ᐱᑦᔪᑎᐅᑎᓪᓗᒍ ᖃᓂᒪᓐᓇᔪᐊᑉ 19 ᖃᓄᐃᓕᖓᔪᒦᑎᑦᓯᓂᖓ ᓄᓇᕕᒻᒥ, ᓄᓇᓖᑦ ᐃᓚᖏᓐᓂ ᐃᓕᓐᓂᐊᕕᓐᓂᒃ ᐅᒃᑯᐊᑎᕆᒋᐊᖃᓚᐅᕐᑐᒍᑦ. ᑕᒪᑐᒥᖓ ᐊᐅᓚᑦᔭᕆᐊᕈᑎᖃᕐᓱᑎᒃ, ᐊᒥᓱᑦ ᐃᓕᓐᓂᐊᕖᑦ ᐱᓇᓱᖃᑎᒌᑦᑐᖁᑎᖏᑦ ᐊᑐᐃᓐᓇᕈᕐᑎᕆᓚᐅᔪᕗᑦ ᐃᓕᓐᓂᐊᕈᑎᑦᓴᖏᓐᓂᒃ ᐃᓕᓐᓂᐊᑎᒥ. ᑕᒪᑐᒥᖓ ᑌᒣᓕᖓᔪᒦᓐᓂᑎᓐᓂᒃ ᐊᑐᓕᕐᑐᒍᑦ ᐊᕗᖓᐅᓕᒋᐊᓪᓚᑐᓂᒃ ᐃᓕᓐᓂᐊᓂᐅᒍᓐᓇᑐᓂᒃ ᐱᔭᖃᕋᓱᒍᑎᖃᕐᓂᒥᒃ.

ᑖᒃᑯᐊ ᐊᓪᓚᑕᐅᓯᒪᔪᑦ ᐃᓗᓕᓕᒫᖏᑦ ᐱᔭᐅᓯᒪᕗᑦ  Nunavik-IcE.-ᒥᑦ ᐱᑕᖃᕐᑎᓯᒍᑎᐅᔪᑦ ᑐᑭᓯᒪᒍᑎᑦᓴᓂᒃ, ᐃᒣᓕᓗᒎᕈᑎᓂᓪᓗ ᖃᓄᐃᓘᕆᐊᓪᓛᒍᑎᓂᓪᓗ ᐅᖓᓯᑦᑐᒥ ᐃᓕᓐᓂᐊᓗᓂ, ᑖᒃᑯᐊ ᐅᖓᓯᑦᑐᒥᑦ ᐃᓕᓐᓂᐊᕈᑏᑦ ᓇᐅᓕᒫᓄᑦ ᐱᕙᓪᓕᖁᑎᐅᓚᖓᕗᑦ.

ᓯᕗᓪᓕᐹᒥ,  ᐃᓕᓭᔨᐅᑦᓱᑏᑦ ᐅᕝᕙᓘᓐᓃᑦ ᐃᓕᓐᓂᐊᑎᐅᑦᓱᑎᒃ, ᖃᕆᑕᐅᔭᒥᒃ ᐊᑦᑕᑐᐊᕐᑕᑎᑕᐅᓯᒪᒐᓗᐊᕐᕿᑦ? ᐃᓛᓕ, Nunavik-IcE ᒪᓂᒪᑎᑦᓯᒪᑦ ᐃᓕᓐᓂᒃ ᑕᓯᐅᕐᓯᓂᑦᓴᒥᒃ ᓱᖏᐅᑎᒐᓱᓐᓂᓂ ᓄᑖᒥᒃ ᑲᑎᕕᒃ ᐃᓕᓴᕐᓂᓕᕆᓂᐅᑉ ᖃᕆᑕᐅᔭᖓᓂᒃ. ᐱᑕᖃᕋᒥᒃ ᐃᓕᓐᓂᐊᑎᓂᒃ ᐃᑲᔪᕈᑎᓂᒃ ᐊᒻᒪᓗ   ᐃᓕᓭᔨᓂᒃ ᐃᑲᔪᕈᑎᓂᒃ ᐊᑐᐃᓐᓇᓂᒃ:

ᑌᒪᓖ ᖃᕆᑕᐅᔦᑦ ᐊᑐᐃᓐᓇᓯᐊᖑᓕᕐᒪᑦ, ᑭᖑᓪᓕᖏᑦ ᓱᓇᐅᓕᕆᕙᑦ?

ᐊᒻᒪᐅᑎᒍᕕᑦ Nunavik-IcE-ᑯᑦ ᖃᕆᑕᐅᔭᑎᒍᑦ ᑐᕃᓐᓇᑕᐅᕕᖓᓄᑦ, ᓇᓐᓃᒋᐊᖃᕐᖁᑎᑦ ᖃᓄᐃᓕᖓᓂᕐᓅᓕᖓᔪᒥᒃ (ᐃᓕᓐᓂᐊᑎᐅᒍᕕᑦ, ᐃᓕᓭᔨᐅᒍᕕᑦ ᐅᕝᕙᓘᓐᓃᑦ ᐊᖓᔪᕐᖃᕆᔭᐅᒍᕕᑦ) ᖃᑦᓯᒥᓪᓗ ᐳᕐᑐᓂᖃᕐᒪᖔᕐᐱᑦ. ᑖᒃᑯᓂᖓ ᓇᕐᓃᒋᕈᕕᑦ, ᖃᕆᑕᐅᔭᒃᑯᕈᑎ ᓄᐃᑦᓯᓚᖓᕗᖅ ᐊᑐᕆᐊᓕᑎᓐᓂᒃ. ᖃᖓᑐᐃᓐᓇᓕᒫᖅ, ᐅᖃᐅᓯᕐᒥᒃ ᐊᑐᕈᒪᔭᕐᓂᒃ ᓇᕐᓃᒍᓐᓇᐳᑎᑦ “ᒍᐃᒍᐃᑎᑐᑦ/FR”, “ᖃᓪᓗᓈᕐᑎᑐᑦ/EN” ᐅᕝᕙᓘᓐᓃᑦ “ᐃᓄᒃᑎᑐᑦ/IU”  ᖃᕆᑕᐅᔭᐅᑉ ᑕᓕᕐᐱᐊᓂ ᓄᐃᑕᔪᑦ.

ᕿᓂᕐᐲᑦ ᐱᒍᒪᔭᓪᓗᑯᐊᐱᓐᓂᒃ? ᐊᑐᕐᓗᒋᑦ “ᕿᓂᕈᑎᓂᒃ ᐃᑲᔪᕐᓯᒪᒍᑏᑦ” ᑭᓪᓕᐊᓃᑦᑐᑦ ᕿᓂᕈᑎᐅᑉ ᓇᕐᓂᑕᐅᕕᖓᑕ ᐊᑐᓚᖓᔭᑎᓐᓂᒃ ᓄᐃᑎᑦᓯᓯᐊᕆᐊᖁᓗᒍ. ᓲᕐᓗ, ᐃᓕᓐᓂᐊᑎᓂᒃ ᐅᑦᑐᕋᖁᔨᕗᒍᑦ “ᐊᑐᐊᒐᐅ” ᐱᖓᓂᒃ ᐊᓱᐃᓛᓗ ᕿᒥᕐᕈᓯᓗᒋᑦ ᐅᓄᕐᑐᑦ ᑭᐅᑦᔪᑕᖏᑦ. ᐊᒥᓱᕐᔪᐊᕌᓗᒻᒪᑕ ᐊᑐᐊᒉᑦ ᓇᓪᓕᖏᑦ ᐊᑐᕐᑕᐅᒍᓐᓇᑐᑦ!

ᐃᓕᓐᓂᐊᑎᑦᓯᔨᐅᒍᕕᑦ ᐅᑯᓂᖓ ᕿᒥᕐᕈᒍᒪᑐᐃᓐᓇᕆᖃᕐᐳᑎᑦ Zoom configuration and functionalities? ᐅᕝᕙᓘᓐᓃᑦ ᐃᓕᑦᓯᓯᒪᓕᕐᑕᑎᓐᓂᒃ ᐱᓯᑎᖕᖑᕆᓪᓛᕕᖃᕈᒪᒐᔭᕐᑐᑎᑦ ᐁ? ᐅᑦᑐᕋᓚᐅᒃᑭᑦ “ᐱᔪᓐᓇᐅᑎᓕᓐᓂᒃ ᐱᒋᐅᕐᓴᒋᐊᓪᓛᑎᑦᓯᒍᑏᑦ” ᕿᒥᕐᕈᒍᒪᒐᔭᕐᑕᑎᑦ ᓱᓇᒥᒃ ᐃᓕᓐᓂᐊᑎᑦᓯᒍᑎᑦᓴᑕᖃᕐᒪᖔᑕ! ᑕᑯᒋᐊᕈᓐᓇᕆᕗᑎᑦ “ᓄᓇᕐᖃᑎᒌᓂᒃ” Teams-ᒦᑦᑐᓂᒃ ᐅᖃᖃᑎᒋᓂᐊᕋᕕᒋᑦ ᐱᑖᑦᓴᖏᓐᓂᓗ ᐱᕕᒋᓗᒋᑦ ᐱᒍᒪᔭᕐᓂᒃ ᐱᖃᕐᐸᑕ.

ᐱᐅᓯᓕᑦᓴᔭᐅᕖᑦ ᖃᐅᔨᒪᒐᓱᑦᓯᑎᐅᓂᕐᒥᒃ ᓄᑖᖑᓕᕐᑐᑐᐃᓐᓇᓂᒃ? ᑌᒣᑦᑐᑐᐊᕈᕕᑦ, ᑕᑯᕙᓪᓕᐊᖑᔭᕐᑎᓯᒍᑏᑦ ᐲᕐᓗᒋᑦ ᑐᕃᓐᓇᓕᕆᑦ “ᐅᐃᒍᑕᕆᒍᑎᐅᕐᖃᒦᑦ” ᐊᕕᑦᑐᓯᒪᔪᖃᐅᑎᖏᓐᓃᑐᓄᑦ.

ᓇᓪᓕᖓᐅᒐᓗᐊᕈᕕᑦ “ᐃᓕᓐᓂᐊᑎ, ᐃᓕᓐᓂᐊᑎᑦᓯᔨ” ᐅᕝᕙᓘᓐᓂᑦ “ᓇᓪᓕᐊᓂᒃ ᐳᕐᑐᓂᖃᕋᓗᐊᕈᕕᑦ”, ᖃᐅᔨᓴᕐᑕᖃᕐᓂᖅ Nunavik-IcE-ᒥᒃ ᐊᓯᕐᕿᓂᐅᓚᖓᖕᖏᓚᖅ. ᐊᒥᓱᓂᒃ ᓄᐃᑕᖕᖏᑐᓂᒃ ᐱᐅᔪᕐᑕᖃᕐᒪᑦ ᓴᓇᒪᔪᓂᒃ ᐃᓕᓐᓂᐊᕈᑎᒋᓗᒋᑦ ᐊᓕᐊᓇᕐᑎᑕᐅᒐᓱᑦᑐᓂᒃ ᓇᓗᓇᓪᓗᐊᖏᑦᑑᓗᑎᒃ. ᓲᕐᓗ, ᓂᐱᒥᒃ ᓂᑦᔮᑎᑦᓯᒍᑎ ᖃᕆᑕᐅᔭᐅᑉ ᐃᒐᓛᖓᑕ ᖁᓛᓂ ᒪᑉᐱᕋᐅᑉ ᑕᓕᕐᐱᐊᓃᑦᑐᖅ ᓄᓇᐅᔭᒥᒃ ᑕᐅᑦᑐᓕᒻᒥᒃ ᓂᑦᔮᑎᑦᓯᒍᑎᒥᒃ ᓇᕐᓂᒐᖃᕐᓱᓂ ᖃᓄᖅ ᐅᖃᕐᑕᐅᓱᖑᒻᒪᖔᑦ ᑐᓵᑎᑦᓯᒍᑎᒥᒃ.

ᐃᓕᓐᓂᐊᓂᖅ ᐊᓕᐊᓇᖕᖏᑐᐊᓗᑐᐃᓐᓇᐅᒋᐊᖃᑦᔭᖏᓪᓚᑦ. ᖁᕕᐊᓇᕐᑐᒋᐊᖃᕋᒥ ᐊᑦᔨᒌᖕᖏᑐᐊᓘᓗᓂᓗ. ᑐᑭᓯᒪᕗᖑᑦ Nunavik-IcE ᑕᒪᒃᑯᓂᖓ ᐱᑕᖃᕆᐊᖓ ᐊᓯᖏᓐᓂᓗ!