ᑭᓇᑐᐃᓐᓇᐅᓱᓂ ᕿᑐᕐᖓᕆᔭᖅ ᐊᑑᑎᔭᒥᓄᑦ ᐃᓱᐃᓪᓕᑎᕐᑕᐅᑐᐃᓐᓇᕆᐊᖃᕐᓂᒦᑦᑐᖅ ᐃᓗᓯᕐᒥᒍᑦ ᖃᓄᐃᖕᖏᓯᐊᕐᓂᒥᒍᓪᓗ, ᐊᓯᒐᓴᖏᑎᒍᑦ ᐃᓕᑦᓯᕈᓐᓇᓂᖓᓂᒃ ᐱᓂᕐᓗᐃᓯᒪᕈᓐᓇᑐᒃᑯᑦ. ᑌᒣᑦᑐᒦᑦᑐᖅ ᐃᓕᓵᖅ ᐃᓕᒪᓇᕐᑐᒦᑦᓴᑐᐃᓐᓇᕆᐊᓕᒃ ᐃᓕᓴᕐᓂᖓ, ᐃᓅᖃᑕᐅᓂᖓ ᐅᑉᕙᓘᓐᓃᑦ ᐱᐅᓯᕐᓘᑎᖃᕐᓗᓂᓘᓐᓃᑦ.

ᐃᓄᑦᑎᒎᕐᑐᒥᒃ, ᐃᑉᐱᓂᐊᓂᒃᑰᑐᒥᒃ ᐃᓕᓴᕐᓂᑰᕐᑐᒥᓪᓗ ᐊᓂᒍᐃᕕᑦᓴᒥᒃ ᐱᕕᑦᓴᑖᕐᑎᓯᑦᓯᐊᑐᖅ.

ᐃᓕᓴᕐᕕᒥ ᐱᓇᓱᑦᑏᑦ ᐱᔭᕆᐅᕐᓴᑕᐅᓲᑦ ᐃᒻᒥᑰᕐᑐᒥᓪᓗ ᓴᐳᑦᔨᔨᑦᓴᖃᕐᓱᑎᒃ ᑐᓂᒪᔪᓂᒃ ᐃᓕᓭᓂᕐᒧᑦ ᐱᓇᓱᑦᑎᓂᒃ.

ᐊᕐᕕᑕᕐᑎᖃᕐᓱᓂ ᓄᓇᓕᓕᒫᓅᓕᖓᔪᒥᒃ ᐃᓕᓴᕐᓂᓕᕆᐅᑎᓄᑦ ᐊᔪᖀᒋᐊᕐᑎᒥᒃ ᐃᓕᓴᕐᕕᓅᓲᒥᒃ ᓇᓪᓕᐅᑎᒍᑦᔭᐅᒐᒥ ᑲᔪᖏᕐᓴᐅᑎᒋᔭᕐᑐᓱᒋᑦ ᐃᕐᖃᐅᒪᔭᑦᑎᒍᑦ ᐱᓕᕆᓂᕆᔭᕆᐊᓕᖏᑦ ᐱᔪᓐᓇᓂᒃᑯᓗ ᐱᕙᓪᓕᒋᐊᕆᓂᕐᒥᒃ ᑎᑭᒍᑎᖃᕐᓯᒪᑦᓱᓂ ᒪᑯᓄᖓ:

• ᐃᓕᓴᕐᕕᐅᔪᒥ ᐃᓱᕐᕿᔪᒦᓐᓃᖅ
• ᐃᓕᓵᒥ ᐃᓚᐅᑦᓯᐊᑎᑦᓯᓂᖅ
• ᐃᓕᓵᑦ ᐱᐅᓯᕐᓘᑎᓖᑦ ᓴᐳᑦᔨᔭᕐᑐᓯᒪᑦᓱᒋᑦ

ᕙᑦᑐᖅ. ᒐᓗᐊᕐᓱᓂᓗ, ᐊᑐᓂ ᐃᓕᓴᕐᕕᒃ ᐱᓇᓱᐊᕈᑎᒋᓚᖓᔭᒥᓂᒃ ᐊᓂᕐᕋᓯᒪᒐᒥᒃ ᓄᓇᓕᒻᒥᓂ ᐃᓱᕐᕿᕆᔭᕐᓱᓲᖑᒻᒥᔪᑦ. ᑌᒣᓕᖓᑦᓱᓂ ᓭᒪᓇᕐᑐᒥᒃ, ᐃᓱᒫᓗᓐᓇᕋᓂ, ᖃᓄᐃᓚᖓᖕᖏᒋᐊᖓᓗ ᑲᔪᓯᕈᑎᑦᓴᓯᐊᖑᑦᓱᓂ ᐃᓂᓪᓚᖓᕈᑎᑦᓴᐅᒪᑦ ᐃᓕᕐᕈᓯᕐᑎᓂᒃ ᒪᓕᑦᓯᐊᑐᒥᒃ.

ᖃᓄᐃᓕᖓᐅᑎᓂᕆᔭᓂᒃ ᐃᑉᐱᒍᓱᑦᓯᐊᕋᓱᑦᓱᓂ ᐊᑐᓂᑦᓯᐊᖅ ᐃᓕᓵᓂᒃ, ᐃᓕᓭᔩᑦ ᐃᓕᓭᕕᒻᒥᓂᒃ ᐊᕙᑦᓯᑐᐃᕈᓐᓇᑐᑦ ᑌᑲᓂ ᓇᓗᕐᖁᑎᓂᖅ, ᓂᕆᐅᒋᔭᑦᓴᖃᕐᖏᓂᖅ ᓯᕘᕋᓂᕐᓗ ᐊᓯᑦᔨᑐᕐᑕᐅᑎᓗᒋᑦ ᐱᐅᓂᕐᓴᒧᑦ.

ᕿᑐᕐᖓᐅᑉ ᐱᐅᓯᖓᓂ ᐃᑉᐱᒍᓱᓐᓂᖅ ᐃᓚᑦᓱᒍᓱᑦᑑᓂ ᐃᔨᖃᕐᓱᓂ ᐱᒋᐊᕈᑎᑦᓴᓯᐊᓪᓚᕆᐅᕙᑉᐳᖅ. ᐃᔨᓐᓄᑦ ᑕᑯᕈᓐᓇᓯᒐᒥ ᐱᐅᓯᕐᒥ ᖃᓄᐃᓘᕈᑕᐅᓇᓱᑦᑎᓗᒍ – ᖃᓄᐃᓕᓐᓂᒐᓲᑎᖓ ᓄᐃᑕᑎᑦᓯᔪᖅ ᑯᑦᓴᓱᐊᕈᑎᖓᓂᒃ ᐅᑉᕙᓘᓐᓃᑦ ᐱᔪᓐᓇᓂᒃᑯᑦ ᐃᓄᕐᓵᑕᕈᑎᖓᓂᒃ, ᕿᑐᕐᖓᖅ ᑕᑯᓐᓇᑐᐃᓐᓇᖏᖔᕐᓗᒍ ᕿᓄᖓᓂᖓ.

ᐃᓕᓭᓂᖅ ᐃᓕᓭᕈᓯᕐᓄᐊᖓᔪᓂᒃ ᓴᓇᕐᕈᑎᑦᓴᓂᓪᓗ ᑲᒪᒋᔭᖃᕙᓪᓗᓲᖅ ᐃᓚᖃᕐᑎᓗᒋᒃ:

• ᐃᓕᓭᕈᑎᖃᕐᓂᖅ ᑐᑭᓯᒪᒐᓱᒋᐊᖃᕐᓂᒥᒃ ᑕᐸᓀᑦᑐᑰᕐᓯᒪᔪᑦ ᐃᓕᑦᓯᕈᓐᓇᓂᒃᑯᑦ ᓱᕐᕋᑕᐅᒪᓲᖑᓂᖓᓂᒃ ᐃᓕᓭᕈᓯᕐᓂᓗ ᐱᑕᖃᕆᐊᖃᕐᓗᑐᕐᒪᑕ ᐃᓚᖏᓐᓄᑦ ᐱᐅᔪᓪᓚᕆᐅᒐᓗᐊᕋᒥᒃ ᐃᓘᓐᓃᓄᑦ
• ᐋᕐᕿᓲᑎᑦᓴᓯᓂᐅᔪᑦ, ᐃᑲᔪᕐᓯᒪᓚᖓᔪᖅ ᖃᓄᐃᓕᖓᐅᑎᖃᑎᖃᕐᓂᒧᑦ ᐱᐅᓯᕆᔭᓂᒃ, ᓱᖏᕐᑑᑕᐅᕈᓐᓇᓂᕐᒥᒃ ᐱᕈᕐᓭᓗᓂ ᐋᕿᓗᒍᓗ ᐋᓐᓂᑕᐅᕈᑕᐅᓯᒪᔪᖅ.
• ᑕᒣᓐᓄᐊᓕᖓᑦᓯᐊᑐᖅ ᐊᑲᐅᔪᒥᒃ ᐱᐅᓯᕆᔭᓄᑦ ᑲᒪᒋᐊᖃᑦᑕᕈᑎᑦᓴᖅ ᓴᐳᑦᔨᓯᒪᒍᑕᐅᑦᓱᓂᓗ (PBIS) ᓄᐃᑕᑎᑦᓯᕈᑕᐅᓚᖓᔪᖅ ᑲᔪᓯᐅᒐᑦᓯᐊᑐᒥᒃ ᑲᒪᖃᑦᑕᓂᕐᒥᒃ ᐊᑐᕐᑕᐅᑎᑦᓱᒍ ᐃᓕᓴᕐᕕᓕᒫᒥ.