ᓂᕈᐊᕐᓂᒥ ᓄᐃᑕᐅᔪᑦ: ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐃᓕᓐᓂᐊᓂᕐᒥᒃ ᑭᒡᒐᑐᕐᑎᖏᓐᓂᒃ

2014 | 11 | 20
ᑐᓴᕋᑦᓴᖅ

ᒪᓐᑐᔨᐊ, ᑯᐯᒻᒥ (ᓄᕕᐱᕆ 20, 2014) – ᑲᑎᕕᒃ ᐃᓕᓐᓂᐊᓂᓕᕆᓂᖅ ᐊᓕᐊᓱᕐᖁᖅ ᑐᓴᕐᑕᐅᑎᑦᓯᓂᕐᒥᒃ ᓂᕈᐊᕐᑕᐅᔪᓂᒃ ᐃᓕᓐᓂᐊᓂᕐᒥᒃ ᑭᒡᒐᑐᕐᑎᐅᓂᕐᒧᑦ ᓄᓇᕕᓕᒫᒥ.

ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ ᓂᕈᐊᕐᑕᐅᓯᒪᓛᕐᑐᑦ ᐊᕐᕌᒍᓂ ᐱᖓᓱᓂ.

ᐃᓕᓐᓂᐊᓂᕐᒥᒃ ᑭᒡᒐᑐᕐᑎᖑᕐᖃᒥᑦᑐᑦ ᑲᑎᒪᒋᐊᖕᖓᐅᑎᖃᓛᕐᑐᑦ ᒪᓐᑐᔨᐊᒥ, ᑎᓯᐱᕆ 9-ᒥᑦ 12-ᒧᑦ. ᑲᑎᒪᒋᐊᖕᖓᓂᕐᒥᓂ, ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ ᓂᕈᐊᓛᕐᒥᔪᑦ, ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐊᖓᔪᕐᖄᓴᖓᓂᒃ ᐳᕐᑐᓂᕐᓭᓗ ᑲᑎᒪᔨᑦᓴᖏᓐᓂᒃ. ᑌᒣᖕᖏᓂᖏᓐᓂ, ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐊᖓᔪᕐᖄᕆᖃᑦᑕᓚᐅᕐᑕᖓ ᔮᓂ ᖃᓴᓪᓗᐊᖅ, ᐊᖓᔪᕐᖄᖑᖏᓐᓇᑫᓐᓇᓚᖓᔪᖅ.

ᑲᑎᕕᒃ ᐃᓕᓐᓂᐊᓂᓕᕆᓂᖅ ᑐᓴᕐᑎᓯᕕᑦᓴᖃᕈᒪᒻᒥᔪᖅ ᐃᓕᓴᕐᓂᓕᕆᔩᑦ ᐊᖓᔪᕐᖄᖏᑦ ᑭᓇᒃᑰᒪᖔᑕ. ᐃᓕᓴᕐᓂᓕᕆᔩᑦ ᓄᓇᓕᓐᓂ ᓂᕈᐊᕐᑕᐅᓚᐅᔪᒻᒥᔪᑦ ᓯᑎᐱᕆ 30-ᒥ ᐆᒃᑑᐱᕆ 1-ᒥᓪᓗ 2014-ᒥ.

ᐃᓕᓴᕐᓂᓕᕆᔩᑦ ᓂᕈᐊᕐᑕᐅᓲᑦ ᓄᓇᓕᒻᒥ ᕿᑐᕐᖓᖃᕐᓱᑎᒃ, ᐊᔪᖀᒋᐊᕐᑎᒋᔭᐅᑦᓱᑎᒃ ᐃᓕᓐᓂᐊᓂᕐᒥᒃ ᑭᒡᒐᑐᕐᑎᓄᑦ. ᑲᑎᒪᔩᑦ ᑖᒃᑯᐊ ᐱᓪᓚᕆᐅᑦᓱᑎᒃ ᖃᓄᐃᓘᕐᑎᐅᓂᓖᑦ ᐃᓕᓐᓂᐊᕕᓐᓄᑦ ᓄᓇᕕᒻᒥᓗ ᓄᓇᓕᓐᓄᑦ. ᐃᓕᓴᕐᓂᓕᕆᔩᑦ ᐊᕐᕌᒎᓐᓂ ᒪᕐᕉᓂ ᓂᕈᐊᕐᑕᐅᓯᒪᓲᑦ.

ᓂᕈᐊᕐᑕᐅᔪᑦ: ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ 

ᐃᓕᓴᕐᓂᓕᕆᔩᑦ ᐊᖓᔪᕐᖄᖏᑦ:

ᑲᖏᕐᓱᐊᓗᑦᔪᐊᖅ: ᒪᑰᒻᐱ ᐋᓇᓈᒃ

ᑰᑦᔪᐊᖅ: ᓯᓰᓕᐊ ᐋᓐᑐᓴᓐ

ᑕᓯᐅᔭᖅ: ᑖᒥ ᐋᓇᓈᒃ

ᑲᖏᕐᓱᒃ: ᐃᓕᓴᐱ ᐋᓇᖃᑕᖅ

ᖁᐊᕐᑕᖅ: ᐋᓂ ᑯᓗᓛᖅ ᐊᕐᓇᑐᖅ

ᑲᖏᕐᓱᔪᐊᖅ: ᐋᓚᓯ ᐋᕐᖓᖅ

ᓴᓪᓗᐃᑦ: ᐹᑦᓯ ᑳᒧᕋᓐ

ᐃᕗᔨᕕᒃ: ᔮᓂ ᒪᖏᐅᖅ

ᐳᕕᕐᓂᑐᖅ: ᐱᐊᑦᓯ ᐳᑐᒍᖅ

 ᐊᑯᓕᕕᒃ: ᐊᓚᑯ ᖁᓪᓕᐊᓗᒃ

ᐅᒥᐅᔭᖅ: ᒫᑯᓯ ᑐᑲᓗᒃ

ᑰᑦᔪᐊᕌᐱᒃ: ᑳᓓ ᐅᐃᑖᓗᒃᑐᖅ

ᐅᕙᑦᑎᓅᓕᖓᔪᑦ:

ᑲᑎᕕᒃ ᐃᓕᓐᓂᐊᓂᓕᕆᓂᖅ (KSB) ᐱᖕᖑᑎᑕᐅᓯᒪᔪᖅ 1975-ᒥ, ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᑎᒍᑦ. 1978-ᒥᓂᑦ, ᐱᒍᑦᔨᔨᑐᐊᖑᓲᖑᓕᕐᑐᖅ ᐃᓕᓐᓂᐊᑎᑦᓯᓂᕐᒥᒃ ᓄᓇᕕᒻᒥᐅᓄᑦ. ᐃᓕᓐᓂᐊᕈᑏᑦ ᑐᕌᒐᖏᑦ ᐱᖕᖑᑎᑕᐅᓯᒪᔪᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᐃᓕᓐᓂᐊᑎᑦᓯᒍᑎᐅᕗᑦ ᓄᓇᕕᐅᑉ ᐃᓕᓐᓂᐊᕕᖏᓐᓂ ᓄᓇᓕᓐᓂ 14-ᓂ, ᐃᓄᒃᑎᑐᑦ ᐅᖃᐅᓯᕐᖄᖓᓂ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᒋᔭᖏᓐᓂᒃ. ᑐᑭᓯᒋᐊᕐᕕᓴᖅ: www.kativik.qc.ca

— 30 —

ᑐᑭᓯᒋᐊᕈᒪᕈᕕᑦ, ᐅᖄᓚᕕᒋᓗᒍ:

ᔮᑦ ᑐᔅᓅ ᐱᐊᕐᓃ
ᑭᓇᒃᑯᑐᐃᓐᓇᓄᑦ ᑐᓴᐅᒪᖃᑎᒌᒍᑎᓕᕆᔨ
publicrelations@kativik.qc.ca
(514) 482-8220