ᓄᓇᕕᒻᒥᐅᑦ ᐊᒥᓱᐃᑦ ᐊᒻᒪᓗ ᓄᓇᕕᒻᒥ ᐃᓚᐅᔪᖁᑎᒋᔭᐅᔪᐃᑦ ᐃᓕᓴᕆᐊᓪᓛᒍᒪᓂᕐᓴᐅᓲᒍᕗᑦ!

ᓄᓇᕕᒻᒦᒐᓗᐊᕐᐸ ᓯᓚᑖᓂᓪᓘᓐᓃᑦ, ᐊᒥᓱᒃᑲᓪᓓᑦ ᓄᓇᕕᒻᒥᐅᑦ ᐃᓕᓴᕆᐊᓪᓚᒍᒪᓲᒍᕗᑦ. ᑕᕝᕙᓂ ᐊᕐᒑᒍᒥ, ᐊᑦᔨᒌᖕᖏᑐᓂᒃ ᓇᓪᓕᑳᒐᑦᓴᖃᕐᐳᖅ ᐃᓕᓴᕆᐊᓪᓚᒐᑦᓴᓂᒃ. ᐅᑯᐊᑕᒐ ᑐᑭᓯᑎᑦᓯᐅᑎᒋᐊᓪᓓᑦ.

ᐃᓕᓴᕋᑦᓭᑦ ᒪᓂᔭᐅᒪᔪᑦ ᓄᓇᕕᒻᒥ

ᓯᑉᑎᒻᐱᕆ 15ᒥ 161 ᑲᑎᑦᓱᑎᒃ ᐃᓕᓴᕐᑐᓴᒫᒍᓚᐅᔪᕗᑦ ᐃᓕᓴᕋᑦᓴᓕᐊᒍᓯᒪᔪᓂᒃ ᐃᓄᒻᒪᕇᑦ ᐃᓕᓴᕐᕕᖕᖏᓂ ᐱᒋᐅᕐᓴᕕᓐᓂᓗ. ᑕᒃᑯᓇᓂ ᐃᓕᓵᓂ, 43 ᐱᒋᐅᕐᓴᕕᒻᒥ ᐃᓕᓴᕈᒫᕐᓂᐊᓯᓚᐅᔪᕗᑦ ᐊᒻᒪᓗ 118 ᐃᓕᓴᕐᓂᑐᐃᓐᓇᒥ ᐳᕐᑐᓂᕐᓴᒥ ᐃᓕᓴᕆᒍᑎᑖᒍᓐᓇᓯᒐᓱᐊᕐᓱᑎᑦ ᐃᓕᓴᕆᐊᓛᑐᓄᑦ ᐱᓇᓱᒐᕐᒥᓄᑦ ᐱᔭᕇᒍᑎᑖᕋᓱᐊᕐᓱᑎᓘᓐᓃᑦ.

ᐃᓚᒋᐊᓪᓚᐅᑎᒃ, ᔫᓓ 2021ᒥᓂᑦ, 122 ᑲᑎᑦᓱᑎᒃ ᓄᓇᕕᒻᒥᐅᑦ ᐃᓚᐅᓯᒪᓕᕐᖁᑦ ᐱᔭᕇᕈᓯᕐᑕᐅᓯᒪᓕᕐᓲᑎᓘᓐᓃᑦ ᑕᒃᑯᐊ 28 ᐃᓕᓴᕋᑦᓴᓕᐊᒍᓯᒪᔪᑦ ᒪᓂᔭᕕᓂᐅᑦᓱᑎᒃ ᓄᓇᕕᒻᒥᐅᑦ ᐱᓇᓱᕝᕕᖁᑎᖕᖏᓐᓄᑦ ᐱᓇᓱᑦᑎᖁᑎᒥᓂᒃ ᐃᓕᓭᑦᓱᑎᒃ, ᑲᔪᓯᑎᑕᐅᑦᓱᑎᒃ ᐱᒍᑦᔨᓂᕐᒧᑦ ᐃᓕᓴᕐᓃᑦ AEVTᒧᑦ.

ᐃᓕᓴᕋᑦᓭᑦ ᒪᓂᔭᐅᓯᒪᔪᑦ ᓄᓇᕕᐅᑉ ᓯᓚᑖᓂ

ᐊᐅᒍᓯᑎᒥ, ᐳᕐᑐᓂᕐᓴᒋᐊᓪᓚᒥ ᐃᓕᓵᓂᒥᑦ ᐱᒍᑦᔨᔩᑦ ᑐᖕᖓᓱᑦᑎᓯᓚᐅᔪᕗᑦ ᐃᓕᓴᕆᐊᒋᐅᕐᑐᓂᒃ ᐃᓕᓴᕆᐊᓲᑐᖃᕐᓂᓗ ᖃᓪᓘᓈᓄᑦ.

ᐊᐅᒍᓯᑎ 6, 2021ᒥᓂᑦ, 153 ᐃᓕᓴᕆᐊᕐᓯᒪᕗᑦ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᐃᑲᔪᕐᓯᒪᔭᐅᑦᓱᑎᒃ. ᐅᑯᓂᖓ ᐃᓚᓖᑦ:

• 78ᓂᒃ ᐃᓕᓴᕆᐊᒋᐅᕐᑐᓂᒃ ᐳᕐᑐᓂᕐᓴᒋᐊᓪᓓᑦ ᐃᓕᓴᕋᑦᓴᖏᓐᓂᒃ ᐃᓕᓴᓯᔪᖃᓚᐅᔪᕗᖅ. ᐃᓚᖃᕐᓱᑎᒃ ᓄᑖᓂᒃ (ᓯᑕᒪᐅᒍᑎᖓᓂᓗ) ᓄᓇᕕ ᓯᕗᓂᑦᓴᕗᒻᒥ ᐃᓕᓵᓂᖏᓐᓂᒃ.
• 30 ᐃᓕᓴᕇᕐᑐᕕᓃᑦ 2020-2021 ᐊᕐᒑᒍᖓᓂ ᑲᔪᓯᑦᓱᑎᒃ ᐳᕐᑐᓂᕐᓴᒋᐊᓪᓚᒥᒃ ᐃᓕᓴᕋᑦᓴᓂᒃ ᐃᓕᓴᕐᑐᓂᒃ ᑕᕝᕙᓂ ᐊᕐᒑᒍᒥ.
• 45 ᐃᓕᓴᕐᓂᒧᑦ ᐅᑎᕐᑐᐃᑦ ᑲᔪᓯᑦᓱᑎᒃ ᐃᓕᓴᕋᕐᓴᒥᓂᒃ.

ᐅᐱᒋᓱᓪᓚᕆᑉᐳᒍᑦ ᐊᕐᖁᓵᕐᑕᖏᓐᓂᑦ ᐃᓅᓯᕐᒥ ᐃᓚᐅᒋᐊᒥᒃ ᐃᓱᕐᕆᓯᐊᖁᑦᓱᒋᓪᓗ ᓄᑖᒥ ᐃᓕᓴᕐᓂᒥᑕ ᐊᕐᒑᒍᖓᓂ ᓄᓪᓚᒐᓱᐊᕐᑎᓗᒋᑦ! Facebookᑎᒍᑦ ᑕᑯᓐᓇᕋᓱᐊᖃᑦᑕᓯᐅᒃ:

ᐳᕐᑐᓂᕐᓴᒋᐊᓪᓚᒥ ᐃᓕᓴᕐᑐᑦ ᐃᓕᓴᕋᑦᓴᓂ ᓄᓇᕕᐅᑉ ᓯᓚᑖᓂ

ᐃᓕᓵᑦ ᐃᓕᓴᕐᑐᐃᑦ ᐃᓄᒻᒪᕇᑦ ᐃᓕᓴᕐᕕᖓᓂ ᐱᒋᐅᕐᓴᕕᐅᓪᓗ ᐃᓕᓴᕋᑦᓴᖏᓐᓂ ᓄᓇᕕᒻᒥ

ᓄᓇᕕᒃ ᓯᕗᓂᑦᓴᒥ ᐃᓕᓴᕐᑐᐃᑦ