ᑲᑎᕕᒃ ᐃᓕᓴᕐᓂᓕᕆᓂᖅ (KI) ᑐᖕᖓᓱᑦᑎᓯᓚᐅᕐᖁᑦ ᐱᓇᓱᑦᑎᑖᕋᒥᒃ ᐱᓇᓱᑦᑐᓕᕆᕕᒃ ᑮᓇᐅᑦᔭᓵᓕᕆᕕᒻᒥᓗ (DHRP) ᑐᑭᒧᐊᕐᑎᔨᑦᑖᒥᓂᒃ ᐋᕐᔪᓕᐅᑦ 2021-ᒥ. ᖃᓄᖅ ᑐᑭᖃᕐᐸ ᑲᑎᕕᒃ ᐃᓕᓴᕐᓂᓕᕆᓂᒃᑯᓄᑦ ᓱᒧᓪᓗ ᐊᑐᕐᐸ? ᐱᒍᓐᓇᓂᖃᑦᓯᐊᑎᑦᓯᓚᖓᔪᖅ, ᐊᒥᓲᐃᑦ ᐱᑦᔪᑎᑦᓴᖏᑦ. ᐊᑐᐊᕐᓯᓚᐅᕆᑦ ᐃᓘᓐᓇᓕᒫᖓᓂᒃ ᑐᑭᓯᓂᐊᕋᕕᑦ.

ᓇᓗᓀᕐᓭᒍᑎᒃ ᑐᓂᔭᐅᓂᖓᓂᒃ ᐃᑯᒪᒥᒃ, ᐃᑦᓯᕙᖃᑎᖃᓚᐅᕐᖁᒍᑦ ᓴᒫᓐᓴ ᑐᐃᒃᒥ, ᑮᓇᕐᒥ ᓄᑖᕐᒥᒃ ᑲᑎᕕᒃ ᐃᓕᓴᕐᓂᓕᕆᔨᖓᑕ ᐱᓇᓱᑦᑐᓕᕆᕕᒃ ᑮᓇᐅᑦᔭᓵᓕᕆᕕᓪᓗ (HR) ᐊᐅᓚᑦᓯᕕᖓᓂᒃ. ᐅᖃᓪᓗᑯᒋᐊᖃᖕᖏᑐᖅ, ᑐᓵᑐᐃᓐᓇᓱᒍ ᓱᓕᔪᕐᓴᓇᑦᓯᐊᓚᐅᕐᑐᖅ. ᖃᐅᔨᔭᐅᑎᑦᓯᒋᐅᕈᑎᑎᒍᑦ, ᐅᖄᒐᔭᓚᐅᕐᓱᑕ ᐃᓅᓯᕆᓯᒪᔭᖓᓂᒃ ᐃᓅᓯᕆᓯᒪᔭᖏᓐᓂᓗ *, ᑭᓯᐊᓂ ᖃᐅᔨᖔᖁᔨᕗᒍᑦ ᐃᓅᒍᓯᖓᓂᒃ ᓯᕗᓂᕐᒧᓗ ᑕᑯᓐᓇᑕᖓᓂ ᑐᑭᓯᒐᔭᕋᕕᒃ ᓱᓇᒥᒃ ᐱᓇᓱᐊᒐᕐᒥᓄᑦ ᐱᔭᖃᕈᒪᒻᒪᖔ ᐊᒻᒪᓗ ᖃᓄᐃᑦᑐᒥᒃ ᓱᕐᕃᓂᐊᕐᒪᖔᑦ ᐃᓕᓴᕐᓂᓕᕆᔨᒃᑯᓂ.

ᐅᑎᕐᑎᓯᓂᖅ ᐃᓄᒻᒥᒃ ᐱᓇᓱᑦᑐᓕᕆᕕᒃ ᑮᓇᐅᑦᔭᓵᓕᕆᕕᒻᒧᑦ

ᐱᓇᓱᐊᕋᑦᓴᑖᕐᑎᑕᐅᕐᖃᒥᐅᑦᓱᖓ ᑲᑎᕕᒃ ᐃᓕᓴᕐᓂᓕᕆᔨᒃᑯᓂ, ᓯᕘᕋᓚᒐᓛᐱᓐᓂᕆᓚᐅᔪᓂᕋᓂᒃ ᐊᐱᕐᓱᑕᐅᓛᓕᕐᓱᖓ ᐃᔨᕐᓯᓯᒪᕐᖃᖕᖏᓚᖓ. ᑭᓯᐊᓂ ᐃᓱᒫᓘᑎᒃᑲ ᐊᓯᐅᑦᓴᐅᑎᒋᓚᐅᔪᕗᑦ. “ᖁᖓᑦᓴᐅᑎᒋᒐᓱᐊᓲᒍᕗᖓ ᐃᓱᒫᓗᓐᓇᑐᖃᖕᖏᓂᕐᓴᐅᔪᒋᒐᒃᑯ ᑌᒫᒃ”, ᓴᒫᓐᓴ ᑐᐃᒃ ᓇᓗᕐᖁᑎᒐᓂ ᐅᖃᓚᐅᔪᕗᖅ.  ᐅᐸᓗᕋᓂ: ᐊᐱᕐᓱᑕᕕᓂᐅᑦᓱᓂ ᐅᖄᖃᑎᒋᓐᓂᑐᐃᓐᓇᖑᓚᐅᔪᕗᖅ ᑐᖓᓱᖃᑎᒌᓐᓂᖃᓯᑦᓴᐅᑎᒋᑦᓱᓂᓗ.

ᑐᑮᕈᑎᑦᓯᑌᓕᓗᖓ, ᓴᒫᓐᓴ ᐱᒋᐊᓚᐅᔪᕗᖅ ᐱᓇᓱᒐᕐᒥᓂᒃ ᒪᓐᓂᓕᐅᕐ 2021-ᒥ. ᓱᖏᐅᑎᑦᓯᐊᖁᑦᓱᒍ ᐱᓇᓱᒐᕐᒥᓄᑦ, ᓴᒫᓐᓴ ᕿᑲᕐᓂᒥᓂᒃ ᓯᕕᑭᓪᓕᑎᕆᓚᐅᔪᕗᖅ ᓄᑕᕋᕐᑖᑐᕕᓂᐅᕐᓱᓂ/ᐱᐊᕋᕐᑖᑐᕕᓂᐅᑦᓱᓂ ᕿᑲᕐᓂᒥᓂᒃ ᐅᓪᓘᓂ ᒪᕐᕉᓂ ᐱᓇᓱᐊᖃᑦᑕᓱᓂ ᐱᓇᓱᐊᕈᓯᐅᑉ ᐃᓗᐊᓂ ᐃᑲᔪᕐᑕᐅᓱᓂ ᒫᓯᐊᓪ ᑑᑉᓚᓰ (Marcel Duplessis), ᓂᓪᓕᕋᔫᖅ ᐱᓇᓱᑦᑐᓕᕆᕕᒃ ᑮᓇᐅᑦᔭᓵᓕᕆᕕᒻᒥᓗ ᑐᑭᒧᐊᕐᑎᓯᔨ. ᓴᒫᓐᓇᐅᑉ ᐅᖃᐅᓯᖏᑦ ᑐᓵᑦᓱᒋᑦ, ᑕᒻᒪᓇ ᐊᓯᑦᔨᓂᖅ ᐃᑲᔪᕐᓯᔫᒥᓪᓚᕆᓚᐅᔪᕗᖅ. ᐱᓇᓱᑦᑎᖑᓪᓚᕆᑦᓯᒪᓕᕋᓗᐊᕋᒥ ᐱᓇᓱᑦᑎᓕᕕᒃ ᑮᓇᐅᑦᔭᓵᓕᕆᕕᒻᒥᓗ ᑲᒪᔨᒻᒪᕆᐅᓕᕋᓗᐊᕐᓱᓂ ᓴᒫᓐᓴ ᒥᑭᓪᓕᑎᖏᓐᓇᓲᒍᕗᖅ:

ᐊᒥᓲᐃᑦ ᐱᓇᓱᒐᑦᓭᑦ ᐱᒐᓗᐊᕐᑎᓗᒋᑦ ᑲᒪᒋᒋᐊᓕᖏᑦ, ᐅᖃᕐᑕᐅᓭᓐᓇᓕᒫᑦᓯᐊᖃᑦᑕᑐᖅ ᐅᖄᖃᑎᒌᑦᓱᑕ. ᑐᑭᓯᓇᑦᓯᐊᑎᒋᐊᓪᓚᓗᒍ ᐅᖃᕐᑕᖓ: ᖃᓄᖅ ᐱᓇᓱᑦᑐᓕᕆᕕᒃ ᑮᓇᐅᑦᔭᓵᓕᕆᕕᓪᓗ ᐃᑲᔪᕐᓯᒪᑦᓯᐊᕈᓐᓇᕋᔭᕐᖃ ᓴᐳᒻᒥᓯᐊᕐᓗᓂᓗ ᐊᐅᓚᑦᓯᕕᐅᓗᓂ? “ᑕᒪᓐᓇ ᐱᒐᓱᐊᒻᒪᕆᓐᓇᑐᒻᒪᕆᒃ, ᐊᓪᓗᕆᐊᓕᖏᓪᓗ ᐊᒥᓱᐊᓘᑦᓱᑎᒃ”, ᑐᑭᓯᑎᑦᓯᔪᖅ.

ᓯᕗᓪᓕᐹᒥ, ᓴᒫᓐᓴ ᑲᒪᒋᔭᖃᓪᓚᕆᒍᒪᓯᒪᔪᖅ ᐱᓇᓱᑦᑎᓂᒃ ᐱᓇᓱᐊᖃᑎᖃᕐᓂᓂᒃ ᐱᓇᓱᑦᑎᓕᕆᕕᒻᒥ ᑮᓇᐅᑦᔭᓵᓕᕆᕕᒻᒥᓗ. ᐱᐅᓯᐅᒥᑎᑦᓯᒍᒪᕗᖅ ᐱᒍᑦᔨᓂᕐᓂᒃ “ᐱᓇᓱᑦᑎᓕᕆᕕᒃ ᑮᓇᐅᑦᔭᓵᓕᕆᕕᒻᒥᓗ ᐃᑲᔪᕐᓯᒪᑦᓯᐊᕋᓱᐊᓂᖓ ᐃᓱᒪᒋᔭᐅᓂᐊᕐᒪᑦ”, ᐃᒫᒃ, ᑐᑭᖃᕐᑎᓱᓂᐅᒃ, ᐅᖃᕐᓱᓂ “ᑐᑭᓯᒪᒍᓐᓇᓯᐊᕐᓂᓴᐅᓗᓂ ᓴᑐᓐᓇᓂᕐᓴᐅᓗᓂᓗ ᑲᒪᒍᒪᑦᓱᓂ”.

“ᐃᓱᒪᖃᕐᒥᔪᖓ, ᐅᕕᒐᕐᑑᓱᖓ ᐊᕐᓇᐅᓱᖓ, ᑐᑭᓯᒪᕗᖓ ᐱᐅᓯᐅᓲᓂᒃ (ᐱᒐᓱᐊᒻᒪᕆᓐᓇᑐᓂᒃ ᐱᓇᓱᑦᑎᐅᓱᓂ ᐊᓂᕐᕋᒥᓪᓗ ᐊᑦᔨᒌᒥᒃ ᑲᒪᒋᐊᖃᕐᓂᓂ ᐱᒐᓱᐊᒻᒪᕆᓐᓇᑐᓂᒃ ᐱᓇᓱᑦᑎᐅᓱᓂᓗ ᐊᓂᕐᕋᒥ ᐊᑦᔨᒌᒥᒃ ᑲᒪᒋᐊᖃᕐᓂᓂ ᐊᑑᑎᒐᒃᑯ. ᕿᑐᕐᖓᒪ ᒥᑭᔫᓂᕕᓂᖏᓐᓄᑦ ᐅᖓᓯᓪᓕᓯᒪᑦᓯᐊᔭᖏᓪᓚᖓ ᐳᐃᒍᕐᓯᒪᓲᒍᒐᓗᐊᕐᓱᖓ ᐯᕐᓯᕕᒃ ᖁᐱᕈᖃᓲᒍᑎᓪᓗᒍ. ᐋ, ᑲᒃᑲᓛᑦ ᖃᓂᒻᒪᓲᒍᕗᑦ ᐅᓪᓘᑉ ᐁᑉᐹᓂᐅᒋᐊᑕᒫᑦ, ᐋ ᐊᒻᒪᓗ, ᑐᑭᓯᒪᒋᐊᖃᕋᑦᑕ ᓈᒃᑭᒍᓱᒍᐊᖃᕐᓱᑕᓗ, ᕿᑐᑉᖓᓯ ᖃᓂᒪᑐᐊᕐᐸᑕ ᐸᓯᓂᐊᑦᔭᓇᒋᑦ. ᑌᒣᒻᒪᑦ, ᑐᖕᖓᓲᖕᖏᑑᖁᔨᓂᐅᔭᑦᔭᓇᖓ ᐱᓇᓱᐊᖕᖏᑑᒍᒪᓗᑎᑦ ᕿᓄᕕᒋᒋᐊᖃᓕᕈᕕᖕᖓ ᖃᐅᔨᑎᑦᓯᒋᐊᖃᓕᕈᕕᓪᓗ”.

ᑕᒪᓐᓇ ᐃᑉᐱᒍᓱᑦᓯᐊᕋᓱᐊᕐᓂᖓ ᑐᑭᓯᓇᑎᑦᓯᔪᖅ ᖃᓄᖅ ᐱᓇᓱᑦᑎᓕᕆᕕᒻᒥ ᑮᓇᐅᕐᔭᓵᓕᕆᕕᒻᒥᓗ ᑲᒪᒋᐊᕐᓂᐊᕐᒪᖔᑦ ᓄᓇᓕᓐᓂᑦ ᑐᓴᐅᒪᒐᓱᐊᑦᓯᐊᓂᖓ: “ᑕᒪᓐᓇ ᐊᓯᑦᔨᓂᓪᓚᕆᒃ. ᐃᒻᒥᓂᒃ ᐊᐱᕐᓲᖃᑦᑕᖁᒍᑦ ᖃᓄᖅ ᐱᓇᓱᑦᑎᑎᓐᓄᑦ ᑲᖐᓱᑦᓯᐊᓂᐊᕐᒪᖔᑦᑕ. ᖃᓄᖅ ᑲᒪᒋᑦᓯᐊᓂᐊᕐᖃᕗᑦ ᖃᓄᕐᓗ ᑲᖐᒋᔭᐅᒍᒪᕙᑦ?”.

“ᖃᐅᔨᒪᖁᔭᒃᑲ ᑲᒪᒋᑦᓯᐊᕈᒪᒐᒃᑭᑦ, ᑕᒪᓐᓇ ᐃᓱᒪᒋᔭᒃᑲᓂ ᓯᕗᓪᓕᐸᐅᑦᔨᒐᒃᑯ, ᑲᒪᒋᒍᒪᓂᐊᕐᓱᒍᓗ ᐱᓇᓱᒐᕋᓂ. ᐱᒍᑦᔨᓂᑦᑎᓂ ᐱᐅᓯᔫᒥᑎᑦᓯᒍᒪᕗᖓ ᐱᓇᓱᑦᑎᕗᑦ ᐃᓱᒫᓗᒋᔭᑦᓴᐅᓗᐊᖕᖏᑐᓂᒃ ᐃᓱᒫᓗᑎᖃᖃᑦᑕᓂᐊᖕᖏᒪᑕ.”

ᐊᐱᕐᓱᑐᖅ: ᐊᓯᑦᔨᓂᐅᓪᓚᕆᓐᓂᕋᑫᓐᓇᑌᑦ ᐱᓇᓱᑦᑎᓄᑦ ᐱᓇᓱᖃᑎᒌᓐᓄᐊᖓᔪᖅ… ᐃᔪᓐᓇᑑᔮᕐᑐᖅ ᐅᕙᓐᓄᑦ ᑭᓯᐊᓂᓗ ᑐᖕᖓᓇᑦᓯᐊᑲᓪᓚᑐ?

ᓴᒫᓐᓴ ᑐᐃᒃ: ᐃᔪᕐᓇᑐᖅ ᑌᒫᒃ ᐅᖃᕋᕕᐅᒃ ᐅᖃᒍᓯᕆᓲᒐ ᑕᒪᑦᓱᒧᐊᓕᖓᑦᓱᓂ ᐃᒣᓕᒻᒪᑦ “ᐃᓄᒻᒥᒃ ᐅᑎᕐᑎᓯᓗᑕ ᐱᓇᓱᑦᑎᒥᒃ ᐱᒍᑦᔨᕕᓐᓄᑦ!”

ᐊᓯᑦᔨᓂᐅᖃᑦᑕᓯᒪᓕᕐᑐᐃᑦ ᑕᑯᓐᓇᓱᒋᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ ᓴᑐᕐᓇᓯᐊᕐᓂᖓᓗ ᑖᑦᓱᖓ, ᓯᕗᓂᕐᒥ ᑕᑯᓐᓇᑐᒍᑦ ᐊᒥᓲᐊᓗᐃᑦ ᓄᐃᒋᐊᓪᓚᖃᑕᓂᐊᕐᓂᖏᓐᓂᒃ:

ᐅᖄᖃᑎᒌᔭᐅᑫᓐᓇᕆᑐᐊᕋᒥ ᓴᒫᓐᓴ ᑐᖕᖓᓇᕐᑐᐊᐱᐅᓂᕋᕐᑕᐅᒐᔭᕐᑐᖅ, ᐃᑲᔪᕋᓱᐊᑦᓯᐊᓲᒍᓂᕋᕐᑕᐅᓗᓂ ᐱᒐᓱᐊᒻᒪᕆᓲᒍᓂᕋᕐᑕᐅᓗᓂᓗ. ᓇᓗᓇᖕᖏᓯᐊᕐᑐᖅ, ᖃᐅᔨᑐᐊᕈᕕᐅᒃ, ᕿᑦᑌᖓᑦᓯᐊᓂᖓ ᐱᔪᑦᓴᐅᔮᕐᓂᖓᓗ, ᐃᓚᒋᔭᐅᒍᒪᓯᒐᔭᕐᑐᑎᑦ ᐊᓯᑦᔨᑐᐃᒐᓱᐊᕐᓂᖓᓄᑦ.

ᖃᐅᔨᒋᐅᕆᐊᒥ ᐊᓕᐊᓇᑫᓐᓇᖁᑎᑦ, ᓵᒻ. ᓯᕗᓂᑦᓴᒥ ᐱᓇᓱᐊᓚᖓᔭᕐᓃᕕᑦ ᑕᑯᑲᓪᓚᒍᒪᓕᕐᖁᒍᑦ.

—

* ᓴᒫᓐᑕᒍᓇ ᐃᓄᒃ ᐊᖏᖃᑎᒌᓐᓂᒧᑦ ᐃᓚᐅᔫᑦᓱᓂ ᐱᓇᐊᕐᓯᒪᓕᕐᓱᓂᓗ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ 2015-ᒥᓂᑦ. ᐱᓇᓱᑦᑎᑖᕆᔭᐅᓚᐅᔪᕗᖅ ᐱᓇᓱᑦᑎᓕᕆᕕᒻᒥ ᑮᓇᐅᑦᔭᓵᓕᕆᕕᒻᒥᓗ ᐊᑕᐅᑦᓯᑰᕐᑎᓯᔨᐅᓂᐊᓕᕐᑎᓗᒍ. ᐊᑕᐅᑦᓯᑰᕐᑎᓯᔨᐅᓂᕐᒥᓂ, ᓄᓇᕕᒻᒥ ᐱᓇᓱᑦᑎᓯᓴᕐᓯᐅᑎᐅᓚᔪᕗᖅ (ᐱᓇᓱᑦᑎᓂᑦ, ᐱᓇᓱᑦᑎᓚᕆᓐᓂᑦ, ᑲᒪᔨᒻᒪᕆᓐᓂᑦ ᐃᓕᓭᔨᓂᓪᓗ). ᐊᕐᒑᒎᑦ ᓯᑕᒪᑦ ᐊᓂᒍᕐᑎᓗᒋᑦ, ᐃᑲᔪᕐᑎᖑᓚᐅᔪᕗᖅ ᐱᓇᓱᑦᑎᓕᕆᕕᒻᒥᒃ ᑮᓇᐅᑦᔭᓵᓕᕆᕕᒻᒥᓗ ᑐᑭᒧᐊᕐᑎᓯᔨᒥᒃ ᑲᒪᒋᔭᖃᖃᑦᑕᓚᐅᔪᑦᓱᓂᓗ ᐱᓇᓱᑎᑦᑖᕋᓱᐊᕈᑎᓕᒫᓂᑦ. ᑌᒪᖕᖓᓂᓂᑦ, ᐱᓇᓱᑦᑎᓕᕆᕕᒃ ᑮᓇᐅᑦᔭᓵᓕᕆᕕᒃ ᐱᕈᑉᐸᓕᐊᑦᓯᐊᑐᖅ.

ᑲᑎᕕᒃ ᐃᓕᓴᕐᓂᓕᕆᔨᒃᑯᓂ ᐱᓇᓱᐊᓚᐅᕋᓂ, ᓴᒫᓐᓴ ᑐᐃᒃ ᐱᓇᓱᐊᕐᓂᖁᖅ ᐅᔭᕋᕐᓂᐊᑎᒃᑯᓂ (ᓴᓪᓗᐃᑦ ᑲᖏᕐᓱᔪᐊᓪᓗ ᐊᑯᓐᓂᖓᓂ). ᑲᒪᒋᔭᖃᓚᐅᔪᕗᖅ ᐃᓄᑐᐃᓐᓇᓂ ᐱᓇᓱᑦᑎᑖᕋᓱᐊᕐᓂᒥᒃ ᐊᕐᒑᒎᓐᓂ ᒪᕐᕉᓂ ᓄᓇᕕᓕᒫᒥ: “ᐃᑉᐱᒍᓱᑦᓯᐊᖃᑦᑕᓚᐅᔪᕗᖓ ᐃᓄᑐᐃᓐᓇᓂᒃ ᐊᒥᒐᖕᖏᑐᓂᒃ ᐱᓇᓱᑦᑎᖃᑦᓯᐊᒪᖔᑕ ᐅᔭᕋᕐᓂᐊᑎᒃᑯᓂ”.