ᐊᕐᖁᑎᑦᓴᓯᐊᖑᒍᓐᓇᑐᑦ
ᐃᓕᓐᓂᐊᑏᑦ ᐊᓂᒎᑎᑦᓯᐊᕈᓐᓇᓯᖁᓪᓗᒋᑦ
ᐃᓕᓐᓂᐊᓂᖅ ᐃᓅᓯᓕᒫᒥ ᐊᑐᕐᓂᖃᑦᓯᐊᑐᖅ. ᕿᒥᕐᕈᖏᓐᓇᓕᒫᕈᓐᓇᑐᑎᑦ ᓄᑖᓂᑦ ᐊᕐᖁᑎᑦᓴᓯᐊᖑᒍᓇᕐᓂᒃ. ᐃᑲᔪᕐᓯᐅᑎᑦᓴᓂᒃ ᐊᓪᓚᓯᒪᔪᓂᒃ ᐊᑐᐃᓐᓇᖃᕆᐊᖃᕐᑐᑎᑦ ᑐᕌᒍᒪᔭᓐᓄᑦ ᑎᑭᐅᑎᖁᓪᓗᑎᑦ. ᐊᑐᐃᓐᓇᐅᕖᑦ? ᐊᑌ!
ᐊᖓᔪᕐᖄᕆᔭᐅᑦᓱᑎᑦ, ᖃᐅᔨᒪᕗᑎᑦ ᐃᒫᒃ, ᐃᓕᓐᓂᐊᕆᐊᖕᖓᑑᕆᐊᖕᖓᓱᓂ ᕿᑐᕐᙰᑦ ᐊᑯᓂ ᐃᓕᓐᓂᐊᓛᕐᓂᐊᒪᑦ. ᐃᓕᓐᓂᐊᑎᐅᑎᓪᓗᒍ, ᐱᒻᒪᕆᐊᓗᓐᓂᒃ ᐱᓂᐊᕐᓂᖃᖃᑦᑕᓚᖓᔪᖅ ᐅᓪᓗᖃᖃᑦᑕᓗᓂ ᐃᑲᔪᕆᐊᖃᖃᑦᑕᓗᒋᑦ ᐊᕐᖁᑎᑦᓴᕆᓂᐊᕐᑕᖏᓐᓂᒃ ᕿᑐᕐᖓᓅᓕᖓᑦᓯᐊᑑᑎᓪᓗᒍ ᐊᒻᒪᓗ ᓱᓇᓂᒃ ᐊᑑᑎᒍᒪᓂᖃᕐᒪᖔᑕ.
ᑕᒡᒐᓂ, ᓇᓗᓀᔦᓯᒪᔪᒍᑦ ᐃᓚᖏᓐᓂᑦ ᐊᕐᖁᑎᑦᓴᐅᒍᓐᓇᑐᓂᒃ—ᑌᔭᐅᒻᒥᔪᑦ ᐱᓇᓱᐊᕋᑦᓭᑦ. ᐊᑐᓂ ᐊᕐᖁᑎᑦᓴᓅᓕᖓᔪᓂ, ᓇᓗᓀᕐᓯᓯᒪᔪᒍᑦ ᐃᑲᔪᕐᓯᒍᑎᐅᓂᐊᕐᑐᓂᒃ ᕿᑐᕐᖓᓄᑦ ᐃᓕᓐᓂᐊᕕᒻᒥ ᐱᔭᕇᑦᓴᐸᑕ ᐃᑲᔪᕐᓯᒍᑎᐅᒐᔭᕐᑐᓂᒃ. ᑕᒪᒃᑯᐊ ᐃᑲᔪᕐᓯᐅᑏᑦ ᐃᓕᑕᕆᔭᐅᒍᑏᑦ ᐊᒻᒪᓗ ᐱᔭᕇᒍᑏᑦ.
ᐱᔭᕇᕐᓂᖅ ᐃᓕᑕᕆᔭᐅᒍᑎᑖᕋᓂ ᐱᔭᕇᒍᓯᕐᑕᐅᒐᓂᓘᓐᓃᑦ
16 ᐅᖓᑖᓄᑦ ᐅᑭᐅᖃᕈᕕᑦ ᐃᓕᓐᓂᐊᕕᒻᒥᑦ ᓄᕐᙯᓇᕐᓯᒪᒍᕕᑦ ᐃᓕᑕᕆᔭᐅᒍᑎᑖᕐᓯᒪᓇᒃ ᐱᔭᕇᒍᓯᕐᑕᐅᓯᒪᓇᒃ. ᖃᒨᑏᒃᑭᓂ, ᖁᕝᕙᕆᐊᕈᑎᖃᖏᓐᓇᑐᑎᑦ ᐳᕐᑐᓂᕐᓴᒥ ᐃᓕᓐᓂᐊᕈᑎᕕᓂᑎᓐᓂᑦ ᐱᔭᕇᕐᓯᒪᔭᑎᓐᓂᑦ. ᑕᒪᒃᑯᐊ ᓴᓂᐊᓂ, ᐱᓇᓱᐊᕐᓯᒪᓂᖃᕐᖁᑎᑦ, ᐱᓯᑎᐅᒍᑎᖃᕐᑐᑎᑦ ᐱᔪᓐᓇᐅᑎᖃᕐᓱᑎᓗ ᐃᓅᓯᕐᓂ ᐃᓕᓐᓂᐊᕕᐅᑉ ᓯᓚᑖᓂ ᐱᑖᕆᔭᕕᓂᑎᓐᓂᑦ.
ᑐᑭᓯᒪᑦᓯᐊᖏᓪᓚᑏᑦ ᐱᐅᓯᐅᒋᐊᓖᑦ ᑐᑭᖏᓐᓂ ᐃᓓᓐᓇᖏᓐᓂ? ᑕᑯᒋᐊᕐᓗᒋᑦ ᑐᑭᖏᓐᓅᓕᖓᔪᐃᑦ ᐃᓂᖓ ➔
16-ᓂᑦ ᐅᑭᐅᖃᕈᕕᑦ ᐅᖓᑖᓄᓪᓗ, ᐃᒣᒍᓐᓇᑐᑎᑦ:
- ᐱᓇᓱᒐᕐᑖᕈᓐᓇᑐᑎᑦ.
- ᐃᓚᐅᒍᓐᓇᑐᑎᑦ ᐃᓘᓐᓈᒍᑦ ᐃᓕᓐᓂᐊᑎᑕᐅᓂᕐᒧᑦ (GE) ᐅᕝᕙᓘᓐᓃᑦ ᐱᓇᓱᒐᕐᓂᒃ ᐱᒋᐅᕐᓴᑎᑕᐅᓂᕐᒧᑦ (VT) ᐃᓕᓐᓂᐊᕋᑦᓴᓄᑦ ᐃᓄᒻᒪᕇᑦ ᐃᓕᓐᓂᐊᕕᖓᓂ*.
* ᐃᓚᑯᖃᕈᕕᑦ ᐱᓯᒪᒋᐊᓕᑎᓐᓂᒃ ᐱᑖᕆᐊᓪᓛᕆᐊᖃᕈᕕᑦ ᐃᓕᓐᓂᐊᕆᐊᓪᓛᕕᒻᒧᑦ ᐃᓕᓐᓂᐊᕈᒪᑦᓱᑎᒃ ᐅᕝᕙᓘᓐᓃᑦ ᐱᓇᓱᒐᕐᒥᒃ ᐱᒋᐅᕐᓴᕈᒪᑦᓱᑎᑦ, ᐱᒍᓐᓇᑕᑎᑦ ᐃᓘᓐᓈᒍᑦ ᐃᓕᓐᓂᐊᓂᒃᑯᑦ, ᐃᓄᒻᒪᕇᑦ ᐃᓕᓐᓂᐊᕕᖓᓂ.
21-ᓂᑦ ᐅᑭᐅᖃᕈᕕᑦ ᐅᖓᑖᓄᓪᓗ, ᐃᒣᒍᓐᓇᑐᑎᑦ:
- ᐃᓚᐅᕕᖃᕈᓐᓇᓯᒐᔭᕐᑐᑎᑦ ᐊᖏᓕᒋᐊᕐᓯᒪᓕᕐᓗᑎᑦ ᐃᓕᓐᓂᐊᑎᐅᓂᕐᒧᑦ ᐃᓕᓐᓂᐊᕕᕐᔪᐊᒥ*.
*ᖃᐅᔨᒪᔭᐅᒋᐊᓕᒃ: ᐳᕐᑐᓂᕐᓴᒥᒃ ᐃᓕᓐᓂᐊᑐᕕᓂᐅᓂᕐᒧᑦ ᐃᓕᑕᕆᔭᐅᒍᑎᑖᕐᓯᒪᑐᐃᓐᓇᕆᐊᖃᕆᐊᓕᒃ (SSD), ᐅᕝᕙᓘᓐᓃᑦ ᐊᑦᔨᐅᖏᑦᑐᓂᒃ ᐱᓪᓗᑯᓯᒪᒋᐊᓕᓐᓂᒃ ᐱᑖᕐᓯᒪᓗᑎᑦ. ᑕᒪᒃᑯᓂᖓ ᐱᔭᕇᒐᓱᐊᕈᓐᓇᑐᑎᑦ ᓇᐅᓕᒫᓂᒃ ᐃᓕᓐᓂᐊᑎᑕᐅᓂᕐᒧᑦ ᐃᓄᒻᒪᕇᑦ ᐃᓕᓐᓂᐊᕕᖓᓂ.
============
ᕿᒥᕐᕈᑭᑦ ᐃᓘᓐᓈᒍᑦ ᐃᓕᓐᓂᐊᑎᑕᐅᓃᑦ ᓄᓇᕕᒻᒥ (ᒪᓂᒪᔭᐅᔪᑦ ᖃᓂᖕᖏᑐᒦᓐᓂᑯᑦ ᐅᕝᕙᓘᓐᓃᑦ ᖃᕆᐊᑉ ᐃᓗᐊᓂ) ➔
ᕿᒥᕐᕈᑭᒃ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓭᑦ ᒪᓂᒪᔭᐅᔪᓄᑦ ᓄᓇᕕᒻᒥ ➔
ᕿᒥᕐᕈᑭᑦ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓭᑦ ᒪᓂᒪᔭᐅᔪᑦ ᓄᓇᕕᐅᑉ ᓯᓚᑖᓂ* ➔
* ᖃᐅᔨᒪᔭᐅᒋᐊᓕᒃ: ᐃᓚᐅᔫᒍᕕᑦ 21-ᓂᑦ ᐅᑭᐅᖃᕐᓱᑎᑦ ᐅᖓᑖᓄᓪᓗ ᐊᒻᒪᓗ ᐃᓕᒐᓱᐊᕐᑐᕕᓂᐅᒍᕕᑦ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓴᒥᒃ ᒪᓂᒪᔭᐅᔪᒥᒃ ᐃᓕᓐᓂᐊᕕᒻᒥ ᓄᓇᕕᐅᑉ ᓯᓚᑖᓃᑦᑐᒥᒃ, ᐃᑲᔪᕐᑕᐅᒍᓐᓇᕕᖃᕋᔭᕐᑐᑎᑦ ➔
ᐱᔭᕇᕐᓂᖅ ᐳᕐᑐᓂᕐᓴᒥ ᐃᓕᓐᓂᐊᓯᒪᓂᕐᒧᑦ ᐃᓕᑕᕆᔭᐅᒍᑎᑖᕐᓗᓂ (SSD)
ᐳᕐᑐᓂᕐᓴᒥ ᐃᓕᓐᓂᐊᑕᐅᓲᑦ ᐱᕕᑦᓴᖃᕐᑎᓯᕗᑦ ᐃᓕᓐᓂᐊᑎᖁᑎᑦᑎᓂ ᑲᔪᓯᖏᓐᓇᑐᒥᒃ ᓇᐅᓕᒫᓂᒃ ᐃᓕᓐᓂᐊᓂᕐᒥ. ᑐᕌᕐᓂᖃᕐᓱᑎᓪᓗ ᐃᓘᓐᓇᓯᐊᖏᓐᓂᒃ ᑯᐯᒻᒥ ᐱᐅᓯᐅᒋᐊᓕᓐᓂᒃ. ᐱᔭᕇᑦᓯᐊᑐᕕᓂᐅᒍᓂ ᐳᕐᑐᓂᕐᓴᒥ ᐃᓕᓐᓂᐊᑐᕕᓂᐅᓂᕐᒧᑦ ᐃᓕᑕᕆᔭᐅᒍᑎᑖᕈᓐᓇᑐᑦ (SSD) ᐱᓯᒪᔪᒥᒃ ᑯᐯᒃᑯᑦ ᒥᓂᔅᑕᖃᕐᕕᖓᓂ ᐃᓕᓐᓂᐊᓂᕐᒧᑦ (MEQ).
ᑐᑭᓯᒪᑦᓯᐊᖏᓪᓚᑏᑦ ᐱᐅᓯᐅᒋᐊᓖᑦ ᑐᑭᖏᓐᓂ ᐃᓓᓐᓇᖏᓐᓂ? ᑕᑯᒋᐊᕐᓗᒋᑦ ᑐᑭᖏᓐᓅᓕᖓᔪᐃᑦ ᐃᓂᖓ ➔
ᐃᓕᓐᓂᐊᑏᑦ ᐊᑐᓂ ᐃᒣᒋᐊᓖᑦ:
- ᐱᔭᕇᒐᓱᐊᕆᐊᓖᑦ ᐱᓯᒪᔭᐅᓪᓗᑐᒋᐊᓕᓐᓂᒃ ᐊᒻᒪᓗ ᐱᓯᒪᔭᐅᓪᓗᑐᕆᐊᑐᖕᖏᑐᓂᒃ ᐃᓕᓐᓂᐊᕋᕐᓂᒃ ᐅᑭᐅᖃᓕᕈᑎᒃ 16-ᓂᒃ ᐱᒋᐊᕐᓱᒍ.*
- ᐱᓯᒪᒋᐊᓖᑦ ᑲᑎᑦᓱᒋᑦ 54-ᓂᑦ ᖁᕝᕙᕆᐊᒍᑎᓂᒃ ᐊᓂᒍᐃᑦᓯᐊᓯᒪᓗᑎᒃ ᐱᔭᐅᒪᒋᐊᓕᓐᓂᒃ ᐳᕐᑐᓂᕐᓴᒥ 4-ᒥ 5-ᒥᓗ ᐃᓕᓐᓂᐊᑕᐅᒋᐊᓕᓐᓂᒃ.
ᐃᓕᑦᓯᒋᐊᓪᓛᕆᑦ ᒪᑯᐊ ᒥᑦᓵᓄᑦ ᐃᓕᓐᓂᐊᑕᐅᓪᓗᑐᒋᐊᓖᑦ ᐱᔭᕇᒍᒪᒍᕕᑦ ➔
* ᐊᐅᓚᔨᒋᑦ, ᐃᓕᓐᓂᐊᑏᑦ ᐃᓄᒻᒪᕇᑦ ᐃᓕᓐᓂᐊᕕᖏᓐᓄᑦ ᐃᓕᒍᓐᓇᒪᑕ ᐅᑭᐅᖃᓕᕈᑎᒃ 16-ᓂᑦ—ᖃᖓᑐᐃᓐᓇᖅ ᐃᓕᓐᓂᐊᕈᓐᓇᕕᖃᕐᓗᑎᒃ ᐅᓐᓄᓴᒃᑯᑦ, ᐅᓪᓘᑉ ᕿᑎᕐᖃᖓᓂ ᐃᓕᓐᓂᐊᓗᑎᒃ (ᖃᓂᖕᖏᑐᒥᐅᒐᓗᐊᖅ), ᐊᒻᒪᓗ ᐱᓇᓱᒐᕐᓂᒃ ᐃᓕᓐᓂᐊᑌᑦ ᐅᒃᑯᐃᑎᕆᓗᑎᒃ ᓄᑖᓂᒃ ᐊᕐᖁᑎᑦᓴᐅᒍᓐᓇᑐᓂᒃ.
ᐳᕐᑐᓂᕐᓴᒥᒃ ᐃᓕᓐᓂᐊᓯᒪᓂᕐᒧᑦ ᐃᓕᑕᕆᔭᐅᒍᑎᖃᕐᓗᑎᑦ, ᐃᓕᒐᓱᐊᕈᓐᓇᑐᑎᑦ:
- ᐱᓇᓱᒐᕐᑖᒐᓱᐊᕐᓗᑎᑦ
- ᐃᓕᓐᓂᐊᕆᐊᓪᓛᕕᒻᒧᑦ ᐃᓕᒐᓱᐊᕐᓗᑎᑦ*
- ᐱᓇᓱᒐᕐᓂᒃ ᐱᒋᐅᕐᓴᓂᕐᒧᑦ ᐃᓕᓐᓂᐊᓗᑎᑦ*
- ᓄᓇᕕᒃ ᓯᕗᓂᑦᓴᕗᑦ
* ᐃᓚᑯᖃᕈᕕᑦ ᐱᓯᒪᒋᐊᓕᑎᓐᓂᒃ ᐱᑖᕆᐊᓪᓛᕆᐊᖃᕈᕕᑦ ᐃᓕᓐᓂᐊᕆᐊᓪᓛᕕᒻᒧᑦ ᐃᓕᓐᓂᐊᕈᒪᑦᓱᑎᒃ ᐅᕝᕙᓘᓐᓃᑦ ᐱᓇᓱᒐᕐᒥᒃ ᐱᒋᐅᕐᓴᕈᒪᑦᓱᑎᑦ, ᐱᒍᓐᓇᑕᑎᑦ ᐃᓘᓐᓈᒍᑦ ᐃᓕᓐᓂᐊᓂᒃᑯᑦ, ᐃᓄᒻᒪᕇᑦ ᐃᓕᓐᓂᐊᕕᖓᓂ.
21 ᐅᖓᑖᓂ ᐅᑭᐅᖃᕈᕕᑦ:
- ᐃᓚᐅᕕᖃᕈᓐᓇᓯᒐᔭᕐᑐᑎᑦ ᐊᖏᓕᒋᐊᕐᓯᒪᓕᕐᓗᑎᑦ ᐃᓕᓐᓂᐊᑎᐅᓂᕐᒧᑦ ᐃᓕᓐᓂᐊᕕᕐᔪᐊᒥ*.
* ᖃᐅᔨᒪᔭᐅᒋᐊᓕᒃ: ᐳᕐᑐᓂᕐᓴᒥ ᐱᔭᕇᕐᓯᒪᒋᐊᖃᕐᑐᑎᑦ ᐅᕝᕙᓘᓐᓃᑦ ᐱᓯᒪᒋᐊᓕᑎᓐᓂᑦ ᐊᑦᔨᐅᔭᖏᑦᑐᒥᒃ ᐱᓯᒪᒋᐊᖃᕐᓱᑎᑦ. ᑕᒪᒃᑯᓂᖓ ᐱᒍᓐᓇᑐᑎᑦ ᐃᓘᓐᓈᒍᑦ ᐃᓕᓐᓂᐊᑎᑕᐅᓂᒃᑯᑦ ᐃᓄᒻᒪᕇᑦ ᐃᓕᓐᓂᐊᕕᖓᓂ.
============
ᕿᒥᕐᕈᑭᑦ ᐃᓘᓐᓈᒍᑦ ᐃᓕᓐᓂᐊᑎᑕᐅᓃᑦ ᓄᓇᕕᒻᒥ (ᒪᓂᒪᔭᐅᔪᑦ ᖃᓂᖕᖏᑐᒦᓐᓂᑯᑦ ᐅᕝᕙᓘᓐᓃᑦ ᖃᕆᐊᑉ ᐃᓗᐊᓂ) ➔
ᕿᒥᕐᕈᑭᒃ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓭᑦ ᒪᓂᒪᔭᐅᔪᓄᑦ ᓄᓇᕕᒻᒥ ➔
ᕿᒥᕐᕈᑭᑦ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓭᑦ ᒪᓂᒪᔭᐅᔪᑦ ᓄᓇᕕᐅᑉ ᓯᓚᑖᓂ* ➔
* ᖃᐅᔨᒪᔭᐅᒋᐊᓕᒃ: ᐃᓚᐅᔫᒍᕕᑦ 21-ᓂᑦ ᐅᑭᐅᖃᕐᓱᑎᑦ ᐅᖓᑖᓄᓪᓗ ᐊᒻᒪᓗ ᐃᓕᒐᓱᐊᕐᑐᕕᓂᐅᒍᕕᑦ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓴᒥᒃ ᒪᓂᒪᔭᐅᔪᒥᒃ ᐃᓕᓐᓂᐊᕕᒻᒥ ᓄᓇᕕᐅᑉ ᓯᓚᑖᓃᑦᑐᒥᒃ, ᐃᑲᔪᕐᑕᐅᒍᓐᓇᕕᖃᕋᔭᕐᑐᑎᑦ ➔
ᐱᓇᓱᒐᕐᓂᒃ ᐱᒋᐅᕐᓴᑎᑕᐅᓚᐅᕋᓂ
ᐳᕐᑐᓂᕐᓭᑦ ᐃᓕᓐᓂᐊᕕᖓᓂ ᐊᕐᖁᑏᑦ ᐃᓚᐅᕐᑐᑕᐅᒪᑦᓱᑎᒃ ᐃᓕᓐᓂᐊᕋᑦᓴᓂᒃ, ᐅᐊᕈᑦᔨᑐᕐᓯᒪᑦᓱᑎᒃ ᐃᓘᓐᓈᒍᑦ ᐃᓕᓐᓂᐊᑎᑕᐅᓃᑦ ᐊᒻᒪᓗ ᐃᓚᒋᐊᕐᓯᒪᔪᑦ ᐃᓕᓐᓂᐊᕋᑦᓭᑦ ᓇᒻᒥᓂᖅ ᓂᕈᐊᕐᓯᒪᔭᑎᒍᑦ ᐃᓂᓪᓚᑎᕐᓯᒪᔫᓗᑎᒃ.
ᐊᑐᐃᓐᓀᑦ ᐃᓕᓐᓂᐊᑎᓄᑦ 15-ᓂᑦ ᐅᑭᐅᓕᓐᓄᑦ ᐅᖓᑖᓄᓪᓗ.
ᑐᑭᓯᒪᑦᓯᐊᖏᓪᓚᑏᑦ ᐱᐅᓯᐅᒋᐊᓖᑦ ᑐᑭᖏᓐᓂ ᐃᓓᓐᓇᖏᓐᓂ? ᑕᑯᒋᐊᕐᓗᒋᑦ ᑐᑭᖏᓐᓅᓕᖓᔪᐃᑦ ᐃᓂᖓ ➔
ᐱᓇᓱᐊᕐᑕᐅᔪᖅ ᑐᕌᒐᓕᒃ ᐱᓯᒪᔭᐅᒋᐊᓕᓐᓂᒃ ᐱᑖᕐᑎᓯᒐᓱᐊᕐᓂᒧᑦ ᖁᕝᕙᕆᐊᕈᑎᓂᒃ ᐃᓕᒐᓱᐊᕈᒪᔪᓄᑦ ᐱᓇᓱᒐᕐᓂᒃ ᐱᒋᐅᕐᓴᑎᑕᐅᕕᒻᒧᑦ, ᒪᓂᒪᔭᐅᔪᖅ ᑲᑎᕕᒃ ᐃᓕᓴᕐᓂᓕᕆᓂᒃᑯᓄᑦ ᐃᓄᒻᒪᕇᑦ ᐃᓕᓐᓂᐊᕕᖓᓂ. ᐃᓕᓐᓂᐊᑏᑦ ᐱᔭᕇᕈᓯᕐᑕᐅᖃᔭᖕᖏᑐᑦ ᐳᕐᑐᓂᕐᓴᒥ ᐃᓕᓐᓂᐊᓯᒪᔫᓂᕐᒧᑦ ᐃᓕᑕᕆᔭᐅᒍᑎᒧᑦ ᑭᓯᐊᓂ ᐱᔭᕇᒍᓯᕐᑕᐅᒍᓐᓇᓱᑎᒃ ᐃᓕᑕᕆᔭᐅᒍᑎᕐᑖᓗᑎᒃ ᐱᓇᓱᒐᕐᓅᓕᖓᔪᒥ ᐃᓕᓐᓂᐊᓯᒪᔫᓂᕐᒧᑦ ᐱᔭᕇᕐᑐᕕᓂᐅᒍᑎᒃ ᐃᓕᓐᓂᐊᑕᒥᓂᒃ ᐃᓄᒻᒪᕇᑦ ᐃᓕᓐᓂᐊᕕᖓᓂ.
ᓇᒻᒥᓂᕐᒨᓕᖓᔪᖅ ᐱᓇᓱᐊᕐᑕᖅ ᐱᓇᓱᒐᕐᓂᒃ ᐱᒋᐅᕐᓴᑎᑕᐅᓚᐅᕋᑎᒃ ᐃᑲᔪᕐᓯᓲᖅ ᐃᓕᓐᓂᐊᑎᓂᒃ ᐱᒍᓐᓇᐅᑎᑖᕐᐸᓕᐊᑎᑦᓱᒋᑦ ᐃᓅᓯᕐᒥᒃ ᐱᒍᓐᓇᐅᑎᐅᒋᐊᓕᓐᓂᒃ, ᕿᒥᕐᕈᓱᑎᒃ ᐊᓕᐊᒋᒍᓇᕐᒥᓂᒃ, ᐊᒻᒪᓗ ᐃᓚᐅᑦᓯᐊᓱᑎᒃ ᐃᓕᓐᓂᐊᕕᒻᒥ. ᐱᓇᓱᒐᕐᓂᒃ ᐱᒋᐅᕐᓴᑎᑕᐅᓚᐅᕋᓂ ᓴᐳᒻᒥᔭᐅᓂᕐᒦᒥᔪᖅ ᓇᒻᒥᓂᕐᒨᓕᖓᔪᒧᑦ ᐱᓇᓱᐊᕐᑕᒧᑦ ᓄᐃᑕᐅᒪᑦᓱᓂ ᐃᑲᔪᕐᓯᓂᐊᕐᑎᓗᒍ ᐃᓕᓐᓂᐊᑎᓂᒃ ᐃᓅᓯᕐᒥᒃ ᐱᒍᓐᓇᓯᕙᓪᓕᐊᓂᕐᒥᒃ, ᕿᒥᕐᕈᓗᑎᒃ ᐊᓕᐊᒋᒍᓇᕐᒥᓂᒃ ᐅᕝᕙᓘᓐᓃᑦ ᕿᒥᕐᕈᓗᑎᒃ ᐃᓚᐅᑦᓯᐊᖃᑕᐅᓂᕐᒧᑦ ᐃᓕᓐᓂᐊᕕᒋᔭᕐᒥᓂ.
ᐃᓕᓐᓂᐊᑏᑦ ᐱᒐᓱᐊᖃᑦᑕᓂᐊᕐᑐᑦ ᒪᑯᓂᖓ:
- ᖁᕝᕙᕆᐊᕈᑎᑖᕐᓯᒪᒋᐊᓕᒻᒥᓂᒃ ᐱᒐᓱᐊᕐᓗᑎᒃ ᐃᓕᓐᓂᐊᕈᒪᒍᑎᒃ ᐱᓇᓱᒐᕐᒥᒃ ᐃᒋᐅᕐᓴᑎᑕᐅᓂᕐᒧᑦ (ᐃᓘᓐᓈᒍᑦ ᐃᓕᓐᓂᐊᑎᑕᐅᓂᕐᒧᑦ ᐃᓕᓐᓂᐊᕋᑦᓭᑦ); ᐊᒻᒪᓗ
- ᕿᒥᕐᕈᓗᑎᒃ ᓇᒻᒥᓂᕐᒨᓕᖓᔪᒥᒃ ᐱᓇᓱᐊᕋᑦᓴᒥᓂᒃ ᐃᓕᓐᓂᐊᕕᒻᒥ ᐊᔪᐃᓐᓇᓂᕐᒦᓂᕐᒥᓂᒃ (ᐃᓕᓐᓂᐊᕋᑦᓴᕆᐊᓪᓚᓂᒃ ᐃᓚᐅᕐᑐᐃᓂᒃᑯᑦ ᐃᓱᐊᕆᔭᒥᑎᒍᑦ).
ᐃᓕᓐᓂᐊᑏᑦ ᐱᔭᕇᕐᓯᒪᒋᐊᓖᑦ ᐃᓕᓐᓂᐊᑕᒥᓂᒃ ᖁᕝᕙᕆᐊᕈᑎᓂᒃ ᐱᓯᒪᒋᐊᓕᒻᒥᓂᒃ ᐱᑖᕈᒪᒍᑎᒃ—ᐱᓗᐊᕐᑐᒥ ᐃᓄᑦᑎᑐᑦ, ᐅᖃᐅᓯᐅᑉ ᐁᑉᐱᐅᑎᖓᒍᑦ ᓴᓇᑦᑐᓴᐅᑎᓕᕆᓂᖅ. ᓴᐳᒻᒥᔭᐅᓂᕐᒦᒋᐊᓖᑦ ᐃᓕᓐᓂᐊᑏᑦ ᐊᓪᓚᖁᑎᑎᒎᕐᑕᐅᒐᔭᕐᑐᑦ ᐃᒻᒥᒍᑦ ᐃᓕᓐᓂᐊᓂᕐᒧᑦ ᐸᕐᓀᒍᑎᒥᒃ (IEP).
ᐃᓕᓐᓂᐊᑌᑦ ᓇᓗᓀᕐᑕᐅᓲᑦ ᐅᖄᕈᑎᐅᑦᓱᑎᒃ ᐃᓕᓐᓂᐊᑎᑦᓯᔨᒧᓪᓗ ᐃᓕᓐᓂᐊᑎᒧᓪᓗ ᐱᑦᔪᑕᐅᑎᓪᓗᒋᑦ ᐃᓕᓐᓂᐊᑏᑦ ᓂᕆᐅᕆᔭᖏᑦ ᐊᒻᒪᓗ ᐃᓕᓐᓂᐊᕈᒪᔭᖏᑦᑕ ᐱᓯᒪᒋᐊᓕᖏᑦ.
ᑌᒣᒋᐊᖃᕐᐸᑦ, ᐃᓕᓐᓂᐊᑎ ᐅᖄᕕᖃᕆᐊᓕᒃ ᐃᓕᓐᓂᐊᑕᐅᔪᓂᒃ ᐱᒋᐅᕐᓭᓂᕐᒧᑦ ᐃᓱᐊᕐᓭᔨᒥᒃ ᓇᓗᓀᕐᓯᖁᓪᓗᒍ ᐃᓕᓐᓂᐊᑕᒥᓂᒃ ᐊᒻᒪᓗ ᓯᕗᓂᕐᒥᒃ ᐃᓕᓐᓂᐊᑐᐃᓐᓇᕆᐊᓕᒻᒥᓂᒃ.
ᐱᔭᕇᒍᑎᒃ ᐃᓕᓐᓂᐊᑕᒥᓂᒃ ᓱᓕᓂᕋᕐᑕᐅᒐᔭᕐᑐᑦ ᐊᓪᓚᑕᐅᓗᑎᒃ ᐱᔭᕇᕐᓯᒪᔭᖏᑦᑕ ᐊᓪᓚᓯᒪᔪᒃᑯᕕᖏᓐᓂ, ᐱᓯᒪᔪᒥᒃ ᑯᐯᒃᑯᑦ ᒥᓂᔅᑕᖃᕐᕕᖓᓂ ᐃᓕᓐᓂᐊᓂᕐᒧᑦ (MEQ). ᑖᓐᓇ ᐊᓪᓚᖁᑏᑦ ᐊᓪᓚᓯᒪᔪᒃᑯᕕᖓ ᐃᓕᓐᓂᐊᑕᓄᑦ, ᐳᕐᑐᓂᓐᓄᑦ, ᐊᒻᒪᓗ ᖁᕝᕙᕆᐊᕈᑏᑦ ᐱᔭᐅᓯᒪᔪᑦ. ᐊᓪᓚᓯᒪᔪᒃᑯᕕᒃ ᐃᓕᓐᓂᐊᑕᕕᓂᕐᓂᒃ ᐊᒻᒪᓗ ᐱᓯᒪᔭᐅᔪᓂᒃ.
ᐃᓕᒐᓱᐊᕈᒪᒍᓂ ᐱᓇᓱᒐᕐᓂᒃ ᐱᒋᐅᕐᓴᑎᑕᐅᓚᐅᕋᓂ, ᐃᓕᓐᓂᐊᑎ ᐃᒣᒋᐊᓕᒃ:
- ᐅᑭᐅᖃᕐᓗᓂ 15-ᓂᑦ ᓯᑉᑎᒻᐱᕆ 30-ᐅᓚᐅᕐᑎᓇᒍ ᐃᓕᓐᓂᐊᓇᐅᑉ ᐊᕐᕌᒍᖓᓂ.
- ᐃᓕᒍᒪᓂᖃᑦᓯᐊᓗᓂ ᐱᓪᓗᑯᑦᑐᒥᒃ ᐱᓇᓱᒐᕐᒥᒃ ᐃᓕᓐᓂᐊᕋᕐᒥᒃ ᒪᓂᒪᔭᐅᔪᒥᒃ ᑲᑎᕕᒃ ᐃᓕᓴᕐᓂᓕᕆᓂᒃᑯᓄᑦ.
- ᐃᒻᒥᒎᕐᑐᒥᒃ ᐃᓕᓐᓂᐊᓂᕐᒧᑦ ᐸᕐᓀᒍᑎᖃᕆᐊᓕᒃ (IEP) ᓇᓗᓀᕐᓯᔪᒥᒃ ᑐᕌᒐᒋᔭᖏᓐᓂᒃ ᐊᒻᒪᓗ ᓴᐳᒻᒥᔭᐅᒪᑦᓯᐊᓂᕐᒧᑦ ᐊᓪᓚᓯᒪᔪᖃᕐᓗᓂ ᐱᔭᕇᕐᓯᒪᒋᐊᓕᒻᒥᓂᒃ.
- ᐊᖓᔪᕐᖄᖏᑦ ᐊᖏᕐᓯᒪᒋᐊᓖᑦ ᑖᑦᓱᒥᖓ ᐊᕐᖁᑎᖃᕈᒪᒍᑎᒃ.
*ᐃᓕᒐᓱᐊᕐᓃᑦ ᒪᓕᑦᑕᐅᔪᑦ ᐃᓕᒐᓱᐊᕐᑐᐃᑦ ᐅᓄᕐᓂᖏᑦ ᒪᓕᑦᓱᒋᑦ, ᐅᑕᕐᕿᓂᕐᒦᑐᑦ ᓯᕕᑐᓂᖏᑎᒍᑦ, ᐊᒻᒪᓗ ᐃᓕᓐᓂᐊᑎᑦᓯᔪᑦᓭᑦ ᐊᑐᐃᓐᓇᐅᓂᖏᑎᒍᑦ.
ᐱᓇᓱᒐᕐᓂᒃ ᐱᒋᐅᕐᓴᑎᑕᐅᓚᐅᕋᑎᒃ (Pre-Voc.) ᐊᓂᒍᕐᑕᐅᓯᒪᓕᕐᑐᑎᒍᑦ, ᐃᓕᒐᓱᐊᕈᓐᓇᑐᑎᑦ:
- ᐱᓇᓱᒐᕐᑖᒐᓱᐊᕐᓗᑎᑦ
- ᐃᓕᓐᓂᐊᕆᐊᓪᓛᕕᒻᒧᑦ ᐃᓕᒐᓱᐊᕐᓗᑎᑦ*
- ᐱᓇᓱᒐᕐᓂᒃ ᐱᒋᐅᕐᓴᓂᕐᒧᑦ ᐃᓕᓐᓂᐊᓗᑎᑦ
* ᐃᓚᑯᖃᕈᕕᑦ ᐱᓯᒪᒋᐊᓕᑎᓐᓂᒃ ᐱᑖᕆᐊᓪᓛᕆᐊᖃᕈᕕᑦ ᐃᓕᓐᓂᐊᕆᐊᓪᓛᕕᒻᒧᑦ ᐃᓕᓐᓂᐊᕈᒪᑦᓱᑎᒃ ᐅᕝᕙᓘᓐᓃᑦ ᐱᓇᓱᒐᕐᒥᒃ ᐱᒋᐅᕐᓴᕈᒪᑦᓱᑎᑦ, ᐱᒍᓐᓇᑕᑎᑦ ᐃᓘᓐᓈᒍᑦ ᐃᓕᓐᓂᐊᓂᒃᑯᑦ, ᐃᓄᒻᒪᕇᑦ ᐃᓕᓐᓂᐊᕕᖓᓂ.
============
ᕿᒥᕐᕈᑭᑦ ᐃᓘᓐᓈᒍᑦ ᐃᓕᓐᓂᐊᑎᑕᐅᓃᑦ ᓄᓇᕕᒻᒥ (ᒪᓂᒪᔭᐅᔪᑦ ᖃᓂᖕᖏᑐᒦᓐᓂᑯᑦ ᐅᕝᕙᓘᓐᓃᑦ ᖃᕆᐊᑉ ᐃᓗᐊᓂ) ➔
ᕿᒥᕐᕈᑭᒃ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓭᑦ ᒪᓂᒪᔭᐅᔪᓄᑦ ᓄᓇᕕᒻᒥ ➔
ᕿᒥᕐᕈᑭᑦ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓭᑦ ᒪᓂᒪᔭᐅᔪᑦ ᓄᓇᕕᐅᑉ ᓯᓚᑖᓂ* ➔
* ᖃᐅᔨᒪᔭᐅᒋᐊᓕᒃ: ᐃᓚᐅᔫᒍᕕᑦ 21-ᓂᑦ ᐅᑭᐅᖃᕐᓱᑎᑦ ᐅᖓᑖᓄᓪᓗ ᐊᒻᒪᓗ ᐃᓕᒐᓱᐊᕐᑐᕕᓂᐅᒍᕕᑦ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓴᒥᒃ ᒪᓂᒪᔭᐅᔪᒥᒃ ᐃᓕᓐᓂᐊᕕᒻᒥ ᓄᓇᕕᐅᑉ ᓯᓚᑖᓃᑦᑐᒥᒃ, ᐃᑲᔪᕐᑕᐅᒍᓐᓇᕕᖃᕋᔭᕐᑐᑎᑦ ➔
ᐱᓇᓱᒐᕐᑖᓚᐅᕋᑎᒃ ᐱᒋᐅᕐᓴᑎᑕᐅᓃᑦ (PWT)
ᑖᓐᓇ ᐊᕐᕌᒍᓂ ᐱᖓᓱᓂ ᐃᓕᓐᓂᐊᕋᖅ ᐊᑐᐃᓐᓇᓕᒃ ᐱᓇᓱᐊᕐᓂᑯᑦ ᐃᓕᓐᓂᐊᓗᓂ ᐊᒻᒪᓗ ᐃᓘᓐᓈᒍᑦ ᐃᓕᓐᓂᐊᓂᕐᒥᒃ ᑐᕌᒐᖃᕐᓱᑎᒃ ᐃᓕᓐᓂᐊᑎ ᐱᓇᓱᕈᓐᓇᓯᖁᓪᓗᒍ ᐊᒻᒪᓗ ᐱᔪᓐᓇᐅᑎᑖᕆᐊᓕᒥᓂᒃ ᐱᔪᓐᓇᐅᑎᑖᕐᓗᓂ ᓄᓇᓕᒻᒥ ᐊᒻᒪᓗ ᐱᓇᓱᒐᕐᒧᑦ ᓅᑉᐸᓕᐊᓂᕐᒧᑦ, ᐃᓘᓐᓈᒎᓕᖓᔪᒥᒃ ᐃᓕᑕᕆᔭᐅᒍᑎᑖᖁᓪᓗᒍ ᐱᓇᓱᒍᓐᓇᓂᕐᒧᑦ.
ᐊᑐᐃᓐᓀᑦ ᐃᓕᓐᓂᐊᑎᓄᑦ 15-ᓂᑦ ᐅᑭᐅᓕᓐᓄᑦ ᐅᖓᑖᓄᓪᓗ.
ᑐᑭᓯᒪᑦᓯᐊᖏᓪᓚᑏᑦ ᐱᐅᓯᐅᒋᐊᓖᑦ ᑐᑭᖏᓐᓂ ᐃᓓᓐᓇᖏᓐᓂ? ᑕᑯᒋᐊᕐᓗᒋᑦ ᑐᑭᖏᓐᓅᓕᖓᔪᐃᑦ ᐃᓂᖓ ➔
ᑖᓐᓇ ᐊᕐᕌᒍᓂ ᐱᖓᓱᓂ ᐃᓕᓐᓂᐊᕋᖅ ᐊᑐᐃᓐᓇᓕᒃ ᐱᓇᓱᐊᕐᓂᑯᑦ ᐃᓕᓐᓂᐊᓗᓂ ᐊᒻᒪᓗ ᐃᓘᓐᓈᒍᑦ ᐃᓕᓐᓂᐊᓂᕐᒥᒃ ᑐᕌᒐᖃᕐᓱᑎᒃ ᐃᓕᓐᓂᐊᑎ ᐱᓇᓱᕈᓐᓇᓯᖁᓪᓗᒍ ᐊᒻᒪᓗ ᐱᔪᓐᓇᐅᑎᑖᕆᐊᓕᒥᓂᒃ ᐱᔪᓐᓇᐅᑎᑖᕐᓗᓂ ᓄᓇᓕᒻᒥ ᐊᒻᒪᓗ ᐱᓇᓱᒐᕐᒧᑦ ᓅᑉᐸᓕᐊᓂᕐᒧᑦ, ᐃᓘᓐᓈᒎᓕᖓᔪᒥᒃ ᐃᓕᑕᕆᔭᐅᒍᑎᑖᖁᓪᓗᒍ ᐱᓇᓱᒍᓐᓇᓂᕐᒧᑦ.
ᑖᓐᓇ ᐃᓕᓐᓂᐊᕋᑦᓴᖅ ᑐᖕᖓᕕᓕᒃ ᒪᕐᕈᓂᒃ ᐃᒻᒥᒍᕐᑎᑑᓐᓂ:
- ᐃᓘᓐᓈᒍᑦ ᐃᓕᓐᓂᐊᑎᑕᐅᓂᕐᒧᑦ ᐃᓕᓐᓂᐊᕋᑦᓭᑦ (ᐆᑦᑑᑎᒋᓗᒍ ᐃᓄᑦᑎᑐᑦ, ᓴᓇᑦᑐᓴᐅᑎᓕᕆᓂᖅ ᐅᕝᕙᓘᓐᓃᑦ ᐃᓗᕐᕈᓯᓐᓂᐊᓂᖅ & ᓄᓇᒥ ᐊᓐᓇᐅᒪᒐᓱᐊᕐᓂᖅ); ᐊᒻᒪᓗ
- ᐃᓕᓐᓂᐊᓂᒃᑯᑦ ᐱᓇᓱᐊᕐᓂᒧᑦ ᐃᓕᓐᓂᐊᕃᑦ (ᐆᑦᑑᑎᒋᓗᒍ ᓯᓚᕐᔪᐊᒥ ᐱᓇᓱᒐᕐᓄᑦ ᖃᐅᔨᑎᑦᓯᒋᐊᖕᖓᕈᑏᑦ, ᐊᑐᐃᓐᓇᕈᕐᑎᓂᖅ ᐱᓇᓱᕝᕕᓄᑦ ᐊᒻᒪᓗ ᐱᓇᓱᕋᕐᒥᒃ ᐱᔪᓐᓇᐅᑏᑦ).
ᐃᓕᓐᓂᐊᑕᖏᑦᑕ ᐃᓚᒋᑦᓱᓂᐅᒃ ᐊᒻᒪᓗ ᐃᓕᑕᕆᔭᐅᒍᑎᑖᕐᓂᐅᑉ, ᐃᓕᓐᓂᐊᑎ, ᐃᓕᓐᓂᐊᑎᑦᓯᔨᖓ ᐃᑲᔪᕐᑎᓗᒍ, ᕿᓂᕋᓱᐊᕆᐊᓕᒃ ᐱᓇᓱᒐᕐᒥᒃ-ᐱᒋᐅᕐᓴᕋᑦᓴᕆᐊᓪᓚᒥᒃ ᐃᓕᒐᓱᐊᕐᓂᒧᑦ ᐅᕝᕙᓘᓐᓃᑦ ᐱᓇᓱᒐᕐᒥᒃ ᐆᑦᑐᕋᕐᓂᒧᑦ ᐱᕕᑦᓴᐅᒍᓐᓇᑐᒥᒃ ᐱᓇᓱᐊᕐᓗᒋᑦ ᐃᓕᓐᓂᐊᓀᑦ ᑫᕙᓪᓚᒍᓯᖏᓐᓂᒃ. ᐱᓇᓱᒐᕐᒥᒃ ᐱᒋᐅᕐᓴᓂᖅ ᐊᑑᑎᔭᐅᓪᓗᑐᒋᐊᓕᒃ.
ᐃᓕᓐᓂᐊᑎᓗ ᐃᓕᓐᓂᐊᑎᑦᓯᔨᓗ ᓄᐃᑦᓯᒋᐊᓖᒃ ᐱᓇᓱᒐᕐᒥᒃ ᐱᒋᐅᕐᓴᓂᕐᒧᑦ ᐱᓇᓱᐊᕋᑦᓴᒥᒃ ᖃᐅᔨᓴᕐᕕᒋᓗᒋᑦ ᒥᓂᔅᑕᒃᑯᑦ ᑐᕐᖃᑕᕐᕕᖓᑦ ᐱᔪᓐᓇᐅᑎᓕᕆᓂᕐᒧᑦ. ᑕᒪᒃᑯᐊ ᐱᔪᓐᓇᐅᑏᑦ ᓂᕈᐊᕐᑕᐅᓲᑦ ᑐᖕᖓᕕᒋᑦᓱᒋᑦ ᐃᓕᓐᓂᐊᑏᑦ ᓇᓂᓯᒪᔭᖏᑦ ᓄᑖᑦ, ᐊᓕᐊᓇᕐᑐᑦ ᐊᒻᒪᓗ ᐱᑐᑦᓯᒪᓂᓖᑦ ᐃᓕᓐᓂᐊᓂᐊᕐᑕᒥᑕ ᐸᕐᓇᓯᒪᔭᖏᑦ.
ᐃᓕᓐᓂᐊᑏᑦ ᐃᓕᑕᕆᔭᐅᒍᑎᑖᕋᔭᕐᑐᑦ ᑯᐯᒃᑯᑦ ᒥᓂᔅᑕᖃᕐᕕᖓᓂ ᐃᓕᓐᓂᐊᓂᕐᒧᑦ (MEQ) ᓇᓗᓀᕐᑕᐅᓗᑎᒃ ᐱᔭᕇᕐᓂᒥᓄᑦ ᐃᓕᓐᓂᐊᕕᒻᒥ ᐊᒻᒪᓗ ᐱᓇᓱᑦᑎᑖᕆᔭᐅᒍᓐᓇᓂᕐᒥᓄᑦ.
ᐱᔭᕇᕐᑐᑦ ᐱᑖᕋᔭᕐᑐᑦ:
- ᐱᓇᓱᐊᓚᐅᕋᑎᒃ ᐱᒋᐅᕐᓴᑎᑕᐅᓂᕐᒧᑦ ᐃᓕᑕᕆᔭᐅᒍᑎᒥᒃ (PWTC)
ᐃᓕᒐᓱᐊᕈᒪᒍᓂ, ᐃᓕᓐᓂᐊᑎ ᐃᒣᒋᐊᓕᒃ:
- ᐅᑭᐅᖃᕐᓗᓂ 15-ᓂᑦ ᓯᑉᑎᒻᐱᕆ 30-ᐅᓚᐅᕐᑎᓇᒍ ᐃᓕᓐᓂᐊᓇᐅᑉ ᐊᕐᕌᒍᖓᓂ.
- ᐃᓕᓐᓂᐊᑕᖏᑦ ᐅᐸᓗᕐᓯᒪᒍᑎᒃ ᐊᕐᕌᒍᓂ ᐱᖓᓱᓂᑦ ᐅᖓᑖᓄᓪᓘᓃᑦ ᐅᑭᐅᖃᑎᒥᑦᑕ ᓴᓂᐊᓂ.
- ᐱᓪᓗᑯᑦᑐᒥᒃ ᐃᓕᓐᓂᐊᕋᕐᒥᒃ ᓴᐳᒻᒥᔭᐅᓯᒪᔫᒋᐊᓕᒃ.
- ᐃᒻᒥᒎᕐᑐᒥᒃ ᐃᓕᓐᓂᐊᓂᕐᒧᑦ ᐸᕐᓀᒍᑎᖃᕆᐊᓕᒃ (IEP).
- ᐊᖓᔪᕐᖄᖏᑦ ᐊᖏᕐᓯᒪᒋᐊᓖᑦ.
ᐱᓇᓱᒐᕐᑖᓚᐅᕋᑎᒃ ᐱᒋᐅᕐᓴᑎᑕᐅᓯᒪᓗᑎᑦ, ᐃᓕᒐᓱᐊᕈᓐᓇᑐᑎᑦ:
- ᐱᓇᓱᒐᕐᑖᒐᓱᐊᕐᓗᑎᑦ
- ᐃᓘᓐᓈᒍᑦ ᐃᓕᓐᓂᐊᑎᑕᐅᓂᖅ (GE) ᐃᓄᒻᒪᕇᑦ ᐃᓕᓐᓂᐊᕕᖓᓂ
- ᑲᔪᓯᓗᑎᑦ ᐃᓕᓐᓂᐊᕕᑐᐃᓐᓇᒥ ᐃᓕᓐᓂᐊᓗᑎᓪᓗ ᐱᓇᓱᒐᐅᒍᓐᓇᑐᓂᒃ
============
ᕿᒥᕐᕈᑭᑦ ᐃᓘᓐᓈᒍᑦ ᐃᓕᓐᓂᐊᑎᑕᐅᓃᑦ ᓄᓇᕕᒻᒥ (ᒪᓂᒪᔭᐅᔪᑦ ᖃᓂᖕᖏᑐᒦᓐᓂᑯᑦ ᐅᕝᕙᓘᓐᓃᑦ ᖃᕆᐊᑉ ᐃᓗᐊᓂ) ➔
ᕿᒥᕐᕈᑭᒃ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓭᑦ ᒪᓂᒪᔭᐅᔪᓄᑦ ᓄᓇᕕᒻᒥ ➔
ᕿᒥᕐᕈᑭᑦ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓭᑦ ᒪᓂᒪᔭᐅᔪᑦ ᓄᓇᕕᐅᑉ ᓯᓚᑖᓂ* ➔
* ᖃᐅᔨᒪᔭᐅᒋᐊᓕᒃ: ᐃᓚᐅᔫᒍᕕᑦ 21-ᓂᑦ ᐅᑭᐅᖃᕐᓱᑎᑦ ᐅᖓᑖᓄᓪᓗ ᐊᒻᒪᓗ ᐃᓕᒐᓱᐊᕐᑐᕕᓂᐅᒍᕕᑦ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓴᒥᒃ ᒪᓂᒪᔭᐅᔪᒥᒃ ᐃᓕᓐᓂᐊᕕᒻᒥ ᓄᓇᕕᐅᑉ ᓯᓚᑖᓃᑦᑐᒥᒃ, ᐃᑲᔪᕐᑕᐅᒍᓐᓇᕕᖃᕋᔭᕐᑐᑎᑦ ➔
ᐱᒋᐅᕐᓴᓂᖅ ᕿᑎᕐᖄᒍᑦ ᐱᔪᓐᓇᐅᑎᖃᕐᓂᒧᑦ ᐱᓇᓱᒐᕐᒧᑦ (TST)
ᐊᕐᕌᒍᒥ ᐊᑕᐅᓯᕐᒥᒃ ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐊᕐᖁᑎᑦᓴᖅ ᒪᓕᑦᓱᒋᑦ ᐱᓇᓱᐊᕋᑦᓴᓕᐊᖑᓯᒪᔪᑦ, ᐅᐊᕈᑦᔨᑐᕐᓗᒋᑦ ᐃᓘᓐᓈᒍᑦ ᐃᓕᓐᓂᐊᑎᑕᐅᓃᑦ ᐊᒻᒪᓗ ᐃᓕᓐᓂᐊᕋᑦᓴᕆᐊᓪᓓᑦ ᓇᒻᒥᓂᕐᒨᓕᖓᔪᒥ ᐃᓂᓪᓚᑎᕐᓯᒪᔪᑎᒍᑦ.
ᐊᑐᐃᓐᓀᑦ ᐃᓕᓐᓂᐊᑎᓄᑦ ᐅᑭᐅᓕᓐᓄᑦ 15-ᓂᑦ ᐅᖓᑖᓄᓪᓗ.
ᑐᑭᓯᒪᑦᓯᐊᖏᓪᓚᑏᑦ ᐱᐅᓯᐅᒋᐊᓖᑦ ᑐᑭᖏᓐᓂ ᐃᓓᓐᓇᖏᓐᓂ? ᑕᑯᒋᐊᕐᓗᒋᑦ ᑐᑭᖏᓐᓅᓕᖓᔪᐃᑦ ᐃᓂᖓ ➔
ᑖᓐᓇ ᐊᕐᕌᒍᒥ ᐊᑕᐅᓯᕐᒥᒃ ᐃᓕᓐᓂᐊᕋᖅ ᐊᑐᐃᓐᓇᕈᕐᑎᕆᓲᖅ ᐃᓕᓐᓂᐊᑎᒥᒃ ᐱᓇᓱᓐᓂᒨᕋᓱᐊᕐᑎᓗᒍ. ᐃᓚᖃᕐᓱᓂ ᐃᓘᓐᓈᒍᑦ ᐃᓕᓐᓂᐊᑎᑕᐅᓂᕐᒥᒃ ᐊᒻᒪᓗ ᐆᑦᑐᕋᖃᑦᑕᓂᕐᒧᑦ ᐃᓕᓐᓂᐊᓗᓂ ᐱᓇᓱᒐᕐᒥᒃ-ᐱᒋᐅᕐᓴᓂᒃᑯᑦ ᐅᕝᕙᓘᓐᓃᑦ ᐱᓇᓱᒐᕐᒥᒃ-ᐆᑦᑐᕋᖃᑦᑕᓂᒃᑯᑦ ᐱᓇᓱᐊᕐᑕᐅᔪᓄᑦ.
ᑖᓐᓇ ᐃᓕᓐᓂᐊᕋᑦᓴᖅ ᑐᖕᖓᕕᓕᒃ ᒪᕐᕈᓂᒃ ᐃᒻᒥᒍᕐᑎᑑᓐᓂ:
- ᐃᓘᓐᓈᒍᑦ ᐃᓕᓐᓂᐊᑎᑕᐅᓂᕐᒧᑦ ᐃᓕᓐᓂᐊᕋᑦᓭᑦ (ᐆᑦᑑᑎᒋᓗᒍ ᐃᓄᑦᑎᑐᑦ, ᓴᓇᑦᑐᓴᐅᑎᓕᕆᓂᖅ ᐅᕝᕙᓘᓐᓃᑦ ᐃᓗᕐᕈᓯᓐᓂᐊᓂᖅ & ᓄᓇᒥ ᐊᓐᓇᐅᒪᒐᓱᐊᕐᓂᖅ). ᐃᓕᓐᓂᐊᑎ ᐱᓇᓱᒐᐅᒍᓐᓇᑐᓂᒃ ᐃᓕᓐᓂᐊᖄᕐᓗᓂ ᐃᑎᕈᓐᓇᐅᑎᑖᕈᓐᓇᑐᖅ ᐱᓇᓱᒐᕐᒥᒃ ᐃᓕᓐᓂᐊᕈᒪᔭᒥᓂᒃ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖓᓂ; ᐊᒻᒪᓗ
- ᐃᓕᓐᓂᐊᓂᒃᑯᑦ ᐱᓇᓱᐊᕐᓂᒧᑦ ᐃᓕᓐᓂᐊᕃᑦ (ᐆᑦᑑᑎᒋᓗᒍ ᐊᑐᐃᓐᓇᕈᕐᑎᓂᖅ ᐱᓇᓱᒐᑦᓴᓄᑦ ᐊᒻᒪᓗ ᕿᑎᕐᖄᒍᑦ ᐱᒍᓐᓇᐅᑎᖃᕆᐊᓕᓐᓄᑦ ᐱᓇᓱᒐᕐᓄᑦ).
ᐃᓕᓐᓂᐊᑕᖏᑦᑕ ᐃᓚᒋᑦᓱᓂᐅᒃ ᐊᒻᒪᓗ ᐃᓕᑕᕆᔭᐅᒍᑎᑖᕐᓂᐅᑉ, ᐃᓕᓐᓂᐊᑎ, ᐃᓕᓐᓂᐊᑎᑦᓯᔨᖓ ᐃᑲᔪᕐᑎᓗᒍ, ᕿᓂᕋᓱᐊᕆᐊᓕᒃ ᐱᓇᓱᒐᕐᒥᒃ-ᐱᒋᐅᕐᓴᕋᑦᓴᕆᐊᓪᓚᒥᒃ ᐃᓕᒐᓱᐊᕐᓂᒧᑦ ᐅᕝᕙᓘᓐᓃᑦ ᐱᓇᓱᒐᕐᒥᒃ ᐆᑦᑐᕋᕐᓂᒧᑦ ᐱᕕᑦᓴᐅᒍᓐᓇᑐᒥᒃ ᐱᓇᓱᐊᕐᓗᒋᑦ ᐃᓕᓐᓂᐊᓀᑦ ᑫᕙᓪᓚᒍᓯᖏᓐᓂᒃ. ᐱᓇᓱᒐᕐᒥᒃ ᐱᒋᐅᕐᓴᓂᖅ ᐊᑑᑎᔭᐅᓪᓗᑐᒋᐊᓕᒃ.
ᐃᓕᓐᓂᐊᑎᓗ ᐃᓕᓐᓂᐊᑎᑦᓯᔨᓗ ᓄᐃᑦᓯᒋᐊᓖᒃ ᐱᓇᓱᒐᕐᒥᒃ ᐱᒋᐅᕐᓴᓂᕐᒧᑦ ᐱᓇᓱᐊᕋᑦᓴᒥᒃ ᖃᐅᔨᓴᕐᕕᒋᓗᒋᑦ ᒥᓂᔅᑕᒃᑯᑦ ᑐᕐᖃᑕᕐᕕᖓᑦ ᐱᔪᓐᓇᐅᑎᓕᕆᓂᕐᒧᑦ. ᑕᒪᒃᑯᐊ ᐱᔪᓐᓇᐅᑏᑦ ᓂᕈᐊᕐᑕᐅᓲᑦ ᑐᖕᖓᕕᒋᑦᓱᒋᑦ ᐃᓕᓐᓂᐊᑏᑦ ᓇᓂᓯᒪᔭᖏᑦ ᓄᑖᑦ, ᐊᓕᐊᓇᕐᑐᑦ ᐊᒻᒪᓗ ᐱᑐᑦᓯᒪᓂᓖᑦ ᐃᓕᓐᓂᐊᓂᐊᕐᑕᒥᑕ ᐸᕐᓇᓯᒪᔭᖏᑦ.
ᐃᓕᓐᓂᐊᑏᑦ ᐃᓕᑕᕆᔭᐅᒍᑎᑖᕋᔭᕐᑐᑦ ᑯᐯᒃᑯᑦ ᒥᓂᔅᑕᖃᕐᕕᖓᓂ ᐃᓕᓐᓂᐊᓂᕐᒧᑦ (MEQ) ᓇᓗᓀᕐᑕᐅᓗᑎᒃ ᐱᔭᕇᕐᓂᒥᓄᑦ ᐃᓕᓐᓂᐊᕕᒻᒥ ᐊᒻᒪᓗ ᐱᓇᓱᑦᑎᑖᕆᔭᐅᒍᓐᓇᓂᕐᒥᓄᑦ.
ᐃᓚᖃᕐᑎᓗᒍ ᖁᕝᕙᕆᐊᕈᑎᑖᕐᓯᒪᔭᒥᒍᑦ, ᐱᔭᕇᕐᓯᒪᔪᑦ ᐱᑖᕋᔭᕐᑐᑦ:
- ᐱᒋᐅᕐᓴᑎᑕᐅᓂᕐᒧᑦ ᐃᓕᑕᕆᔭᐅᒍᑎᒥᒃ ᕿᑎᕐᖄᒍᑦ ᐱᒍᓐᓇᐅᑎᖃᕐᓂᒧᑦ ᐱᓇᓱᒍᓐᓇᓂᕐᒥᒃ (TCST)
ᐃᓕᒐᓱᐊᕈᒪᒍᓂ, ᐃᓕᓐᓂᐊᑎ ᐃᒣᒋᐊᓕᒃ:
- ᐅᑭᐅᖃᕐᓗᓂ 15-ᓂᑦ ᓯᑉᑎᒻᐱᕆ 30-ᐅᓚᐅᕐᑎᓇᒍ ᐃᓕᓐᓂᐊᓇᐅᑉ ᐊᕐᕌᒍᖓᓂ.
- ᐃᓕᓐᓂᐊᑕᖏᑦ ᐅᐸᓗᕐᓯᒪᒍᑎᒃ ᐊᕐᕌᒍᓂ ᐱᖓᓱᓂᑦ ᐅᖓᑖᓄᓪᓘᓃᑦ ᐅᑭᐅᖃᑎᒥᑦᑕ ᓴᓂᐊᓂ.
- ᐱᓪᓗᑯᑦᑐᒥᒃ ᐃᓕᓐᓂᐊᕋᕐᒥᒃ ᓴᐳᒻᒥᔭᐅᓯᒪᔫᒋᐊᓕᒃ.
- ᐃᒻᒥᒎᕐᑐᒥᒃ ᐃᓕᓐᓂᐊᓂᕐᒧᑦ ᐸᕐᓀᒍᑎᖃᕆᐊᓕᒃ (IEP).
- ᐊᖓᔪᕐᖄᖏᑦ ᐊᖏᕐᓯᒪᒋᐊᓖᑦ.
ᕿᑎᕐᖄᒍᑦ ᐱᔪᓐᓇᐅᑎᖃᕐᓂᒧᑦ ᐱᓇᓱᒐᕐᒧᑦ ᐃᓕᑕᕆᔭᐅᒍᑎᖃᕐᓗᑎᑦ (TCST), ᐃᓕᒐᓱᐊᕈᓐᓇᑐᑎᑦ:
- ᐃᓕᓐᓂᐊᕕᑐᐃᓐᓇᒥ ᐃᓕᓐᓂᐊᕈᓐᓇᑐᑎᑦ ᐊᒻᒪᓗ ᑐᖓᓕᐊᓂ ᐱᓇᓱᒐᐅᒍᓐᓇᑐᓂᒃ ᐃᓕᓐᓂᐊᓗᑎᑦ
- ᐃᓘᓐᓈᒍᑦ ᐃᓕᓐᓂᐊᑎᑕᐅᓂᖅ (GE) ᐃᓄᒻᒪᕇᑦ ᐃᓕᓐᓂᐊᕕᖓᓂ
- ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᖅ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖓᓂ (ᒪᓕᑦᓱᒋᑦ ᐃᓕᓐᓂᐊᕇᕐᓯᒪᔭᖏᑦ)
- ᐱᓇᓱᒐᕐᑖᒐᓱᐊᕐᓗᑎᑦ
============
ᕿᒥᕐᕈᑭᑦ ᐃᓘᓐᓈᒍᑦ ᐃᓕᓐᓂᐊᑎᑕᐅᓃᑦ ᓄᓇᕕᒻᒥ (ᒪᓂᒪᔭᐅᔪᑦ ᖃᓂᖕᖏᑐᒦᓐᓂᑯᑦ ᐅᕝᕙᓘᓐᓃᑦ ᖃᕆᐊᑉ ᐃᓗᐊᓂ) ➔
ᕿᒥᕐᕈᑭᒃ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓭᑦ ᒪᓂᒪᔭᐅᔪᓄᑦ ᓄᓇᕕᒻᒥ ➔
ᕿᒥᕐᕈᑭᑦ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓭᑦ ᒪᓂᒪᔭᐅᔪᑦ ᓄᓇᕕᐅᑉ ᓯᓚᑖᓂ* ➔
* ᖃᐅᔨᒪᔭᐅᒋᐊᓕᒃ: ᐃᓚᐅᔫᒍᕕᑦ 21-ᓂᑦ ᐅᑭᐅᖃᕐᓱᑎᑦ ᐅᖓᑖᓄᓪᓗ ᐊᒻᒪᓗ ᐃᓕᒐᓱᐊᕐᑐᕕᓂᐅᒍᕕᑦ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᓂᕐᒧᑦ ᐱᓇᓱᐊᕋᑦᓴᒥᒃ ᒪᓂᒪᔭᐅᔪᒥᒃ ᐃᓕᓐᓂᐊᕕᒻᒥ ᓄᓇᕕᐅᑉ ᓯᓚᑖᓃᑦᑐᒥᒃ, ᐃᑲᔪᕐᑕᐅᒍᓐᓇᕕᖃᕋᔭᕐᑐᑎᑦ ➔
ᐃᓕᑕᕆᔭᐅᒍᑎ
ᑐᑭᖓ
ᐊᓪᓚᖁᑎ ᓇᓗᓀᕐᓯᓯᒪᐅᑎ ᐱᔭᕇᕐᑕᐅᒪᔪᓂᒃ ᑐᕌᕐᓂᓕᒻᒥᒃ ᐃᓕᓐᓂᐊᓯᒪᔭᖏᓐᓂᒃ ᐱᒋᐅᕐᓴᓯᒪᔭᖏᓐᓂᓘᓐᓃᑦ, ᓀᓐᓂᓴᐅᑦᓱᓂ ᐱᔭᕇᒍᑎᕕᓂᕐᓄᑦ ᐃᓕᑕᕐᓯᒪᐅᑎᒥᒃ, ᑖᓐᓇ ᐃᓕᑕᕐᓯᒪᐅᑎᐅᑦᓱᓂ ᐱᔪᓐᓇᐅᑎᑖᕆᔭᐅᓯᒪᔪᓂᒃ ᐅᕝᕙᓘᓐᓃᑦ ᖃᐅᔨᒪᔭᖏᓐᓂ.
ᐆᑦᑑᑏᑦ
TESOL ᐃᓕᑕᕆᔭᐅᒍᑎ (ᐃᓕᓐᓂᐊᑎᑦᓯᒍᓐᓇᓂᖅ ᖃᓪᓗᓈᑎᑐᑦ ᐅᖄᓲᓄᑦ ᐊᓯᖏᓐᓂ ᐅᖃᐅᓯᓕᓐᓂ), ᐃᓕᑕᕐᓯᒪᐅᑎ ᐱᓇᓱᐊᕋᑦᓴᓂᒃ ᑲᒪᔨᐅᓂᕐᒧᑦ, ᐅᕝᕙᓘᓐᓃᑦ CPR ᐃᓕᑕᕆᔭᐅᒍᑎ.
ᐱᔭᕇᕐᓂᕃᒍᑎ
ᑐᑭᖓ
ᐃᓕᑕᕐᓯᒪᐅᑎ ᑐᓂᔭᐅᓲᖅ ᐱᔭᕇᕐᑐᕕᓂᐅᒍᓂ ᐃᓕᓐᓂᐊᑕᕕᓂᕐᒥᓂᒃ, ᐱᓗᐊᕐᑐᒥᒃ ᐳᕐᑐᓂᕐᓴᒥ ᐅᕝᕙᓘᓐᓃᑦ ᐳᕐᑐᓂᕐᓴᕆᐊᓪᓚᒥ, ᓇᓗᓀᕐᓯᐅᑎᐅᑦᓱᓂ ᐱᔪᓐᓇᓯᓯᒪᔭᖏᓐᓂᒃ ᐱᓯᒪᒋᐊᓕᒻᒥᓂᒃ ᐱᔪᓐᓇᐅᑎᑖᕐᓂᑯᑦ.
ᐆᑦᑑᑏᑦ
ᐳᕐᑐᓂᕐᓴᒥ ᐃᓕᑕᕆᔭᐅᒍᑎ (SSD), ᐃᓕᑕᕆᔭᐅᒍᑎ ᐃᓕᓐᓂᐊᕆᐊᓪᓛᕕᒻᒥ ᐃᓕᓐᓂᐊᓂᕐᒧᑦ (DEC) ᑯᐯᒻᒥ, ᐅᕝᕙᓘᓐᓃᑦ ᐃᓕᑕᕆᔭᐅᒍᑎ ᐱᓇᓱᒐᕐᓂᒥᒃ ᐊᐅᓚᑦᓯᓂᓕᕆᓂᕐᒧᑦ.
ᐃᓕᑕᕐᓯᒪᐅᑏᑦ ᐃᓕᓐᓂᐊᕆᐊᓪᓛᕕᒻᒥ ᐃᓕᓐᓂᐊᓯᒪᓂᕐᒧᑦ (ACS)
ᑐᑭᖓ
ᐃᓕᑕᕆᔭᐅᒍᑎ ᐱᓯᒪᔪᖅ ᑯᐯᒃᑯᑦ ᐃᓕᓐᓂᐊᕆᐊᓪᓛᕕᒻᒥ ᐋᕐᕿᓯᒪᐅᑎᖏᑎᒍᑦ (CEGEP), ᑐᓂᔭᐅᓲᖅ ᐱᔭᕇᕐᑐᕕᓂᐅᓂᕐᒧᑦ ᓀᑦᑐᒥᒃ, ᐱᓇᓱᒐᕐᒨᓕᖓᔪᒥᒃ ᓱᖏᐅᓯᓴᕐᓂᒧᑦ ᐱᓇᓱᐊᕋᑦᓴᒧᑦ, ᐱᔭᕇᒍᑏᑦ ᐃᒻᒥᒎᕐᑐᖏᑦ.
ᐆᑦᑑᑏᑦ
ACS ᐱᐊᕌᕈᓐᓂᑦ ᐃᓕᓐᓂᐊᓂᖅ, ACS ᖃᕆᑕᐅᔭᓕᕆᓂᕐᒥᒃ ᐃᓕᓐᓂᐊᓂᖅ, ᐅᕝᕙᓘᓐᓃᑦ ACS ᖃᕆᑕᐅᔭᑎᒍᑦ ᓂᐅᕐᕈᓭᓂᖅ. ᑕᒪᒃᑯᐊᓕᒫᑦ ᓀᑦᑐᐃᑦ, ᐱᓇᓱᒐᕐᓅᓕᖓᑦᓱᑎᒃ ᐱᓇᓱᐊᕋᑦᓭᑦ ᒪᓂᒪᔭᐅᔪᑦ ᐃᓕᓐᓂᐊᕆᐊᓪᓛᕕᓐᓂ CEGEPs.
ᖁᕝᕙᕆᐊᕈᑏᑦ ᐃᓕᓐᓂᐊᑕᐅᔪᑎᒍᑦ
ᑐᑭᖓ
ᐃᓕᓐᓂᐊᑌᑦ ᐱᒻᒪᕆᐅᓂᖏᑦ ᑐᕌᕐᓂᓖᑦ ᐃᓕᓐᓂᐊᕋᑦᓴᓂ; ᐃᓕᓐᓂᐊᑏᑦ ᓄᐊᑦᓯᓲᑦ ᐱᓯᒪᔭᐅᒋᐊᓕᓐᓂᒃ ᖁᕝᕙᕆᐊᕈᑎᓂᒃ ᐱᕙᓪᓕᐊᖁᓪᓗᒋᑦ ᐳᕐᑐᓂᕆᐊᓪᓚᒧᑦ ᐅᕝᕙᓘᓐᓃᑦ ᐱᔭᕇᒍᓯᕐᑕᐅᓗᑎᒃ, ᐃᓕᑕᕆᔭᐅᒍᑎᑖᕐᓗᑎᒃ, ᐅᕝᕙᓘᓐᓃᑦ ᐳᕐᑐᓂᓯᒋᐊᕈᑎᒥᒃ.
ᐆᑦᑑᑏᑦ
ᐃᓕᓐᓂᐊᕕᕐᔪᐊᒥ ᐃᓕᓐᓂᐊᑕᖅ ᖁᕝᕙᕆᐊᕈᑎᓕᒃ 3-ᓂᑦ, ᐳᕐᑐᓂᕐᓴᒥ ᓴᓇᑦᑐᓴᐅᑎᓕᕆᓂᕐᒥᒃ ᐃᓕᓐᓂᐊᑐᑦ ᐊᑕᐅᓯᕐᒥᒃ ᐃᒻᒥᒎᕐᑐᑖᓲᑦ, ᐅᕝᕙᓘᓐᓃᑦ ᐃᓕᓐᓂᐊᕆᐊᓪᓛᕕᒻᒥ ᐃᓕᓐᓂᐊᑐᕕᓂᐅᓗᓂ ᖁᕝᕙᕆᐊᕈᑎᑖᕐᓯᒪᒋᐊᓕᒃ 12-ᓂᑦ ᐃᓕᓐᓂᐊᑎᐅᕈᒪᒍᓂ.
ᐱᔭᕇᕐᓯᒪᔭᖏᑦ ᐊᓪᓚᓯᒪᔪᒃᑯᕖᑦ
ᑐᑭᖓ
ᐊᓪᓚᓯᒪᔪᖅ ᐃᓗᓕᑦᑕᓕᒃ ᐱᔭᕇᕐᑕᐅᒪᔪᓂᒃ ᐃᓕᓐᓂᐊᕋᕐᓂᒃ, ᐳᕐᑐᓂᓕᓐᓂᒃ, ᐊᒻᒪᓗ ᖁᕝᕙᕆᐊᕈᑎᑖᕐᓯᒪᔭᖏᑦ, ᓱᓕᓂᕃᒍᑎᐅᑦᓱᓂ ᐃᓕᓐᓂᐊᓯᒪᓕᕐᑕᖏᓐᓂᒃ ᐊᒻᒪᓗ ᐱᔪᓐᓇᐅᑎᑖᕐᓯᒪᔭᖏᓐᓂᒃ.
ᐆᑦᑑᑏᑦ
ᐃᓕᓐᓂᐊᕕᕐᔪᐊᒥ ᐊᓪᓚᓯᒪᔪᖅ, ᐳᕐᑐᓂᕐᓴᒥ ᐃᓕᓐᓂᐊᑕᕕᓃᑦ ᐊᓪᓚᓯᒪᔪᖏᑦ, ᐅᕝᕙᓘᓐᓃᑦ ᐃᓕᓐᓂᐊᓯᒪᓕᕐᑕᖏᑦᑕ ᐱᕙᓪᓕᐊᑕᖏᑦ ᑐᓴᕐᑎᓯᐅᑏᑦ ᓄᐃᑕᑎᑕᐅᔪᑦ ᖁᕝᕙᕆᐊᕈᑎᑖᕐᓯᒪᓕᕐᑕᖏᑦ.
ᐅᑭᐅᕆᔭᐅᓲᑦ ᐃᓕᓐᓂᐊᕕᓐᓂ ᐳᕐᑐᓂᓕᕇᑦᑐᓂ ᐊᒻᒪᓗ ᐅᑭᐅᑎᒎᕐᑐᑦ
ᑐᑭᖓ
ᐱᐅᓯᐅᕙᓪᓗᓲᖅ ᐃᓕᓐᓂᐊᑏᑦ ᐱᕙᓪᓕᐊᓂᖏᑎᒍᑦ (ᐆᑦᑑᑎᒋᓗᒍ ᐳᒃᑭᓂᕐᓴᒥ, ᐳᕐᑐᓂᕐᓴᒥ, ᐳᕐᑐᓂᕐᓴᕆᐊᓪᓚᒥ) ᑐᕌᕐᓱᑎᒃ ᐅᑭᐅᖏᑎᒍᑦ, ᐃᑲᔪᕐᓱᒋᑦ ᐃᓕᓐᓂᐊᑏᑦ ᐋᕐᕿᓯᒪᔪᕐᑎᒍᑦ ᐃᓕᓐᓂᐊᖃᑦᑕᓱᑎᒃ.
ᐆᑦᑑᑏᑦ
ᐳᒃᑭᓂᕐᓴᒥ ᐃᓕᓐᓂᐊᑏᑦ (ᐅᑭᐅᓖᑦ 6–12), ᐳᕐᑐᓂᕐᓴᒥ (ᐅᑭᐅᓖᑦ 12–18), ᐃᓕᓐᓂᐊᕕᕐᔪᐊᒥ (ᐅᑭᐅᓖᑦ 18+).