ᑎᓕᔭᐅᒪᒍᑎᕗᑦ, ᐃᓪᓕᓇᕐᑐᖁᑎᕗᑦ ᐊᐅᓚᑦᔭᒋᐊᕈᑎᒋᕙᑦᑕᕗᓪᓗ
ᐃᓕᓴᕐᓂᓕᕆᓂᕐᒥ ᐱᒍᑦᔨᒍᑎᓂ, ᐃᓕᓴᐅᑎᑦᓴᓕᐅᕐᓂᖅ ᑐᖕᖓᕕᖃᓪᓚᕆᑦᑐᖅ ᐃᓄᐃᑦ ᐃᓕᓴᕐᓂᓕᕆᓂᒃᑯᑦ ᐃᓪᓕᕆᔭᖏᓐᓂᒃ ᐃᓕᓭᓯᒪᒋᐊᖃᕐᓂᒥᓪᓗ. ᐅᑉᐱᕆᒐᑦᑎᒍ ᐃᓕᓵᖅ ᐊᓂᒎᑎᑦᓯᐊᓚᖓᒍᓂ ᐱᒋᐊᕐᓂᖃᕆᐊᖃᕐᓂᖓᓂᒃ ᑭᓇᓪᓚᕆᐅᒻᒪᖔᕐᒥ ᐃᓕᑕᕐᓯᒪᓪᓗᑐᕐᓂᒥᒃ, ᑭᖑᖕᖑᔨᑦᓴᖃᕐᑎᑕᐅᓂᕐᒥᓂᒃ, ᐃᓅᖃᑕᐅᓂᕐᒥᓂᓪᓗ ᓄᓇᖃᕐᑐᓄᑦ ᓄᓇᕕᒻᒥᒃ.
ᑎᓕᔭᐅᒪᒍᑎᕗᑦ
ᐃᓕᓴᕐᓂᓕᕆᒍᑕᐅᓚᖓᔪᓂᒃ ᐱᓇᓱᐊᓲᖑᕗᒍᑦ ᑲᔪᓯᑎᓐᓂᐊᓱᒋᑦ ᐃᓅᓱᑦᑐᑦ ᐱᓪᓗᒋᑦ ᓄᓇᕕᒻᒥ ᐃᓕᓴᕆᐊᖕᖓᑐᓂᑦ ᐱᒋᐊᕐᓱᒍ ᐳᕐᑐᓂᕐᓴᒧᑦ 5-ᒦᑦᑐᒧᑦ ᑎᑭᑦᓱᒍ, ᐃᓕᓭᔨᓂᓪᓗ ᓴᐳᑦᔨᓯᒪᓲᖑᑦᓱᑕ ᐃᓕᓭᒍᑎᑦᓴᖃᕐᑎᑕᐅᓂᖓᒍᑦ.
ᐊᐅᓚᑦᔭᒋᐊᕈᑎᒋᕙᑦᑕᕗᑦ ᐃᓪᓕᕆᔭᕗᓪᓗ
ᑲᑎᕕᒃ ᐃᓕᓴᕐᓂᓕᕆᓂᕐᒥ, ᐃᓕᓭᓂᖅ ᐃᓕᓭᕈᑎᑦᓴᓕᐅᕐᓂᓗ ᑫᓪᓗᑐᕐᑕᐅᓂᓖᒃ ᒪᑐᒪᖕᖓᑦ:
ᐃᓕᓴᕐᑕᐅᑎᑦᓯᓂᖅ ᖃᐅᔨᒪᒋᐊᖃᕐᓂᒥᒃ ᐊᑑᑎᓗᓂᒍ ᓇᔪᕐᑕᒥ, ᐱᐅᓯᕐᓱᑐᒥᒃ, ᐊᕙᑎᒋᔭᒥᓪᓗ ᑲᒪᑦᓯᐊᒋᐊᖃᕐᓂᒥᒃ ᑐᖕᖓᕕᖃᒃᑲᔪᓲᖑᕗᖅ.
ᐱᑖᕆᔭᐅᑎᑦᓯᓂᖅ ᐃᓪᓕᓇᕐᑐᖁᑎᓂᒃ ᐱᔪᓐᓇᓂᕐᓂᓗ ᐃᓅᓯᓕᒫᒥᓂ ᐱᕙᓪᓕᐊᕈᑎᒋᓚᖓᔭᖓᓂᒃ ᐱᔪᓐᓇᓯᓂᕐᒧᑦ ᐃᓗᐃᑦᑐᕈᕋᑕᕐᓗᓂ ᐃᓄᒃ. ᓱᓇᖃᕐᑎᓯᓂᖅ ᐱᕙᓪᓕᐊᓂᕆᔭᒥᒃ ᐊᑑᑎᕙᑦᑐᖅ ᐊᕐᖁᓵᕐᑕᓱᒋᑦ ᐱᕙᓪᓕᐊᒍᑕᐅᔪᓐᓇᑐᑦ ᑐᖕᖓᕕᖃᕐᑎᓗᒋᑦ ᖃᐅᔨᒪᓂᕐᒧᑦ ᖃᓄᖅ ᐃᓄᒃ ᐃᓕᑦᓯᕙᓪᓕᐊᓂᖃᕈᓐᓇᒪᖔᑦ.
ᓄᕕᕐᓴᓱᒋᑦ ᐃᓛᒃᑰᓕᕐᑎᖃᑦᑕᓱᒋᓪᓗ ᓯᓚᕐᔪᐊᒥ ᑕᑯᓐᓇᕈᓯᐅᔪᑦ, ᐊᖏᓂᕐᓴᐅᑎᑦᓱᒍ ᐃᓄᑦᑎᒍᑦ ᒥᑦᓯᑎᓐᓂᓗ ᖃᐅᔨᒪᒍᓯᖅ, ᐊᑦᓱᐃᓂᕐᓴᐅᖁᑦᓱᒍ ᐃᓕᓴᕐᓂᒥ ᐊᑑᑎᔭᐅᔪᖅ ᑭᖑᓂᖃᕐᓂᖓᓗ.
ᖃᐅᔨᒪᓂᓂ, ᐃᓪᓕᕆᔭᓂ ᐱᔪᓐᓇᕕᒋᔭᓂᓗ ᐱᕙᓪᓕᐊᑎᓗᒋᑦ ᐊᑐᕐᓗᒍ ᐱᓇᓱᕈᑎᒋᓪᓚᕆᓲᖓ ᐱᕙᓪᓕᖁᑕᐅᓂᐊᕐᑎᓗᒍ ᓱᖑᔫᕈᑎᒋᓗᓂᒍ ᓄᓇᓕᐅᑉ ᐃᓄᖏᑕᓗ.
ᓂᕆᐅᒋᔭᓕᓪᓚᕆᐊᓘᖏᓐᓇᓚᖓᒐᓗᐊᕐᓱᓂᓗ ᐃᓕᓵᓕᒫᑦ ᐊᓂᒍᐃᑎᑦᓯᐊᕋᓱᐊᕐᓗᒋᑦ, ᐃᓕᓴᕐᓂᕆᔭᒥᓂ ᓱᑯᑦᓯᐊᓃᒐᓗᐊᕐᐸᑕ.
ᐃᓕᓴᕐᓂᒥᒃ ᐊᑑᑎᔭᐅᑎᑦᓯᓂᖅ ᐱᖃᓯᐅᑦᔨᔪᒥᒃ ᐊᑦᔨᒋᖕᖏᑐᓂᒃ ᐱᔪᓐᓇᓂᐅᔪᓂᒃ, ᐊᕙᑎᓂᒃ, ᐅᖃᐅᓯᕐᓂᒃ ᐃᓕᓴᕈᓯᕐᓂᒐᓴᒃ ᐊᑐᕐᑕᐅᕙᑦᑐᖅ. ᐃᓚᒋᓕᐅᑎᓕᕐᓱᒋᑦ ᐃᓅᑉ ᑎᒥᒥᒍᑦ, ᐃᓱᒪᑕᕋᓱᒍᓐᓇᓂᕐᒥᒍᑦ, ᐃᓅᖃᑕᐅᓂᒃᑯᑦ/ᐃᑉᐱᒍᓱᓐᓂᑯᑦ ᐅᑉᐱᕆᔭᑦᑎᒍᓪᓗ ᐃᓗᓯᕐᓱᓯᐊᒋᐊᖃᕐᓂᖓᓄᑦ ᐃᓕᖓᔪᑦ.