ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᖅᑳᖃᕐᓗᓂ ᐃᓕᓐᓂᐊᕖᑦ ᐊᐅᓚᑕᐅᓂᖏᓐᓂ ᑐᑭᒧᐊᑦᑎᓯᔨᒥᒃ, ᐃᓕᓐᓂᐊᑎᑦᓯᔩᑦ ᐊᖓᔪᖅᑳᖓ ᑲᒪᒋᔭᑦᓴᔭᓖᒃ ᐃᓕᓐᓂᐊᕈᑎᓕᕆᓂᕐᒨᓕᖓᔪᓂᒃ ᐊᐅᓪᓚᑦᓯᓂᕐᒥᒃ ᐃᓕᓐᓂᐊᑎᑦᓯᒍᑎᓂᓪᓗ ᐳᒃᑭᓂᕐᓴᒥ ᐳᕐᑐᓂᕐᓴᒥᓪᓗ. ᐃᓕᓐᓂᐊᑎᑦᓯᔩᑦ ᐊᖓᔪᖅᖄᖓ ᑐᖓᓕᖓᓗ ᐃᓕᓐᓂᐊᕕᒻᒥ ᐃᓕᓐᓂᐊᓂᓕᕆᓂᕐᒥᒃ ᓯᕗᓕᑦᓯᔨᐅᑦᓱᓂ.

ᐱᒍᓐᓇᐅᑎᒋᒋᐊᓕᖏᑦ:

• ᐊᑕᔪᒥᒃ ᐃᓕᓐᓂᐊᑎᑦᓯᔨᐅᓂᕐᒥ ᐊᓂᒎᑎᓂᕃᒍᑎ (ᖁᕝᕙᕆᐊᕐᓂᖅ) ᐱᔪᓐᓇᑎᑕᐅᔪᖅ ᐃᓕᓐᓂᐊᓂᓕᕆᓂᕐᒥ ᑐᕐᖃᑕᕐᕕᖓᓄᑦ, ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᓂᓕᕆᓂᖅ ᖃᐅᔨᓴᕐᓂᓗ. ᐃᓕᓐᓂᐊᕕᕐᔪᐊᒥ ᐱᔭᕇᕈᓯᒋᐊᕕᓪᓗᓂ ᐃᓕᓐᓂᐊᓂᕐᒧᑦ ᐱᖁᔭᖓᓄᑦ ᐊᓪᓚᓄᑦ, ᐃᓄᓐᓄᑦ ᓇᔅᑳᐱᓄᓪᓗ (R.S.Q., c. 1-14).
• ᐃᓕᓐᓂᐊᕕᕐᔪᐊᒥ ᐱᔭᕇᕐᓯᒪᐅᑎ ᐃᓕᓐᓂᐊᓂᓕᕆᓂᕐᒥ ᐅᕝᕙᓘᓐᓃᑦ ᐃᓕᓐᓂᐊᕕᕐᔪᐊᒥ ᐃᓕᓐᓂᐊᓯᒪᔭᖃᕐᓗᓂ ᐊᑑᑎᖃᑦᓯᐊᕈᓐᓇᑐᓂᒃ ᐱᔪᓐᓇᐅᑎᑖᕐᓯᒪᓗᓂ 3ᓂ ᐃᑭᓐᓂᓇᐅᖕᖏᑐᓂᒃ ᐃᓕᓴᕐᓯᒪᓗᓂ ᐃᓕᓐᓂᐊᕕᕐᔪᐊᒥ ᐃᓕᓐᓂᐊᒐᕐᓂᒃ ᐅᕝᕙᓘᓐᓃᑦ ᐱᓇᓱᒐᖃᕐᓯᒪᓗᓂ ᐳᕐᑐᓂᕐᓴᓂ ᐱᓇᓱᑦᑎᒪᕆᖏᓐᓂᓘᓐᓃᑦ ᐃᓕᓐᓂᐊᓂᓕᕆᕖᑦ ᓇᓪᓕᑐᐃᓐᓇᖓᓂ ᐱᑕᖃᕆᐊᖃᕐᓂᕋᕐᑕᐅᔪᓂᒃ ᐱᔪᓐᓇᐅᑎᒋᔭᐅᑦᓴᓚᐅᕈᑏᕐᑕᐅᔪᓂᓪᓘᓃᑦ ᐱᓇᓱᒐᖃᓚᖓᔪᒧᑦ ᐃᓕᓭᔦᑦ ᐊᖓᔪᕐᖄᖓ ᐃᓂᖓᓂᒃ ᑐᖓᓕᖓᑕᓘᓐᓃᑦ ᐃᓂᖓᓂᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

• ᐅᖄᒍᓐᓇᓯᐊᕐᓗᓂ ᒪᕐᕉᓂᒃ ᐅᖃᐅᓰᓐᓂᒃ ᐱᖓᓱᓂᑦ ᐅᖃᐅᓯᕆᔭᐅᔪᓂᑦ ᐃᓕᓴᕐᓂᓕᕆᓂᕐᒥ (ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ).
• 8-ᓂᒃ ᐊᕐᕌᒍᕐᓂ ᐃᓕᓐᓂᐊᑎᑦᓯᔨᐅᓯᒪᓗᓂ.
• ᖃᐅᔨᒪᔭᖃᕐᓗᓂ ᓄᓇᕕᐅᑉ ᓄᓇᖏᓐᓂᒃ.
• ᐱᓇᓱᐊᓚᐅᕐᓯᒪᓗᓂ ᓯᕗᓕᕆᐊᖃᕐᓂᒥᒃ ᐃᓗᕐᕈᓯᖃᑎᒌᒐᑎᒃ ᐱᓇᓱᐊᕐᕕᒥ ᐱᓇᓱᐊᖃᑎᒌᑦᑐᓂᒃ ᐱᐅᔪᖁᑎᒋᐅᒐᔭᕐᑐᖅ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᓕᒃ 00-10 ($115,397-ᒥᑦ $153,857 ᑎᑭᓪᓗᒍ) ᐅᕝᕙᓘᓐᓃᑦ ᐳᕐᑐᓂᓕᒃ 00-11 ($122,068-ᒥᑦ $162,754 ᑎᑭᓪᓗᒍ) ᐊᕐᕌᒍᑕᒫᑦ ᐃᓕᓐᓂᐊᕕᐅᑉ ᐊᖏᓂᖓ ᒪᓕᓪᓗᒍ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.