ᒪᙯᑦᑐᓂ ᐅᐃᒪᓇᕐᓯᔪᒥᒃ ᑲᒪᕐᖄᕈᓯᓂᒃ ᐃᓕᓐᓂᐊᒐᖅ ᑐᕌᖓᔪᓕᐊᖑᓯᒪᔪᖅ ᐅᑯᓄᖓ:

• ᑌᒃᑯᓄᖓ ᐱᔪᓐᓇᐅᑎᖃᕐᓗᑎᒃ ᒪᙯᑦᑐᓂᒃ ᑲᒪᔨᖕᖑᕈᒪᔪᓄᑦ ᐅᕝᕙᓘᓐᓃᑦ ᒥᕐᖑᐃᓯᕐᕕᒥ ᑲᒪᔨᖕᖑᕈᒪᔪᓄᑦ
• ᑌᒃᑯᓄᖓ ᐃᙯᓕᓴᕐᓂᑯᑦ ᓱᖃᑦᓯᓂᕐᒨᓕᖓᔪᓂᒃ ᐅᕝᕙᓘᓐᓃᑦ ᓱᕐᕃᒍᑎᖃᕋᑎᒃ ᓂᐅᕐᕈᑐᓕᕆᓂᕐᒥ ᐱᓇᓱᐊᕐᑐᓄᑦ
• ᐃᙯᓕᓴᕐᓂᑯᑦ ᓱᖃᑦᓯᓲᓄᑦ, ᓯᓚᒦᒋᐊᒥᒃ ᐊᓕᐊᒋᔭᓕᓄᑦ ᐊᒻᒪᓗ ᐊᒥᓱᒐᓚᐅᓈᕐᑎᑐᓂᒃ ᐅᐸᒋᐊᑐᔪᓄᑦ ᐱᔭᕆᐊᑐᔪᓄᑦ ᐁᔪᓂᒃ ᓯᕗᓕᓲᓄᑦ

ᐃᓕᓐᓂᐊᖃᑎᐅᔪᑦ ᐱᒃᑲᕆᑦᓯᒍᑎᓂᒃ ᖃᓄᐃᓘᕈᑎᑦᓴᓂᓪᓗ ᐃᓕᓐᓂᐊᓲᑦ ᐱᒍᓐᓇᑕᐅᒋᐊᓕᓐᓂᒃ ᑲᒪᔨᐅᖃᑦᑕᓂᐊᕐᑐᓄᑦ ᓯᕕᑐᓂᓕᒻᒥᒃ 24-ᓂᒃ ᑫᕙᓪᓚᒍᓯᓂᒃ ᐅᕝᕙᓘᓐᓃᑦ ᐊᒥᓱᒐᓚᓐᓂᒃ ᐅᓪᓗᓂᒃ.

ᑕᕝᕙᓂ ᐃᓕᓐᓂᐊᒐᕐᒥ ᐃᓕᓐᓂᐊᑕᐅᓲᑦ ᐅᑯᐊᖑᕗᑦ ᑕᒐ:

• ᒪᙯᑦᑐᓂ ᐋᓐᓂᐊᓯᐅᕆᓂᕐᒥ ᐃᓱᒪᒍᓰᑦ ᐊᒻᒪᓗ ᐋᓐᓂᐊᓯᐅᕐᑕᒥᒃ ᓇᐅᑦᓯᑐᕈᓰᑦ.
• CPR, AED, ᐊᒻᒪᓗ ᐃᓅᓕᑦᓯᒍᓯᓄᑦ ᐃᑲᔪᕐᓯᒪᐅᑏᑦ.
• ᐃᓅᑉ ᑎᒥᖓ ᐊᒻᒪᓗ ᐱᓀᓗᑕᕆᔭᐅᓲᑦ ᐊᓂᕐᓵᓂᖓᓅᓕᖓᔪᑦ, ᐊᐅᖓᓅᓕᖓᔪᑦ, ᐊᒻᒪᓗ ᐃᑉᐱᓂᐊᕈᑎᖏᓐᓅᓕᖓᔪᑦ.
• ᓴᐅᓂᖏᑦᑕ ᐋᓐᓂᓯᒪᓂᖏᓐᓂᒃ ᖃᐅᔨᓴᕐᓂᖅ ᐊᒻᒪᓗ ᓇᐱᓯᒪᔪᒥᒃ ᕿᕋᑦᑕᖁᓰᓂᖅ.
• ᖁᓖᒃᑯᑦ ᐋᓐᓂᓯᒪᓂᖏᓐᓂᒃ ᖃᐅᔨᓴᕐᓂᖅ ᐊᒻᒪᓗ ᑲᒪᒋᔭᐅᒍᓯᖏᑦ.
• ᑎᒥᖓᑕ ᖁᓄᒋᓕᕐᑕᖏᑦ ᐊᒻᒪᓗ ᐊᓂᕐᓵᖃᔦᕐᓂᖅ.
• ᐋᓐᓂᐊᓕᕐᑐᑦ ᐅᐃᒪᓇᕐᓯᔪᑦ ᐆᒃᑐᕋᐅᑎᒋᓗᒍ ᐃᐱᓂᐊᓕᑲᓪᓚᑐᖅ ᐊᒻᒪᓗ ᐊᐅᒻᒥᒍᑦ ᐱᑕᑦᓴᕆᓗᐊᕐᓂᖅ.
• ᑭᓕᕐᑐᓂᒃ ᐊᒻᒪᓗ ᐆᑦᓯᒪᔪᓂᒃ ᑲᒪᒋᔭᖃᕐᓂᖅ.
• ᐊᕙᑎᒧᐊᓕᖓᔪᓂᒃ ᐱᓀᓗᑕᓖᑦ ᐆᒃᑐᕋᐅᑎᒋᓗᒋᑦ ᕿᐅᔪᖅ, ᐆᓇᕐᓯᓗᐊᒧᑦ ᖃᓂᒻᒪᕈᓰᑦ, ᖃᐅᒻᒪᓚᑦᑕᐅᓂᖅ, ᐊᒻᒪᓗ ᐃᒫᕐᑐᑦ.
• ᓄᓇᑐᐃᓐᓇᒥ ᐋᓐᓂᐊᓯᐅᕆᓂᖅ ᐊᒻᒪᓗ ᓱᒃᑯᓇᕐᑐᑕᓖᑦ, ᑮᔭᐅᓃᑦ, ᐊᒻᒪᓗ ᖁᐱᕐᕈᒧᑦ ᑲᐱᔭᐅᓃᑦ.
• ᐋᓐᓂᐊᓯᐅᕆᓂᕐᒥ ᐱᖁᔭᓕᕆᓂᕐᒧᐊᖓᔪᑦ ᐱᓀᓗᑌᑦ.

ᓈᒻᒪᓈᕆᓯᒪᒋᐊᓕᒃ ᖃᓄᐃᓕᖓᒋᐊᖃᕐᓂᕃᒍᑎᖏᓐᓂᒃ ᐅᑯᓂᖓ:

1. ᐅᑭᐅᖃᕐᓗᓂ 16-ᓂᒃ ᐃᑭᓐᓂᓴᐅᖕᖏᑐᓂᒃ.
2. ᓄᓇᕕᒻᒥᐅᖑᒋᐊᓕᒃ.