ᐊᖓᔪᕐᖄᕆᔭᖅ ᕿᑐᕐᖓᒥᓂᒃ ᐊᓂᕐᕋᒥ ᐃᓕᓐᓂᐊᑎᑕᐅᖁᔨᔪᖅ ᐃᒣᓘᕆᐊᓕᒃ:

• ᑐᑦᓯᕋᐅᑎᓕᐅᕈᑎ ᐊᓂᕐᕋᒥ ᐃᓕᓐᓂᐊᑎᑕᐅᖁᔨᒍᑎ ᑕᑕᕐᓴᒐᖅ ᑕᑕᕐᓴᒌᑦᓯᐊᓗᒍ
• ᐋᕐᕿᓱᐃᓗᓂ ᐃᓕᓐᓂᐊᓂᕐᒥ ᐸᕐᓀᒍᑎᒥᒃ ᓇᓗᓀᕐᓯᓯᒪᑦᓯᐊᑐᒥᒃ ᖃᓄᐃᓘᕐᑐᓂᒃ ᕿᑐᕐᖓᖓ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐃᓕᓐᓂᐊᑎᑕᐅᓚᖓᒻᒪᖔᑦ
• ᐱᑕᖃᕐᑎᓯᓗᓂ ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐱᔭᕇᕐᓂᒧᑦ ᐃᓕᑕᕆᔭᐅᒍᑎᒥᒃ (ᓇᓪᓕᖁᐊᖓᓂᓘᓐᓃᑦ)

ᐃᓕᓐᓂᐊᓂᕐᒥ ᐸᕐᓀᒍᑎᖓ ᑕᑯᑦᓴᐅᑎᑦᓯᒋᐊᓕᒃ, ᐊᑐᕆᐊᓕᒃ ᒪᓕᓪᓗᒍ, ᑲᑎᕕᒃ ᐃᓕᓴᕐᓂᓕᕆᓂᐅᑉ ᐅᕝᕙᓘᓐᓃᑦ ᑯᐯᒃ ᐃᓕᓐᓂᐊᕈᑎᖏᓐᓂᒃ.  ᐅᑭᓂᖓ ᓇᓗᓀᕐᓯᓗᑐᕐᓯᒪᒋᐊᓕᒃ:

• ᐃᓕᓐᓂᐊᑎᐅᑉ ᐳᒃᑭᓂᕐᓴᓂ ᐳᕐᑐᓂᕐᓴᓂᓪᓘᓃᑦ ᐳᕐᑐᓂᖓ
• ᐃᓕᓐᓂᐊᕈᑎᑦᓭᑦ ᐃᓗᓐᓂᐊᕈᑎᑦᓴᖏᓐᓂᓗ ᐃᑲᔪᕐᓯᒪᐅᑏᑦ ᐊᑐᕐᑕᐅᓚᖓᔪᑦ
• ᖃᓄᐃᓕᖓᑎᓪᓗᒋᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐅᕝᕙᓘᓐᓃᑦ ᑯᐯᒃ ᐃᓕᓐᓂᐊᕈᑎᖏᓐᓂᑦ ᐱᒍᓐᓇᓯᔭᐅᓯᒪᒋᓖᑦ ᐱᓇᓱᐊᕐᑕᐅᑎᑕᐅᓂᐊᕐᒪᖔᑕ
• ᖃᓄᐃᓕᖓᔪᓂᒃ ᐊᒻᒪᓗ ᖃᓄᓪᓗᐊᑎᒋ ᑲᔪᓯᔪᓂᒃ ᖃᐅᔨᓴᕐᑕᐅᒍᑎᖃᕐᒪᖔᑕ ᐃᓕᓐᓂᐊᑎᑦᓯᓂᕐᒥ ᐃᓕᓐᓂᐊᓂᕐᒥᓗ ᐃᑲᔪᕐᓯᒍᑎᐅᓂᐊᕐᑐᓂᒃ
• ᐱᓇᓱᐊᕈᓯᑕᒫᖅ ᑫᕙᓪᓚᒍᓰᑦ ᐊᑐᕐᑕᐅᓂᐊᕐᑐᑦ ᐊᑐᓂᑦ ᐃᓕᓐᓂᐊᒐᕐᓄᑦ ᐊᒡᒍᑕᐅᓯᒪᓂᕆᓂᐊᕐᑕᖏᑦ

ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᑐᑦᓯᕋᐅᑎᑎᑦ ᐊᖏᕐᑕᕕᓂᐅᑉᐸᑕ, ᐊᓂᕐᕋᒥ ᐃᓕᓐᓂᐊᑎᑦᓯᓂᕐᒧᑦ ᐊᖏᕐᓯᒪᐅᑎᒥᒃ ᐊᑎᓕᐅᕐᓂᐊᑐᑎᑦ*.

*ᐊᒡᓚᓯᒪᔪᖅ ᑖᓐᓇ ᐊᑐᕐᓂᐊᑐᖅ ᐃᓕᓐᓂᐊᓇᐅᑉ ᐊᕐᕌᒍᓕᒫᒧᑦ ᐅᖓᑖᓅᖕᖏᑐᖅ. ᐊᖓᔪᕐᖄᕆᔦᑦ.ᐊᓂᕐᕋᒥ ᐃᓕᓐᓂᐊᑎᑦᓯᓂᕐᒧᑦ ᐊᖏᕐᓯᒪᐅᑎᒥᒃ ᓄᑕᐅᓯᓕᕆᒍᒪᔪᐃᑦ ᑐᑦᓯᕋᐅᑎᓕᐅᕆᐊᓖᑦ ᓄᑖᒥᒃ ᐃᓕᓐᓂᐊᓇᐅᑉ ᐊᕐᕌᒍᒋᓚᖓᔭᖓᓄᑦ ᐊᖏᕐᑕᐅᓯᒪᒍᑎᑦᓴᒥᓂᒃ.

ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᑐᑦᓯᕋᐅᑏᑦ ᐊᐅᑳᕐᑕᐅᐸᑦ, ᕿᑐᕐᖓᓂᒃ ᓄᓇᓕᒻᒥ ᐃᓕᓐᓂᐊᕕᒻᒥ ᐃᓕᓐᓂᐊᑎᐅᒍᑎᑦᓴᖓᓄᑦ ᐊᒡᓚᑕᐅᑎᑦᓯᒋᐊᖃᕐᑐᑎᑦ.

ᐊᖏᕐᑕᐅᒍᑎᒥᒃ ᐱᑖᑦᓴᑐᐊᕈᕕᑦ ᕿᑐᕐᖓᓂᒃ ᐃᓕᓐᓂᐊᑎᑦᓯᓂᕐᒧᑦ ᐊᓂᕐᕋᒥ, ᐊᓂᕐᕋᒥ ᐃᓕᓐᓂᐊᑎᑦᓯᓂᕐᒧᑦ ᐊᖏᕐᓯᒪᐅᑎ ᐊᑎᓕᐅᕐᑕᐅᓲᖅ.  ᐊᖓᔪᕐᖄᕆᔭᐅᓗᑎᑦ ᐃᒣᓘᒋᐊᖃᕐᑐᑎᑦ:

• ᑕᑯᑦᓴᐅᑎᓗᒍ ᐱᒍᓐᓇᓃᑦ ᐃᓕᓐᓂᐊᕈᑎᑦᓴᖃᕐᑎᓯᒍᓐᓇᓂᕐᒥᒃ ᐃᓕᓐᓂᐊᕕᒻᒥ ᐃᓕᓐᓂᐊᑎᑦᓯᒍᑏᑦ ᓇᓪᓕᖁᐊᖏᓐᓂᒃ.
• ᐊᒡᓚᓯᒪᔪᖁᑎᖃᑦᓯᐊᓚᖓᓗᑎᑦ ᐃᓕᓐᓂᐊᑎᑦᓯᒍᑎᑎᑦ ᓱᓇᐅᓂᖏᓐᓂᒃ, ᐃᓕᓐᓂᐊᓂᕐᒥ ᐊᒻᒪᓗ ᖃᐅᔨᓴᕈᑎᓄᑦ ᐊᑑᑎᔭᐅᔪᓂᒃ.
• ᕿᑐᕐᙰᑦ ᐁᓯᒪᑎᑦᓯᐊᓗᒍ ᐃᓕᓴᕐᓂᓕᕆᓂᐅᑉ ᐊᕐᕌᒎᑉ-ᐃᓱᐊᓂ ᐃᓕᓐᓂᐊᑏᑦ ᖃᐅᔨᓴᕐᑕᐅᒍᑎᒥᓂᒃ ᐱᓇᓱᐊᕐᑎᑕᐅᓂᖏᓐᓄᑦ.