ᖁᑉᕙᒋᐊᕈᑎᑕᖏᑦ ᓄᐊᑉᕙᓕᐊᕈᓐᓇᑐᑦ. ᐊᑐᕈᓐᓇᓯᓂᐊᕐᑐᒥᒃ ᓯᑯᑦᓴᔭᕐᑖᕈᑕᐅᓗᑎᒃ ᐃᓕᑕᕐᓯᒍᑎᒥᒃ ᐊᓂᒍᐃᔪᕕᓂᕐᒥᒃ ᐱᔭᕆᐅᕐᓴᑕᐅᓂᕐᒥᓂᒃ ᓄᓇᒃᑰᔫᕐᓚᓂᒃ ᐊᐅᓚᑦᓯᒋᐅᕐᓴᓂᕐᒥᓂ, ᐃᓕᓐᓂᐊᓯᒪᓕᕐᓂᒥᓄᑦ ᒪᑯᓂᖓ ᑫᕙᓪᓚᒍᓯᕐᑐᑐᓂᒃ ᐃᓗᓕᕐᑕᖏᑎᒍᑦ ᐊᖁᐊᒍᑦ ᖃᓗᕋᐅᑎᓕᒻᒥᒃ ᐱᔭᕆᐅᕐᓴᑕᐅᓂᕐᒦᓱᓂ.

ᑕᒪᑐᒥᖓ ᐱᔭᕆᐅᕐᓴᑕᐅᓂᖅ, ᐃᓚᓕᒃ ᑖᒃᑯᑑᑎᓐᓇᒋᑦ:

• ᑲᖕᖑᓇᕿᓗᒍ ᑫᕙᓪᓓᔪᒥᒃ ᓄᓇᒃᑰᔫᕐᓚᒃ ᖃᓄᐃᑦᔪᑎᖃᕐᒪᖔᑦ ᕿᓂᕐᓗᒍ
• ᓯᕗᕐᖐᓯᒪᒐᓲᑎᒥᒃ ᓴᓇᒪᑎᑦᓯᓂᒃᑯᑦ ᐱᓇᓱᐊᖃᑦᑕᓗᑎᑦ
• ᐊᖁᐊᒍᑦ ᖃᓗᕋᐅᑎᓕᒃ ᐊᑦᑕᓇᖕᖏᑐᒥᒃ ᐊᐅᓚᒍᓐᓇᓯᓗᒍ
• ᑲᐳᕐᖃᐅᑎᖏᒃ ᐊᑐᖃᑦᑕᓗᒋᒃ
• ᖃᓗᕋᐅᑎᖓ ᓯᕗᐊᓃᑦᑐᖅ ᐊᑐᖃᑦᑕᓗᒍ
• ᓄᓇᓕᕆᐅᑎᒋᓗᒍ ᖃᓗᕋᐅᑎᑕᖓ
• ᐊᓯᖏᑦ ᐱᓇᓲᑎᑦᓴᔭᖏᑦ ᐊᑐᖃᑦᑕᓗᒋᑦ ᐅᓯᓕᐅᑎᖃᑦᑕᓗᓂ ᐅᓯᔭᑦᓴᓂᒃ

ᑕᒪᑐᒥᖓ ᐃᓕᓐᓂᐊᓂᖅ ᐋᕐᕿᓱᕐᑕᐅᓯᒪᕗᖅ ᑯᐯᒃᑯᑦ ᐃᑯᒪᓕᕆᔨᖏᑕ ᐱᓇᓱᑦᑎᖏᑦ ᐊᑐᓲᑦ ᐊᖁᐊᒍᑦ ᖃᓗᕋᐅᑎᑕᓕᒻᒥᒃ ᐱᓇᓱᒐᖓᑕ ᐃᓚᒋᑐᐃᓐᓇᑕᖓᓂ ᖃᐅᔨᒪᒋᐊᖃᕐᒥᒪᒍ.

ᐃᓕᓐᓂᐊᖃᑕᐅᔪᑦ ᐱᓇᓱᐊᕈᓐᓇᓯᓚᖓᔪᑦ ᒪᑯᓂᖓ ᐱᔭᑦᓴᐅᓲᓂᒃ ᓄᓇᒃᑰᔫᕐᓚᓂᒃ ᐊᐅᓚᑦᓯᓂᒃᑯᑦ.  ᑖᒃᑯᐊ ᐱᓇᓱᐊᕈᓐᓇᐅᑎᑦᓯᐊᕌᓘᓲᑦ ᐱᓇᓱᒐᕐᓄᑦ ᓄᓇᕕᒻᒥ ᓄᓇᓕᓐᓂ ᐊᑐᐃᓐᓇᐅᓲᓄᑦ (ᓱᓇᑐᐃᓐᓇᓂᒃ ᓴᓂᕐᕓᓯᒪᕖᑦ ᐆᑦᑐᕋᐅᑎᒋᓗᒋᑦ), ᐊᒻᒪᓗᑦᑕᐅᖅ ᓴᓇᓂᕐᒨᓕᖓᔪᓄᑦ ᐅᔭᕋᓐᓂᐊᓂᕐᒥᓗ ᐱᓇᓱᐊᕐᑎᓄᑦ.

ᖃᓄᐃᓕᖓᓕᕐᓂᖓ ᑕᑯᓗᒍ, ᐊᖏᕐᑕᐅᓂᖅ ᑲᔪᓯᑎᑦᓯᖃᑎᑦᑎᓄᑦ ᖃᑦᓯᐅᒪᖔᑕᓗ ᐃᓕᓐᓂᐊᖃᑕᐅᒍᒪᔪᑦ ᖃᐅᔨᓚᐅᕐᓗᒋᑦ, ᑕᒪᑐᒥᖓ ᐱᔭᕆᐅᕐᓴᑕᐅᒍᑎᖃᕐᓂᖅ ᒪᑐᐃᕐᑕᐅᑐᐃᓐᓇᒋᐊᖃᕐᒥᔪᖅ ᑭᓇᒃᑯᑐᐃᓐᓇᓄᑦ ᐆᑦᑐᕋᕐᑕᐅᒍᓐᓇᓯᓗᓂ.

ᐱᔭᕆᐅᕐᓴᖃᑕᐅᕈᒪᒍᕕᑦ, ᐱᔭᕆᐅᕐᓴᖃᑕᐅᕈᒪᓚᐅᕐᓂᐊᖁᑎᑦ ᐅᑕᕐᕿᖃᑕᐅᔪᓄᑦ ᐃᓕᓂᐊᕋᕕᑦ.