ᑕᒃᒐᓂ ᐱᔭᕆᐅᕐᓴᑕᐅᓂᕐᒥ ᐱᔪᓐᓇᓯᔭᖃᕐᓂᐊᑐᑎᑦ ᖃᐅᔨᒪᓂᕐᑖᓗᑎᓪᓗ ᐊᑐᕈᓐᓇᓂᐊᕐᑕᓂᒃ:

• ᐊᑦᑕᓈᕿᑦᑌᓕᓂᕐᒧᑦ ᐱᐅᓯᐅᑎᑦᓯᓂᕐᒧᓗ ᐊᑐᕐᑕᐅᔪᑦᓴᓕᐊᖑᓯᒪᔪᓂᒃ ᑌᑲᓂ ᐱᓇᓱᑉᕕᒋᓂᐊᕐᑕᓂ ᐊᑐᕐᑕᐅᑎᑦᓯᕙᓚᖓᔪᑎᑦ.
• ᐃᓄᐃᑦ ᐊᑦᑕᓇᕐᑐᒨᕐᑎᑌᓕᓗᒋᑦ ᑌᓐᓇᓗ ᓇᔪᕐᑌᑦ ᓱᒐᓗᑦᑐᒥᒃ.
• ᑌᑲᓂ ᐱᓇᓱᑉᕕᓂ ᐱᓂᕐᓗᑕᐅᑦᑌᓕᒌᒃᑯᑎᑕᖏᑦ ᐊᑐᕈᓐᓇᓯᐊᕐᒪᖔᑕ ᑲᒪᒋᖃᑦᑕᓗᒋᑦ.
• ᐱᓱᕋᓴᓯᖃᑦᑕᓗᑎᑦ ᐃᓪᓗᔪᐊᑉ ᐃᓗᐊᒍᑦ ᓯᓚᑖᒍᓪᓗ ᑲᒪᓗᑎᑦ

ᓱᓗᑲᑦᑎᓯᑦᑌᓕᔨᐅᑦᓱᓂ ᑲᒪᔨᐅᑉ ᐃᓕᑕᕆᔭᐅᑦᔪᑎᖓᓂᒃ ᐱᓚᖓᒍᕕᑦ, ᐱᔭᕆᐅᕐᓴᑕᐅᑦᓱᑎᒃ ᐊᓂᒍᐃᔪᕕᓃᑦ ᐆᒥᖓ ᑐᑦᓯᕋᐅᑎᓕᐅᒋᐊᓖᑦ ᓇᐅᓕᒫᑦ ᓱᓗᖃᑦᑎᑕᐅᑦᑌᓕᓂᖓᑕ ᐊᓪᓚᕕᖓᓄᑦ (BSP). ᑭᖑᓂᖓᒍᑦ ᑕᒪᑐᒪ, ᐱᔭᕆᐅᕐᓴᑕᕕᓂᐅᔪᑦ ᓯᑯᑦᓴᔮᐱᑦᑖᓕᕋᔭᕐᑐᑦ ᐱᖁᔭᑎᒎᕐᑐᒥᒃ ᐱᓇᓱᒐᕐᑖᕆᔪᓐᓇᓯᒐᒥᐅᒃ ᑲᒪᔨᐅᓂᖅ.

ᑕᒪᑐᒥᖓ ᐃᓕᓐᓂᐊᓂᖅ ᐊᑐᐃᓐᓇᕈᕐᑎᑕᐅᕈᑎᒋᔦᑦ ᐱᓇᓱᐊᕈᓐᓇᓯᓂᕐᒥᒃ ᑲᒪᔨᐅᑉ ᓱᓗᑲᑦᑎᓯᑦᑌᓕᓂᕐᒧᑦ ᐱᓇᓱᒐᖓᓂᒃ.  ᑖᓐᓇ ᐱᓇᓱᒐᖅ ᐱᓇᓱᑦᑕᐅᒍᓐᓇᑐᖅ ᐊᑦᔨᒋᖕᖏᑐᓂᒃ ᐱᓇᓱᑉᕕᐅᔪᓂ, ᐆᑦᑐᕋᐅᑎᒋᓗᒋᑦ:

• ᐱᓇᓲᑎᕐᓚᓂᒃ ᐱᓇᓱᑉᕕᓕᓐᓂ
• ᐋᓐᓂᐊᕕᓐᓂ
• ᐃᒻᒥᑯᐊᕐᑎᑐᓂᒃ ᓴᐳᒻᒥᒋᐊᕈᓐᓇᓯᓗᓂ (ᑲᒪᔨᖓ)
• ᑲᑎᒪᔪᓂᒃ ᐊᑦᑕᓇᕐᑐᒨᕆᑎᑦᓯᑌᓕᕈᓐᓇᓗᓂ
• ᐱᖁᑎᒋᔭᐅᔪᓂᒃ ᐃᓕᒪᓈᕿᑎᑦᓯᑌᓕᕈᓐᓇᓗᓂ
• ᒥᑉᕕᒥᒃ ᐃᓕᒪᓈᕿᑎᑦᓯᑌᓕᕈᓐᓇᓗᓂ
• ᐄᒐᕐᕕᒥᒃ ᐃᓕᒪᓈᕿᑎᑦᓯᑌᓕᕈᓐᓇᓗᓂ

ᐱᔭᕆᐅᕐᓴᑕᐅᓚᖓᒍᓂ ᑲᓱᕐᓗᓂᒋᑦ ᐅᑯᐊ:

• 18-ᓂᒃ ᐃᑭᓐᓂᐸᐅᑎᓪᓗᒋᑦ ᐅᑭᐅᖃᕐᓗᓂ ᐊᒻᒪᓗ ᐱᓇᓱᑦᑎᐅᖏᓪᓗᓂ.
• ᑐᑭᓯᐊᓗᓂ, ᐅᖄᕈᓐᓇᓗᓂ ᐊᓪᓚᕈᓐᓇᒋᐊᓕᒃ ᖃᓪᓗᓇᐅᔭᕐᑐᓂᒃ.
• ᐱᓂᕐᓗᓚᐅᕐᓯᒪᒋᐊᖃᖕᖏᑐᖅ ᐃᕐᖃᑐᐃᕕᐅᑉ ᓵᖓᒍᑦ (ᐃᓚᖏᑦ ᐊᑐᑦᓴᒋᐊᖃᕐᓂᑯᖏᓐᓄᑦ ᑌᒣᓕᖓᑎᑕᖅ, ᑐᑭᓯᒋᐊᑦᓯᐊᕈᓐᓇᑐᑎᑦ ᖃᓄᐃᓕᓗᑎᒍᑦ).