ᐳᕕᕐᓂᑐᖅ ᓇᔪᕐᑕᐅᔪᖅ ᓄᓇᓕᓕᒫᑦ ᓱᑯᐃᔦᓂᕐᒨᓕᖓᔪᓂᒃ ᓴᕐᕿᔮᕐᑎᓯᓂᖏᓐᓄᑦ
ᑰᑦᔪᐊᖅ, ᓄᓇᕕᒃ ᑯᐯᒃ (ᕕᕈᐊᕆ 22, 2016) – ᓄᓇᕕᒻᒥ ᓄᓇᓕᓕᒫᑦ ᓱᑯᐃᔦᓂᕐᒨᓕᖓᔪᓂᒃ ᓴᕐᕿᔮᕐᑎᓯᓂᖏᑦ ᕕᕈᐊᕆ 23-24-ᓂ ᐊᑑᑎᓛᕐᑐᖅ ᐃᑳᕐᕕᒃ ᐃᓕᓐᓂᐊᕕᒻᒥ ᐳᕕᕐᓂᑐᒥ. ᑖᒃᑯᓈᓐᓂ ᐅᓪᓘᓂ, 20 ᓱᑯᐃᔦᓂᕐᒥᒃ ᐱᓇᓱᐊᕐᑐᑦ ᓴᕐᕿᔮᕐᑎᓯᓛᕐᑐᑦ ᑐᑭᑖᕆᔨᓄᑦ ᓇᓪᓕᖏᑦ ᓵᓚᖃᓚᖓᒻᒪᑕ.
ᑕᒡᒐᓂ ᐊᕐᕌᒍᒥ ᓄᓇᕕᒻᒥ ᓄᓇᓕᓕᒫᑦ ᓱᑯᐃᔦᓂᕐᒥᒃ ᓴᕐᕿᔮᕐᑎᓯᓂᖏᑦ ᑕᑯᓯᐅᔭᕐᔪᐊᒥᐅᑦ ᐃᓕᓐᓂᐊᕕᖏᓐᓄᑦ ᐊᑑᑎᔭᐅᓛᕐᑐᖅ (ᓴᓪᓗᐃᑦ, ᐃᕗᔨᕕᒃ, ᐳᕕᕐᓂᑐᖅ, ᐊᑯᓕᕕᒃ, ᐃᓄᑦᔪᐊᖅ, ᐅᒥᐅᔭᖅ, ᑰᑦᔪᐊᕌᐱᒃ).
ᓴᕐᕿᔮᕐᑎᓯᒋᐊᕐᑐᓯᒪᔪᓂ, ᐃᓚᖏᑦ ᓄᓇᕕᒻᒥᒃ ᑭᒡᒐᑐᕈᓐᓇᓯᓛᕐᑐᑦ ᑯᐯᑉ ᓴᕐᕿᔮᕐᑎᓯᓂᖃᕐᕕᖓᓂ, 2016-ᒥ ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᕐᕿᔮᕐᑎᓯᓂᖓᓂ (ᐁᕆᓕ 5-6 Mistissini, Qc-ᒥ).
ᐊᐅᓚᑕᐅᑦᓱᑎᒃ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐃᓕᓐᓂᐊᕈᑎᓕᕆᕕᖓᓄᑦ, ᓄᓇᕕᒻᒥ ᓄᓇᓕᓕᒫᑦ ᓱᑯᐃᔦᓂᕐᒥᒃ ᓴᕐᕿᔮᕐᑎᓯᓂᖃᕐᓂᖓ ᑮᓇᐅᔭᖃᕐᑎᑕᐅᓂᒃᑯᑦ ᐃᑲᔪᕐᑕᐅᒍᑎᖃᓲᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ.
ᐅᕙᒍᑦ ᒥᑦᓵᓄᑦ:
ᑲᑎᕕᒃ ᐃᓕᓐᓂᐊᓂᓕᕆᓂᖅ (KSB) ᐱᖕᖑᑎᑕᐅᓯᒪᔪᖅ 1975-ᒥ, ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎᐅᑉ ᐊᑖᒍᑦ. 1978-ᒥᓂᒃ, ᐱᒍᑦᔨᔨᑐᐊᖑᓯᒪᔪᖅ ᐃᓕᓐᓂᐊᑎᑦᓯᓂᒃᑯᑦ ᐱᒍᑦᔨᒍᑎᓂᒃ ᒪᓂᔪᓂᒃ ᓄᓇᕕᐅᑉ ᐃᓄᖏᓐᓄᑦ. ᐃᓕᓐᓂᐊᑎᑦᓯᒍᑏᑦ ᓴᓇᔭᐅᓯᒪᔪᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᐃᓕᓐᓂᐊᑎᑦᓯᒍᑕᐅᕗᑦ ᐃᓕᓐᓂᐊᕕᓐᓂ ᓄᓇᕕᐅᑉ ᓄᓇᓕᖏᓐᓂ 14-ᓂ. ᐃᓄᒃᑎᑐᑦ ᓯᕗᓪᓕᐸᐅᑦᓱᓂ ᐅᖃᐅᓯᐅᔪᖅ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓰᑦ ᑐᖓᓪᓕᐅᓱᑎᒃ. ᑐᑭᓯᒋᐊᕈᒪᒍᕕᑦ ᐅᕙᑦᑎᓂᒃ, ᑕᑯᒋᐊᕐᓗᑎᑦ ᖃᕆᑕᐅᔭᓄᑦ ᐅᒃᑯᐃᖔᕐᕕᑎᓐᓂᒃ ᐅᕙᓂ: www.kativik.qc.ca
— 30 —
ᑐᑭᓯᒋᐊᕈᒪᕈᕕᑦ, ᐅᕗᖓ ᐅᖃᕐᓗᑎᑦ:
ᑲᐅᑦᔭᒃ ᐹᓪᓚᔮᑦ
ᑭᓇᒃᑯᑐᐃᓐᓇᓄᑦ ᑐᓴᐅᒪᖃᑎᒌᒍᑎᓕᕆᔨ
(514) 482-8220