ᓂᕈᐊᕐᓂᐅᑉ ᓄᐃᑎᑕᖏᑦ: ᑲᑎᕕᒃ ᐃᓕᓴᕐᓂᓕᕆᓂᕐᒥ ᑭᒡᒐᑐᕐᑏᑦ

ᑰᑦᔪᐊᖅ (ᓅᕕᒻᐱᕆ 15, 2017) – ᑲᑎᕕᒃ ᐃᓕᓴᕐᓂᓕᕆᓂᖅ ᖁᕕᐊᓱᑉᐳᖅ ᑐᓴᕐᑎᓯᒋᐊᒥᒃ ᑯᐯᒃᑯᑦ ᓂᕈᐊᕐᓂᒥ ᓄᐃᑎᑕᖏᑦ: ᑲᑎᕕᒃ ᐃᓕᓴᕐᓂᓕᕆᓂᕐᒥ

ᑰᑦᔪᐊᖅ ᑯᐯᒃ (ᓅᕕᒻᐱᕆ 15, 2017) – ᑲᑎᕕᒃ ᐃᓕᓴᕐᓂᓕᕆᓂᖅ ᖁᕕᐊᓱᑉᐳᖅ ᑐᓴᕐᑎᓯᒋᐊᒥᒃ ᓂᕈᐊᕐᓂᐅᓚᐅᕐᑐᒥ ᐃᓕᓐᓂᐊᓂᕐᒥ ᑭᒡᒐᑐᕐᑎᓐᓂ ᓄᑖᓂᒃ. ᐊᑐᓂᑦ ᓄᓇᓖᑦ ᓄᓇᕕᒻᒥ ᓂᕈᐊᕐᓂᖃᓚᐅᕐᖁᑦ ᑭᒡᒐᑐᕐᑎᓴᓂᒃ ᐃᓕᓐᓂᐊᓂᕐᒥ.

ᓂᕈᐊᕐᑕᐅᔪᑦ ᑭᒡᒐᑐᕐᑏᑦ ᐱᖓᓱᓂᒃ ᐊᕐᕌᒍᓂᒃ ᓂᕈᐊᕐᑕᐅᒪᓚᖓᕗᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ ᑭᒡᒐᑐᕐᑎᐅᓂᕐᒧᑦ ᐃᓕᓐᓂᐊᓂᕐᒥ.

ᓄᑖᑦ ᓂᕈᐊᕐᑕᐅᒪᔪᑦ ᑭᒡᒐᑐᕐᑏᑦ ᐃᓕᓐᓂᐊᓂᕐᒥ ᓯᕗᓪᓕᐹᒥᒃ ᑲᑎᖕᖓᓂᖃᓛᕐᖁᑦ ᒪᓐᑐᔨᐊᒥ, ᑏᓯᒻᐱᕆ 4-ᒥᑦ 7-ᒧᑦ. ᑕᒡᒐᓂ ᓯᕗᓪᓕᐹᒥ ᑲᑎᖕᖓᓂᕐᒥ, ᑭᒡᒐᑐᕐᑏᑦ ᓂᕈᐊᕐᓂᖃᓛᕐᖁᑦ ᑖᒃᑰᓗᑎᒃ, ᑲᑎᕕᒃ ᐃᓕᓴᕐᓂᓕᕆᓂᕐᒥ ᐊᖓᔪᕐᖄᓴᕐᒥᒃ ᐊᒻᒪᓗ ᐃᓕᓴᕐᓂᓕᕆᔨᑦᓴᓂᒃ. ᑕᒪᓐᓇ ᓂᕈᐊᕐᓂ ᐊᑑᑎᖕᖏᓂᖓᓂ ᐊᖓᔪᕐᖄᖓ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐋᓚᓯ ᓈᓚᑦᑑᔭᖅ ᐊᑕᖏᓐᓇᓚᖓᕗᖅ ᐊᖓᔪᕐᖄᖑᓂᕐᒥᓄᑦ.

ᓂᕈᐊᕐᑕᐅᔪᑦ: ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ

ᑭᓇᒃᑰᓂᕗᑦ:

ᑲᑎᕕᒃ ᐃᓕᓐᓂᐊᓂᓕᕆᓂᖅ (ᑲᑎᕕᒃ) ᑎᒥᖕᖑᑎᑕᐅᔪᕕᓂᖅ 1975-ᖑᑎᓪᓗᒍ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ (ᐊᖏᖃᑎᒌᓐᓂᖅ). 1978-ᒥᓂᑦ ᐱᑕᖃᕐᑎᓯᔪᑐᐊᖑᓯᒪᕗᖅ ᐃᓕᓐᓂᐊᓂᕐᒨᓕᖓᔪᓂᒃ ᐱᒍᑦᔨᐅᑎᓂᒃ ᓄᓇᕕᒻᒥᐅᓄᑦ. ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ, ᐃᓕᓐᓂᐊᓂᓕᕆᓂᖅ ᐱᔪᓐᓇᓂᖃᕐᑎᑕᐅᔪᖅ ᐊᐅᓚᑦᓯᔨᐅᕕᖃᕐᑎᑕᐅᑦᓱᓂᓗ ᐃᓄᐃᑦ ᐃᓗᕐᕈᓯᖓᓂᒃ ᒪᓕᑦᓯᐊᑐᓂᒃ ᐃᓕᓐᓂᐊᕈᑎᑦᓴᓕᐅᕐᓂᒥ ᐃᓕᓐᓂᐊᑎᑦᓯᓂᕐᒥᓗ. ᑐᕌᒐᖓ ᑎᓕᔭᐅᒪᒍᑎᒋᑦᓱᒍ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᑌᒣᒻᒪᑦ ᒪᕐᕈᐃᓕᕿᖓᕗᖅ. ᓯᕗᓪᓕᖅ, ᓄᓇᓕᓕᒫᓂ ᐃᓕᓐᓂᐊᓂᓕᕆᔨᐅᑦᓱᓂ ᓄᓇᕕᒻᒥᐅᓕᒫᓄᑦ. ᐁᑉᐹᒍᓪᓗ, ᑎᒥᖁᑎᒋᔭᐅᕗᖅ ᐊᑦᔨᒋᔭᐅᖕᖏᑐᓂᒃ ᐱᔪᓐᓇᐅᑎᖃᕐᓱᓂ ᐊᐅᓚᑦᓯᔨᐅᕕᖃᕐᓱᓂᓗ ᓴᐳᑦᔨᒍᑎᐅᒋᐊᕐᑐᓂᒃ, ᐱᑕᖃᕐᑎᓯᖏᓐᓇᕈᑎᐅᒋᐊᕐᑐᓂᒃ, ᐊᒻᒪᓗ ᐱᕙᓪᓕᐊᑎᑦᓯᒍᑎᓂᒃ ᐃᓄᐃᑦ ᐅᖃᐅᓯᖓᓂᒃ, ᐃᓗᕐᕈᓯᖓᓂᒃ, ᐃᓅᑦᔪᓯᖓᓂᓪᓗ. ᐃᓕᓐᓂᐊᕈᑎᑦᓭᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᐃᓕᓐᓂᐊᕈᑎᓕᐊᑦ ᐃᓕᓐᓂᐊᑎᑦᓯᒍᑎᐅᕗᑦ ᐃᓘᓐᓇᖏᓐᓂᑦ ᑖᒃᑯᐊ 14-ᐃᑦ ᓄᓇᓖᑦ ᐃᓕᓐᓂᐊᕕᖏᓐᓂᑦ, ᐃᓄᒃᑎᑐᑦ ᐅᖃᐅᓯᕐᖄᖓᓂᒃ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᖓᓂᒃ. ᐃᓕᓐᓂᐊᓂᓕᕆᓂᖅ ᐊᐅᓚᑦᓯᔪᖅ 17-ᓂᒃ ᐳᒃᑭᓂᕐᓴᓂ ᐳᕐᑐᓂᕐᓴᓂᓪᓗ ᐃᓕᓐᓂᐊᕕᓐᓂᒃ ᐊᒻᒪᓗᑦᑕᐅᖅ 5-ᓂᒃ ᐃᓄᒻᒪᕇᑦ ᐃᓕᓐᓂᐊᕕᖏᓐᓂᒃ. ᑐᑭᓯᒋᐊᓪᓚᕈᑎᑦᓭᑦ ᑕᑯᔭᐅᒍᓐᓇᑐᑦ ᐅᕙᓂ: www.kativik.qc.ca

— 30 —

ᖃᐅᔨᒋᐊᑦᓯᐊᕈᒪᒍᕕᑦ, ᐅᓇ ᐅᖄᓚᕕᒋᓗᒍ:

ᔮᑦ ᑎᓯᓅ-ᐱᐊᕐᓂ ᑐᓴᐅᒪᖃᑎᒌᓐᓂᒥᒃ ᐊᑕᐅᑦᓯᑰᕐᑎᓯᔨ

publicrelations@kativik.qc.ca 514-482-8220 ext.: 309