ᐊᐴᓯᙰᑦᑐᓕᐅᕐᓂᖅ ᐃᓚᐅᑎᑦᓯᓂᕐᒥᒃ ᐃᓕᓐᓂᐊᑎᑦᓯᓂᒃᑯᑦ ᑯᕆᔅᑏᓐ ᑯᕈᓭᑦᓗ
ᐅᒻᒪᑎᖏᓐᓂᑦ ᐃᓕᓐᓂᐊᕕᓕᒫᑦ ᓄᓇᓕᓐᓂᑦ ᐃᓕᓐᓂᐊᑎᑦᓯᔨᖃᕐᖁᖅ ᐱᒐᓱᐊᓪᓚᕆᑦᑐᓂᑦ ᐊᔪᐃᓐᓇᕙᑦᓱᑎᒃ ᐃᓕᓐᓂᐊᑎᒥᓂᒃ ᐱᔭᕇᕐᓂᒨᖁᔨᒐᒥᒃ.ᑲᑎᕕᒃ ᐃᓕᓴᕐᓂᓕᕆᓂᒃᑯᓂ,ᐊᑯᓂ ᐱᓇᓱᑦᑎᐅᓕᕐᑐᑦ ᑯᕆᔅᑏᓐ ᑯᕈᓭᑦ ᑯᒐᓓᑦ ᐊᑕᓐᓂᐅᓯᒪᓪᓚᕆᒃᑯᑦ ᐱᓇᓱᑦᑕᒥᓄᑦ ᐃᓕᓐᓂᐊᑎᑦᓯᓂᕐᒥᒃ ᐊᒻᒪᓗ ᑕᑯᑦᓴᐅᑎᑦᓯᒋᐊᓪᓛᓂᕐᒥᒃ ᖃᓄᖅ ᐃᓕᓐᓂᐊᑕᐅᒍᓐᓇᓃᑦ ᐊᑦᔨᒌᙱᑐᑦ ᐊᑑᑎᓲᖑᒻᒪᖔᑕ ᐃᓕᓐᓂᐊᑎᓄᑦ ᓄᓇᕕᓕᒫᕐᒥ.
ᐊᑯᓂ ᐊᖏᕐᓯᒪᓂᖅ ᓄᓇᕕᒻᒥ ᐃᓕᓐᓂᐊᑎᓄᑦ
ᑯᕆᔅᑏᓐ ᖁᓖᑦ ᐅᖓᑖᓄᑦ ᐃᓚᐅᓕᕐᖁᖅ ᐊᓯᑦᔨᑐᐃᓂᕐᒥᒃ ᓄᓇᕕᒻᒥ,ᐃᓕᓐᓂᐊᑎᑦᓯᖃᑦᑕᓱᓂ ᐱᖓᓲᔪᕐᑐᓂ ᐳᕐᑐᓂᓕᓐᓂᑦ ᑎᑭᑦᓱᒋᑦ ᐱᖓᓱᓂᑦ ᐳᕐᑐᓂᕐᓴᓄᑦ ᐊᒻᒪᓗ ᐃᓄᓕᕆᓂᕐᒥᒃ. ᒫᓐᓇ ᐱᓇᓱᒐᕆᓕᕐᒥᔭᖓ ᐱᒋᐅᕐᓭᓂᖅ ᓴᓇᒋᐅᕐᓴᓂᕐᒥᒃ (TST) ᐊᓕᐊᒋᓂᕐᐹᕆᔭᖓ ᒫᓐᓇ.
ᓯᑕᐅᒪᐅᔪᖕᖏᒐᕐᑐᑦ ᐊᕐᕌᒍᐃᑦ ᓈᓯᒪᓕᕐᑐᑦ ,ᑯᕆᔅᑏᓐ ᑐᓂᓯᒪᑦᓯᐊᓂᖓ ᐃᑲᔪᕐᓯᓂᕐᒧᑦ ᐃᓕᓐᓂᐊᑎᓂᑦ ᐊᑦᔨᒌᖕᖏᑐᓂᑦ ᐃᓕᑦᓯᒋᐊᓕᓐᓂᑦ- ᐅᑯᐊᓗᐊᖕᖑᐊᖅ ᐃᓕᑦᓯᓯᕇᑦᑐᓴᔭᐅᓂᕐᓭᑦ ᐊᓪᓚᓂᐊᕐᓂᒥᒃ,ᒫᓐᓇᓕ TST ( ᐱᒋᐅᕐᓴᓂᖅ ᓴᓇᔨᖕᖑᒋᐅᕐᓴᓂᕐᒥᒃ)ᐃᓕᓐᓂᐊᑎᑦᓯᔨᐅᓕᕐᑐᖅ,ᐱᓇᓱᐊᕐᑕᖓ ᐃᒻᒥᒎᖏᓐᓇᑐᖅ ᐊᒻᒪᓗ ᖃᒪᖕᖔᓗᒃ ᓇᓪᓕᒍᓱᑦᓱᓂ. ᐱᓇᓱᖃᑎᖃᓲᖅ ᐊᑕᐅᓯᐅᓈᕐᑎᑳᔪᓂ ᐅᕝᕙᓘᓐᓃᑦ ᐃᑭᑦᑑᓱᑎᒃ ᐃᓕᒌᑦᑎᑕᐅᓯᒪᔪᓂᑦ ᐱᒋᐊᕐᓱᑎᑦ ᐳᕐᓱᓂᕐᓴᓂᑦ ᐊᑕᐅᓯᕐᒥᒃ ᑎᑭᑦᓱᒍ ᐳᕐᑐᓂᕐᓴᓄᑦ ᑕᓪᓕᒪᓄᑦ,ᐋᕐᕿᓱᕐᓯᒪᑦᓯᐊᓱᒍ ᐃᓂᓕᐅᕆᓯᒪᑦᓱᓂ ᐊᑐᓂᑦ ᑲᑎᔭᖏᑦ ᑭᓇᒃᑰᓯᐊᕐᒪᖔᑕ ᖃᐅᔨᓴᖃᑦᑕᓱᒋᑦ.
ᐃᑲᔪᕐᓯᒍᓐᓇᕈᒪ ᐃᓕᓐᓂᐊᑎᓂᑦ ᐃᒻᒥᓂᒃ ᐃᓱᕐᕆᓯᒍᓐᓇᖁᓪᓗᒋᑦ, ᐊᔭᐅᒋᐊᕈᓐᓇᕈᒃᑭᓪᓗ ᓯᕗᒧᑦ ᐃᓕᓐᓂᐊᑕᒥᓂᒃ ᐱᔭᕇᕈᓐᓇᐅᑎᑖᖁᓪᓗᒋᑦ,ᖃᐅᔨᒪᓕᕋᔭᕐᖁᖓ ᐱᓇᓱᐊᕐᑕᕋᓂᑦ ᐱᑦᓯᐊᓂᕋᒪ.
ᑲᑦᓱᙰᓪᓕᓭᓂᖅ, ᐊᔪᐃᓐᓇᓂᖅ ᐊᒻᒪᓗ ᓂᕆᐅᓐᓂᖅ
ᑯᕆᔅᑏᓐᒧᑦ,ᐊᑕᐅᓯᐅᓈᕐᑎᑳᕐᓂᖅ ᐃᓕᓐᓂᐊᑎᑦᓯᒍᑎᑐᐃᓐᓇᐅᖏᓪᓚᖅ- ᐋᕐᖀᒋᐊᕐᓂᐅᕗᖅ ᑲᑦᓱᙰᑦᑑᓂᕐᒥᒃ ᐊᒻᒪᓗ ᐱᑦᓯᓂᕐᒥᒃ ᑲᔪᓯᑎᑦᓯᓂᕐᒥᒃ. ᑕᑯᓐᓇᓯᒪᓕᕐᑐᖅ ᐃᓕᓐᓂᐊᑎᖏᑦ ᐊᓯᑦᔨᕙᓪᓕᐊᑎᓪᓗᒋᑦ ᑕᑯᓐᓇᑕᐅᓕᕋᒥᒃ ᐃᑲᔪᕐᓯᔭᐅᑦᓱᑎᓗ: “ᓵᓚᐅᒪᓂᕐᒦᑐᕕᓂᐅᑦᓱᑎᒃ ᐃᑉᐱᒍᓱᓕᓲᑦ ᐱᔭᕇᕈᓐᓇᓂᕐᒥᓂᒃ ᓱᓇᑐᐃᓐᓇᓂᑦ” ᐅᓇ ᒧᒥᓐᓂᖅ ᖃᔭᖕᖏᓂᕐᒦᓱᑎᒃ ᐱᒍᒪᓂᕐᒨᑐᑦ ᑲᔪᓯᒋᐊᓪᓚᕈᑎᒋᕙᑦᑕᕋ.
ᐃᓚᐅᓂᖓ ᖃᕆᐊᓂᑦ ᑲᒪᓇᓱᓲᖑᕗᖅ ᐃᓕᓐᓂᐊᑎᓕᒫᑦ ᑲᔪᓯᑎᑕᐅᑦᓯᐊᒪᖔᑕ ᐃᑉᐱᒋᔭᐅᑦᓯᐊᓱᑎᒃ ᐊᒻᒪᓗ ᐅᐱᒋᔭᐅᑦᓯᐊᓱᑎᒃ. ᐱᑎᑦᓯᓂᐅᒐᓗᐊᕐᐸᑦ ᐊᑐᕐᑕᐅᒍᓐᓇᑐᓂ ᐅᕝᕙᓘᓃᑦ ᐋᕐᖀᒋᐊᑦᓯᐊᓂᖅ ᖃᓄᐃᓘᕐᑕᐅᕙᓪᓕᐊᒍᒪᔪᓂᑦ.ᑯᕆᔅᑏᓐ ᐃᓚᒋᔭᐅᓪᓚᕆᒃᑯᖅ ᐊᖏᔪᒥᒃ ᐃᑲᔪᕐᓯᓯᒪᔪᓂᑦ.
ᐃᓕᓐᓂᐊᑎᓄᑦ ᐅᖃᐅᓯᖏᑦ ᓱᓕᔪᖅ ᐊᒻᒪᓗ ᐱᒍᒥᓇᕐᑐᑦ “ᐃᓕᓐᓂᐊᓯᐊᕐᓗᑎᑦ,ᐃᓕᓐᓂᐊᑎᑦᓯᔨᖕᖑᓛᕋᕕᑦ,ᐋᓐᓂᐊᓯᐅᕐᑎᖑᓛᕋᕕᑦ ᐊᒻᒪᓗ ᓴᐳᓐᓂᐊᑎᖕᖑᓗᑎᑦ ᓄᓇᓖᑦ ᑭᖕᖒᒪᒋᓪᓚᕆᑦᑕᖏᓐᓂᑦ,ᐃᓕᓐᓂᐊᖃᑦᑕᕆᑦ-ᕈᓐᓇᖁᑎᑦ.”
ᑯᕆᔅᑏᓐ ᑯᕈᓭᑦ ᐱᓇᓱᒍᓯᖓ ᐃᕐᙯᑎᑦᓯᒋᐊᕐᓇᓲᖑᕗᖅ ᐃᓕᓐᓂᐊᑎᑦᓯᓂᖅ ᓴᓂᕐᕙᑐᐃᓐᓇᖃᔭᖕᖏᒪᑦ ᓴᓂᕌᓄᑦ- ᐃᓘᓐᓈᒍᑦᓯᐊᖅ ᐃᓚᐅᒋᐊᓕᒃ,ᓇᓪᓕᒍᓱᓐᓂᑯᓪᓗ ᐃᓕᑦᓯᕙᓪᓕᐊᓇᕐᑐᖅ. ᐃᓚᐅᓂᖓ ᐃᑲᔪᕐᓯᓯᒪᕗᖅ ᐃᓕᓐᓂᐊᑎᑦᓯᐊᓕᐅᕐᓂᑐᐃᓐᓇᐅᖏᑦᑐᒥ ᑭᓯᐊᓂ ᓄᒃᑭᕆᐊᕐᑎᓯᓯᒪᒥᔪᖅ ᓄᓇᓕᒻᒥ.ᓇᑯᕐᒦᒃ ᐃᓚᐅᒍᓐᓇᓚᐅᕋᕕᑦ ᐱᓂᐊᕐᓂᕆᕙᑦᑕᑎᓐᓂᑦ ᐅᓂᒃᑳᓱᑎ,ᑯᕆᔅᑏᓐ!
ᐃᓕᓐᓂᐊᑎᑦᓯᓂᖅ ᐱᒻᒪᕆᐅᕗᖅ ᐊᒻᒪᓗ ᑐᑭᖃᑦᓯᐊᓱᓂ ᐱᓇᓱᒐᕆᑦᓱᒍ,ᓄᓇᕕᒻᒥᓗᐊᖕᖑᐊᖅ ᐊᑦᑐᐃᓯᒪᓪᓚᕆᓲᖅ ᐃᓕᓐᓂᐊᑎᓂᑦ,ᐃᓚᒌᓂᑦ ᐊᒻᒪᓗ ᓄᓇᓕᒻᒥ. ᐃᓕᓐᓂᐊᑎᑦᓯᔩᑦ ᑕᑯᓐᓇᓱᒋᑦ ᐃᓚᐅᒍᒪᓕᕐᓂᕈᕕᑦ ᐃᓚᐅᒐᓱᒍᓐᓇᓯᐊᕐᖁᑎᑦ ᐃᓕᓐᓂᐊᑎᑦᓯᔨᖕᖑᓂᕐᒥᒃ.
ᐃᓕᓐᓂᐊᑎᑦᓯᔨᐅᑉ ᐃᓂᖏᑦ ᐅᒃᑯᐃᖔᕐᑐᑦ ᐊᒻᒪᓗ ᐱᔪᒥᓇᕐᑐᓂᑦ ᑮᓇᐅᑦᔭᓴᕐᓱᓂ!
ᐃᓕᒐᓱᒍᓐᓇᖁᑎᑦ ᐅᓪᓗᒥ ᐃᓚᐅᓯᓗᑎᓪᓗ ᐱᓇᓱᑦᑎᐅᖃᑎᑦᑎᓄᒃ.