ᐃᓄᓕᒫᓂᑦ ᐃᓕᓐᓂᐊᓂᒃᑯᑦ ᑲᔪᓯᑦᓯᐊᖁᔨᕗᖓ. ᐃᓕᓐᓂᐊᓂᖅ ᓴᓇᕐᕈᑎᐅᕗᖅ. ᓇᓪᓕᐊᒍᑐᐃᓐᓇᖅ ᐃᓄᑦᑎᑐᑦ, ᒍᐃᒍᐃᑎᑐᑦ ᐅᕝᕙᓘᓐᓃᑦ ᖃᓪᓗᓈᑎᑐᑦ. ᐃᓕᓐᓂᐊᑎᑦᓯᔩᑦ ᐃᓕᓐᓂᐊᑎᑦᓯᔨᖃᑦᓯᐊᐳᑦ ᐃᓕᓐᓂᐊᑎᑦᓯᒍᓐᓇᓯᐊᕐᑐᓂᒃ. ᐊᒥᓱᐊᓘᓕᕐᑐᑦ ᐱᐅᓕᓂᐊᒉᑦ ᐊᒻᒪᓗ ᐊᒥᓱᐊᓘᓕᕐᓱᑎᒃ ᐃᓕᓐᓂᐊᕈᑎᑦᓭᑦ ᐅᓪᓗᒥ, ᓱᓇᑐᐃᓐᓇᖃᕐᓂᓴᐅᓕᕐᑐᑦ ᐃᓕᓐᓂᐊᑎᐅᓚᐅᕐᓯᒪᒐᒪᓂ. ᐅᓪᓗᒥ ᐊᐅᓪᓚᓴᒻᒪᕆᓲᖑᓕᕐᑐᑦ, ᐊᒥᓱᐊᓗᐃᓪᓗ ᓱᓇᓐᓂᐊᕈᑕᐅᕙᓕᕐᓱᑎᒃ. ᐅᕙᓐᓄᑦ ᐃᓱᒪᓇᕐᑐᖅ ᓱᓕᑐᖅ ᐃᓕᓐᓂᐊᑎᐅᑦᓴᓚᖓ ᐅᓪᓗᒥ!

ᐅᐸᓗᑦᑌᓕᖃᑦᑕᓗᓯ! ᓈᓚᖃᑦᑕᓗᓯ ᐃᓄᒻᒪᕆᓯᓐᓂᒃ ᐅᕝᕙᓘᓐᓃᑦ ᑭᓇᒃᑯᑐᐃᓐᓇᓂᒃ ᑲᒪᔨᓯᓐᓂᒃ. ᐱᒻᒪᕆᐅᓂᕐᐹᖅ, ᐊᕐᐸᖏᖃᑦᑕᕈᓐᓀᓗᓯ ᐅᓯᑲᑦᑕᐅᑎᒧᑦ, ᓵᓐᑎ ᐅᖃᕐᑐᕕᓂᖅ. ᔨᓂ ᐅᖃᕆᐊᓪᓚᑎᓪᓗᒍ ᐃᒫᒃ, ᐅᖃᐅᑦᔨᒍᒪᔪᖓ ᐱᐊᕋᕐᓂᒃ ᓯᓂᕋᓱᐊᑦᓴᐅᑎᕆᖃᑦᑕᕆᑦᓯ ᐃᓕᓐᓂᐊᓇᐅᓛᕐᑎᓗᒍ. ᐃᓕᓐᓂᐊᑎᓕᒫᑦ ᐃᓕᓐᓂᐊᕇᕐᑐᐃᓇᐅᑎᓪᓗᒋᑦ ᑕᑯᒍᒪᒻᒥᔪᖓ. ᐃᓕᓐᓂᐊᑏᑦ ᐃᓕᓐᐊᓂᕇᕋᒥᒃ, ᐱᔪᓐᓇᓯᒍᑎᑦᓴᓂᒃ ᐱᕕᖃᕐᓂᓴᐅᓲᖑᕗᑦ.

ᐃᓕᓐᓂᐊᑎᒃᑲ ᐃᓕᑦᓯᒍᐊᕐᑐᒪᕆᐊᓗᐃᑦ ᐱᓯᑎᒻᒪᕆᐅᑦᓱᑎᓪᓗ. ᐱᒍᓐᓇᕕᖃᕐᓱᑎᒃ ᐱᑖᕆᒌᕐᓯᒪᔭᒥᓂᒃ ᐃᓅᓕᕐᓯᒪᓂᕐᒥᒍᑦ. ᑌᒫᓪᓗᐊᓭᓐᓇᓗ ᐃᑭᑦᓯᒍᑎᑎᑐᑦ, ᑌᓐᓇ ᐃᑭᑦᑎᒍᒪᔭᕋ ᐃᑭᑦᑕᑐᖓ ᑖᒃᑯᓇᓃᑦᑐᖅ.

ᓴᓗᒻᒪᓭᔨᐅᓕᕐᖁᖓ ᐃᓱᒻᒪᓴᕐᕕᐅᑉ ᐃᓕᓐᓂᐊᕕᖓᓂ ᐊᕐᕌᒍᐃᑦ 30 ᐅᖓᑖᓂ, ᐊᒻᒪᓗ ᐅᖃᕈᓐᓇᑐᖓ ᐱᓇᓱᐊᕐᓂᕆᔭᕗᑦ ᐱᒻᒪᕆᐅᓂᕐᐸᐅᒪᑦ ᐃᓘᓐᓇᓯᐊᖏᓐᓂ! ᓄᐃᑕᖕᖏᑯᑦᑕ, ᐃᓕᓐᓂᐊᕕᒃ ᐅᒃᑯᐃᕈᓐᓇᖃᑦᑕᕋᔭᖕᖏᑐᖅ. ᐃᓚᖓᓂ ᐃᑉᐱᓂᐊᕐᓇᓯᓲᖅ ᐱᓇᓱᐊᕐᓂᕆᓲᕗᑦ ᐅᐱᒋᔭᐅᓪᓗᐊᓲᖑᖕᖏᓂᖓ. ᑮᓇᐅᑦᔭᓵᑦ ᐅᓄᕐᓂᓴᐅᓕᕐᓱᑎᒃ ᐱᕙᓪᓕᖁᑏᓪᓗ ᐃᑲᔪᕐᓯᓚᕆᑦᓯᒪᔪᑦ ᓱᓕᓪᓚᕆᑦᑐᒥᒃ!

ᐅᐱᒍᓱᒃᑯᖓ ᐱᓇᓱᒍᓐᓇᓂᕋ ᓈᓂᖃᕐᓯᒪᒻᒪᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ. ᐊᕐᕌᒍᓂᑦ ᑭᖑᓪᓕᐹᓂᑦ ᓯᑕᒪᐅᔪᖕᖏᒐᕐᑐᓂᒃ, ᐃᑉᐱᒋᔭᖃᕐᓯᒪᕗᖓ ᐊᑐᕐᓂᖃᓪᓚᕆᑦᑐᒥᒃ ᐃᑲᔪᕐᓯᓯᒪᒐᒪ ᐱᒻᒪᕆᐊᓗᒻᒥᒃ ᐱᒍᑦᔨᓂᒃᑯᑦ. ᑮᓇᐅᔭᓕᕆᕕᒃ ᐱᓇᓱᕝᕕᒃ ᓯᕗᒃᑲᑕᕐᑎᐅᓱᓂ ᑐᖕᖓᕕᓪᓚᕆᐅᕗᖅ ᓄᓇᕕᐅᑉ ᐃᓕᓴᕐᓂᓕᕆᓂᖓᓂᒃ. ᐊᓂᒎᑎᑎᑦᓯᓯᐊᕋᓱᐊᓲᖑᕗᒍᑦ ᐃᓕᓐᓂᐊᑎᓕᒫᖁᑎᑦᑎᓂ.

ᐃᓕᓐᓂᐊᑎᓂᒃ ᖃᓂᑕᖃᓪᓚᕆᑦᑐᖓ. ᑲᔪᓯᑦᓯᐊᖁᔭᒃᑲ. ᐊᑦᔨᒌᖕᖏᑐᓂᒃ ᐱᒍᓐᓇᓂᖃᑦᓯᐊᒪᑕ. ᐱᒍᓐᓇᓯᑎᒍᒪᔭᒃᑲ ᑖᒃᑯᓂᖓ ᐱᒍᓐᓇᑕᖏᓐᓂᒃ ᑕᑯᑎᓗᒋᑦ, ᐱᕙᓪᓕᐊᑎᑦᓯᒍᓐᓇᓯᖁᓗᒋᑦ.

ᐱᓇᓱᐊᖃᑎᖃᕐᓱᑎᑦ ᐃᓕᓐᓂᐊᑎᓂᒃ, ᐃᕝᕕᓚᕆᐅᒍᓐᓇᑐᑎᑦ. ᑖᓐᓇ ᐱᓇᓱᐊᒐᕐᒪ ᐃᓚᖓ ᐃᓕᓐᓂᐊᑎᑦᓯᔨᐅᑦᓱᖓ ᐊᓕᐊᒋᔭᕋ ᐊᒻᒪᓗ ᑖᑦᓱᒥᖓ ᐊᓯᖏᓐᓂ ᐱᓇᓱᒐᕐᒥ ᐱᒍᓐᓇᖏᑦᑕᑎᑦ. ᐃᓕᓐᓂᐊᑏᑦ ᓲᓱᒋᔭᐅᑦᓯᐊᕈᒪᔪᑦ..

ᖃᓄᐃᑦᑐᑐᐃᓐᓇᓂᒃ-ᐱᓇᓱᒋᐊᓲᖑᓂᕐᒥᒃ ᐱᐅᓯᖃᕐᓂᖓ ᑕᑯᑦᓴᐅᑎᑦᓱᒍ, ᐅᖃᐅᓯᕆᔭᐅᔪᕕᓂᕐᒥᒃ ᐋᓪᐳᑦ ᐁᓐᓯᑌᓐᒧᑦ ᓇᓗᓀᕐᓯᒍᑎᓕᒃ ᔪᐁᔅ ᐅᖃᕐᓱᓂ: “ᐱᓯᑎᐅᒍᑎᒥᒃ ᓇᓪᓕᐊᓂᓪᓗᑯᐊᐱᒃ ᐱᑕᖃᖕᖏᓚᖓ.  ᑐᑭᓯᔭᖃᕈᒪᓯᑎᐸᐅᔭᐅᑐᐃᓐᓇᖁᖓ.”