiseman-ᒥᒃ, ᑕᕐᕿᓕᒫᒥ ᐃᓱᕃᓕᒦᕈᓐᓇᐅᑎᒥᒃ ᐱᓇᓱᐊᓛᕐᓱᓂ ᐃᓄᑑᓗᓂ, ᑲᒪᒋᔭᐅᓗᓂ ᐱᒍᓐᓇᐅᑎᖃᕐᓱᑎᒃ ᓱᕐᖁᐃᓯᒐᓱᐊᕐᑎᒪᕆᓐᓄᑦ.

ᒫᑦᔨᐅᓚᐅᔪᔪᒥ, ᔨᓂ ᖃᕐᖄᔪᖅ-ᐸᒃᓯᓕ ᓯᕗᓪᓕᐸᐅᒍᑎᒥᒃ ᓵᓚᖃᓚᐅᔪᒻᒥᔪᖅ ᑯᐯᒻᒥ, ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒨᓕᖓᔪᓂᒃ ᓴᕐᕿᑎᑦᓯᓯᒪᑎᓪᓗᒋᑦ (Wendake, Qc.).

ᑯᐯᒻᒥ ᓵᓚᖃᕐᓯᒪᑦᓱᓂ, ᐃᓚᐅᓚᐅᔪᖅ ᑭᒡᒐᑐᕐᓱᓂ “ᓄᓇᖃᕐᖄᓯᒪᔪᑦ ᑯᐯᒻᒥᐅᑦ” ᑲᓇᑕᒥ ᓴᕐᕿᑎᑦᓯᓯᒪᔪᓄᑦ, ᑲᓇᑕᓕᒫᒥ ᓱᑯᐃᔦᓂᕐᒨᓕᖓᔪᓂᒃ ᓴᕐᕿᑎᑦᓯᓯᒪᖃᑕᐅᑦᓱᓂ Windsor, Ontario-ᒥ, ᒣ 10-ᒥᑦ 17-ᒧᑦ 2014-ᒥ.

ᐅᐱᒋᑦᓯᐊᖃᕗᑦ ᔨᓂ ᐊᔪᐃᓐᓇᓂᖃᒻᒪᕆᓐᓂᖓᓄᑦ ᓴᕐᕿᔮᕐᑎᓯᑦᓱᓂ ᐊᔪᐃᓐᓇᕈᑎᖃᕐᓂᒥᓂᒃ!

ᐱᓇᓱᐊᕐᑕᕗᑦ:

ᑲᑎᕕᒃ ᐃᓕᓐᓂᐊᓂᓕᕆᓂᖅ 1975ᒥ ᐱᒋᐊᕐᑎᑕᐅᓯᒪᔪᖅ, ᔦᒥᓯ ᐯᒥ ᑯᐯᓪᓗ ᑕᕐᕋᖓᓂ ᐊᖏᖃᑎᒌᒍᑎᒧᑦ. 1978ᒥᓂᑦ, ᓄᓇᕕᒻᒥᐅᓄᑦ ᐃᓕᓐᓂᐊᓂᓕᕆᓂᑐᐊᒍᓯᒪᔪᖅ. ᐃᓕᓐᓂᐊᕈᑎᑦᓴᓕᐊᕆᔭᐅᓯᒪᔪᑦ ᑲᑎᕕᒃ ᐃᓕᓐᓂᐊᓂᓕᕆᓂᑎᒍᑦ ᓄᓇᕕᒻᒥ ᓄᓇᓕᓐᓂ ᖁᓕᓪᓗ ᓯᑕᒪᓪᓗᓂ ᐃᓕᓴᕐᕕᓂ ᐃᓕᓐᓂᐊᑎᑦᓯᒍᑎᐅᓲᑦ, ᐃᓄᒃᑎᑐᑦ ᐅᖃᐅᓯᕐᖄᒥᓂᒃ ᐃᓕᓴᕐᑕᐅᓲᑦ ᑌᒪ ᐅᖃᐅᓯᐅᑉ ᐁᑉᐱᐅᑎᒋᔭᖓᓂᐅᒃ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐃᓕᓴᕐᑕᐅᓂᐊᓕᕐᒥᒐᒥᒃ. ᑐᑭᓯᒋᐊᑦᓯᐊᕕᑦᓴᖅ: www.kativik.qc.ca

ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᓇᓂᕐᒥᓗ ᓴᕐᕿᑎᑦᓯᓯᒪᓂᖓᑕ ᑲᑐᑦᔨᖃᑎᒌᓐᓂᖓ (QASEA) ᖄᖏᕐᓂᑯᓕᐅᕐᑎᐅᖏᑦᑐᖅ ᑎᓕᔭᐅᒪᐅᑎᖃᕐᓱᓂ ᐃᓕᓴᕐᑕᐅᒍᒪᓕᕐᑎᓯᓂᕐᒥᒃ ᓱᑯᐃᔦᓂᕐᒥᓗ ᓴᓇᓂᕐᒥᓗ ᓄᓇᓕᑐᖃᕐᓄᑦ ᐅᕕᒃᑲᓄᑦ ᐃᓕᓵᓄᑦ ᓄᓇᓕᑐᙯᑦ ᐃᓄᐃᓪᓗ ᓄᓇᓕᖏᓐᓂ ᑯᐯᒻᒥᐅᓂᒃ. ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᓇᓂᕐᒥᓗ ᓴᕐᕿᑎᑦᓯᓯᒪᓂᖓᑕ ᑲᑐᑦᔨᖃᑎᒌᓐᓂᖓ (QASEA) ᑎᓕᔭᐅᒪᐅᑎᒥᓄᑦ ᑎᑭᐅᑎᒍᓐᓇᓯᓲᖅ ᓄᓇᓕᑐᖃᕐᓂᒃ ᓱᑯᐃᔭᕐᓯᒪᔭᒥᓂᒃ ᑕᑯᑦᓴᐅᑎᑦᓯᓂᕐᒥᒃ ᐱᓇᓱᐊᕐᓂᒥᒍᑦ. ᑐᑭᓯᒋᐊᑦᓯᐊᕕᑦᓴᖅ ᖃᕆᑕᐅᔭᒃᑯᑦ: www.asfquebec.ca

— 30 —

ᑐᑭᓯᒋᐊᑦᓯᐊᕕᑦᓵ:

Jade Duchesneau-Bernier
Public Relations Officer
Kativik School Board
514-482-8220

or

 Marc Lalande
Président-trésorier
QASEA
(819) 684-1889