ᑰᑦᔪᐊᖅ, ᓄᓇᕕᒃ, ᑯᐯ (ᐊᕗᓐᓂᑎ 25, 2015) – ᐊᑎᖏᑦ ᓄᓇᕕᒻᒥ ᓄᓇᓕᓕᒫᓂ ᓱᑯᐃᔦᓂᕐᒥ ᓵᓚᓖᑦ ᐅᖃᕐᑕᐅᖃᐅᕗᑦ ᐅᓐᓄᒃ, ᐅᒃᑯᐅᓯᓂᖃᕐᑎᓗᒍ ᓄᓇᕕᒻᒥ ᓄᓇᓕᓕᒫᓂ ᓱᑯᐃᔦᓂᕐᒥ ᑰᑦᔪᐊᒥ.

ᓵᓚᖃᐅᑎ ᓯᕗᓪᓕᐹᖅ ($500) ᐁᑦᑑᑎ: ᔫᓕᐊ ᐃᒻᐳ ᐊᒻᒪᓗ ᑎᕇᓴ ᐋᓇᓈᒃ, ᑲᖏᕐᓱᐊᓗᑦᔪᐊᖅ, ᐱᓇᓱᑦᑕᕕᓂᖓᓗ ᖃᐅᔨᓴᕐᓂᖅ ᐊᑦᔨᒌᖕᖏᓂᖏᑦ ᑐᐲᑦ ᓇᓪᓕᐊ ᐱᐅᓂᕐᓴᐅᒪᖔᑦ ᐊᓄᕆᓯᐅᑎᐅᓗᑎᑦ ᖃᐅᔨᓴᕈᑎᐅᓂᐊᕐᑎᓗᒍ ᐃᓄᐃᑦ ᓴᓇᓯᒪᔭᖓ ᑐᐱᖅ ᐊᑑᑎᖃᕐᓂᖓᓂ.

ᓵᓚᖃᐅᑎ ᑐᖓᓕᖅ ($300) ᐁᑦᑑᑎ: ᔪᐊᓇ ᑰᐸ, ᑰᑦᔪᐊᖅ, ᐱᓇᓱᑦᑕᕕᓂᖓᓗ ᐅᓪᓗᕆᐊᑦ ᖃᓄᖅ ᓴᓇᒻᒪᑖᓲᒍᒻᒪᖔᑕ.

ᓵᓚᖃᐅᑎ ᐱᖓᔪᐊ ($150) ᐁᑦᑑᑎ: ᒥᐊᔨᐊᓐ ᐲᕈ, ᑰᑦᔪᐊᖅ, ᐱᓇᓱᑦᑕᕕᓂᖓᓗ ᐳᓪᓚᐅᑉ ᓲᖑᓂᖓ ᐊᒻᒪᓗ ᓯᒃᑭᑲᓪᓚᓂᖓ.

ᐃᓚᒋᐊᕈᑎ, ᔫᓕᐊ ᐃᒻᐳ, ᑎᕇᓴ ᐋᓇᓈᒃ, ᔪᐊᓇ ᑰᐸ ᐊᒻᒪᓗ ᒥᐊᔨᐊᓐ ᐲᕈ ᐅᒃᑯᐃᖔᕐᕕᐅᓂᐊᕐᑑᒃ ᑭᒡᒐᑐᓚᖓᑦᓱᑎᒃ ᓄᓇᕕᒻᒥ 2015 ᑯᐯᒻᒥ ᓄᓇᖃᕐᖄᓯᒪᔪᓄᑦ ᓱᑯᐃᔦᓂᕐᒧᑦ (ᓇᑦᓯᐊᓕᐅᑦ24-ᒥᑦ 26-ᒧᑦ, ᑲᓇᐅᐊᑭᒥ, ᑯᐯᒃ), ᑯᐯᓕᒫᒥ ᐱᓕᐅᑎᔪᓂ.

ᐊᑕᐅᑦᑰᕐᑎᑕᐅᑦᓱᑎᒃ ᑲᑎᕕ ᐃᓕᓐᓂᐊᓂᓕᕆᓂᕐᒥ, ᓄᓇᕕᒻᒥ ᓄᓇᓕᓕᒫᓂ ᓱᑯᐃᔦᓂᖅ ᐊᓕᐊᑦᑐᖅ ᑮᓇᐅᔭᖃᕐᑎᑕᐅᒋᐊᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ.

ᐃᓚᒋᔭᐅᔪᑦ:

• ᒥᐊᔨᐊᓐ ᐲᕈ, ᑰᑦᔪᐊᖅ, ᐱᓇᓱᑦᑕᕕᓂᖓᓗ ᐳᓪᓚᐅᑉ ᓲᖑᓂᖓ ᐊᒻᒪᓗ ᓯᒃᑭᑲᓪᓚᓂᖓ.
• ᓕᑎᐊ ᐴᑎ ᐊᒻᒪᓗ ᔮᓯᒥ ᖁᖏᐊᖅ, ᑰᑦᔪᐊᖅ, ᐱᓇᓱᑦᑕᕕᓂᖓᓗ ᐁᔪᖓᓂᐅᑉ ᓱᕐᖄᑎᕐᑕᐅᓂᖓ ᐊᒻᒪᓗ ᓱᕐᕃᓂᕆᓲᖓ ᐅᖃᕐᑕᓕᐅᕐᓱᓂ.
• ᒥᐊᔨ ᑕᕐᕿᐊᐱᒃ ᐊᒻᒪᓗ ᑖᒥ ᒥᕐᕿᐊᔪᖅ, ᑰᑦᔪᐊᖅ, ᐱᓇᓱᑦᑕᕕᓂᖓᓗ ᐆᑦᑐᕋᐅᑎᖃᕐᓱᑎᒃ ᐊᑦᔨᒌᖕᖏᓂᖏᓐᓂᒃ ᐃᒪᕐᓗ ᐅᕐᓱᓗ ᐊᑐᕐᓱᒋᒃ ᓄᑭᖃᕐᑎᓯᒍᑎᒋᑦᓱᒋᒃ ᐅᖁᒣᑐᓕᕆᐅᑎᐅᑉ ᐋᕐᕿᓱᕐᓯᒪᓂᖓᓂ.
• ᐋᓂ ᐋᓇᓇᒃ ᐊᒻᒪᓗ ᔦᑯ ᒨᓱᓯᐊᐱᒃ, ᑕᓯᐅᔭᖅ, ᐱᓇᓱᑦᑕᕕᓂᖓᓗ ᐆᑦᑐᕋᐅᑎᖃᕐᓱᑎᒃ ᐊᑦᔨᒌᖕᖏᓂᖏᓐᓂᒃ ᐃᒥᕋᑦᓭ ᖃᐅᔨᓴᕈᑎᖃᕐᓱᑎᒃ ᓇᓪᓕᐊ ᐃᒥᕋᑦᓴᓯᐊᒍᓂᕐᐸᐅᖑᒪᖔᑦ ᐃᙯᓕᓴᕐᓗᓂ.
• ᔪᐊᓇ ᑰᐸ, ᑰᑦᔪᐊᖅ, ᐱᓇᓱᑦᑕᕕᓂᖓᓗ ᐅᓪᓗᕆᐊᑦ ᖃᓄᖅ ᓴᓇᒻᒪᑖᓲᒍᒻᒪᖔᑕ.
• ᕙᕃᖕᑭ ᒪᕐᕿᐅᒃ, ᑲᖏᕐᓱᒃ, ᐱᓇᓱᑦᑕᕕᓂᖓᓗ ᕿᒥᕐᕈᓱᓂ ᖃᓄᖅ ᓱᕐᕃᓂᖃᓲᖑᒻᒪᖔᑦ ᐊᑦᔨᒌᖕᖏᑐᓂᒃ ᑎᒥᐅᑉ ᖃᓄᐃᓕᖓᓂᖓᓂᒃ ᐱᔪᓐᓇᓂᑦᑎᓂ ᓱᑲᑦᑐᒥᒃ ᐊᓂᕕᒻᒥ ᓇᕝᕚᓴᐅᑎᒋᓂᕐᒥ.
• ᐄᑐᐊ ᑰᑎᔅ ᐃᓯᑭᐊ ᐊᒻᒪᓗ ᒫᑯᓯ ᐊᒻᒫᖅ, ᐊᐅᐸᓗᒃ, ᐱᓇᓱᑦᑕᕕᓂᖓᓗ ᐃᖏᕐᕋᓂᖅ ᐃᒪᐅᑉ ᐃᖏᕐᕋᓂᖓ ᐃᒪᖃᐅᑎᓂ ᓯᒥᑦᒥᒪᔪᓂ.
• ᔫᓕᐊ ᐃᒻᐳ ᐊᒻᒪᓗ ᑎᕇᓴ ᐋᓇᓈᒃ, ᑲᖏᕐᓱᐊᓗᑦᔪᐊᖅ, ᐱᓇᓱᑦᑕᕕᓂᖓᓗ ᖃᐅᔨᓴᕐᓂᖅ ᐊᑦᔨᒌᖕᖏᓂᖏᑦ ᑐᐲᑦ ᓇᓪᓕᐊ ᐱᐅᓂᕐᓴᐅᒪᖔᑦ ᐊᓄᕆᓯᐅᑎᐅᓗᑎᑦ ᖃᐅᔨᓴᕈᑎᐅᓂᐊᕐᑎᓗᒍ ᐃᓄᐃᑦ ᓴᓇᓯᒪᔭᖓ ᑐᐱᖅ ᐊᑑᑎᖃᕐᓂᖓᓂ.
• ᐱᕆᔨᑦ ᐅᕝᕙᐅᑦ ᐊᒻᒪᓗ ᐅᐃᓕᐊ ᓂᖏᐅᕈᕕᒃ, ᖁᐊᕐᑕᖅ, ᐱᓇᓱᑦᑕᕕᓂᖓᓗ ᓱᕐᕃᓂᕆᓲᖓ ᓱᐴᕈᑎᐅᑉ ᐳᔪᖓ.
• ᓯᓖᓇ ᐳᑦᑕᔪᖅ ᐊᒻᒪᓗ ᐃᖑᓓᑦᓱᓂ ᐃᓪᓓᒍᑎᑦᓴᔮᐱᒻᒥᒃ, ᖁᐊᕐᑕᖅ, ᐃᒪᓕᒻᒥ ᐃᓚᖃᕐᑎᓗᒍ ᐳᑦᔪᓯᐅᑎᒥᒃ, ᖄᓲᓕᐅᕐᓱᓂ ᖃᖓᑦᑕᓚᕿᑎᓪᓗᒍ. ᑖᓐᓇ ᐆᑦᑐᕋᕐᑕᐅᔪᖅ ᑐᕌᕐᑕᖃᕋᓱᐊᕐᑎᑕᐅᑦᓱᓂ ᑐᑭᑖᕐᑕᐅᒪᔪᒥᒃ ᑎᑭᐅᑎᑎᑕᐅᒐᓱᐊᕐᓱᓂ ᓇᓪᓕᐊᒍᑦ ᓲᖑᓂᖃᕐᓂᓴᐅᒻᒪᖔᑦ ᖄᕐᑎᑕᐅᓗᓂ.

ᑭᓇᐅᓂᕗᑦ:

ᑲᑎᕕᒃ ᐃᓕᓐᓂᐊᓂᓕᕆᓂᖅ ᓄᐃᑕᐅᓯᒪᕗᖅ 1975-ᒍᑎᓪᓗᒍ, ᐊᑖᒍᑦ ᐊᖏᖃᑎᒌᓐᓂᐅᑉ ᔭᐃᒥᓯ ᐸᐃ ᑯᐯᓪᓗ ᑕᕐᕋᖓᓂ. 1978-ᒥᓂᑦ, ᓄᓇᕕᒻᒥᐅᓂᑦ ᐱᒍᑦᔨᓯᒪᓕᕐᑐᖅ ᐃᓕᓐᓂᐊᓂᓕᕆᓂᒃᑯᑦ ᐊᓯᐊᒎᖕᖏᑐᖅ. ᐃᓕᓐᓂᐊᓂᓕᕆᓂᕐᒥ ᐱᓇᓱᒐᑦᓭᑦ ᐱᕙᓪᓕᐊᑎᑕᐅᓯᒪᔪᑦ ᑲᑎᕕᒃ ᐃᓕᓐᓂᐊᓕᕆᓂᕐᒧᑦ ᐅᒃᑯᐃᖔᕐᕕᖃᕐᓱᑎᒃ ᐃᓕᓐᓂᐊᕕᓐᓂ ᓄᓇᓕᓐᓂ ᖁᓕᓪᓗ ᓯᑕᒪᓪᓗᓂ ᓄᓇᕕᒻᒥ. ᐃᓄᒃᑎᑐᑦ ᐅᖃᐅᓯᕐᖄᖃᕐᓱᓂᒃ ᐊᒻᒪᓗ ᖃᓪᓗᓈᕐᑎᑐᑦ ᐅᐃᒍᐃᑎᑐᓪᓗ ᐁᑉᐱᐅᑎᖃᕐᓱᓂᒃ. ᖃᐅᔨᒋᐊᕐᕕᖃᕆᐊᓪᓚᒍᒪᒍᕕᑦ ᐅᕝᕙᑎᓄᑦ ᒥᑦᓵᓄᑦ, ᑕᑯᒋᐊᕈᓐᓇᑐᑎᑦ ᖃᕆᑕᐅᔭᑎᒍᑦ ᐱᑐᑦᓯᒪᐅᑎᕗᓐᓄᑦ ᐅᕗᖓ: www.kativik.qc.ca

— 30 —

ᖃᐅᔨᒋᐊᕐᕕᖃᕆᐊᓪᓚᒍᓐᓇᑕᕐᒪ, ᑐᕌᒍᑎᒐ:

ᔮᑦ ᑐᓱᓄ-ᐱᕐᓂ
ᑐᓴᕋᑦᓴᓕᕆᔨ
(514) 482-8220
publicrelations@kativik.qc.ca